|
Hujjat kuchini yo‘qotgan 22.02.2021
|
Hujjat 14.04.1992 sanasi holatiga
Amaldagi versiyaga o‘tish |
OʻZBEKISTON RESPUBLIKASI PREZIDENTI HUZURIDAGI VAZIRLAR MAHKAMASINING
qarori
KARTOShKA, MEVA-SABZAVOT MAHSULOTLARI VA QURUQ MEVANING XARID NARXLARINI OʻZGARTIRISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Meva-sabzavot mahsulotlari yetishtirishni koʻpaytirishdan jamoa xoʻjaliklarining, davlat xoʻjaliklari va boshqa qishloq xoʻjalik korxonalarining moddiy manfaatdorligini oshirish maqsadida Vazirlar Mahkamasi qaror qiladi:
1. Kartoshka, meva-sabzavot mahsulotlarining asosiy turlari va quruq mevaning cheklangan xarid narxlari 1-ilovaga muvofiq tasdiqlansin.
Oʻzbekiston Respublikasi Moliya vazirligi bir hafta muddat ichida yuqorida koʻrsatilgan ilovaga muvofiq yangi xarid narxlari preyskurantlarini manfaatdor vazirliklar va idoralarga yetkazsin.
2. Vazirlar Mahkamasining 1992-yil 21-yanvardagi 23-son qarori bilan tasdiqlangan qishloq xoʻjalik mahsulotlarini respublikadan tashqariga olib chiqib ketish tartibi asosan saqlab qolinsin.
1992-yilning 20-aprelidan boshlab korxonalar, xoʻjaliklar, tayyorlov tashkilotlari, kooperativlar, dehqon (fermer) xoʻjaliklari, ijarachilar, shaxsiy yordamchi xoʻjaliklarning egalari va fuqarolar tomonidan respublikadan tashqariga olib chiqib ketiladigan qishloq xoʻjalik mahsulotlari uchun 2-ilovaga muvofiq poshlina olish joriy qilinsin.
Belgilab qoʻyilsinki, hukumatlararo bitimlarga va bevosita oʻrnatilgan xoʻjalik aloqalariga muvofiq respublikadan tashqariga meva-sabzavot mahsulotlari yetkazib beruvchi korxonalar, xoʻjaliklar va tashkilotlar poshlina toʻlashdan ozod qilinadilar.
3. Oʻzbekiston Respublikasi Moliya vazirligi, Davlat soliq bosh boshqarmasi bir hafta muddat ichida respublikadan tashqariga olib chiqib ketiladigan meva-sabzavot mahsulotlari uchun poshlina olish miqdorlarini hisoblab chiqarish hamda toʻlash tartibini banklar va soliq inspeksiyalariga yetkazsinlar.
Vazirlar Mahkamasining Raisi I. KARIMOV
Toshkent sh.,
1992-yil 14-aprel,
188-son
Vazirlar Mahkamasining 1992-yil 14-apreldagi 188-son qaroriga
1-ILOVA
1-ILOVA
Meva-sabzavot mahsulotlarining cheklangan
XARID NARXLARI
XARID NARXLARI
| Kartoshka | |
| 1-maydan 20-iyungacha | 3750 |
| 21-iyundan mavsum oxirigacha | 3000 |
| Piyoz | |
| 21-iyundan mavsum oxirigacha | 3000 |
| Karam | |
| 21-iyuldan mavsum oxirigacha | 1600 |
| Palagi qirqilgan yangi xoʻraki sabzi | |
| 21-iyuldan 30-sentabrgacha | 2250 |
| 1-oktabrdan mavsum oxirigacha | 1500 |
| Yangi qizil pomidor | |
| 26-iyundan 20-iyulgacha | 2500 |
| 21-iyuldan 30-sentabrgacha | 1500 |
| 1-oktabrdan mavsum oxirigacha | 2500 |
| Sanoatda qayta ishlash uchun yangi qizil pomidorlar | |
| 16-iyundan 31-iyulgacha | 1600 |
| 1-avgustdan 16-noyabrgacha | 1400 |
| Yangi bodring | |
| 1-iyundan 31-iyulgacha | 2000 |
| 1-avgustdan 16-noyabrgacha | 2400 |
| Ertapishar yangi olmalar | 3750* |
| Kechpishar yangi olmalar | 3000* |
| Ertapishar noklar | 6000* |
| Kechpishar noklar | 7000* |
| Xoʻraki uzum navlari | 4500* |
| Quruq mevalar | 30000* |
| Mayiz | 34000* |
* Qishloq xoʻjaligi mahsulotining mazkur turi boʻyicha oʻrta hisobda. Aniq mahsulot turlari boʻyicha cheklangan xarid narxlari preyskurantda belgilanadi.
Keyingi tahrirga qarang.
Vazirlar Mahkamasining 1992-yil 14-apreldagi 188-son qaroriga
2-ILOVA
2-ILOVA
Respublikadan tashqariga olib chiqib ketiladigan dehqonchilik mahsulotlari uchun olinadigan
POShLINA MIQDORLARI
POShLINA MIQDORLARI
| Mahsulotlar nomi | I davr yanvar — aprel | II davr may | III davr iyun - iyul | IV davr avgust - sentyabr | V davr oktyabr — dekabr | |
|
1 |
2 | 3 | 4 | 5 | 6 | |
| Ovqatbop kartoshka | — | 2250 | 1125 | 600 | 900 | |
| Piyoz | 1500 | 2000 | 900 | 600 | 900 | |
| Karam | 1350 | 1250 | 600 | 320 | 480 | |
| Palagi qirqilgan yangi sabzi | 1125 | 1200 | 750 | 450 | 450 | |
| Qizil, nim rang va dumbul pomidorlar | 9000 |
4000 |
750 |
300 |
675 | |
| Koʻk pomidorlar | — | — | — | — | 405 | |
| Yangi bodring | 8225 | 2000 | 600 | 480 | 780 | |
| Yangi qalampir | 2000 | 1600 | 540 | 360 | 660 | |
| Baqlajon | — | 1400 | 450 | 300 | 600 | |
| Sholgʻom va turp | 1500 | 600 | 300 | 160 | 450 | |
| Qovun | 1300 | 1200 | 450 | 240 | 675 | |
| Tarvuz | 1000 | 1000 | 300 | 180 | 450 | |
| Olma | 7500 | 4000 | 1125 | 800 | 1200 | |
| Nok | 12000 | 6000 | 1800 | 1400 | 2100 | |
| Behi | 1800 | — | — | 720 | 1080 | |
| Shaftoli va oʻrik | — | 3200 | 1200 | 800 | — | |
| Olxoʻri | — | 2240 | 840 | 560 | 1500 | |
| Togʻolcha | — | 2240 | 840 | 560 | — | |
| Anor | 5000 | — | 3000 | 2000 | 3000 | |
| Uzum | 4000 | — | 1500 | 800 | 1800 | |
| Qovun qoqi | 10500 | 8400 | 6300 | 4200 | 6300 | |
| Yongʻoq | 15000 | — | — | 6000 | 9000 | |
| Shirin bodom | 15750 | — | 9450 | 6300 | 9450 | |
| Sotiladigan yeryongʻoq | 14250 | — | 8550 | 5700 | 8550 | |
| Limon | 15000 | 12000 | 9000 | 6000 | 9000 | |
| Xurmo | — | — | — | 4500 | 4500 | |
| Gul (soʻm, dona) | 2,0 | 1,5 | 1,0 | 2,0 | 2,0 | |
Eslatma: mazkur poshlina miqdorlari 10 tonnagacha mahsulotni bir marta olib chiqib ketish chogʻida belgilanadi; mahsulot 10,1 tonnadan 20 tonnagacha boʻlganida poshlina miqdori 1,5 baravar, 20 tonnadan koʻp boʻlganida — 3 baravar oshiriladi.
Keyingi tahrirga qarang.
