O‘zbekiston Respublikasi Oliy Majlisi qaror qiladi:

O‘zbekiston Respublikasining quyidagi qonun hujjatlariga o‘zgartishlar va qo‘shimchalar kiritilsin:

V. O‘zbekiston Respublikasining 1992-yil 9-dekabrda qabul qilingan “Tabiatni muhofaza qilish to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1993-yil, № 1, 38-modda; O‘zbekiston Respublikasi Oliy Majlisining Axborotnomasi,1995-yil, № 6, 118-modda; 1997-yil, № 4-5, 126-modda) 31-moddasi ikkinchi qismining beshinchi xatboshisi quyidagi mazmundagi xatboshilar bilan almashtirilsin:

“O‘zbekiston Respublikasi Ichki ishlar vazirligi;

O‘zbekiston Respublikasi Qishloq va suv xo‘jaligi vazirligi;

O‘zbekiston Respublikasi Yer resurslari davlat qo‘mitasi maxsus vakolatli davlat tabiatni muhofaza qilish idoralari hisoblanadi”.

VI. O‘zbekiston Respublikasining 1993-yil 2-sentabrda qabul qilingan “Mahalliy davlat hokimiyati to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1993-yil, № 9, 320-modda; O‘zbekiston Respublikasi Oliy Majlisining Axborotnomasi, 1997-yil, № 9, 241-modda) 21-moddasining ikkinchi qismi chiqarib tashlansin.

VIII. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasi Jinoyat kodeksining (O‘zbekiston Respublikasi Oliy Kengashining Axborotnomasi, 1995-yil, № 1, 3-modda; O‘zbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9 241-modda; 1998-yil, № 5-6, 102-modda, № 9, 181-modda):

1) 182-moddasi quyidagi tahrirda bayon etilsin:

Bojxona nazoratini chetlab yoki Bojxona nazoratidan yashirib yoxud Bojxona hujjatlari va vositalariga o‘xshatib yasalgan hujjatlardan aldash yo‘li bilan foydalangan holda yoki deklaratsiyasiz yoxud boshqa nomga yozilgan deklaratsiyadan foydalanib, tovar yoki boshqa qimmatliklarni O‘zbekiston Respublikasining bojxona chegarasidan o‘tkazish:

a) ko‘p miqdorda;

b) xizmat lavozimidan foydalangan holda sodir etilgan bo‘lsa, —

mol-mulk musodara qilinib, besh yildan sakkiz yilgacha ozodlikdan mahrum qilish bilan jazolanadi.

O‘sha harakat:

a) juda ko‘p miqdorda;

b) chegarani buzib o‘tish, ya’ni bojxona xizmatining roziligini olmasdan turib, tovar yoki boshqa qimmatliklarni O‘zbekiston Respublikasining bojxona chegarasidan ochiqdan-ochiq o‘tkazish yo‘li bilan;

v) uyushgan guruh tomonidan yoki uning manfaatlarini ko‘zlab sodir etilgan bo‘lsa, —

mol-mulk musodara qilinib sakkiz yildan o‘n besh yilgacha ozodlikdan mahrum qilish bilan jazolanadi”;

2) Kodeks quyidagi mazmundagi 186¹-modda bilan to‘ldirilsin:

Etil spirti, alkogolli mahsulot va tamaki mahsulotini noqonuniy ravishda ishlab chiqarish yoki muomalaga kiritish, shunday harakatlar uchun ma’muriy jazo qo‘llanilganidan keyin sodir etilgan bo‘lsa, —

mol-mulk musodara qilinib, eng kam oylik ish haqining ellik baravaridan yetmish besh baravarigacha miqdorda jarima yoki ikki yilgacha axloq tuzatish ishlari yoxud uch yilgacha ozodlikdan mahrum qilish bilan jazolanadi.

O‘sha harakatlar:

a) ko‘p miqdorda;

b) bir guruh shaxslar tomonidan oldindan til biriktirib sodir etilgan bo‘lsa, —

mol-mulk musodara qilinib, besh yildan sakkiz yilgacha ozodlikdan mahrum qilish bilan jazolanadi”.

IX. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasi Jinoyat-protsessual kodeksining (O‘zbekiston Respublikasi Kengashining Axborotnomasi, 1995-yil, № 2, 5-modda; O‘zbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda):

1) 345-moddasining ikkinchi qismi “186” raqamidan keyin “186¹” degan raqam bilan to‘ldirilsin;

2) 405-moddasi matnidagi “yetti sutkada” degan so‘zlar “o‘n besh sutkada” degan so‘zlar bilan almashtirilsin;

3) 490-moddasi quyidagi mazmundagi ikkinchi qism bilan to‘ldirilsin:

“Nazorat instansiyasi sudi jinoyat ishini nazorat tartibda ko‘rib, kassatsiya ajrimini, agar keyin sud ajrimlari qarorlari chiqarilgan bo‘lsa, ularni ham bekor qiladi va ishni yangidan kassatsiya tartibida ko‘rib chiqishga o‘tkazadi”;

ikkinchi, uchinchi va to‘rtinchi qismlari tegishincha uchinchi, to‘rtinchi va beshinchi qismlar deb hisoblansin.

X. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasi Ma’muriy javobgarlik to‘g‘risidagi kodeksining (O‘zbekiston Respublikasi Oliy Kengashining Axborotnomasi, 1995-yil, № 3, 6-modda; O‘zbekiston Respublikasi Oliy Majlisning Axborotnomasi 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda):

1) 164-moddasi:

ikkinchi qismning sanksiyasi quyidagi tahrirda bayon etilsin:

“sotilayotgan ashyolarni musodara qilib, eng kam ish haqining besh baravaridan o‘n baravarigacha miqdorda jarima solishga sabab bo‘ladi”;

uchinchi qismning sanksiyasi quyidagi tahrirda bayon etilsin:

“fuqarolarga eng kam ish haqining besh baravaridan o‘n baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi”;

2) Kodeks quyidagi mazmundagi 175¹ va 186¹ moddalar bilan to‘ldirilsin:

Buxgalteriya hisobi va hisobotini yuritish tartibini buzish,—

mansabdor shaxslarga eng kam ish haqining besh baravaridan o‘n baravarigacha miqdorda jarima solishga sabab bo‘ladi.

Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

mansabdor shaxslarga eng kam ish haqining o‘n baravaridan o‘n besh baravarigacha miqdorda jarima sabab bo‘ladi”;

Etil spirti, alkogolli mahsulot va tamaki mahsulotini noqonuniy ravishda ishlab chiqarish yoki muomalaga kiritish,—

huquqbuzarlik ashyolarini musodara qilib, eng kam ish haqining besh baravaridan o‘n besh baravarigacha miqdorda jarima solishga sabab bo‘ladi”;

3) 227-moddasining sanksiyasi quyidagi tahrirda bayon etilsin:

“huquqbuzarlik ashyolarini musodara qilib, fuqarolarga eng kam ish haqining besh baravaridan o‘n baravarigacha, mansabdor shaxslarga esa — o‘n baravaridan o‘n besh baravarigacha miqdorda jarima solishga sabab bo‘ladi”;

4) Kodeks quyidagi mazmundagi 241¹-modda bilan to‘ldirilsin:

Xo‘jalik yurituvchi subyektlarning moliya-xo‘jalik faoliyatini tekshirish va taftish qilishlarning belgilangan tartibini buzish, —

mansabdor shaxslarga eng kam ish haqining uch baravaridan besh baravarigacha miqdorda jarima solishga sabab bo‘ladi.

Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

mansabdor shaxslarga eng kam ish haqining besh baravaridan o‘n baravarigacha miqdorda jarima solishga sabab bo‘ladi”;

5) 245-moddasining birinchi qismi “175-moddasining beshinchi qismi” degan so‘zlardan keyin “175¹-moddasida” degan so‘zlar bilan, “186” raqamidan keyin “186¹” degan, “241” raqamidan keyin esa “241¹” degan raqamlar bilan to‘ldirilsin;

6) 261-moddasining birinchi qismidagi “65-moddasining birinchi qismida (qishloq xo‘jaligi uchun mo‘ljallangan yerlar bundan mustasno), 65-moddasining ikkinchi qismida, 68-moddasida (hisobotni buzib ko‘rsatish, yerdan foydalanganlik to‘g‘risida axborot taqdim etishdan bosh tortish yoki noto‘g‘ri axborot taqdim etish bundan mustasno), 69-moddasida (qishloq xo‘jaligi uchun mo‘ljallangan yerlar bundan mustasno)” degan so‘zlar “65-moddasining ikkinchi qismida (qishloq xo‘jaligi yerlarini va boshqa yerlarni yaroqsiz holga keltirganlik bundan mustasno), 68-moddasida (shaharlar va posyolkalarning yerlariga, tabiatni muhofaza qilish, sog‘lomlashtirish, rekreatsiya maqsadlariga mo‘ljallangan yerlarga, suv fondi yerlariga oid qismi)” degan so‘zlar bilan almashtirilsin;

7) 266¹-moddasi quyidagi tahrirda bayon etilsin:

Yer resurslari davlat qo‘mitasining organlariga ushbu Kodeksning 65-moddasida (erlarni ishlab chiqarish va boshqa chiqindilar, kimyoviy va radioaktiv moddalar hamda oqova suvlar bilan ifloslantirganlik bundan mustasno), 68-moddasida (shaharlar va posyolkalarning yerlari, tabiatni muhofaza qilish, sog‘lomlashtirish, rekreatsiya maqsadlariga mo‘ljallangan yerlar, suv fondi yerlari bundan mustasno), 69-moddasida nazarda tutilgan ma’muriy huquqbuzarliklar to‘g‘risidagi ishlar taalluqlidir.

Yer resurslari davlat qo‘mitasi organlari nomidan ma’muriy huquqbuzarlik to‘g‘risidagi ishlarni ko‘rib chiqish va jarima solish tariqasida ma’muriy jazo chorasini qo‘llashga quyidagilar haqlidirlar:

O‘zbekiston Respublikasi yerlardan foydalanish va ularning muhofaza etilishini nazorat qilish bo‘yicha bosh davlat inspektori va uning o‘rinbosarlari — fuqarolarga eng kam ish haqining uch baravarigacha, mansabdor shaxslarga esa — yetti baravarigacha miqdorda;

Qoraqalpog‘iston Respublikasi, viloyatlar va tumanlari yerlardan foydalanish va ularning muhofaza etilishini nazorat qilish bo‘yicha davlat inspektorlari — fuqarolarga eng kam ish haqning ikki baravarigacha, mansabdor shaxslarga esa — besh baravarigacha miqdorda jarima solishga”.

XIII. O‘zbekiston Respublikasining 1995-yil 21-dekabrda va 1996-yil 29-avgustda qabul qilingan qonunlari bilan tasdiqlangan O‘zbekiston Respublikasi Fuqarolik kodeksining (O‘zbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda) 38-moddasi:

birinchi qismi quyidagi tahrirda bayon etilsin:

“Quyidagi fuqarolik holati hujjatlari davlat tomonidan qayd etilish kerak:

1) tug‘ilish;

2) o‘lim;

3) nikoh tuzilganligi;

4) nikohdan ajralish”;

quyidagi mazmundagi uchinchi qism bilan to‘ldirilsin:

“Farzandlikka olish, otalikni belgilash, familiya, ism va ota ismini o‘zgartirish, jinsning o‘zgartirilishi kabi voqea va faktlar ushbu moddaning birinchi qismida nazarda tutilgan fuqarolik holati hujjatlarida ularga tegishli o‘zgartishlar kiritish yo‘li bilan ifodalanadi”;

uchinchi, to‘rtinchi, beshinchi va oltinchi qismlari tegishincha to‘rtinchi, beshinchi, oltinchi va yettinchi qismlar deb hisoblansin;

oltinchi qismidagi “fuqarolik holati hujjatlarini yozish organi tomonidan sud qarori asosida” degan so‘zlar “fuqarolik holati hujjatlarini yozish organi tomonidan, manfaatdor shaxslar o‘rtasida nizo bo‘lsa yoki fuqarolik holati hujjatlaridagi yozuvlarda jiddiy tafovutlar bo‘lsa — sud qarori asosida” degan so‘zlar bilan almashtirilsin.

XIX. O‘zbekiston Respublikasining 1998-yil 28-avgustda qabul qilingan “El-yurt hurmati” ordenini ta’sis etish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1998-yil, № 9, 163-modda) bilan tasdiqlangan “El-yurt hurmati” ordeni tavsifi quyidagi tahrirda bayon etilsin:

“El-yurt hurmati” ordeni 1 mikron qalinlikdagi tilla qoplangan 925 probali kumushdan tayyorlanadi, u ikki yonbag‘ridan nurlar taralgan sakkiz qirrali yulduz shakliga ega. Yulduzning burchaklari orasida zangori rangdagi shaffof emal qoplangan taram bo‘lib taralayotgan nur tutamlari joylashgan. Yulduzning qarama-qarshi joylashgan uchlarining orasi 57 millimetr. Nurlar jo bo‘lgan aylananing diametri — 52 millimetr.

Ordenning markazida Registon maydoni tasvirlangan. Uning ortida rangli emal yuritilgan vodiylar va tog‘lar, ular uzra esa zangori osmon fonida chiqayotgan quyosh aks ettirilgan.

Maydon tasvirining atrofi qizil rangdagi emal to‘ldirilgan botiq aylana bilan o‘ralgan. Yuqorida, oq fonda “EL-YURT HURMATI” so‘zlari, aylananing pastki qismida — yashil shaffof emal qoplangan dafna shoxlari joylashgan. Tasvir va yozuvning atrofi qizil rangdagi emal to‘ldirilgan botiq aylana bilan o‘ralgan.

Ordenning orqa tomonida, pastki qismida uning tartib raqami 2 millimetr kattalikdagi shrift bilan yozilgan.

Orden O‘zbekiston Respublikasining Davlat bayrog‘i ranglaridagi muhayyar lenta sirilgan qadag‘ichga ilmoqcha va halqa yordamida ulanadi”.