|
Hujjat kuchini yo‘qotgan 18.04.2020
|
Hujjat 07.05.1996 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI VAZIRLAR MAHKAMASINING 1996-YIL 26 MARTDAGI 118-SON QARORIGA OʻZGARTIRIShLAR KIRITISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2020-yil 16-yanvardagi 30-sonli “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tijorat banklarining moliyaviy barqarorligini taʼminlash, faoliyati samaradorligini oshirish va kredit siyosatini takomillashtirish chora-tadbirlari toʻgʻrisida” 2018-yil 21-dekabrdagi PQ-4071-son qarori)”gi qaroriga asosan 2020-yil 18-apreldan oʻz kuchini yoʻqotadi.
Vazirlar Mahkamasi qaror qiladi:
1. Vazirlar Mahkamasining “OʻzDEUAVTO” qoʻshma korxonasining samarali faoliyatini taʼminlash chora-tadbirlari toʻgʻrisida” 1996-yil 26-martdagi 118-son qaroriga oʻzgartirishlar kiritilib, 6-bandning ikkinchi xatboshi quyidagi tahrirda bayon qilinsin:
“Oʻzbekiston Respublikasi Davlat mulki qoʻmitasi davlatga tegishli boʻlgan va erkin sotishga moʻljallangan ulushlarni qayta taqsimlash hisobiga “Oʻzavtotexxizmat” aksionerlik birlashmasi korxonalari aksiyalari umumiy paketining 51 foizini “OʻzDEUAVTO” qoʻshma korxonasiga sotishni nazarda tutsin”.
2. “Oʻzavtotexxizmat” aksionerlik birlashmasi aksiyalari nazorat paketining (51 foiz) “OʻzDEUAVTO” qoʻshma korxonasiga sotilishi munosabati bilan quyidagilar maʼlumot uchun qabul qilinsin:
“DEU” korporatsiyasi tomonidan taklif etilgan “Oʻzavtotexxizmat” texnik xizmat koʻrsatish stansiyalarini texnika bilan qayta jihozlash dasturiga muvofiq “DEU” korporatsiyasi tomonidan 14,75 mln. AQSh dollari miqdoridagi investitsiyalar nazarda tutilgan;
“OʻzDEUAVTO” qoʻshma korxonasi tomonidan “Oʻzavtotexxizmat” aksionerlik birlashmasining mavjud texnik xizmat koʻrsatish stansiyalarini toʻliq rekonstruksiya qilishni tashkil etish majburiyatlari qabul qilingan.
3. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 7-may,
174-son
