|
Hujjat 15.03.2019 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
“Oʻzstandart” agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti faoliyatini tashkil etish toʻgʻrisida
Keyingi tahrirga qarang.
Oʻzbekiston Respublikasi Prezidentining “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada takomillashtirish chora-tadbirlari toʻgʻrisida” 2018-yil 12-dekabrdagi PQ-4059-son qarorini ijro etish yuzasidan, shuningdek, “Oʻzstandart” agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti faoliyati samarali tashkil etilishini taʼminlash maqsadida Vazirlar Mahkamasi qaror qiladi:
Keyingi tahrirga qarang.
1. Quyidagilar:
“Oʻzstandart” agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti toʻgʻrisidagi ustav 1-ilovaga muvofiq;
Keyingi tahrirga qarang.
“Oʻzstandart” agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti (keyingi oʻrinlarda Institut deb ataladi) tuzilmasi 2-ilovaga muvofiq;
Keyingi tahrirga qarang.
Respublikada xalqaro, davlatlararo, mintaqaviy standartlarni va xorijiy mamlakatlarning standartlarini qabul qilish va qoʻllash tartibi toʻgʻrisidagi nizom 3-ilovaga muvofiq;
Standartlashtirish boʻyicha texnik qoʻmitalarning faoliyatini tashkil etish tartibi toʻgʻrisidagi nizom 4-ilovaga muvofiq tasdiqlansin.
2. Institut Toshkent shahri, Choʻponota koʻchasi, 9-V uy manzili boʻyicha operativ boshqaruv huquqi asosida joylashtirilsin.
Keyingi tahrirga qarang.
3. Oʻzbekiston standartlashtirish, metrologiya va sertifikatlashtirish agentligi:
Standartlashtirish, texnik jihatdan tartibga solish, metrologiya va sertifikatlashtirish boʻyicha kadrlarni qayta tayyorlash va malakasini oshirish tartibi toʻgʻrisidagi nizomni ikki oy muddatda tasdiqlasin;
yangidan tashkil etilayotgan Institutni zarur moddiy-texnika resurslari bilan taʼminlash, yuqori malakali kadrlar bilan toʻldirish orqali uning samarali ishlashini tashkil etsin;
manfaatdor vazirliklar va idoralar bilan birgalikda ular tomonidan qabul qilingan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyati va “Oʻzstandart” agentligi bosh direktori D.N. Sattarov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 14-mart,
220-son
Vazirlar Mahkamasining 2019-yil 14-martdagi 220-son qaroriga
1-ILOVA
1-ILOVA
“Oʻzstandart” Agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti toʻgʻrisidagi
USTAVI
Keyingi tahrirga qarang.
1-bob. Umumiy qoidalar
1. Ushbu Ustav “Oʻzstandart” Agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot institutining (keyingi oʻrinlarda Institut deb ataladi) huquqiy maqomi, asosiy vazifalari, huquq va majburiyatlarini, faoliyatini tashkil etish tartibini belgilaydi.
Keyingi tahrirga qarang.
2. Institut oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, “Oʻzstandart” Agentligining buyruqlari, qarorlariga, boshqa qonun hujjatlariga va ushbu Ustavga amal qiladi.
Keyingi tahrirga qarang.
3. Institut faoliyatini moliyalashtirish Institutga ajratiladigan budjet mablagʻlari doirasida Oʻzbekiston Respublikasi Davlat budjeti mablagʻlari hisobiga, shuningdek, amaldagi qonun hujjatlarida man qilinmagan boshqa manbalar va mablagʻlar hisobiga amalga oshiriladi.
Keyingi tahrirga qarang.
4. Institut yuridik shaxs hisoblanadi, oʻzining alohida mulkiga, mustaqil balansiga, Oʻzbekiston Respublikasi Davlat gerbi tasviri tushirilgan va davlat tilidagi oʻz nomi yozilgan muhrga, milliy va xorijiy valyutadagi hisob raqamlariga ega boʻladi.
5. Institut standartlashtirish, texnik jihatdan tartibga solish, metrologiya va muvofiqlikni baholash, kadrlar malakasini oshirish va qayta tayyorlash sohasida davlat ilmiy muassasa hisoblanadi.
6. Institutning rasmiy nomlanishi:
a) davlat tilida:
toʻliq nomi — “Standartlashtirish, sertifikatlashtirish va texnik jihatdan tartibga solish ilmiy-tadqiqot instituti” davlat muassasasi;
Keyingi tahrirga qarang.
qisqartirilgan nomi — Standartlar instituti;
b) ingliz tilida:
toʻliq nomi — State institution “Scientific-research institute for standardization, certification and technical regulation”;
Keyingi tahrirga qarang.
qisqartirilgan nomi — Institute of Standards;
v) rus tilida:
toʻliq nomi — Gosudarstvennoye uchrejdeniye “Nauchno-issledovatelskiy institut standartizatsii, sertifikatsii i texnicheskogo regulirovaniya”;
Keyingi tahrirga qarang.
qisqartirilgan nomi — Institut standartov.
7. Institut joylashgan joy (pochta manzili): Oʻzbekiston Respublikasi, Tashkent shahri, Choʻponota koʻchasi, 9-V uy.
2-bob. Institutning vazifalari va funksiyalari
8. Quyidagilar Institutning asosiy vazifalari hisoblanadi:
standartlashtirish boʻyicha tarmoq texnik qoʻmitalarining faoliyatini muvofiqlashtirish;
Keyingi tahrirga qarang.
standartlashtirish, texnik jihatdan tartibga solish, metrologiya va muvofiqlikni baholash sohalarida kadrlar malakasini oshirish va qayta tayyorlash;
standartlashtirish boʻyicha normativ hujjatlarni, shu jumladan, xoʻjalik yurituvchi subyektlar va boshqa tashkilotlarning buyurtmanomalari boʻyicha shartnoma asosida ishlab chiqish va realizatsiya qilish;
standartlashtirish, texnik jihatdan tartibga solish, metrologiya va muvofiqlikni baholash sohalarida ilmiy-tadqiqot ishlari olib borish, standartlashtirish, texnik jihatdan tartibga solish, metrologiya va muvofiqlikni baholash tizimlarining ishlashini va rivojlanishini taʼminlashda ishtirok etish va mazkur sohalarda ilmiy-texnik axborotni tarqatish, shuningdek, ularni xalqaro, davlatlararo va xorijiy mamlakatlarning milliy tizimlari bilan uygʻunlashtirish;
Keyingi tahrirga qarang.
9. Institut oʻziga yuklangan vazifalarni bajarish uchun quyidagi funksiyalarni amalga oshiradi:
a) standartlashtirish boʻyicha tarmoq texnik qoʻmitalarining faoliyatini muvofiqlashtirish sohasida:
Keyingi tahrirga qarang.
standartlashtirish boʻyicha texnik qoʻmitalar faoliyatini muvofiqlashtiradi, faoliyatini tashkil etish, tugatishda ishtirok etadi;
standartlashtirish boʻyicha texnik qoʻmitalar hamkorligini rivojlantirishni va oʻzaro yaqin hamkorlikni taʼminlaydi;
standartlashtirish boʻyicha texnik qoʻmitalarni tashkil etadi va standartlashtirish boʻyicha texnik qoʻmitalar kotibiyati faoliyatini boshqaradi;
standartlashtirish boʻyicha xalqaro texnik qoʻmitalar va mintaqaviy tashkilotlar faoliyatida hamda davlat standartlarini xalqaro darajada tarqatishda faol ishtirok etadi;
Keyingi tahrirga qarang.
b) standartlashtirish, texnik jihatdan tartibga solish, metrologiya va muvofiqlikni baholash sohalarida kadrlar malakasini oshirish va qayta tayyorlash sohasida:
standartlashtirish, texnik jihatdan tartibga solish, metrologiya va muvofiqlikni baholash sohalarida kadrlar malakasini davriy oshirish va qayta tayyorlashni, shuningdek, tasniflashtirish va kodlashtirishni amalga oshiradi;
manfaatdor vazirliklar va idoralar bilan birgalikda standartlashtirish, texnik jihatdan tartibga solish, metrologiya va muvofiqlikni baholash, shuningdek, tasniflashtirish va kodlashtirish sohasida kadrlar malakasini oshirish va qayta tayyorlash reja-jadvali tasdiqlanishini taʼminlaydi;
standartlashtirish, texnik jihatdan tartibga solish, metrologiya va muvofiqlikni baholash, tasniflashtirish va kodlashtirish masalalari boʻyicha kadrlar malakasini oshirish va qayta tayyorlash oʻquv-mavzuli rejalarini tuzadi va tasdiqlaydi;
standartlashtirish, texnik jihatdan tartibga solish, metrologiya va muvofiqlikni baholash, tasniflashtirish va kodlashtirish sohasida kadrlar malakasini oshirish va qayta tayyorlashdan oʻtgan kadrlarning yagona axborot-maʼlumot bazasini yaratadi va kuzatib boradi;
oliy taʼlim muassasalari, ilmiy-tadqiqot muassasalari, xoʻjalik boshqaruvi organlari va boshqa manfaatdor tashkilotlar, shuningdek, xususiy sektor bilan standartlashtirish, texnik jihatdan tartibga solish, metrologiya va muvofiqlikni baholash sohalarida innovatsiyalarni joriy etishga yoʻnaltirilgan oʻzaro hamkorlik qilish boʻyicha tadbirlarni ishlab chiqadi va amalga oshiradi;
bakalavriat va magistratura mutaxassisliklari uchun tegishli taʼlim yoʻnalishlarida yangi oʻquv dasturlari, darsliklar, oʻquv qoʻllanmalari yaratishga koʻmaklashish orqali oʻquv-metodik ishlarning sifati va darajasini oshiradi;
bakalavr va magistrlarni tayyorlashda ilmiy-metodik koʻmaklashadi, shuningdek, Institut bazasida standartlashtirish, texnik jihatdan tartibga solish, metrologiya va muvofiqlikni baholashning tegishli mutaxassisliklari boʻyicha oliy taʼlim muassasasidan keyingi taʼlimni tashkil etish yoʻli bilan oliy malakali ilmiy va pedagogik kadrlar tayyorlashni amalga oshiradi;
iqtisodiyot tarmoqlari uchun standartlashtirish, texnik jihatdan tartibga solish, metrologiya va muvofiqlikni baholash sohasida kadrlar malakasini oshirish va qayta tayyorlash jarayonlariga zamonaviy innovatsion pedagogik texnologiyalarni, oʻqitishning samarali shakl va usullarini joriy etadi;
standartlashtirish, texnik jihatdan tartibga solish, metrologiya va muvofiqlikni baholash sohasida mutaxassislar tayyorlovchi taʼlim muassasalari uchun ilmiy, oʻquv, oʻquv-metodik adabiyotlarning yangi avlodini nashr etishga tayyorlash ishlarida ishtirok etadi;
v) standartlashtirish boʻyicha normativ hujjatlarni ishlab chiqish va realizatsiya qilish sohasida:
xoʻjalik yurituvchi subyektlar va boshqa tashkilotlarning buyurtmanomalari boʻyicha standartlashtirish boʻyicha normativ hujjatlarni shartnoma asosida ishlab chiqadi, ekspertizadan oʻtkazadi va realizatsiya qiladi;
“Oʻzstandart” Agentligiga standartlashtirish boʻyicha normativ hujjatlarni davlat roʻyxatidan oʻtkazish uchun kiritadi;
Keyingi tahrirga qarang.
standartlashtirish boʻyicha normativ hujjatlarni ishlab chiqishda va ilmiy-metodik koʻrsatmalar berishda koʻmaklashadi;
mahsulotlar va texnologiyalarning tubdan yangi turlarini ishlab chiqarishni oʻzlashtirishga koʻmaklashadigan, shu asosda mahalliy mahsulotlarning tashqi bozorlarda raqobatbardoshligini taʼminlaydigan ilgʻor standartlarni ishlab chiqadi;
“Oʻzstandart” Agentligiga standartlashtirish boʻyicha normativ hujjatlarning yangisini ishlab chiqish, amaldagilarini qayta koʻrib chiqish yuzasidan takliflar kiritadi;
Keyingi tahrirga qarang.
umumiy va maxsus texnik reglamentlarni ishlab chiqishda ishtirok etadi;
standartlashtirish boʻyicha davlat normativ hujjatlar fondini xalqaro meʼyorlar bilan uygʻunlashtirish darajasini oshirish choralarini koʻradi;
standartlashtirish boʻyicha davlat normativ hujjatlar fondini yaratadi, yuritadi va dolzarblashtiradi, shuningdek, nazorat nusxalari saqlanishini taʼminlaydi;
standartlashtirish boʻyicha normativ hujjatlarning yillik koʻrsatkichi (katalog)ni tayyorlaydi;
standartlashtirish boʻyicha normativ hujjatlarning yagona axborot-maʼlumot bazasini yaratadi va kuzatib boradi, undan barcha manfaatdor tomonlarning shartnoma asosida foydalanishi imkoniyatini beradi;
standartlashtirish boʻyicha normativ hujjatlar axborot resurslari maʼlumotlar bazalarini shakllantirish, saqlash va foydalanishning yagona tizimini yaratadi;
standartlashtirish boʻyicha normativ hujjatlarni ishlab chiquvchilar bilan oʻzaro hamkorlik qiladi;
davlat va xoʻjalik boshqaruvi organlari, standartlashtirish boʻyicha tarmoq texnik qoʻmitalari va manfaatdor tomonlarning takliflarini inobatga olgan holda Oʻzbekiston Respublikasi davlat standartlari va tashkilotlar standartlarini ishlab chiqish va qayta koʻrib chiqishning har yilgi jadvallarini shakllantiradi;
Keyingi tahrirga qarang.
mahsulotga standartlashtirish boʻyicha normativ hujjatlarga muvofiq kataloglashtirilgan roʻyxat asosida mahsulotlarni kataloglashtiradi;
Keyingi tahrirga qarang.
Keyingi tahrirga qarang.
Keyingi tahrirga qarang.
g) standartlashtirish, texnik jihatdan tartibga solish, metrologiya va muvofiqlikni baholash sohalarida ilmiy-tadqiqot ishlarini oʻtkazishda standartlashtirish, texnik jihatdan tartibga solish, metrologiya va muvofiqlikni baholash tizimlarining ishlashini va rivojlanishini taʼminlashda ishtirok etish va mazkur sohalarda ilmiy-texnik axborotlarni tarqatish, shuningdek, ularni xalqaro, davlatlararo va xorijiy mamlakatlarning milliy tizimlari bilan uygʻunlashtirish sohasida:
standartlashtirish, texnik jihatdan tartibga solish, metrologiya va muvofiqlikni baholash sohalarida ustuvor yoʻnalishlarni shakllantirishda, fundamental va amaliy ilmiy tadqiqotlar olib borishda, innovatsion loyihalarni amalga oshirishda, shuningdek, iqtisodiyot tarmoqlari rivojlanishining zamonaviy jahon tendensiyalarini tahlil qilishda ishtirok etadi;
standartlashtirish, texnik jihatdan tartibga solish, metrologiya va muvofiqlikni baholash sohalarida ilmiy materiallarni nashr etadi;
“Oʻzstandart” Agentligiga standartlashtirish, texnik jihatdan tartibga solish, metrologiya va muvofiqlikni baholash sohalari yangi qonun hujjatlarini ishlab chiqish va amaldagilarni takomillashtirish yuzasidan takliflar kiritadi;
Keyingi tahrirga qarang.
standartlashtirish, texnik jihatdan tartibga solish, metrologiya va muvofiqlikni baholash sohalarini rivojlantirishning asosiy yoʻnalishlari, strategiyasi, istiqbolli dasturlarini ishlab chiqishda ishtirok etadi;
standartlashtirish, texnik jihatdan tartibga solish, metrologiya va muvofiqlikni baholash sohasida xalqaro amaliyotni doimiy ravishda oʻrganadi, uning natijalari boʻyicha ilgʻor amaliyotlarni joriy qilish boʻyicha takliflar kiritadi;
standartlashtirish va muvofiqlikni baholash tizimini xalqaro talablarga uygʻunlashtirish maqsadida transport vositalarini ishlab chiqaruvchilarning xalqaro identifikatsiya kodi (WMI-kod)ni beradi;
standartlashtirish, texnik jihatdan tartibga solish, metrologiya va muvofiqlikni baholash sohalarida erishilgan yutuqlarning ilmiy-texnik targʻibotini amalga oshiradi;
standartlashtirish, texnik jihatdan tartibga solish, metrologiya va muvofiqlikni baholash sohalarida, shu jumladan, manfaatdor vazirliklar, idoralar, xoʻjalik birlashmalari, oliy taʼlim muassasalari va vazirliklar va idoralarning tasarrufida boʻlgan boshqa ilmiy muassasalari bilan ilmiy-tadqiqot ishlarini amalga oshiradi;
standartlashtirish, texnik jihatdan tartibga solish, metrologiya va muvofiqlikni baholash sohalarida ilmiy konferensiyalar, seminarlar, hamkorlikdagi tadqiqotlar, loyihalar, xodimlarning tajriba almashishi va ularni oʻqitish boʻyicha xalqaro, xorijiy ilmiy-tadqiqot muassasalari, institutlar va markazlar bilan hamkorlikni rivojlantiradi;
xorijiy mamlakatlarning standartlashtirish boʻyicha milliy institutlari bilan yaqin va faol hamkorlikni amalga oshiradi;
xalqaro, mintaqaviy va davlatlararo ilmiy-texnik hamkorlikni rivojlantiradi;
muvofiqlikni baholash, shu jumladan, mahsulotlarni putur yetkazmasdan tekshirish, shuningdek, xorijiy davlatlarning sertifikatlashtirish boʻyicha ishlari natijalarini Oʻzbekiston Respublikasi qonun hujjatlarida belgilangan tartibda eʼtirof etish ishlarini tashkil etish va amalga oshirishda ishtirok etadi.
3-bob. Institutning huquq va majburiyatlari
10. Institut oʻziga yuklangan vazifalar va funksiyalarni bajarish uchun quyidagi huquqlarga ega:
davlat va xoʻjalik boshqaruvi organlari va boshqa tashkilotlardan unga yuklangan vazifalarni bajarish uchun zarur boʻlgan axborotni belgilangan tartibda soʻrash va olish;
standartlashtirish boʻyicha texnik qoʻmitalar tashkil etish, manfaatdor vazirliklar va idoralar bilan birgalikda standartlashtirish boʻyicha tarmoq texnik qoʻmitalarini tashkil etishda ishtirok etish;
Institutga yuklangan vazifalarni bajarish uchun davlat va xoʻjalik boshqaruvi organlari va boshqa tashkilotlarning, shu jumladan, xorijiy mutaxassislarni shartnoma asosida jalb qilish;
texnik reglamentlar, majburiy standartlar, metrologiya va majburiy sertifikatlashtirish qoidalariga rioya etilishi ustidan davlat nazoratining samaradorligini oshirish boʻyicha “Oʻzstandart” Agentligiga takliflar kiritish;
Keyingi tahrirga qarang.
oʻz vakolatlarini bajarish doirasida xalqaro, mintaqaviy va xorijiy tashkilotlar bilan hamkorlikni, jumladan, oʻzaro hisob-kitoblarni amalga oshirish;
standartlashtirish, texnik jihatdan tartibga solish, metrologiya va muvofiqlikni baholash tizimini rivojlantirishning dolzarb va istiqbolli vazifalarini hal qilish uchun tashkil etilgan ishchi guruhlar yigʻilishlarida ishtirok etish;
texnik jihatdan tartibga solish sohasida ekspert kengashlari va komissiyalar ishida ishtirok etish;
standartlashtirish, texnik jihatdan tartibga solish, metrologiya va muvofiqlikni baholash sohalarida dasturlar, oʻquv qoʻllanmalar, ilmiy asarlar toʻplamlari, ilmiy-amaliy konferensiyalar materiallari, metodik koʻrsatmalar, shuningdek, kadrlar malakasini oshirish va qayta tayyorlash boʻyicha qoʻllanmalar tayyorlash va nashr qilish;
oʻz vakolatlari doirasida kadrlar malakasini oshirish va qayta tayyorlash boʻyicha yoʻriqnomalar, chora-tadbirlar rejalari, jadvallar va boshqa farmoyish beruvchi hujjatlarni tasdiqlash;
standartlashtirish, texnik jihatdan tartibga solish, metrologiya va muvofiqlikni baholash sohalarida xalqaro loyihalar va dasturlarni ishlab chiqish va amalga oshirishda ishtirok etish;
mahsulotlar, xizmatlar, xodimlarni sertifikatlashtirish, mahsulotni sinash usullarini validatlash (attestatsiyadan oʻtkazish), oʻlchov va sinov vositalarini tayyorlash, kalibrlash, qiyoslash, taʼmirlash, standart namunalar, moddalar va materiallarni tayyorlash va attestatsiyadan oʻtkazish yoʻli bilan ilmiy-tadqiqot ishlarini olib borish;
standartlashtirish, texnik jihatdan tartibga solish, metrologiya va muvofiqlikni baholash sohalarida noshirlik faoliyatini amalga oshirish, ilmiy-texnik axborotni tarqatish;
aholi va turli tashkilotlarga pulli taʼlim xizmatlari, muvofiqlikni baholash boʻyicha xizmatlar, mehmonxona xoʻjaligi va umumiy ovqatlanish va boshqa xizmatlar koʻrsatish, shuningdek, qonun hujjatlarida taqiqlanmagan boshqa turdagi faoliyatni amalga oshirish;
Keyingi tahrirga qarang.
standartlashtirish, texnik jihatdan tartibga solish, metrologiya va muvofiqlikni baholash sohalarida mintaqaviy va xalqaro tashkilotlarning ishchi kengashlarida va yigʻilishlarida ishtirok etish;
xoʻjalik yurituvchi subyektlar va boshqa tashkilotlarning buyurtmanomalari boʻyicha standartlashtirsh boʻyicha normativ hujjatlarni ishlab chiqish, tarjima qilish, joriy qilishni shartnoma asosida amalga oshirish;
standartlashtirish, texnik jihatdan tartibga solish, metrologiya va muvofiqlikni baholash masalalari boʻyicha ilmiy-amaliy konferensiyalar, seminarlar, forumlar, “davra suhbatlar”i va boshqa tadbirlar oʻtkazish;
xalqaro sertifikatlashtirish tizimiga qoʻshilish, mahsulotlarni majburiy sertifikatlanadigan mahsulotlar roʻyxatiga kiritish yuzasidan takliflar tayyorlash va ularni “Oʻzstandart” Agentligiga kiritish;
Keyingi tahrirga qarang.
Keyingi tahrirga qarang.
Institut qonun hujjatlariga muvofiq boshqa huquqlarga ham ega boʻlishi mumkin.
11. Institut oʻziga yuklangan vazifalar samarali bajarilishi uchun javob beradi.
4-bob. Institut faoliyatini tashkil etish
12. Institut oʻz faoliyatida bevosita “Oʻzstandart” Agentligiga boʻysunadi va unga hisobot beradi.
Keyingi tahrirga qarang.
13. Institut faoliyatiga “Oʻzstandart” Agentligining bosh direktori tomonidan lavozimga tayinlanadigan va lavozimdan ozod etiladigan direktor umumiy rahbarlik qiladi.
Keyingi tahrirga qarang.
14. Institut direktori:
Institut vakolatiga kiradigan masalalar yuzasidan qarorlar qabul qiladi va Institutga yuklangan vazifalar va funksiyalarni amalga oshirish uchun shaxsan javob beradi;
Institutda ilmiy-tadqiqot va ilmiy-metodik ishlar olib borish uchun shart-sharoitlar yaratadi;
Institut Ilmiy kengashining tavsiyalari asosida oʻquv-mavzuli rejalar, dasturlar va ilmiy-metodik ishlar rejalarini tasdiqlaydi;
Institut faoliyatini yanada takomillashtirish boʻyicha konsepsiyalar, dasturlar va kompleks tadbirlar bajarilishini tanqidiy va chuqur tahlil qiladi;
oʻz oʻrinbosarlarining vakolatlarini belgilaydi, Institutning boshqa mansabdor shaxslarining vakolatlarini belgilaydi;
Institut xodimlari, shuningdek, Malaka oshirish va qayta tayyorlash markazi tinglovchilari, Institut mehmonxonasida yashovchi mehmonlar uchun bajarilishi majburiy boʻlgan buyruqlar, farmoyishlar, yoʻl-yoʻriqlar va koʻrsatmalar beradi;
Keyingi tahrirga qarang.
xodimlarning belgilangan umumiy soni doirasida Institutning shtat jadvali va xarajatlar smetasini tasdiqlaydi;
Institut xodimlarini belgilangan tartibda lavozimga tayinlaydi va lavozimdan ozod qiladi;
Institut nomidan xoʻjalik shartnomalari tuzadi, ishonchnomalar beradi;
“Oʻzstandart” Agentligi bilan kelishgan holda ishlarning haqiqiy hajmidan kelib chiqib zarur boʻlganda Institutning tuzilmasi va shtatdagi xodimlar soniga oʻzgartirishlar kiritadi (budjet tashkilotlarini rivojlantirish jamgʻarmasi hisobiga moliyalashtiriladigan tuzilmalar va shtat birliklari yuzasidan).
Keyingi tahrirga qarang.
Direktor qonun hujjatlarida belgilangan tartibda boshqa vakolatlarni amalga oshiradi.
15. Institut direktori “Oʻzstandart” Agentligi bosh direktori bilan kelishgan holda lavozimga tayinlanadigan va lavozimdan ozod etiladigan uch nafar oʻrinbosarga ega boʻladi.
Keyingi tahrirga qarang.
16. Direktor oʻrinbosarlari:
tarkibiy boʻlinmalar faoliyatiga bevosita rahbarlik qiladi, ushbu boʻlinmalarga yuklangan vazifalar va funksiyalar bajarilishini tashkil etadi;
“Oʻzstandart” Agentligi qarorlari, Institut direktorining buyruqlari va topshiriqlari oʻz vaqtida va sifatli bajarilishini taʼminlaydi;
Keyingi tahrirga qarang.
tarkibiy boʻlinmalarga yuklangan vazifalar bajarilishini nazorat qiladi va muvofiqlashtiradi;
tarkibiy boʻlinmalar faoliyati masalalari boʻyicha qonunchilikni takomillashtirish boʻyicha takliflarni ishlab chiqadi va ularni koʻrib chiqish uchun direktorga kiritadi;
direktorga Institutning tarkibiy boʻlinmalarida xodimlarni tanlash va joy-joyiga qoʻyish boʻyicha takliflarini kiritish, ularning kasbiy mahoratini, malakasini, amaliy tajribasini, ishchanlik va axloqiy fazilatlarini yuqori darajada taʼminlash, ularning kasbiy malakalarini oshirish, tarkibiy boʻlinmalarda kadrlar zaxirasini shakllantirish;
Institutning tarkibiy boʻlinmalari xodimlari faoliyatining samaradorligi va natijadorligini tizimli tanqidiy tahlil qiladi, yigʻilishlarda ularning shaxsiy hisobotlarini eshitadi, yakunlar boʻyicha zarur choralarni koʻradi.
17. Direktor boʻlmagan davrda uning vakolatlarini standartlashtirish boʻyicha direktor oʻrinbosari amalga oshiradi.
Keyingi tahrirga qarang.
18. Institut huzurida direktor (Ilmiy kengash raisi), faoliyatning asosiy yoʻnalishlarini muvofiqlashtiruvchi uning oʻrinbosarlari (lavozimiga koʻra), Institut tarkibiy boʻlinmalari rahbarlari, Fanlar akademiyasi vakillari, shuningdek, turdosh ilmiy-tadqiqot institutlarida va tashkilotlarda ishlovchi yetakchi olimlar, malakali mutaxassislardan iborat tarkibda Ilmiy kengash tashkil etiladi.
Institut Ilmiy kengashining shaxsiy tarkibi, aʼzolari soni va nizomi Institut direktori taqdimiga binoan “Oʻzstandart” Agentligi tomonidan tasdiqlaydi.
Keyingi tahrirga qarang.
Institut Ilmiy kengashining ish tartibi Institutning ish rejalariga muvofiq tashkil etiladi.
5-bob. Institut faoliyatini baholash mezonlari hamda uning faoliyati samaradorligi va natijadorligi ishchi indikatorlari
19. Institut faoliyati samaradorligi muntazam ravishda baholanadi.
20. Institut faoliyati samaradorligi va natijadorligini baholash “Oʻzstandart” Agentligi tomonidan tasdiqlanadigan institut faoliyatini baholash mezonlariga hamda uning faoliyati samaradorligi va natijadorligi ishchi indikatorlariga asoslanadi.
Keyingi tahrirga qarang.
21. Institut faoliyati samaradorligi va natijadorligini baholash yakunlari boʻyicha:
Institut rahbarlari va xodimlariga nisbatan ragʻbatlantirish (taqdirlash) yoki intizomiy javobgarlik choralari;
Institut faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.
22. Institut faoliyati samaradorligi va natijadorligini baholash tartibi va metodikasi qonun hujjatlarida belgilanadi.
6-bob. Yakunlovchi qoida
23. Institutni qayta tashkil etish va tugatish Oʻzbekiston Respublikasi qonun hujjatlariga muvofiq amalga oshiriladi.
LexUZ sharhiQarang: Vazirlar Mahkamasining 2023-yil 21-iyuldagi 302-son qarori bilan tasdiqlangan Davlat muassasalari toʻgʻrisidagi nizom.
Vazirlar Mahkamasining 2019-yil 14-martdagi 220-son qaroriga
2-ILOVA
2-ILOVA
“Oʻzstandart” Agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot institutining
TUZILMASI
* Oʻzbekiston Respublikasi Davlat budjeti mablagʻlari hisobiga moliyalashtiriladigan boshqaruv xodimlarning cheklangan jami soni — 10 nafar.
** Moliyalashtirish xoʻjalik faoliyatidan olinadigan oʻz mablagʻlari hisobiga amalga oshiriladi.
Yordamchi xodimlar soni qonun hujjatlari bilan belgilangan normativlar boʻyicha belgilanadi.
Keyingi tahrirga qarang.
Keyingi tahrirga qarang.
Vazirlar Mahkamasining 2019-yil 14-martdagi 220-son qaroriga
3-ILOVA
3-ILOVA
Respublikada xalqaro, davlatlararo, mintaqaviy standartlarni va xorijiy mamlakatlarining standartlarini qabul qilish va qoʻllash tartibi toʻgʻrisida
NIZOM
1-bob.Umumiy qoidalar.
1. Ushbu Nizom xalqaro, davlatlararo, mintaqaviy standartlar va xorijiy mamlakatlar standartlarini (keyingi oʻrinlarda Standartlar deb ataladi) Oʻzbekiston Respublikasida qabul qilish va qoʻllash tartibini belgilaydi.
2. Ushbu Nizomda quyidagi asosiy tushunchalardan foydalaniladi:
xalqaro standart — standartlashtirish boʻyicha xalqaro tashkilot doirasida qabul qilingan standart;
mintaqaviy yoki davlatlararo standart — standartlashtirish sohasida mintaqaviy tashkilot doirasida qabul qilingan standart;
xorijiy mamlakatning standarti — xorijiy davlatning standartlashtirish boʻyicha vakolatli organi tomonidan qabul qilingan standart;
manfaatdor tomonlar — Standartlarni qabul qilish va (yoki) ularni qoʻllashdan manfaatdor boʻlgan mahsulotlarning (xizmatlarning) tegishli turlarini ishlab chiqaruvchi yoki isteʼmol qiluvchi davlat va xoʻjalik boshqaruvi organlari va boshqa tashkilotlar.
3. Standartlarni qabul qilish uchun quyidagilar asos boʻlishi mumkin:
Oʻzbekiston Respublikasi Hukumatining topshiriqlarini bajarish maqsadida ishlab chiqilgan Standartlarni qabul qilish boʻyicha rejalar, dasturlar va tadbirlar;
“Oʻzstandart” Agentligi tomonidan tasdiqlanadigan Respublika standartlashtirish yillik dasturi;
Keyingi tahrirga qarang.
standartlashtirish boʻyicha texnik qoʻmitalarining ish rejalari;
manfaatdor tomonlarning “Oʻzstandart” Agentligiga buyurtmanomalari (murojaatlari).
Keyingi tahrirga qarang.
Respublikada xalqaro, davlatlararo, mintaqaviy standartlarni va xorijiy mamlakatlarining standartlarini qabul qilish ushbu Nizomning ilovasidagi sxemaga muvofiq amalga oshiriladi.
4. Standartlarni davlat tiliga tarjima qilish manfaatdor taraf tomonidan taʼminlanadi.
2-bob. Xalqaro standartlarni qabul qilish
5. Xalqaro standartlar Oʻzbekiston Respublikasining davlat standartlari shaklida, davlat tilida va standartning asli yozilgan tillardan birida qabul qilinadi.
Keyingi tahrirga qarang.
6. Respublikada xalqaro standartlarni qabul qilish Oʻzbekiston Respublikasi davlat standartlari shaklida quyidagicha amalga oshiriladi:
Keyingi tahrirga qarang.
IDT qisqartirma bilan belgilangan, xalqaro standartlar bilan aynan oʻxshash;
MOD qisqartirma bilan belgilangan xalqaro standartga nisbatan modifikatsiyalangan;
NEQ qisqartirma bilan belgilangan xalqaro standartlarga nisbatan ekvivalent boʻlmagan.
7. Xalqaro standartlarni Oʻzbekiston Respublikasining davlat standartlari sifatida qabul qilishga tayyorgarlik boʻyicha ish standartlashtirish boʻyicha texnik qoʻmitalari, ular boʻlmagan taqdirda — “Oʻzstandart” agentligi huzuridagi standartlashtirish, sertifikatlashtirish va texnik jihatdan tartibga solish ilmiy-tadqiqot instituti (keyingi oʻrinlarda Institut deb ataladi) tomonidan shartnoma asosida amalga oshiriladi.
Keyingi tahrirga qarang.
8. Agar Oʻzbekiston Respublikasida qabul qilinayotgan xalqaro standartda davlat standarti sifatida qabul qilinmagan standartlarga havolalar mavjud boʻlsa, ularni bir vaqtda qabul qilish ishlari olib borilishi zarur.
Keyingi tahrirga qarang.
9. Havola qilinadigan xalqaro standartlarni bir vaqtda qabul qilish ishlari olib borilayotganida, birinchi oʻrinda, qabul qilinayotgan xalqaro standart bilan chambarchas bogʻliq boʻlgan va uning talablari bajarilishini taʼminlaydigan havola qilinadigan xalqaro standartlarning ahamiyati hisobga olinishi zarur.
10. Oʻzbekiston Respublikasining davlat standarti quyidagi hollarda xalqaro standartlar bilan aynan oʻxshash hisoblanadi:
Oʻzbekiston Respublikasi davlat standarti texnik tarkibi, tuzilishi va mazmuni jihatidan aynan oʻxshash boʻlsa;
Oʻzbekiston Respublikasi davlat standarti texnik tarkibi jihatidan aynan oʻxshash, biroq, unga tahririy oʻzgartirishlar kiritilishi mumkin.
Keyingi tahrirga qarang.
11. Xalqaro standartga aynan oʻxshash boʻlgan Oʻzbekiston Respublikasi davlat standartini qabul qilishda, xalqaro standartning identifikatsiya raqami titul varaqda aynan oʻxshash xalqaro standartning raqami koʻrsatilgan holda saqlab qolinadi.
Keyingi tahrirga qarang.
Masalan: Oʻz DSt ISO 5524:2017 (ISO 5524:1991, IDT).
Keyingi tahrirga qarang.
12. Oʻzbekiston Respublikasi davlat standarti quyidagi shartlar bilan xalqaro standartga nisbatan modifikatsiyalangan hisoblanadi:
Keyingi tahrirga qarang.
identifikatsiyalangan va tushuntirish berilgan texnik ogʻishlarni oʻz ichiga olgan;
identifikatsiyalangan va tushuntirish berilgan hamda har ikkala standart tuzilmasini oddiy taqqoslash imkoni boʻlsagina oʻzgartirish kiritishga ruxsat beriladigan xalqaro standartning (xalqaro hujjatning) tuzilmasini aks ettiradi;
xalqaro standartlarga havolalarni almashtirishi mumkin boʻlgan normativ havolalar shaklida Oʻzbekiston Respublikasi davlat standartlari mavjud boʻlmasa — har bir havola oʻrniga havola qilinadigan xalqaro standart mazmunini (uning boʻlimlari, boʻlinmalari, bandlarini, kichik bandlari, ilovalarini) muqobil almashtirishi mumkin boʻlgan qoida keltiriladi;
Keyingi tahrirga qarang.
qoʻllaniladigan xalqaro standart matnida aynan oʻxshash yoki modifikatsiyalangan davlat standartlari sifatida qabul qilingan boshqa xalqaro standartlarga havolalar boʻlsa — oʻzgartirilgan standart loyihasini tayyorlashda xalqaro standartlarga havolalar oʻrniga ular bilan uygʻunlashtirilgan davlat standartlariga havolalardan foydalanadi.
Keyingi tahrirga qarang.
Modifikatsiyalangan standart matnida xalqaro standartga havola oʻrniga bir xil standartlashtirish obyektiga (mahsulot, jarayon yoki xizmat) tatbiq etiladigan, biroq havola qilinadigan xalqaro standartlar bilan uygʻunlashtirilmagan davlat standartiga havola qilishga ruxsat etiladi.
Keyingi tahrirga qarang.
13. Xalqaro standartga nisbatan modifikatsiyalangan Oʻzbekiston Respublikasining davlat standartini qabul qilishda, xalqaro standartning identifikatsiya raqami titul varaqda aynan oʻxshash xalqaro standartning raqami koʻrsatilgan holda saqlab qolinadi.
Masalan: Oʻz DSt 9227:2015 (ISO 9227:2012, MOD)
Keyingi tahrirga qarang.
14. Oʻzbekiston Respublikasining davlat standarti quyidagi shartlarda xalqaro standartga nisbatan noekvivalent hisoblanadi:
Keyingi tahrirga qarang.
identifikatsiyalanmagan va ularni kiritish sabablari tushuntirilmagan texnik ogʻishlarni oʻz ichiga olgan;
identifikatsiyalanmagan va tushuntirilmagan, tuzilmasida xalqaro standart bilan oddiy taqqoslashni taʼminlamaydigan oʻzgarishlarga ega;
xalqaro standart talablarining katta boʻlmagan (miqdori va/yoki ahamiyati jihatidan) qismini oʻz ichiga olgan.
15. Xalqaro standartga nisbatan noekvivalent Oʻzbekiston Respublikasining davlat standartini qabul qilishda, xalqaro standartning identifikatsiya raqami tartib raqamiga qoʻyilmaydi. Noekvivalent xalqaro standartning raqami titul varaqqa yozib qoʻyiladi.
Masalan: Oʻz DSt 3722:2014 (ISO 3290-1:2008, NEQ).
Keyingi tahrirga qarang.
3-bob. Mintaqaviy yoki davlatlararo standartlarni qabul qilish
16. Respublikada mintaqaviy standartlarni qabul qilish standartning identifikatsiya raqamini davlat tilida va standartning asli yozilgan tillardan birida saqlangan holda bevosita qabul qilish orqali amalga oshiriladi.
17. Mustaqil Davlatlar Hamdoʻstligi aʼzo — mamlakatlarining standartlashtirish, metrologiya va sertifikatlashtirish boʻyicha Davlatlararo kengashi doirasida qabul qilinadigan standartlar Davlatlararo kengashning standartlashtirish boʻyicha ishlarni olib borish qoidalariga muvofiq qabul qilinadi.
18. Agar qabul qilinadigan hududiy yoki davlatlararo standartlarda respublikada qabul qilinmagan boshqa xalqaro, mintaqaviy yoki davlatlararo standartlarga havolalar boʻlsa, ularni bir vaqtda qabul qilish boʻyicha ishlar olib borilishi kerak.
19. Xalqaro, mintaqaviy yoki davlatlararo standartlarni bir vaqtning oʻzida qabul qilish boʻyicha ish olib borishda, birinchi navbatda qabul qilinayotgan mintaqaviy yoki davlatlararo standart bilan chambarchas bogʻliq boʻlgan va ularning talablari bajarilishini taʼminlaydigan havola qilingan standartlarni qabul qilish muhimligini hisobga olish kerak.
4-bob. Xorijiy mamlakatlarning standartlarini qabul qilish
20. Respublikada xorijiy mamlakatlarning standartlarini qabul qilish standartning identifikatsiya raqamini davlat tilida hamda standartning asli yozilgan tillardan birida toʻgʻridan-toʻgʻri qoʻllash yoʻli bilan amalga oshiriladi.
Keyingi tahrirga qarang.
21. Xorijiy mamlakatlarning standartlashtirish boʻyicha vakolatli organlaridan olingan ushbu mamlakatlarning standartlarini qoʻllash toʻgʻrisidagi rozilik respublikada xorijiy mamlakatlarning standartlarini qabul qilish uchun asos hisoblanadi.
22. Qabul qilinayotgan xorijiy mamlakatlar standartida respublikada qabul qilinmagan boshqa Standartlarga havolalar mavjud boʻlsa, ularning bir vaqtda qabul qilinishi boʻyicha ishlar olib borilishi kerak.
23. Havola qilingan Standartlarni bir vaqtning oʻzida qabul qilish boʻyicha ish olib borishda, birinchi navbatda qabul qilinayotgan xorijiy mamlakatning standarti bilan chambarchas bogʻliq boʻlgan va ularning talablari bajarilishini taʼminlaydigan havola qilingan Standartlarni qabul qilish muhimligini hisobga olish kerak.
5-bob. Standartlarni kelishish va qoʻllash tartibi
24. Standartlarni qabul qilish boʻyicha “Oʻzstandart” Agentligiga ariza tushganidan soʻng, “Oʻzstandart” Agentligi besh kundan ortiq boʻlmagan muddatda xorijiy mamlakatlarning standartlarini qoʻllash toʻgʻrisida roziligini olish uchun ushbu mamlakatlarning vakolatli organlariga soʻrov yuboradi.
Keyingi tahrirga qarang.
25. Qabul qilinayotgan Standartlarni manfaatdor tomonlar bilan kelishish standartlashtirish boʻyicha texnik qoʻmitalari, ular boʻlmagan taqdirda — Institut tomonidan amalga oshiriladi.
26. Qabul qilinayotgan Standart manfaatdor tomonlar tomonidan oʻn besh kundan ortiq boʻlmagan muddatda koʻrib chiqiladi va ushbu standartni respublikada qabul qilishning maqsadga muvofiqligi (maqsadga muvofiq emasligi) boʻyicha takliflar kiritiladi.
27. Manfaatdor tomonlar tomonidan oʻn besh kun mobaynida takliflar kiritilmasa, ushbu Standart kelishilgan hisoblanadi.
28. Kelishish natijalariga koʻra standartlashtirish boʻyicha texnik qoʻmitalari (ular boʻlmagan taqdirda — Institut) besh kun muddatda “Oʻzstandart” Agentligiga ushbu Standartni respublikada qabul qilish maqsadga muvofiqligi yoki muvofiq emasligi toʻgʻrisidagi xulosani taqdim etadi.
Keyingi tahrirga qarang.
29. Standartlarni Oʻzbekiston Respublikasi hududida qoʻllash maqsadga muvofiqligi yoki maqsadga muvofiq emasligi toʻgʻrisida “Oʻzstandart” Agentligi tomonidan besh kundan ortiq boʻlmagan muddatda qaror qabul qilinadi.
Standartlarni Oʻzbekiston Respublikasi hududida qoʻllash maqsadga muvofiq boʻlmagan hollarda “Oʻzstandart” Agentligi manfaatdor tomonlarga asoslangan rad javobini yuboradi.
Keyingi tahrirga qarang.
30. Standartlar ularni amalga kiritish toʻgʻrisida qaror qabul qilingan kundan boshlab uch oydan kechikmay kuchga kiradi.
Amaldagi davlat standarti oʻrniga Standart qabul qilingan taqdirda oʻn ikki oydan koʻp boʻlmagan oʻtish davri nazarda tutiladi.
Keyingi tahrirga qarang.
31. Oʻzbekiston Respublikasi hududida qabul qilingan Standartlar texnik jihatdan tartibga solish sohasidagi normativ hujjatlarning Davlat fondi tarkibiga kiritiladi.
32. “Oʻzstandart” Agentligi, qabul qilingan standartlar reyestrini yuritadi.
Oʻzbekiston Respublikasi hududida qabul qilingan Standartlar toʻgʻrisidagi maʼlumot “Oʻzstandart” Agentligi va Institutning rasmiy saytlarida qoʻllash haqidagi qaror qabul qilingandan soʻng 5 kundan kech boʻlmagan muddatda eʼlon qilinadi.
Keyingi tahrirga qarang.
33. Xalqaro, davlatlararo, mintaqaviy standartlar va xorijiy mamlakatlarning standartlari ularni qoʻllash doirasiga muvofiq Oʻzbekiston Respublikasi hududida davlat va xoʻjalik boshqaruvi organlari, xoʻjalik yurituvchi subyektlar va boshqa manfaatdor tomonlar tomonidan qoʻllaniladi.
6-bob. Yakunlovchi qoidalar
34. Standartlar va ularga kiritilgan oʻzgarishlarni nashr qilish va qayta nashr qilish ularni tasdiqlagan xalqaro, davlatlararo, mintaqaviy tashkilotlar va xorijiy mamlakatlarning standartlashtirish boʻyicha milliy organlari tomonidan amalga oshiriladi.
35. Oʻzbekiston Respublikasi hududida qabul qilingan standartlarni va ularga oʻzgarishlarni qabul qilish ularni tasdiqlagan tegishli xalqaro, davlatlararo, mintaqaviy tashkilotlar va xorijiy mamlakatlarning milliy organlari bilan tuzilgan bitimlarga va shartnomalarga muvofiq amalga oshiriladi.
Respublikada xalqaro, davlatlararo, mintaqaviy standartlarni va xorijiy mamlakatlarining standartlarini qabul qilish va qoʻllash tartibi toʻgʻrisida Nizomga
ILOVA
ILOVA
Respublikada xalqaro, davlatlararo, mintaqaviy standartlarni va xorijiy mamlakatlarining standartlarini qabul qilish
SXEMASI
Keyingi tahrirga qarang.
Vazirlar Mahkamasining 2019-yil 14-martdagi 220-son qaroriga
4-ILOVA
4-ILOVA
Standartlashtirish boʻyicha texnik qoʻmitalarning faoliyatini tashkil etish tartibi toʻgʻrisida
NIZOM
1-bob. Umumiy qoidalar
1. Ushbu Nizom standartlashtirish boʻyicha texnik qoʻmitaning (keyingi oʻrinlarda TQ deb ataladi) faoliyatini tashkil etish, tugatish tartibi, asosiy funksiyalarini, TQ doirasida ishlarni amalga oshirish va qarorlar qabul qilish tartibini belgilaydi.
2. Ushbu Nizomning maqsadlari uchun quyidagi asosiy tushunchalardan foydalaniladi:
standartlashtirish boʻyicha texnik qoʻmita — faoliyatning biriktirilgan sohasi boʻyicha milliy, mintaqaviy, davlatlararo va xalqaro standartlashtirish ishlarini amalga oshirish boʻyicha manfaatdor tomonlarning hamkorlik qilish shakli;
masʼul kotib — TQ ishlarini yurituvchi shaxs;
manfaatdor tomon — standartlarni qabul qilish va qoʻllashdan manfaatdor boʻlgan tegishli mahsulot (xizmat) turlarini ishlab chiqaruvchi yoki isteʼmol qiluvchi davlat va xoʻjalik boshqaruvi organlari va boshqa tashkilotlar;
standartlashtirish sohasi — standartlashtirishning oʻzaro bogʻliq obyektlari majmui;
standartlashtirish tizimi — standartlashtirish boʻyicha ishlarni amalga oshirishning umumiy tashkiliy-texnik qoidalarini tartibga soluvchi tizim;
3. TQ oʻz ishida:
Oʻzbekiston Respublikasi qonun hujjatlariga;
Oʻzbekiston Respublikasi aʼzo boʻlgan standartlashtirish boʻyicha xalqaro va mintaqaviy tashkilotlarning hujjatlariga;
Oʻzbekiston Respublikasi qoʻshilgan standartlashtirish sohasidagi xalqaro shartnomalar va bitimlarga;
Oʻzbekiston standartlashtirish, metrologiya va sertifikatlashtirish agentligi (keyingi oʻrinlarda Agentlik deb ataladi) tomonidan ushbu Nizomga 1-ilovaga muvofiq shaklda tasdiqlanadigan standartlashtirish boʻyicha texnik qoʻmita toʻgʻrisidagi namunaviy nizomga amal qiladi.
Keyingi tahrirga qarang.
4. TQ faoliyatiga umumiy rahbarlikni Agentlik, uning faoliyatini monitoring qilish va muvofiqlashtirish, axborot-texnik jihatdan qoʻllab-quvvatlash va kuzatib borish — Standartlashtirish, sertifikatlashtirish va texnik jihatdan tartibga solish ilmiy-tadqiqot instituti tomonidan amalga oshiriladi (keyingi oʻrinlarda Institut deb ataladi).
Keyingi tahrirga qarang.
2-bob. Standartlashtirish boʻyicha texnik qoʻmitaning tuzilmasi
5. TQ tuzilmasiga quyidagilar kiradi: rais, rais oʻrinbosari (zarur boʻlganda), masʼul kotib, TQga aʼzo-tashkilotlar.
6. TQga rais boshchilik qiladi.
Rais, rais oʻrinbosari tashkilotlar rahbarlari, rahbar oʻrinbosarlari, bosh konstruktorlar, bosh texnologlar va TQ aʼzolari boʻlgan boʻlimlar rahbarlaridan saylanadi.
7. TQ kotibiyati ishiga TQ masʼul kotibi rahbarlik qiladi.
Masʼul kotib TQ kotibiyatini boshqaruvchi tashkilot xodimlaridan tanlanadi.
8. TQ faoliyatiga tegishli tartibga solish sohasiga taalluqli boʻlgan davlat va xoʻjalik boshqaruv organi vakili boʻlmagan TQ kotibiyati Institut tomonidan yuritiladi.
9. TQ tuzilmasida TQ faoliyatining ayrim sohalari boʻyicha ishlarning muayyan qismini bajarish uchun TQ faoliyati sohalari tegishlicha chegaralangan holda quyi qoʻmitalar tuzilishi mumkin.
Standartlashtirish boʻyicha quyi qoʻmitani tuzish uchun kamida uchta TQga aʼzo tashkilot uning ishida ishtirok etishga tayyorligini bildirishi kerak.
10. Quyi qoʻmitalarni tuzish, ularning raislari va masʼul kotiblarini tayinlash ushbu Nizomning 53-bandiga muvofiq TQga aʼzo tashkilotlarning ovoz berishi orqali amalga oshiriladi.
11. TQ doirasida aniq loyiha boʻyicha ishlarni tashkil etish uchun quyi qoʻmita ushbu Nizomning 32-bandiga muvofiq TQga aʼzo tashkilotlar va manfaatdor tomonlardan tashkil topgan ishchi guruhlarni tashkil etishi mumkin.
Ishchi guruhlarni tuzish, ularning rahbarlarini tayinlash ushbu Nizomning 53-bandiga muvofiq TQga aʼzo tashkilotlarning ovoz berishi orqali amalga oshiriladi
Ishchi guruhning faoliyati loyiha tugagandan soʻng toʻxtatiladi.
12. TQ tuzilmasi va tarkibining oʻzgarishi toʻgʻrisidagi axborot qaror qabul qilingan kundan boshlab oʻn kun mobaynida Institutga yuboriladi.
3-bob. TQ faoliyatini tashkil etish va tugatish
13. Har qanday manfaatdor tomon TQni tashkil etish tashabbusi bilan chiqish huquqiga ega.
14. TQ faoliyatini taʼminlash TQ kotibiyati tomonidan amalga oshiriladi.
TQ kotibiyati faoliyatning Institut, muayyan sohalariga va mahsulot turlariga, uni ishlab chiqarish, ekspluatatsiya qilish (foydalanish), saqlash, tashish (transportda tashish), realizatsiya va utilizatsiya qilish jarayonlariga ixtisoslashgan yoki ishlarni bajarish va xizmatlar koʻrsatishga hamda ushbu sohada eng yuqori ilmiy-texnik salohiyatga ega boʻlgan yetakchi ilmiy-tadqiqot institutlari yoki boshqa manfaatdor tomonlar tomonidan yuritiladi.
15. TQ kotibiyatini yuritishni rejalashtirayotgan tashkilot quyidagilarga ega boʻlishi lozim:
TQ faoliyatining tegishli sohasida oʻqigan va ish tajribasiga ega boʻlgan standartlashtirish sohasidagi mutaxassislar;
zarur moddiy-texnik baza va aloqa vositalari;
hujjatlarni chet tilidan davlat tiliga tarjima qilishni tashkil etish imkoniyati.
16. TQni shakllantirish uchun tashabbus koʻrsatuvchi standartlashtirish boʻyicha texnik qoʻmitaning ishida ishtirok etish uchun TQ va uning taxmin qilingan faoliyat sohasini tuzish zarurati asoslarini keltirgan holda ushbu Nizomning 2-ilovasiga muvofiq shakl boʻyicha standartlashtirish boʻyicha texnik qoʻmitasining namunaviy ish dasturi loyihasiga va TQ toʻgʻrisidagi nizom loyihasiga binoan standartlarning davlatlararo tasniflagichiga muvofiq kodlar bilan standartlashtirish obyektlarini oʻz ichiga olgan taklif-xatni Institutga, shuningdek, barcha manfaatdor shaxslarga yuboradi.
17. Manfaatdor tomonlarning koʻpchiligiga TQni tuzishni boshlash haqida maʼlumot berish uchun Institut, Agentlik va Institutning rasmiy saytida tegishli xabarnomani joylashtiradi.
18. TQ tarkibi manfaatdor shaxslarning manfaatlarini hisobga olgan holda quyidagilarning vakillaridan shakllantiriladi:
TQ faoliyati sohasiga tegishli sohaga taalluqli boʻlgan tartibga solish doirasiga doir davlat va xoʻjalik boshqaruv organlari;
TQ faoliyati sohasiga tegishli mahsulotlar ishlab chiqaruvchilar (isteʼmolchilar) boʻlgan tashkilotlar;
TQ faoliyati sohasiga tegishli mahsulotlar isteʼmolchilari (buyurtmachilari) boʻlgan tashkilotlar;
isteʼmolchilarning jamoat birlashmalari;
ilmiy-tadqiqot institutlari, taʼlim muassasalari;
Institut;
muvofiqlikni baholash organlari va boshqalar.
19. TQ kotibiyatini yuritishni rejalashtiradigan tashkilot TQ faoliyatida ishtirok etish istagini bildirgan manfaatdor shaxslar vakillarining tashkiliy yigʻilishini oʻtkazadi, unda standartlarning davlatlararo tasniflagichi kodlari bilan standartlashtirish obyektlari, TQ toʻgʻrisidagi nizom loyihasi, TQning ish dasturi koʻrsatilgan holda TQ faoliyati sohasi maʼqullanishi kerak hamda rais, rais oʻrinbosar(lar)i va masʼul kotib lavozimlariga nomzodlar koʻrsatiladi.
Oʻtkazilgan tashkiliy yigʻilish natijalariga koʻra barcha ishtirokchilar tomonidan imzolangan bayonnoma tuziladi.
TQni tuzish toʻgʻrisidagi taklif kamida beshta manfaatdor shaxs tomonidan qoʻllab-quvvatlanishi kerak.
TQ toʻgʻrisidagi nizom loyihasi TQ raisi lavozimiga taklif etiladigan vakil tashkilotning boshligʻi (rahbar oʻrinbosari) va TQ kotibiyatini yuritishni rejalashtirgan tashkilot rahbari (rahbar oʻrinbosari) bilan kelishilishi kerak.
20. TQ kotibiyatini yuritishni rejalashtirgan tashkilot TQ toʻgʻrisidagi nizom loyihasi (qogʻoz va elektron tashuvchi) bilan TQni tuzish boʻyicha qaror qabul qilish haqida maʼqullangan materiallarni, TQning ish dasturini, TQ tarkibini (TQga aʼzo tashkilotlar roʻyxati) Institutga yuboradi.
21. Institut Agentlikning TQni tashkil etish toʻgʻrisidagi buyrugʻi loyihasini bir haftalik muddatda tayyorlaydi va belgilangan tartibda tasdiqlashga taqdim etadi, unda TQning nomi mavjud boʻladi, kotibiyatni yuritish vazifasi yuklangan tashkilot, TQ faoliyati sohasi, TQ nizomi, uning tarkibi belgilanadi.
Keyingi tahrirga qarang.
22. Agentlik bir hafta muddatda buyruqni qabul qiladi va uning nusxasini Institut va TQ kotibiyatiga yuboradi.
Keyingi tahrirga qarang.
23. Identifikatsiya va hisoblash maqsadlari uchun tuzilgan TQga “STQ” (Standartlashtirish texnik qoʻmitasi) harflaridan, identifikatsiya (tartib) raqami va TQ nomidan tashkil topgan belgilar beriladi.
Identifikatsiya (tartib) raqamlari Agentlik tomonidan tuzilgan va TQ yagona reyestriga kiritilgan tartibda beriladi va quyidagi maʼlumotlarni oʻz ichiga oladi:
Keyingi tahrirga qarang.
TQni roʻyxatga olish tartib raqami;
TQ nomi;
qoshida TQ tuzilgan manfaatdor tomon nomi;
TQ faoliyati sohasi;
TQ faoliyati tugatilganda uning raqami boshqa TQga berilmaydi.
24. Har bir quyi qoʻmita oʻz identifikatsiya (tartib) raqami va nomiga ega boʻladi. Quyi qoʻmitaning belgilanishi “STQQ” harflari, quyi qoʻmita raqami va uning nomini oʻz ichiga oladi.
Quyi qoʻmitalar tuzilgan tartibda raqamlanadi. Quyi qoʻmitaning faoliyati tugatilganda uning raqami boshqa quyi qoʻmitaga berilmaydi.
25. TQ toʻgʻrisidagi tasdiqlangan nizom, TQ tarkibi va TQ ish dasturi Institutning saytiga joylashtiriladi.
26. TQ faoliyati quyidagi hollarda tugatilishi mumkin:
tashkil etilish maqsadidagi ishlarni bajarilishi yakuniga yetganda;
TQ faoliyati sohasida oʻn ikki oy davomida ishning mavjud emasligi;
ushbu Nizomning 53-bandiga muvofiq ovoz berish;
TQga aʼzo — tashkilotlarning soni beshtadan kamayganda;
TQ faoliyatining samaradorligini baholashning salbiy natijalari.
TQ faoliyatining toʻxtatilishi TQ yigʻilishi bayonnomasini taqdim etish yoki Institut taklifiga binoan Agentlikning qarori bilan rasmiylashtiriladi
Keyingi tahrirga qarang.
27. TQ yagona reyestri Agentlik va Institutning rasmiy saytlarida joylashtiriladi.
4-bob. Standartlashtirish boʻyicha texnik qoʻmitaning tarkibi
28. TQda aʼzolikning bir toifasi — teng huquqli aʼzolik belgilanadi.
29. Agar manfaatdor tomon TQga biriktirilgan bir yoki bir nechta standartlarni ishlab chiqish, moliyalashtirishdan yoki TQ faoliyat sohasidagi ishlardan manfaatdor boʻlsa, TQ tarkibiga kirish huquqiga ega.
Manfaatdor tomon TQ kotibiyatiga (agar TQ tashkil etish jarayonida boʻlsa — TQ kotibiyatini yuritishni rejalashtirayotgan tashkilotga) TQ ishida ishtirok etish uchun tashkilotning doimiy vakolatli vakilining bogʻlanish maʼlumotlari (F.I.Sh., lavozimi, telefon raqami, elektron pochta manzili) koʻrsatilgan xatni yuboradi. Zarur boʻlganda TQ ishida ovoz berish huquqiga ega boʻlmagan boshqa vakillar ishtirok etishi mumkin.
TQga aʼzo tashkilot oʻn kun mobaynida TQning masʼul kotibiga doimiy vakolatli vakilining bogʻlanish maʼlumotlarining oʻzgarganligi haqida xabar berishi kerak.
30. Doimiy vakolatli vakillar TQ kotibiyati bilan aloqada boʻlib, tashkilotning rahbariyatiga kerakli maʼlumotlar berib, TQga aʼzo tashkilot nomidan ovoz beradi.
31. Mavjud TQga tarkibiga kirish toʻgʻrisidagi manfaatdor tomonlarning soʻrovlari olinganda uning masʼul kotibi TQning barcha aʼzo tashkilotlarga tanishish uchun axborot yuboradi.
TQ masʼul kotibi Institutga TQ tarkibiga oʻzgartirish kiritilganligi haqida axborot yuboradi.
32. TQ oʻtkazadigan ishlarda manfaatdor shaxslar, alohida mutaxassislar, shuningdek, xalqaro va mintaqaviy tashkilotlarning vakillari ovoz berish huquqisiz ishtirok etishi mumkin.
33. Agar TQga aʼzo tashkilot muntazam ravishda TQ faoliyatida ishtirok etmasa (ketma-ket uch marotabadan koʻp), asosli sabablarsiz ishlab chiqilayotgan standartlar yuzasidan ovoz bermasa yoki TQ nizomida belgilangan boshqa tartib-taomillarga rioya qilmasa, kotibiyat unga ogohlantirish yuborish huquqiga ega. Agar ogohlantirishdan soʻng bir yil davomida TQga aʼzo tashkilot oʻzining majburiyatlarini tegishli boʻlmagan koʻrinishda bajarishda davom etsa, u ushbu Nizomning 53-bandiga muvofiq ovoz berish yoʻli bilan TQ tarkibidan chiqarib tashlanishi mumkin.
TQning masʼul kotibi qabul qilingan qaror haqidagi axborotni Institutga yuboradi.
34. TQ tarkibidan chiqish toʻgʻrisida qaror qabul qilishda TQga aʼzo — tashkilot chiqish sanasidan kamida ikki oy oldin TQ kotibiyatini ogohlantirishi kerak.
TQning masʼul kotibi ushbu axborotni Institutga yuboradi.
35. TQ tarkibidagi oʻzgarishlar (qoʻshilish, chiqarib tashlash, chiqish) Agentlikning buyrugʻi bilan rasmiylashtiriladi, nusxasi TQga va Institut kotibiyatiga yuboriladi.
5-bob. Standartlashtirish boʻyicha texnik qoʻmitalarning vazifalari va funksiyalari
36. Quyidagilar TQning asosiy vazifalari hisoblanadi:
standartlashtirish tizimlarining faoliyatini va rivojlanishini taʼminlashda qatnashish, xalqaro standartlarni qoʻllash asosida uni xalqaro, davlatlararo tizimlar bilan uygʻunlashtirish;
standartlarni ishlab chiqish, qabul qilish, qayta koʻrib chiqishda ilgʻor xorijiy tajribani joriy qilish yoʻli bilan, shu jumladan, ularda anʼanaviy texnologiyalarning oldinda boruvchi imkoniyatlarini, istiqbolga dastlabki talablarni belgilashni hisobga olgan holda ishlab chiqarilayotgan mahsulotning raqobatdoshligi oshirilishini taʼminlashda ishtirok etish.
37. Quyidagilar TQning asosiy funksiyalari hisoblanadi:
standartlarni ishlab chiqishda manfaatdor tomonlarning takliflarini koʻrib chiqish;
standartlarni ishlab chiqish, oʻzgartirishlar kiritish, qayta koʻrib chiqish va bekor qilish boʻyicha takliflar tayyorlash;
TQning ish dasturiga muvofiq standartlarni ishlab chiqish, koʻrib chiqish, va tasdiqlashga tayyorlash;
Oʻzbekiston Respublikasida amalda boʻlgan va ushbu TQga biriktirilgan standartlarni tahlil qilish (keyingi oʻrinlarda standartlarni tekshirish deb ataladi);
Oʻzbekiston Respublikasi hududida xalqaro (davlatlararo, mintaqaviy) standartlarni joriy etish va amaldagi davlat standartlarini bekor qilish boʻyicha takliflar tayyorlash;
Keyingi tahrirga qarang.
xalqaro, mintaqaviy va boshqa davlatlarning milliy standartlarini qoʻllashda koʻmaklashish;
TQ faoliyati sohasida standartlashtirish holati boʻyicha tahliliy materiallar tayyorlash;
standartlashtirish boʻyicha xalqaro va mintaqaviy tashkilotlarning TQ ishida ishtirok etish.
TQga aʼzo tashkilotlarning doimiy vakolatli vakillari, TQ, quyi qoʻmita, ishchi guruh yigʻilishlarida, shuningdek, bevosita oʻz tashkiloti tomonidan yuklangan funksiyalarni masofadan turib bajaradi.
38. Quyidagilar TQ raisining asosiy vazifalari hisoblanadi:
TQning, jumladan, uning quyi qoʻmitalari va ishchi guruhlari ishini tashkil qilish va rahbarlik qilish;
standartlashtirish maqsadlari va vazifalariga muvofiq TQ faoliyatining texnik siyosatini belgilash;
TQ faoliyati sohasi bilan bogʻliq masalalar boʻyicha barcha davlat va jamoat tashkilotlarida TQ nomidan vakillik qilish;
TQning ish dasturini tasdiqlash;
TQ yigʻilishini oʻtkazish.
TQ raisining oʻrinbosari rais tomonidan berilgan vazifalarni, shuningdek, rais yoʻqligida uning vazifalarini bajaradi.
39. Quyidagilar TQ masʼul kotibining asosiy vazifalari hisoblanadi:
TQ yigʻilishlarini oʻtkazishga tayyorlash va oʻtkazilishini taʼminlash;
TQ tarkibiga kiradigan quyi qoʻmitalar va ishchi guruhlarning faoliyatini muvofiqlashtirish;
TQ ish dasturlari loyihalarini tayyorlash va ushbu dasturlarning bajarilishini nazorat qilish;
standartlar loyihalarini ishlab chiqishni tashkil etish;
manfaatdor tomonlar tarafidan standartlar loyihalarini koʻrib chiqishni tashkil etish, ularni koʻrib chiqish va tasdiqlash uchun taqdim etishga tayyorlash;
manfaatdor tomonlar bilan muhokama qilish uchun standartlar loyihalarini internet tarmogʻiga joylashtirish;
TQga aʼzo tashkilotlar tomonidan TQga tushgan materiallar va hujjatlar loyihalari koʻrib chiqilishini taʼminlash;
TQga biriktirilgan standartlar roʻyxatini yangilash;
TQ qarorlarini rasmiylashtirish;
ish yuritish, hujjatlarni roʻyxatdan oʻtkazish va hisobga olish, shu jumladan, tashkilotlar bilan yozishmalar olib borish;
ushbu Nizomning 3-ilovasiga muvofiq shakl boʻyicha Standartlashtirish boʻyicha texnik qoʻmitaning namunaviy yillik hisobotini tayyorlash;
yillik hisobotni tasdiqlash uchun TQ raisiga taqdim etish va 1-fevraldan kechiktirmay Institutga va TQ ga aʼzo tashkilotlarga yuborish.
6-bob. Standartlashtirish boʻyicha ishlarni rejalashtirishda ishtirok etish
40. TQ Standartlashtirish davlat rejasini, standartlashtirish tarmoq dasturlarini shakllantirishda ishtirok etadi.
41. TQ kotibiyati TQ ga aʼzo tashkilotlarning takliflarini, TQ (quyi qoʻmita) qarorlarini va Agentlik tomonidan belgilangan ustuvor vazifalarni hisobga olgan holda standartlashtirish boʻyicha texnik qoʻmitaning ish dasturini ishlab chiqadi. Standartni ishlab chiqish toʻgʻrisida taklif tushsa, kotibiyat uni ishlab chiqishning maqsadga muvofiqligini yigʻilishda yoki masofadan turib TQ aʼzolari oʻrtasida muhokama qilishi kerak.
Keyingi tahrirga qarang.
42. TQga aʼzo tashkilotlarning takliflari asosida TQ har yili standartlashtirish davlat rejasiga taklif-buyurtmanomalar tayyorlaydi.
43. Agar tasdiqlangan standartlashtirish davlat rejasiga oʻzgartirishlar kiritish zarur boʻlsa, aʼzo-tashkilotlar TQ doirasida koʻrib chiqish uchun qoʻshimcha taklif-buyurtmanomalar beradi.
7-bob. Standartlarni ishlab chiqish va tekshirish
44. TQ standartlashtirish tizimi talablariga muvofiq holda standartlarni ishlab chiqadi.
45. TQ standartlarning Oʻzbekiston Respublikasining boshqa qonun hujjatlariga, Oʻzbekiston Respublikasining xalqaro shartnomalariga, texnik reglamentlarga, xalqaro (mintaqaviy) standartlarga muvofiqligini tahlil qilish maqsadida ularni tekshiradi, buning natijasida ularni qayta koʻrib chiqilmasdan va oʻzgartirmasdan amalda saqlash yoki qayta koʻrib chiqish, oʻzgartirish yoki bekor qilish zarurati toʻgʻrisida xulosaga keladi.
46. Standartlarni tekshirishda TQ standartlashtirish tizimi talablariga amal qiladi.
47. Agar standartlarni tekshirish jarayonida standartni bekor qilish maqsadga muvofiqligi aniqlansa, u holda TQ kotibiyati standartlashtirish tizimi talablariga muvofiq ushbu standartni bekor qilish boʻyicha ishlarni tashkil etadi.
8-bob. Standartlashtirish boʻyicha xalqaro (mintaqaviy) tashkilotlarning standartlashtirish boʻyicha texnik qoʻmitalari (quyi qoʻmitalar, guruhlar) ishida ishtirok etish
48. TQ standartlashtirish boʻyicha xalqaro (mintaqaviy) tashkilotlarning standartlari loyihalarini koʻrib chiqish va ushbu loyihalar boʻyicha ovoz berishda, Oʻzbekiston Respublikasi takliflarini tayyorlashda ishtirok etadi.
49. TQ ayni shunday faoliyat sohasi boʻlgan xalqaro (mintaqaviy) standartlashtirish tashkilotlarining TQ (quyi qoʻmitalar, guruhlar) ishida qatnashadi.
50. Agentlik standartlashtirish boʻyicha xalqaro (mintaqaviy) tashkilotlarning TQ ishida ishtirok etish uchun TQga kirishni taʼminlaydi. TQ standartlashtirish boʻyicha tegishli xalqaro (mintaqaviy) tashkilotlarning ishlash qoidalariga muvofiq holda faoliyat yuritadi.
Keyingi tahrirga qarang.
51. TQ kotibiyatini boshqarishda, xalqaro (mintaqaviy) tashkilotlarning yoki ularning TQ ishida ishtirok etishda TQ xalqaro (mintaqaviy) TQ nizomiga amal qiladi.
9-bob. Standartlashtirish boʻyicha texnik qoʻmita ishida qaror qabul qilish
Keyingi tahrirga qarang.
52. TQga aʼzo tashkilotlar doimiy vakolatli vakillarining bevosita TQ yigʻilishida yoki masofadan turib ovoz berish yoʻli bilan qaror qabul qiladilar.
53. Tartibotlar masalalari (TQ ish dasturiga qoʻshimcha kiritish, tarkibga yangi aʼzo tashkilotlarni qabul qilish, TQ faoliyatini tugatish, raisni, rais oʻrinbosar(lar)ini, masʼul kotibni saylash, ishchi guruh, quyi qoʻmitalarni tuzish va tugatish) boʻyicha qaror TQga aʼzo — tashkilotlarning doimiy vakolatli vakillarining koʻpchiligi uning uchun ovoz berganda qabul qilingan deb hisoblanadi.
54. Standart loyihalari boʻyicha qaror ovoz berishda ishtirok etuvchi TQga aʼzo tashkilotlarning doimiy vakolatli vakillarining toʻrtdan uch qismi uning uchun ovoz berganda qabul qilinadi. Bunda ovoz berish natijalari ushbu Nizomga 4-ilovaga muvofiq shaklda ovoz berish byulleteni bilan rasmiylashtiriladi. Ovoz berish byulleteni asosida hisobot tuziladi, unda ovoz berish natijalari, ovoz berishda kelishmovchilikni bartaraf etish boʻyicha TQ harakati va mavjud eʼtirozlar keltiriladi. Hisobot har bir TQga aʼzo tashkilotlarga ovoz berish yakunlangach bir oy muddat mobaynida yuboriladi.
Keyingi tahrirga qarang.
55. TQ faoliyati samaradorligini baholash standartlashtirish tizimining asos boʻluvchi normativ hujjatlari talablariga muvofiq holda Institut tomonidan amalga oshiriladi.
10-bob. Texnik qoʻmitalar faoliyati samaradorligini baholashning asosiy mezonlari
56. Quyidagilar texnik qoʻmitalar faoliyati samaradorligini baholashning asosiy mezonlari hisoblanadi:
TQga biriktirilgan standartlar fondining sifati;
xalqaro (davlatlararo, mintaqaviy) standartlashtirish boʻyicha ishlarda TQ faoliyatining samaradorligi;
TQ faoliyatining uyushqoqligi va ochiqligi.
57. TQga biriktirilgan standartlar fondining sifati quyidagilardan kelib chiqib baholanadi:
TQga biriktirilgan va ishlab chiqilgan davlat standartlari soni;
Keyingi tahrirga qarang.
xalqaro standartlar asosida ishlab chiqilgan standartlar soni.
58. Xalqaro (davlatlararo, mintaqaviy) standartlashtirish boʻyicha ishlarda TQ faoliyatining samaradorligi quyidagilardan kelib chiqib baholanadi:
xalqaro (davlatlararo, mintaqaviy) standartlashtirish kotibiyatini yuritish;
TQga biriktirilgan va ishlab chiqilgan xalqaro (davlatlararo, mintaqaviy) standartlarning umumiy soni.
59. TQ faoliyatining uyushqoqligi va ochiqligi quyidagilardan kelib chiqib baholanadi:
TQ ish dasturining oʻz vaqtida va toʻliq bajarilishi koʻrsatkichlari;
TQ faoliyati haqidagi axborotning mavjudligi va sermazmunligi;
TQ faoliyati haqida taqdim etilgan yillik hisobotning oʻz vaqtida va toʻliq bajarilishi koʻrsatkichlari.
60. TQ faoliyatining samaradorligini baholash roʻyxatga olingan texnik qoʻmitalar faoliyati samaradorligini baholash mezonlari qiymatlarining nisbiy yigʻindisidan kelib chiqib aniqlanadi.
61. TQ faoliyati samaradorligini baholashni TQning yakunlangan yilgi faoliyati boʻyicha Institut amalga oshiradi. Bunda tashkil etilganiga ushbu baholash oʻtkazilishiga qadar bir yildan kam boʻlgan TQ faoliyati baholanmaydi.
62. TQning faoliyati samaradorligini baholash natijalari boʻyicha quyidagi ragʻbatlantirish choralari koʻriladi:
standartlashtirish sohasidagi normativ hujjatlar davlat fondidan bepul yillik foydalanish;
xalqaro grant mablagʻlari hisobiga xorijiy tajriba orttirish, seminarlar va boshqa tadbirlarda ishtirok etishda ustunlik.
63. TQ faoliyatining samaradorligini baholash natijalari boʻyicha vakolatli shaxslarga quyidagi javobgarlik choralari koʻriladi:
TQga aʼzo — tashkilotlarning tarkibidan vakolatli shaxs(lar)ni chiqarish;
standartlashtirish boʻyicha xalqaro va mintaqaviy tashkilotlarda TQ ishtirok etishini toʻxtatish.
11-bob. Standartlashirish boʻyicha texnik qoʻmitalar ishini moliyalashtirish
64. TQ tomonidan bajariladigan ishlar va xizmatlar qiymati TQ ishi dasturiga muvofiq TQga aʼzo — tashkilotlar bilan kelishiladi va aniqlanadi.
65. TQning standartlashtirish boʻyicha normativ hujjatlarni ishlab chiqish ishlarini moliyalashtirishni Institut amaldagi Oʻzbekiston Respublikasi qonun hujjatlari asosida amalga oshiradi.
Keyingi tahrirga qarang.
66. TQ ish dasturini kelishish bosqichida qayd etilgan standartlashtirish boʻyicha normativ hujjatlarni ishlab chiqish boʻyicha buyurtmachining mablagʻlari Institutning standartlarni ishlab chiqish boʻyicha moliyalashtirish manbalari hisoblanadi.
Keyingi tahrirga qarang.
67. TQning ish dasturi doirasida ishlab chiqilgan standartlashtirish boʻyicha normativ hujjatlarni sotish ushbu TQga aʼzo — tashkilotlarga bepul amalga oshiriladi.
Keyingi tahrirga qarang.
68. TQ ishida doimiy vakolatli vakillarning ishtirok etish xarajatlarini TQga aʼzo tashkilotlar qoplaydi.
12-bob. Yakunlovchi qoida
69. Ushbu Nizom talablari buzilishida aybdor boʻlgan shaxslar qonun hujjatlariga muvofiq javob beradilar.
Standartlashtirish boʻyicha texnik qoʻmitalarning faoliyatini tashkil etish tartibi toʻgʻrisidagi nizomga
1-ILOVA
1-ILOVA
|
Kelishildi |
Tasdiqlayman | ||||
| | | | | | |
|
Standartlashtirish boʻyicha texnik qoʻmita toʻgʻrisida | |||||
| | | | | | |
|
STQ ________ “____________________________________________________________________________” | |||||
| | | | | | |
| 1. Qoʻllanish sohasi | | | | | |
|
Ushbu Nizom standartlashtirish boʻyicha texnik qoʻmitaning faoliyati sohasini, tuzilmasi, asosiy vazifalari, funksiyalari, huquq va majburiyatlari, shuningdek, standartlashtirish boʻyicha texnik qoʻmitaning ishlarni bajarish qoidalarini belgilaydi va ____________________________________________________________ sohasida standartlashtirish boʻyicha faoliyatda ishtirok etuvchi tashkilotlarga qoʻllaniladi. | |||||
| 2. Normativ havolalar | | | | | |
| ushbu Nizomda quyidagi normativ va texnik havolalar qoʻllanilgan: ____________. | |||||
| 3. Umumiy qoidalar | | | | | |
|
3.1. Standartlashtirish boʻyicha texnik qoʻmita “Oʻzstandart” agentligining buyrugʻi bilan tashkil etilgan. Standartlashtirish boʻyicha texnik qoʻmita kotibiyatini ____________________________________________________________________________________yuritadi. | |||||
| | |
(tashkilot nomi) |
| | |
| 3.2. Standartlashtirish boʻyicha texnik qoʻmitani tashkil etishning maqsadi _____. 3.3. Standartlashtirish boʻyicha texnik qoʻmitaning vazifalari _______________. 3.4. Standartlashtirish boʻyicha texnik qoʻmita oʻz faoliyatida ______ amal qiladi. 4. Standartlashtirish boʻyicha texnik qoʻmitaning faoliyati sohasi ____________. 5. Standartlashtirish boʻyicha texnik qoʻmitaning tuzilmasi _________________. 6. Standartlashtirish boʻyicha texnik qoʻmitaning raisi, rais oʻrinbosari, masʼul kotib va aʼzo — tashkilotlarning huquqlari, majburiyatlari va funksiyalari __________. 7. Standartlashtirish boʻyicha texnik qoʻmitaning ish tartibi _________________. 8. Standartlashtirish boʻyicha texnik qoʻmita ishini moliyalashtirish ___________. | |||||
Keyingi tahrirga qarang.
Standartlashtirish boʻyicha texnik qoʻmitalarning faoliyatini tashkil etish tartibi toʻgʻrisidagi nizomga
2-ILOVA
2-ILOVA
| | | | | | | | | | | | | |
Tasdiqlayman | |||||||
| | | | | | | | | | | | | |
(imzo) |
(imzoning yoyilmasi) | ||||||
| | | | | | | | | | | | | |
20__ yil “____” _____________ | |||||||
|
| ||||||||||||||||||||
| Standartlashtirish boʻyicha texnik qoʻmitaning ish dasturi maqsadlari: Uning ishlash samaradorligini baholash uchun asosiy koʻrsatkichlar: 1. Standartlashtirish boʻyicha ishlar: | ||||||||||||||||||||
|
T/r |
Belgilanishi |
Loyihaning nomi |
Ijro etuvchi |
Ishlarni bajarishning rejalashtirilgan muddatlari | ||||||||||||||||
|
dan |
gacha | |||||||||||||||||||
|
Standartlarni ishlab chiqish | ||||||||||||||||||||
| | | | | | | |||||||||||||||
| | | | | | | |||||||||||||||
|
Standartlarni koʻrib chiqish | ||||||||||||||||||||
| | | | | | | |||||||||||||||
| | | | | | | |||||||||||||||
|
Standartlarni tekshirish, tahlil qilish | ||||||||||||||||||||
| | | | | | | |||||||||||||||
| | | | | | | |||||||||||||||
| | | | | | | | | | | | | | | | | | | | | |
| 2. Boshqa ishlar: ______________________________________________________________________________ | ||||||||||||||||||||
| | | | | | | | | | | | | | | | | | | | | |
|
Masʼul kotib |
| | |
___________________ |
_________________________ | |||||||||||||||
| | | | | | | | |
|
(imzo) |
(imzoning yoyilmasi) | ||||||||||
Standartlashtirish boʻyicha texnik qoʻmitalarning faoliyatini tashkil etish tartibi toʻgʻrisidagi nizomga
3-ILOVA
3-ILOVA
| | | | | |
Tasdiqlayman | ||||
| | | | | |
(imzo) |
(imzoning yoyilmasi) | |||
| | | | | |
20__ yil “____” _______________ | ||||
| | | | | | | | | | |
|
_____ yil uchun standartlashtirish boʻyicha texnik qoʻmitaning ishi toʻgʻrisida | |||||||||
| 1. Umumiy maʼlumotlar: | | | | | | | | ||
| Kotibiyatni yurituvchi tashkilot | | ||||||||
| Rais | | ||||||||
| Rais oʻrinbosar(lar)i | | ||||||||
| Masʼul kotib | | ||||||||
| Hisobot yilida standartlashtirish boʻyicha texnik qoʻmita tarkibidagi oʻzgarishlar | | ||||||||
| 2. Standartlashtirish boʻyicha texnik qoʻmitaning tuzilmasi: | |||||||||
| Kichik qoʻmitalar | | ||||||||
| Ishchi guruhlar | | ||||||||
| Hisobot yilida tuzilmadagi oʻzgarishlar | | ||||||||
| 3. Hisobot yilida standartlashtirish boʻyicha ishlarni bajarish natijalari: | |||||||||
|
Belgilanishi |
Nomlanishi | ||||||||
|
Standartlar ishlab chiqildi | |||||||||
| | | ||||||||
|
Standartlar koʻrib chiqildi | |||||||||
| | | ||||||||
|
Standartlar tekshirildi (tahlil qilindi) | |||||||||
| | | ||||||||
| 4. Xalqaro va mintaqaviy standartlashtirish boʻyicha ishlar natijalari:_____________ 5. Standartlashtirish boʻyicha texnik qoʻmitaning yigʻilishlari: ____________________ 6. Boshqa ishlar: _________________________________________________________ | |||||||||
| | | | | | | | | | |
|
Masʼul kotib |
|
_______________ |
_______________________ | ||||||
| | | | |
(imzo) |
(imzoning yoyilmasi) | ||||
Standartlashtirish boʻyicha texnik qoʻmitalarning faoliyatini tashkil etish tartibi toʻgʻrisidagi nizomga
4-ILOVA
4-ILOVA
|
Ovoz berish byulleteni | ||||||||||||||||||||||||
| | | | | | | | | | | | | | | | | | | | | | | | | |
| | | | | | | | | | | | | |
Ovoz berish byulleteni | |||||||||||
|
|
|
|
|
|
|
|
|
|
|
|
|
|
Ovoz berish sanasi |
STQ (STQQ) | ||||||||||
|
|
|
|
|
|
|
|
|
|
|
|
|
|
Aʼzo — tashkilotning nomi | |||||||||||
| | | | | | | | | | | | | | | | | | | | | | | | | |
| 1. Standartning belgilanishi va nomi _____________________________________________________________ | ||||||||||||||||||||||||
| | | | | | | | | | | | | | | | | | | | | | | | | |
| 2. Loyihani taklif etilgan tahrirda maʼqullash | | |||||||||||||||||||||||
| | | | | | | | | | | | | | | | | | | | | | | | | |
| 3. Quyidagi fikr-mulohazalar bilan (takliflar)ga qarshi | | | | | | | | | | | | | ||||||||||||
| Fikr-mulohazalar: ________________________________________________________________________ | | |||||||||||||||||||||||
| | | | | | | | | | | | | | | | | | | | | | | | | |
| 4. Quyidagi asoslarga koʻra betaraf qolish | | | | | | | | | | | | | | | ||||||||||
| Asoslash: ________________________________________________________________________________ | | |||||||||||||||||||||||
| | | | | | | | | | | | | | | | | | | | | | | | | |
| Doimiy vakolatli vakil | | |
___________________ |
________________________ | ||||||||||||||||||||
| | | | | | | | | | | |
(imzo) |
|
(imzoning yoyilmasi) | |||||||||||
| 20___ yil “___” __________ | | | | | | | | | | | | | | | | | ||||||||
