|
Hujjat kuchini yo‘qotgan 01.11.2012
|
Hujjat 02.06.1995 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI XALQ XOʻJALIGIDA VEKSELLARNI QOʻLLASh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli “ Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisidagi (Oʻzbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF-4453-son Farmoni)” qaroriga asosan oʻz kuchini yoʻqotgan.
Xalq xoʻjaligida hisob-kitoblarni jadallashtirish, toʻlov intizomini mustahkamlash, xoʻjalik yurituvchi subyektlarning moliyaviy javobgarligini oshirish maqsadida Vazirlar Mahkamasi qaror qiladi:
1. Toʻlov muddati kechiktirilgan qarz majburiyati va Oʻzbekiston Respublikasi xoʻjalik yurituvchi subyektlari oʻrtasida yetkazib berilgan tovarlar (bajarilgan ishlar, koʻrsatilgan xizmatlar) uchun hisob-kitob vositasi sifatida veksel xoʻjalik oborotiga joriy etilsin.
Veksellarni chiqarish huquqi tijorat banklariga faqat Oʻzbekiston Respublikasi Markaziy banki ruxsati boʻyicha beriladi. Koʻrsatib oʻtilgan tijorat banklari ular uchun belgilangan muddatlarda Markaziy bankka tegishli hisobot topshirsinlar.
Keyingi tahrirga qarang.
Veksellar chiqarish huquqini berish, ularning muomalada boʻlishi va oʻz vaqtida toʻlanishi tartibiga rioya etish boʻyicha javobgarlik Oʻzbekiston Respublikasi Markaziy bankiga yuklansin.
Keyingi tahrirga qarang.
Keyingi tahrirga qarang.
2. Belgilab qoʻyilsinki:
vakolatli tijorat banklari bilan birga, veksellarning likvidligini taʼminlashga qodir boʻlgan korxonalar veksellar emitentlari boʻlishlari mumkin;
Keyingi tahrirga qarang.
korxonalar Oʻzbekiston Respublikasi vakolatli tijorat banklari veksellarini belgilangan tartibda shartnomalar asosida sotib olishlari mumkin;
vakolatli tijorat banklari tomonidan veksel krediti berishda pul kreditlari berishdagi kabi qoidalar qoʻllaniladi;
Keyingi tahrirga qarang.
veksel pulini toʻlash (veksel majburiyati boʻyicha toʻlov), qoidaga koʻra, emitent tomonidan veksel egasining arizasiga binoan (vekselni koʻrsatgan holda) amalga oshiriladi. Alohida hollarda, tomonlarning oʻzaro kelishuviga koʻra, toʻlov buning uchun emitentdan vakolat olgan bank tomonidan emitentning mablagʻlari hisobiga amalga oshirilishi mumkin;
vakolatli tijorat banklariga korxonalarning veksellar emissiyasi boʻyicha takliflarini koʻrib chiqish, xizmat koʻrsatiladigan emitent-korxonalarning toʻlov qobiliyatini aniqlash va tasdiqlash, veksellarning likvidlik darajasini baholash hamda ularni roʻyxatdan oʻtkazish yuklatiladi.
Keyingi tahrirga qarang.
3. Oʻzbekiston Respublikasi Markaziy banki va Moliya vazirligi tomonidan ishlab chiqilgan oʻtkazma va oddiy veksel toʻgʻrisidagi Nizom hamda korxona va tashkilotlar veksellarini chiqarish va muomalada boʻlishining vaqtinchalik tartibi maʼqullansin.
Oʻzbekiston Respublikasi Markaziy banki va Moliya vazirligi mazkur hujjatlarni tasdiqlasinlar hamda bir hafta muddatda ularni vazirliklarga, idoralarga, korporatsiyalarga, uyushmalarga, tijorat banklariga, Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga yetkazsinlar.
4. Oʻzbekiston Respublikasi Markaziy bankiga:
banklarning veksellarini chiqarish, ularning muomalada boʻlishi va ularning pulini qaytarish shartlarini roʻyxatdan oʻtkazishni amalga oshirish;
veksellar va veksel kreditlarini toʻlash boʻyicha muddati oʻtib ketgan qarzlar koʻrsatilgan holda veksellar emissiyasi hajmi yuzasidan banklar va emitent-korxonalarning har oylik hisobot berishini belgilash;
Keyingi tahrirga qarang.
emitentlarning buyurtmanomalari boʻyicha bir hafta muddatda veksel blanklarining markazlashtirilgan tartibda tayyorlanishini taʼminlash tavsiya etilsin.
5. Oʻzbekiston Respublikasi Markaziy banki vakolatli tijorat banklari bilan birgalikda:
veksel toʻlovlari tizimini bosqichma-bosqich joriy etishni tashkil qilsin, birinchi bosqichda veksellar chiqarishga ruxsatnomani banklarga, shuningdek qishloq xoʻjaligi mahsulotlari yetishtiradigan va sotadigan, veksellarning yuqori darajada likvidligini taʼminlashga qodir boʻlgan korxonalarga bersin;
Keyingi tahrirga qarang.
oʻn kun muddatda markaziy apparatlarda va joylarda veksellar bilan ishlashni tashkil etish boʻyicha tegishli boʻlinmalar tashkil etsin;
veksellarni oʻzaro hisobga olish va ularning pulini qaytarish toʻgʻrisida banklar oʻrtasida shartnomalar tuzish chora-tadbirlarini koʻrsin;
vekselning muomalada boʻlishini rivojlantirish bilan bogʻliq masalalarni ommaviy axborot vositalarida keng yoritsin, veksel bozorining va veksellar emitentlarining ahvoli toʻgʻrisidagi sharhlarni, prognozlarni eʼlon qilib borsin, veksellar boʻyicha muvaffaqiyatli ish olib borayotgan korxonalar tajribasini oʻtkazishga koʻmaklashsin.
6. Oʻzbekiston Respublikasi Adliya vazirligi:
Oʻzbekiston Respublikasi Oliy xoʻjalik sudi, Moliya vazirligi, Markaziy bank, Davlat soliq qoʻmitasi bilan birgalikda bir oy muddatda veksellar ishlatilishi munosabati bilan amaldagi qonun hujjatlariga oʻzgartirishlar va qoʻshimchalar kiritish yuzasidan tegishli takliflar taqdim etsin;
notarial idoralar tarmogʻini ancha kengaytirsin, garovni rasmiylashtirishda, jumladan amaldagi qonun hujjatlariga muvofiq garovni rasmiylashtirishning qisqa muddatlarini belgilab veksel krediti olishda xizmatlar hajmini kengaytirish yuzasidan shart-sharoitlar yaratsin;
Keyingi tahrirga qarang.
notarial idoralarga Oʻzbekiston Respublikasi Markaziy bankining hududiy boshqarmalariga veksellar masalasida bildirilgan eʼtirozlar toʻgʻrisida axborot taqdim etishni yuklasin.
Bajarilgan ishlar toʻgʻrisida bir oy muddatda Vazirlar Mahkamasiga axborot berilsin.
7. Oʻzbekiston Respublikasi Moliya vazirligi bir hafta muddatda:
veksellar, shu jumladan, muddati oʻtib ketgan veksellar bilan amalga oshiriladigan operatsiyalarni buxgalteriya hisobi va hisobotida aks ettirish tartibini belgilasin;
Adliya vazirligi bilan birgalikda notarial idoralarning qoʻshimcha qarorini tashkil etishni mablagʻ bilan taʼminlash manbalari va davlat notariuslarining soni toʻgʻrisida takliflar kiritsin.
8. Oʻzbekiston Respublikasi Vazirlar Mahkamasining 1994-yil 3-noyabrdagi 533-son qarori bilan tasdiqlangan Davlat boji stavkalari 3-bandining “a” va “b” kichik bandlariga qisman oʻzgartirish kiritilib, davlat bojining quyidagi miqdorlari belgilansin:
shartnoma roʻyxatdan oʻtkazilganligi va garov roʻyxatdan oʻtkazilganligi toʻgʻrisida guvohnoma berilganligi uchun shartnoma summasining 0,3 foizi miqdorida, biroq eng kam ish haqining oʻn baravaridan koʻp emas;
garov toʻgʻrisidagi shartnoma muddatining uzaytirilganligi uchun shartnoma summasining 0,2 foizi miqdorida, biroq eng kam ish haqining besh baravaridan koʻp emas.
Keyingi tahrirga qarang.
9. Mazkur qarorning bajarilishini nazorat qilish Bosh vazir oʻrinbosari B.S. Hamidov va Oʻzbekiston Respublikasi Markaziy banki raisi F.M. Mullajonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1995-yil 2-iyun,
204-son
(Oʻzbekiston Respublikasi Hukumatining qarorlari toʻplami, 1995-y., 6-son, 19-modda; Oʻzbekiston Respublikasi qonun hujjatlari toʻplami 2006-y., 37-38-son, 382-modda)
