|
Hujjat kuchini yo‘qotgan 16.12.2025
|
Hujjat 04.12.2018 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Geodeziya va kartografiya ishlarini roʻyxatga olish toʻgʻrisidagi qarorni berish tartibi toʻgʻrisidagi nizomni tasdiqlash haqida
LexUZ sharhiMazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
“Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonuniga muvofiq, shuningdek, geodeziya va kartografiya faoliyati bilan shugʻullanadigan yuridik shaxslarga ruxsat berish tartib-taomillarini amalga oshirishning shaffof mexanizmlarini belgilash yoʻli bilan qulay shart-sharoitlar yaratish maqsadida Vazirlar Mahkamasi qaror qiladi:
1. Belgilab qoʻyilsinki, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi geodeziya va kartografiya ishlarini roʻyxatga olish toʻgʻrisidagi qarorni berishni amalga oshiradi.
Keyingi tahrirga qarang.
2. Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizom 1-ilovaga muvofiq tasdiqlansin va 2019-yilning 1-martidan boshlab amalga kiritilsin.
Keyingi tahrirga qarang.
3. Oʻzbekiston Respublikasi Hukumatining baʼzi qarorlariga 2-ilovaga muvofiq oʻzgartirish va qoʻshimchalar kiritilsin.
4. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bir oy muddatda:
oʻzi qabul qilgan normativ-huquqiy hujjatlarni mazkur qarorga muvofiqlashtirsin;
ushbu qarorning maqsadi, mazmuni va amaliy ahamiyatini tadbirkorlik subyektlari oʻrtasida keng yoritish boʻyicha tadbirlarning tashkil qilinishi va oʻtkazilishini taʼminlasin.
5. Mazkur qarorning bajarilishini nazorat qilish Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi A.X. Abdullayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 3-dekabr,
977-son
Vazirlar Mahkamasining 2018-yil 3-dekabrdagi 977-son qaroriga
1-ILOVA
1-ILOVA
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqida
NIZOM
1-bob. Umumiy qoidalar
1. Ushbu Nizom geodeziya va (yoki) kartografiya ishlarini roʻyxatga olish toʻgʻrisidagi qarorni berish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
ariza beruvchi — geodeziya va (yoki) kartografiya ishlarini bajaruvchi yuridik shaxs;
geodeziya va kartografiya ishlarini roʻyxatga olish toʻgʻrisidagi qaror (keyingi oʻrinlarda roʻyxatga olish toʻgʻrisidagi qaror deb ataladi) — yuridik shaxsga roʻyxatga olish toʻgʻrisidagi qarorda koʻrsatilgan geodeziya va (yoki) kartografiya ishlarini bajarish huquqini beruvchi ruxsat berish xususiyatiga ega hujjat;
ekspertiza — geodeziya va (yoki) kartografiya ishlarini loyihalashda avval yaratilgan geodeziya va kartografiya materiallaridan foydalanilishini hamda texnik loyihalarning (dasturlarning) ularni ishlab chiqish hamda geodeziya va kartografiya ishlarini bajarish boʻyicha texnik jihatdan tartibga solish sohasidagi normativ hujjatlarning talablariga muvofiqligini tekshirish maqsadida Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi (keyingi oʻrinlarda Inspeksiya deb ataladi) tomonidan texnik loyihalarni (dasturlarni) koʻrib chiqish.
3. Roʻyxatga olish toʻgʻrisidagi qaror Inspeksiya tomonidan faqat geodeziya va kartografiya faoliyatiga toʻliq yoxud uning qismiga (alohida ish turlariga) litsenziyaga ega yuridik shaxslarga ushbu Nizomning 1 va 2-ilovalaridagi sxema va shakl boʻyicha beriladi.
4. Quyidagi davlat ahamiyatiga molik geodeziya va kartografiya ishlari turlari roʻyxatdan oʻtkaziladi:
a) geodeziya ishlari:
gravimetrik aniqlashlar;
davlat geodeziya planli va balandlik tarmoqlarini yaratish, rivojlantirish va ish holatida saqlab turish;
Yerni masofadan turib zondlash;
geodinamik tadqiqotlardagi geodezik aniqlashlar;
1:10000, 1:25000 masshtabli topografik va maxsus sʼyomkalar;
b) kartografiya ishlari:
1:10000, 1:25000, 1:50000, 1:100000, 1:200000, 1:500000, 1:1000000 masshtabli topografik tarxlar va xaritalarni grafik, raqamli, fotografik shakllarda tuzish va chop etish;
umumgeografik, siyosiy-maʼmuriy, ilmiy-maʼlumot va boshqa tematik xaritalar, tarmoqlararo ahamiyatga ega atlaslar, kartografik oʻquv qoʻllanmalarini grafik, raqamli, fotografik shakllarda tuzish va chop etish;
davlat ahamiyatiga molik geografiya axborot tizimlarini yaratish va yuritish.
5. Quyidagi maxsus ahamiyatga molik geodeziya va kartografiya ishlari turlari roʻyxatdan oʻtkaziladi:
a) geodeziya ishlari:
maxsus ahamiyatga molik geodeziya planli va balandlik tarmoqlarini yaratish;
1:500 (zichlashtirish tarmoqlari rivojlantirilgan taqdirda), 1:1000, 1:2000, 1:5000 masshtabli topografik va maxsus sʼyomkalar;
yerlarni marzalash, davlat kadastrlarini yuritish, geologiya va marksheyderlik ishlaridagi geodeziya va topografiya ishlari;
muhandislik qidiruvlaridagi geodeziya va topografiya ishlari;
turli inshootlarni qurish va ulardan foydalanishdagi muhandislik-geodeziya ishlari (zichlashtirish tarmoqlari rivojlantirilgan taqdirda);
aerosʼyomka ishlari, jumladan, uchuvchisiz uchish apparatlaridan foydalangan holda;
geodeziya va topografiya maqsadlarida lazerli skanerlashlar;
2) kartografiya ishlari:
1:200, 1:500, 1:1000, 1:2000, 1:5000 masshtabli topografik tarxlar va xaritalarni grafik, raqamli, fotografik shakllarda tuzish va chop etish;
tematik xaritalar va atlaslarni grafik, raqamli, fotografik shakllarda tuzish va chop etish;
maxsus ahamiyatga molik geografiya axborot tizimlarini yaratish va yuritish.
6. Roʻyxatdan oʻtganlik toʻgʻrisidagi qarorni rasmiylashtirish quyidagi ish turlariga talab etilmaydi:
qurilish obyektlarini joyida belgilash, bino, inshootlar oʻqlari va muhandislik kommunikatsiyalari chiziqlarini joyiga chiqib belgilash boʻyicha geodeziya ishlari;
1:500 masshtabli (zichlashtirish tarmoqlari rivojlantirilmagan taqdirda) topografiya-geodeziya ishlari, maydoni 25 ga miqdorgacha boʻlgan 1:1 000 masshtabli, maydoni 100 ga miqdorgacha boʻlgan 1:2 000 masshtabli ishlar hamda 10 kilometrgacha uzunlikdagi va kengligi 300 metrgacha boʻlgan turli masshtabdagi chiziqli qidiruv ishlari;
qurilish obyektlarini joyida belgilash uchun geodeziya asosini yaratish ishlari;
qurilish-montaj ishlarining loyiha va qurilish normalariga muvofiqligini tekshirish maqsadida geodezik oʻlchashlar hamda yangi qurilgan binolar va uylarning joriy sʼyomkalari;
bajarilgan kon va boshqa ishlar hajmini ularga ajratilgan yerlarda hisoblash yuzasidan tekshirish ishlari;
foydali qazilmalarni qazib chiqarish boʻyicha faoliyat koʻrsatayotgan va qurilayotgan korxonalarning marksheyderlik taʼminoti (ularga ajratilgan yerlarda) bilan bogʻliq topografiya-geodeziya ishlari;
taʼlim muassasalarida talabalar amaliyoti tartibida bajariladigan geodeziya va kartografiya ishlari, agar ular ishlab chiqarish ahamiyatiga ega boʻlmasa;
turli inshootlarni qurish va ulardan foydalanishdagi muhandislik-geodeziya ishlari (zichlashtirish tarmoqlari rivojlantirilmagan taqdirda).
7. Roʻyxatga olish toʻgʻrisidagi qarorning amal qilish muddati cheklanmaydi.
2-bob. Ruxsat berishga doir talablar va shartlar
8. Geodeziya va kartografiya ishlarini amalga oshirishda ruxsat berishga doir talablar va shartlarga quyidagilar kiradi:
ariza beruvchining geodeziya va (yoki) kartografiya faoliyatini amalga oshirish uchun litsenziya kelishuvida nazarda tutilgan geodeziya va (yoki) kartografiya ishlarini bajarish uchun hujjatlarni taqdim etish;
davlat sirlarini va (yoki) qonun hujjatlari bilan himoya qilinadigan boshqa hujjatlarning himoya qilinishini taʼminlash;
geodeziya va (yoki) kartografiya ishlarini rejalashtirishda avval yaratilgan geodeziya va kartografiya materiallari va maʼlumotlarini ishlatishning toʻliqligi;
geodeziya va kartografiya mahsulotlariga qoʻyiladigan talablarning taʼminlanishi.
3-bob. Ruyxatga olish toʻgʻrisidagi qarorni olish uchun zarur boʻlgan hujjatlar
9. Roʻyxatga olish toʻgʻrisidagi qarorni olish uchun ariza beruvchi quyidagi hujjatlarni Inspeksiyaga taqdim etadi:
a) mazkur Nizomning 3-ilovasidagi shaklga muvofiq roʻyxatga olish toʻgʻrisidagi qarorni olish haqida ariza;
b) Inspeksiya tomonidan roʻyxatga olish toʻgʻrisidagi qarorni berish haqidagi arizaning koʻrib chiqilishi uchun va roʻyxatga olish toʻgʻrisidagi qarorni berish uchun yigʻimlarni toʻlaganligini tasdiqlovchi hujjatlar;
v) quyida keltirilgan maʼlumotlari bor geodeziya va kartografiya ishlarini bajarishga texnik loyiha (dastur):
texnik loyiha (dastur) ishlab chiqish uchun asos boʻlgan texnik topshiriq va texnik shartlar;
ish obyektining nomlanishi, buyurtmachi toʻgʻrisida maʼlumotlar, moliyalashtirish manbalari, ishlarni bajarish muddatlari;
ish obyektining tabiiy-geografik xususiyatlari va joylashgan joyi;
obyektning geodezik, topografik, aerokosmik va kartografik oʻrganilganligi (oʻrganilganlikning tegishli boʻlimi rejalashtirilayotgan ish turlariga binoan tanlanadi);
rejalashtirilayotgan ish hajmi va turlari, amalga oshirish texnologiyasi tavsifi;
obyektda ishni tashkil etish va tugatish tadbirlari;
mehnat muhofazasi va texnika xavfsizligi;
ishlarni tekshirish va qabul qilish tartibi;
ishlarni bajarish grafigi;
ishlarni amalga oshirish smetasi va texnik-iqtisodiy hisoblari.
Mazkur bandda nazarda tutilmagan hujjatlarning ariza beruvchidan talab qilinishiga yoʻl qoʻyilmaydi.
10. Roʻyxatga olish toʻgʻrisidagi qarorni berish uchun zarur boʻlgan hujjatlar Inspeksiyaga bevosita, pochta aloqasi yoki elektron shaklda, ularni olganligi toʻgʻrisidagi xabarnoma yuborish orqali, taqdim etiladi. Hujjatlar Yagona interaktiv davlat xizmatlari portali, Inspeksiyaning rasmiy veb-sayti hamda davlat organlarining ariza beruvchilar bilan oʻzaro hamkorligini masofadan taʼminlovchi boshqa tizimlar orqali elektron shaklda taqdim etilgan taqdirda ular elektron raqamli imzo bilan tasdiqlanadi.
11. Inpeksiyaga roʻyxatga olish toʻgʻrisidagi qarorni olish uchun taqdim etilgan hujjatlar roʻyxat boʻyicha qabul qilinadi va ushbu roʻyxatning nusxasi hujjatlarni qaysi sanada qabul qilganlik toʻgʻrisidagi belgi bilan ariza beruvchiga zudlik bilan taqdim etiladi (yuboriladi). Hujjatlar Davlat interaktiv xizmatlari portali orqali elektron shaklda taqdim etilganda, ularning roʻyxati foydalanuvchining Davlat interaktiv xizmatlari portalidagi, Inspeksiyaning rasmiy veb-saytidagi shaxsiy kabinetiga hamda davlat organlarining ariza beruvchilar bilan oʻzaro hamkorligini masofadan taʼminlovchi boshqa tizimlar orqali taqdim etiladi.
12. Inspeksiya roʻyxatga olish toʻgʻrisidagi qarorni berish uchun zarur boʻlgan quyidagi hujjatlar va maʼlumotlarni “Elektron hukumat” tizimining Jismoniy va yuridik shaxslarning markaziy maʼlumotlar bazasidan mustaqil ravishda oladi:
ariza beruvchining toʻliq va qisqacha nomlanishi;
soliq toʻlovchining identifikatsiya raqami;
davlat roʻyxatidan oʻtgan sana va raqami;
ariza beruvchining pochta manzili;
yuridik shaxsning holati (faoliyat yurityapti, tugatilgan, tugatilish jarayonida);
yuridik shaxsning tashkiliy-huquqiy shakli toʻgʻrisida maʼlumotlar;
yillik statistik hisobot boʻyicha faoliyati asosiy turining kodi.
13. Idoralararo informatsion hamkorlik doirasida taqdim qilinadigan maʼlumotning oʻz vaqtida va toʻgʻriligiga, jumladan, ushbu maʼlumotga asoslanib Inspeksiya tomonidan qabul qilingan qaror oqibatlariga vakolatli organlar qonun hujjatlariga muvofiq javobgardirlar.
4-bob. Arizani koʻrib chiqish va roʻyxatga olish yoki roʻyxatga olishni rad etish toʻgʻrisida qaror qabul qilish
14. Roʻyxatga olish toʻgʻrisida qarorni berish toʻgʻrisidagi arizaning Inspeksiya tomonidan koʻrib chiqilishi texnik loyihalar (dasturlar)ni ekspertizadan oʻtkazishni oʻz ichiga oladi.
15. Ekspertiza oʻtkazish uchun Inspeksiya shartnoma asosida xolis mutaxassislarni jalb qilish huquqiga ega.
16. Geodeziya va (yoki) kartografiya ishlarini bajarishga texnik loyiha (dastur)lar ekspertizasi natijasi boʻyicha ushbu Nizomning 4 va 5-ilovalarida keltirilgan shakl boʻyicha ekspert xulosalari rasmiylashtiriladi.
17. Ushbu Nizomning 9-bandida nazarda tutilgan hujjatlarni qabul qilish sanasidan oʻn ish kunidan oshmagan muddatda Inspeksiya ariza beruvchining arizasini koʻrib chiqadi va roʻyxatga olish toʻgʻrisidagi qarorni beradi yoki rad etadi.
18. Roʻyxatga olish toʻgʻrisidagi qarorni berish toʻgʻrisidagi arizani koʻrib chiqish uchun ushbu Nizomning 6-ilovasi boʻyicha aniqlanadigan miqdorda yigʻim olinadi. Yigʻimlar summasi Inspeksiyaning gʻaznachilikdagi hisob raqamiga oʻtkaziladi.
Yigʻimlar summasi roʻyxatga olish toʻgʻrisidagi qarorni berish haqidagi arizani koʻrib chiqish bilan bogʻliq xarajatlarni qoplashga, jumladan Inspeksiya xodimlarini moddiy ragʻbatlantirishga sarflanadi.
19. Ijobiy ekspert xulosasi roʻyxatga olish toʻgʻrisidagi qarorni berish uchun asos hisoblanadi.
Roʻyxatga olish toʻgʻrisidagi qarorni berish uchun eng kam oylik ish haqining 20 foizi miqdorida yigʻim olinadi. Yigʻimlar summasi Inspeksiyaning gʻaznachilikdagi hisob raqamiga oʻtkaziladi.
Keyingi tahrirga qarang.
Roʻyxatga olish toʻgʻrisidagi qarorni berishga toʻlov ijobiy ekspert xulosasi tayyorlangandan keyin amalga oshiriladi, bu haqda arizachi barcha imkoni mavjud aloqa vositalari orqali xabardor qilinadi.
20. Oʻzbekiston Respublikasi Davlat budjeti mablagʻlari hisobiga moliyalashtiriladigan ishlarni roʻyxatga olish toʻgʻrisidagi qarorni berish toʻgʻrisidagi arizani koʻrib chiqish va roʻyxatga olganlik toʻgʻrisidagi qarorni berish uchun yigʻim olinmaydi.
21. Roʻyxatga olish toʻgʻrisidagi qarorning berilishi uchun olinadigan yigʻimlar summasi roʻyxatga olish toʻgʻrisidagi qarorni rasmiylashtirish bilan bogʻliq xarajatlarni qoplashga sarflanadi.
22. Roʻyxatga olish toʻgʻrisidagi qaror ikki nusxada tuziladi va Inspeksiya boshligʻi tomonidan, u boʻlmagan taqdirda Inspeksiya boshligʻi oʻrinbosari tomonidan tasdiqlanadi.
Roʻyxatga olish toʻgʻrisidagi qarorning bir nusxasi va ekspert xulosasi arizachiga belgilangan tartibda elektron pochta vositasida, pochta aloqasi vositasida, Inspeksiya rasmiy veb-sayti hamda davlat organlarining ariza beruvchilar bilan oʻzaro hamkorligini masofadan taʼminlovchi boshqa tizimlar orqali yuboriladi yoki ariza beruvchining oʻzi hozir boʻlganda, hujjatlarni unga berish orqali taqdim etiladi, ikkinchi nusxasi esa ularning hisobini yuritish uchun Inspeksiyada qoladi.
23. Roʻyxatga olish toʻgʻrisidagi qarorni berishni rad etish uchun quyidagilar asos boʻlishi mumkin:
mazkur Nizomning 9-bandida nazarda tutilgan hujjatlarning ariza beruvchi tomonidan toʻliq hajmda taqdim etilmasligi;
ruxsat berishga doir talablar va shartlarga ariza beruvchining muvofiq emasligi;
ariza beruvchi tomonidan taqdim etilgan hujjatlarda ishonchsiz va notoʻgʻri maʼlumotlarning mavjudligi;
texnik loyiha (dastur) yuzasidan asoslangan salbiy ekspertiza xulosasining berilishi;
avval bajarilgan ishlar boʻyicha materiallar va maʼlumotlarning Davlat kartografiya-geodeziya fondida yigʻilishi lozim boʻlganlarini ushbu ishlar tugagandan keyin uch oy ichida Inspeksiyaga taqdim etmaslik.
Yigʻilishi lozim boʻlgan materiallar va maʼlumotlar roʻyxati va Davlat kartografiya geodeziya fondida yigʻish tartibi Yer resurslari, geodeziya, kartografiya va davlat kadastrlari davlat qoʻmitasi tomonidan tasdiqlanadi.
Roʻyxatga olish toʻgʻrisidagi qarorni berishning boshqa asoslar, jumladan maqsadga muvofiq emasligini vaj qilib, rad etilishiga yoʻl qoʻyilmaydi.
24. Roʻyxatga olish toʻgʻrisidagi qarorni berishni rad etib qaror qabul qilingan hollarda rad etish sabablari, qonun hujjatlarining aniq normalari va koʻrsatilgan sabablarni bartaraf qilib, hujjatlarni qayta koʻrib chiqib taqdim etish mumkin boʻlgan muddat koʻrsatilgan rad etish toʻgʻrisidagi xabarnoma yozma shaklda ariza beruvchiga yuboriladi (qoʻliga beriladi). Rad etish sabablarini bartaraf qilish va hujjatlarni qayta koʻrib chiqish uchun taqdim etish huquqiga ega boʻlgan muddat roʻyxatga olish toʻgʻrisidagi qarorni berishni rad etish toʻgʻrisidagi xabarnoma yozma shaklda olingan kundan boshlab oʻn ish kunidan kam boʻlishi mumkin emas.
Ariza beruvchi Yagona interaktiv davlat xizmatlari portali, Inspeksiyaning rasmiy veb-sayti hamda davlat organlarining ariza beruvchilar bilan oʻzaro hamkorligini masofadan taʼminlovchi boshqa tizimlar orqali murojaat qilganda rad etish toʻgʻrisidagi xabarnoma ariza beruvchining arizasi qaysi usullar va vositalar bilan kelib tushgan boʻlsa, oʻsha usullar va vositalar bilan yuboriladi.
25. Roʻyxatga olish toʻgʻrisidagi qarorni berishni rad etish uchun asos boʻlgan sabablar ariza beruvchi tomonidan belgilangan muddatda bartaraf etilgan hollarda texnik loyiha (dastur)ni qayta koʻrib chiqish, roʻyxatga olish toʻgʻrisidagi qarorni berish yoki rad etish rad etish sabablarini bartaraf etganligi toʻgʻrisidagi arizani va rad etish sabablarini bartaraf etganligini tasdiqlovchi tegishli hujjatlarni olgan kundan boshlab Inspeksiya tomonidan uch ish kunidan oshmagan muddatda amalga oshiriladi. Ariza beruvchining arizasini qayta koʻrib chiqish uchun yigʻim olinmaydi.
26. Hujjatlarni qayta koʻrib chiqishda Inspeksiya tomonidan avval yozma shaklda yoritilmagan rad etish sabablarini, avval koʻrsatilgan sabablarni bartaraf etishni tasdiqlaydigan hujjatlarga bogʻliq sabablar bundan istisno, keltirilishiga yoʻl qoʻyilmaydi.
27. Roʻyxatga olish toʻgʻrisidagi qarorni berishni rad etish toʻgʻrisidagi yozma xabarnomada koʻrsatilgan muddat oʻtib ketgandan keyin ariza beruvchi tomonidan berilgan ariza yangidan berilgan ariza hisoblanib, Inspeksiya tomonidan belgilangan tartibda koʻrib chiqiladi.
28. Tegishli qaror qabul qilingandan keyin bir ish kunidan kechikmasdan Inspeksiya ariza beruvchiga yoki bunday hujjatni berishni rad etish toʻgʻrisida uni yozma shaklda xabardor qilishi lozim.
29. Inspeksiya arizani koʻrib chiqish muddati mobaynida ariza beruvchiga roʻyxatga olish toʻgʻrisidagi qarorni bermasa yoki uni berishni rad etmagan taqdirda, ariza beruvchi roʻyxatga olish toʻgʻrisidagi qarorni olgandan keyin amalga oshirishni koʻzlagan geodeziya va (yoki) kartografiya ishlarini ushbu Nizomning 17-bandida nazarda tutilgan muddat oʻtgandan soʻng amalga oshirish huquqiga ega, Inspeksiyani bu haqda yozma ravishda xabardor qilgan holda.
Inspeksiya ariza beruvchining yozma xabarnomasini olgan kundan boshlab besh ish kunida unga roʻyxatga olish toʻgʻrisidagi qarorni berishga majbur. Roʻyxatga olish toʻgʻrisidagi qaror olingunga qadar qabul qilingan sanasi koʻrsatilgan taqdim qilingan hujjatlar roʻyxati va ariza beruvchi tomonidan Inspeksiyaga yoʻllangan yozma xabarnoma ruxsat etish xususiyatiga ega hujjatga tenglashtiriladi va geodeziya va (yoki) kartografiya ishlarini amalga oshirishga asos boʻladi.
30. Ariza beruvchi roʻyxatga olish toʻgʻrisidagi qarorni berishning rad etilganligi hamda Inspeksiya mansabdor shaxslarining harakati (harakatsizligi) yuzasidan belgilangan tartibda shikoyat qilish huquqiga ega.
5-bob. Roʻyxatga olish toʻgʻrisidagi qarorni qayta rasmiylashtirish, uning dublikatini berish
31. Yuridik shaxs boʻlgan tadbirkorlik subyekti oʻzgartirilganda, uning nomi yoki joylashgan yeri (pochta manzili) oʻzgargan taqdirda, yuridik shaxs yoxud uning huquqiy vorisi qayta roʻyxatdan oʻtgandan keyin yetti ish kuni ichida Inspeksiyaga roʻyxatga olish toʻgʻrisidagi qarorni qayta rasmiylashtirish toʻgʻrisidagi arizani koʻrsatilgan maʼlumotlarni tasdiqlovchi hujjatlarni ilova qilgan holda topshirishi shart.
Yangidan vujudga kelgan yuridik shaxsni davlat roʻyxatidan oʻtkazish sanasida ayni bir harakatni va (yoki) faoliyatni bajarish va (yoki) amalga oshirish uchun ruxsat etish xususiyatiga ega hujjati mavjud yuridik shaxslari qoʻshib yuborilgan taqdirda, ruxsat etish xususiyatiga ega hujjatning ushbu bandning birinchi xatboshida belgilangan tartibda qayta rasmiylashtirilishiga yoʻl qoʻyiladi.
Hujjatlar Inspeksiyaga belgilangan tartibda ular olinganligi haqida xabardor qilingan holda, Yagona interaktiv davlat xizmatlari portali orqali taqdim etilgan taqdirda esa — Oʻzbekiston Respublikasi Yagona interaktiv davlat xizmatlari portalida mavjud tasdiqlashning belgilangan turlari orqali xabardor qilingan holda taqdim etiladi.
32. Roʻyxatga olish toʻgʻrisidagi qarorning qayta rasmiylashtirilishiga qadar yuridik shaxs yoxud uning huquqiy vorisi qabul qilingan sanasi toʻgʻrisidagi Inspeksiyaning belgisi qoʻyilgan roʻyxatga olish toʻgʻrisidagi qarorni qayta rasmiylashtirish toʻgʻrisidagi berilgan ariza asosida geodeziya va (yoki) kartografiya ishlarini amalga oshiradi.
33. Roʻyxatga olish toʻgʻrisidagi qarorning qayta rasmiylashtirilganda Inspeksiya berilgan roʻyxatga olish toʻgʻrisidagi qarorlar reyestriga tegishli oʻzgartirishlar kiritadi.
Roʻyxatga olish toʻgʻrisidagi qarorni qayta rasmiylashtirish va berish tegishli hujjatlar ilova qilib uni qayta rasmiylashtirish uchun ariza olingan kundan boshlab besh ish kunidan oshmagan muddatda amalga oshiriladi.
Roʻyxatga olish toʻgʻrisidagi qarorni qayta rasmiylashtirish uchun yigʻim olinmaydi.
34. Roʻyxatga olish toʻgʻrisidagi qaror yoʻqotib qoʻyilganda yoki yaroqsiz boʻlganda ariza beruvchining murojaati boʻyicha uning dublikati ariza olingandan boshlab hamda yaroqsiz boʻlgan hollarda roʻyxatga olish toʻgʻrisidagi qarorning originali olingandan keyin besh ish kunida beriladi (yuboriladi).
Dublikat berish uchun yigʻim olinmaydi.
6-bob. Roʻyxatga olish toʻgʻrisidagi qarorning amal qilishini toʻxtatib turish, tugatish va bekor qilish
35. Roʻyxatga olish toʻgʻrisidagi qarorning amal qilishini toʻxtatib turish, tugatish va bekor qilish Oʻzbekiston Respublikasining “Tadbirkorlik faoliyati sohasidagi ruxsat berish tartib-taomillari toʻgʻrisida”gi Qonunining tegishli ravishda 22, 23 va 25-moddalarida nazarda tutilgan tartibda va holatlarda amalga oshiriladi.
36. Ruxsat etish xususiyatiga ega hujjatning amal qilishini belgilangan tartibda tugatish uchun asos boʻladigan ruxsat berish talablari va shartlarining qoʻpol buzilishini sodir etishga quyidagilar kiradi, ushbu Nizomning 29-bandida nazarda tutilgan holatlar bundan mustasno:
litsenziyasiz geodeziya va (yoki) kartografiya faoliyati;
Oʻzbekiston Respublikasi Davlat va maʼmuriy chegaralarini kartografik materiallarda notoʻgʻri koʻrsatish;
maxfiy kartografik materiallar va geodezik maʼlumotlarni koʻpaytirish va boshqa tashkilotlarga berish tartibiga amal qilmaslik;
avval bajarilagan ishlar boʻyicha materiallar va maʼlumotlarning Davlat kartografiya-geodeziya fondida yigʻilishi lozim boʻlganlarini ushbu ishlar tugagandan keyin uch oy ichida Inspeksiyaga taqdim etmaslik.
7-bob. Roʻyxatga olish toʻgʻrisida berilgan qarorlar reyestri
37. Inspeksiya:
ushbu Nizomning 7-ilovasidagi shakl boʻyicha berilgan roʻyxatga olish toʻgʻrisidagi qarorlar reyestrini yuritadi va uni oʻzining rasmiy veb-saytida joylashtiradi;
ruxsat berish talablari va shartlarini hamda roʻyxatga olish toʻgʻrisidagi qarorni olish uchun zarur boʻlgan maʼlumotlarni oʻzining rasmiy veb-saytida joylashtiradi.
8-bob. Yakunlovchi qoida
38. Mazkur Nizomning talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizomga
1-ILOVA
1-ILOVA
Geodeziya va kartografiya ishlarini roʻyxatga olish toʻgʻrisidagi qarorni berish
SXEMASI
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizomga
2-ILOVA
2-ILOVA
|
| |||
| Berilgan:___________________________________________________________________________________. Obyekt nomi: _______________________________________________________________________________. Ishlarning maqsadi:_________________________________________________________________________. Uchastkaning joylashuvi:______________________________________________________________________. Buyurtmachi:_________________________________________________________________________________ | |||
| ____Ushbu obyekt boʻyicha taqdim qilingan texnik loyihada (dasturda) loyihalashtirilayotgan geodeziya (kartografiya) ishlari turlari texnik jihatdan tartibga solish sohasidagi normativ hujjatlar talablariga muvofiq va obyektda avval amalga oshirilgan ishlar materiallari va boshlangʻich maʼlumotlar toʻliq hisobga olingan. | |||
| ____Roʻyxatga olindi: |
| | |
|
T/r |
Geodeziya (kartografiya) ishlarining nomi |
Roʻyxatga olingan | |
|
ishlar hajmi |
smeta bahosi | ||
|
1. |
|
|
|
|
2. |
|
|
|
|
3. |
|
|
|
|
4. |
| | |
| | | | |
|
Jami: |
| | |
_____________________________________________________________________ (coʻz bilan) soʻm miqdorida geodeziya (kartografiya) ishlarini amalga oshirish roʻyxatga olindi. _____Ishlarni amalga oshirayotgan tashkilot “Geodeziya va kartografiya toʻgʻrisida”gi Oʻzbekiston Respublikasi Qonunining 11-moddasiga muvofiq Oʻzbekiston Respublikasi Davlat kartografiya-geodeziya fondiga yigʻiladigan materiallar va maʼlumotlarni berishga majbur. _____Texnik ekspertizani amalga oshirdi:______________________________________________ _____________________________ ____________ (imzo))___________________ (F.I.O.) ____________________________________________________20___ y. “____”____________. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi boshligʻi ________________________ _________________________________________________________ _______________(imzo) _____________________________________________(F.I.O.) _________ M. Oʻ. ______________________________________20___ y. “____”____________ . | |||
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizomga
3-ILOVA
3-ILOVA
| | |
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi BOSHLIGʻI ____________________________ ga | |
|
| |||
| | |
Sana: 20__ y. “____” ______________ | |
| ______________________________ (ariza beruvchining elektron manzili) |
| | |
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizomga
4-ILOVA
4-ILOVA
|
| |||
| ____Men, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi __________________________ _______________________ ________________________ tomonidan_________________ obyekti boʻyicha geodeziya (topografiya geodeziya) ishlarini bajarishga tuzilgan texnik loyiha (dastur)ni ekspertiza qildim. | |||
|
| |||
| Obyekt: ____________________________________________________________________________________. Buyurtmachi: ________________________________________________________________________________. Ijrochi: ___________________________________________________________________________________. Geodeziya ishlarini bajarish uchun asos: _________________________________________________________. Smeta bahosi _______________________________________________________________________________. Moliyalashtirish manbai: _____________________________________________________________________. Geodeziya faoliyatini amalga oshirish uchun litsenziya borligi toʻgʻrisida maʼlumot _______________________. Obyektning maʼmuriy-hududiy boʻlinish va (yoki) topografik xaritalari nomenklatura varaqlari boʻyicha joylashgan joyi ____________________________________________________________________________ . Yaratilayotgan topografik tarhning masshtabi ____________________________________________________ . Ishning maqsadi: ____________________________________________________________________________. Geodeziya (topografiya geodeziya) ishlarining turlari va hajmlari: ____________________________________ . Koordinatalar va balandliklar tizimlari:______________________________________________________ . Loyihalashtirilayotgan geodeziya (topografiya-geodeziya) ishlarini amalga oshirishda qoʻllanma sifatida ishlatiladigan texnik jihatdan tartibga solish sohasidagi normativ hujjatlarning roʻyxati __________________________________________________________________________________________ . Geodeziya (topografiya-geodeziya) ishlarini amalga oshirish obyekti hududining geodeziya va kartografiya jihatdan oʻrganilganligi toʻgʻrisida maʼlumotlar _________________________________________________ . Loyihalashtirilayotgan geodeziya (topografiya-geodeziya) ishlarini amalga oshirish texnologiyasi_____________ . Bajarilayotgan geodeziya (topografiya-geodeziya) ishlarini nazorat qilish va qabul qilish tartibi ____________ . Bajarilayotgan geodeziya (topografiya-geodeziya) ishlari boʻyicha hisobot va yakuniy hujjatlar roʻyxati __________________________________________________________________________________________ . | |||
|
Xulosa: | |||
| ___Taqdim qilingan texnik loyiha (dastur) ushbu ekspert xulosasida koʻrsatilgan kamchiliklarni hisobga olgan holda qayta ishlanishi lozim. ___Texnik loyiha (dastur) toʻgʻrilangandan keyin Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasiga ushbu obyektda loyihalashtirilayotgan geodeziya (topografiya-geodeziya) ishlarini roʻyxatga olish uchun belgilangan tartibda yuboriladi. | |||
| ___Eksperizani oʻtkazdi:___________________________ ___________________________________ ___________________________(imzosi)_____________________________ (F.I.O.) | |||
| | | _____20___ y. “____”____________ | |
| ___Izoh. “Tavsiyalar” qismi texnik loyiha (dastur)da bartaraf etilishi kerak boʻlgan kamchiliklar mavjud boʻlganda qoʻshiladi. | |||
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizomga
5-ILOVA
5-ILOVA
|
Kartografiya ishlarini amalga oshirishga |
| ____Men, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi __________________________ _______________________ tomonidan ________________________ tomonidan_________________ obyekt boʻyicha kartografiya ishlarini bajarishga tuzilgan texnik loyiha (dastur) ekspertiza qilindi. _____________________Oʻtkazilgan ekspertiza boʻyicha quyidagilar aniqlandi: Obyekt:___________________________________________________________________________________. Buyurtmachi: ________________________________________________________________________________. Ijrochi: __________________________________________________________________________________. Kartografiya ishlarini bajarish uchun asos: ______________________________________________________. Smeta bahosi _______________________________________________________________________________. Moliyalashtirish manbai: _____________________________________________________________________. Kartografiya faoliyatini amalga oshirish uchun litsenziya borligi toʻgʻrisida maʼlumot ____________________. Obyektning joylashgan joyi _________________________________________________________________ . Ishning maqsadi: ____________________________________________________________________________. Kartografiya ishlarining turlari va hajmlari: ___________________________________________________ . Koordinatalar va balandliklar tizimlari: ______________________________________________________ . Chiqariladigan kartografik mahsulotning grifi __________________________________________________ . Loyihalashtirilayotgan kartografiya ishlarini amalga oshirishda qoʻllanma sifatida ishlatiladigan texnik jihatdan tartibga solish sohasidagi normativ hujjatlarning roʻyxati ________________________________ . Obyekt hududini kartografik va aerokosmosʼyomka materiallari bilan taʼminlanganligi toʻgʻrisida maʼlumotlar _______________________________________________________________________________ . ________ masshtabda tuzilayotgan xaritalarning mazmuni ___________________________________________ . ________ masshtabda xaritalarni tuzish boʻyicha loyihalashtirilayotgan kartografiya ishlarini amalga oshirish texnologiyasi _______________________________________________________________________________ . Kosmik suratlarni planli bogʻlash va ularni fotogrammetrik qayta ishlash boʻyicha ishlarni amalga oshirish texnologiyasi tavsifi_______________________________________________________________________ . Yaratiladigan xaritalarni tuzish usullari _______________________________________________________ . Yaratiladigan raqamli xaritalarni yaratish texnologiyasi ___________________________________________ . Muharrir kuzatuvi toʻgʻrisida maʼlumotlar ______________________________________________________ . Kartografik mahsulotni nazorat qilish hamda “nashrga berish” va “isteʼmolchiga chiqarish” uchun tasdiqlash tartibi ___________________________________________________________________________________ . Raqamli xaritalarni koʻpaytirish usuli va tartibi ________________________________________________ . Bajarilayotgan kartografiya ishlari boʻyicha hisobot va yakuniy kartografik materiallar roʻyxati __________________________________________________________________________________________ . _______________________________________ Xulosa: ____Taqdim qilingan texnik loyiha (dastur) ______________________________ tuzilgan. ______________________________________Tavsiyalar: ____Taqdim qilingan texnik loyiha (dastur) ushbu ekspert xulosasida koʻrsatilgan kamchiliklarni hisobga olgan holda qayta ishlanishi lozim. ____Texnik loyiha (dastur) toʻgʻrilangandan keyin Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasiga ushbu obyektda loyihalashtirilayotgan kartografiya ishlarini roʻyxatga olish uchun belgilagan tartibda yuboriladi. ____Ekspertizani oʻtkazdi: _________________ ____________________________________________ ____________________________(imzosi)_____________________________(F.I.O.) _______________________________________________________20___ y. “____”____________ . ____ Izoh. “Tavsiyalar” qismi texnik loyiha (dastur)da bartaraf etilishi kerak boʻlgan kamchiliklar mavjud boʻlganda qoʻshiladi. |
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizomga
6-ILOVA
6-ILOVA
Roʻyxatga olish toʻgʻrisidagi qarorni berish haqidagi arizani koʻrib chiqish uchun olinadigan yigʻim
MIQDORI
|
Koʻrsatkichlar |
Geodeziya va kartografiya ishlarining smeta bahosidan foiz stavkalari | |
|
Geodeziya va kartografiya ishlarini amalga oshirishga texnik loyiha (dasturlar)ni ekspertiza qilish, ishlarning quyidagi smeta bahosida (soʻm): |
||
|
1. |
eng kam oylik ish haqining (keyingi oʻrinlarda EKOIH deb ataladi) 40 baravarigacha |
3,64 |
|
2. |
EKOIHning 80 baravarigacha |
2,14 |
|
3. |
EKOIHning 200 baravarigacha |
1,18 |
|
4. |
EKOIHning 400 baravarigacha |
0,81 |
|
5. |
EKOIHning 800 baravarigacha |
0,56 |
|
6. |
EKOIHning 1200 baravarigacha |
0,52 |
|
7. |
EKOIHning 1600 baravarigacha |
0,43 |
|
8. |
EKOIHning 3200 baravarigacha |
0,37 |
|
9. |
EKOIHning 3200 baravaridan ortiq |
0,35 |
Keyingi tahrirga qarang.
Geodeziya va kartografiya ishlarini roʻyxatga olish toʻgʻrisidagi qarorni berish tartibi haqidagi nizomga
7-ILOVA
7-ILOVA
Geodeziya va kartografiya ishlarini roʻyxatga olish toʻgʻrisida berilgan qarorlar
REYESTRI
|
Roʻyxatdan oʻtkazilgan ishlar toʻgʻrisida maʼlumotlar | |||||||
|
nomi |
soliq toʻlovchining identifikatsiya raqami |
tashkiliy-huquqiy shakli |
ariza beruvchi |
pochta manzili |
telefon |
texnik loyiha (dastur) nomi, ishlar obyekti shifri |
geodeziya va kartografiya ishlarining smeta bahosi |
|
1 |
2 |
3 |
4 |
5 |
6 |
7 |
8 |
|
|
|||||||
|
Geodeziya va kartografiya ishlarini roʻyxatga olish toʻgʻrisida berilgan qarorlar haqida maʼlumotlar | |||||||||
|
berilgan vaqti |
tartib raqami |
qayta rasmiylashtirish, amal qilishini toʻxtatib turish uchun asos |
qayta rasmiylashtirish, amal qilishini toʻxtatib turish sanasi |
tugatish uchun asos |
tugatish sanasi |
bekor qilish uchun asos |
bekor qilishsanasi |
dublikat berish uchun asos |
dublikat berilgan sana |
|
9 |
10 |
11 |
12 |
13 |
14 |
15 |
16 |
17 |
18 |
|
|
|||||||||
Keyingi tahrirga qarang.
Vazirlar Mahkamasining 2018-yil 3-dekabrdagi 977-son qaroriga
2-ILOVA
2-ILOVA
Oʻzbekiston Respublikasi Hukumatining baʼzi qarorlariga kiritilayotgan oʻzgartirishlar va qoʻshimcha
1. Vazirlar Mahkamasining 2005-yil 16-fevraldagi 66-son qarori (Oʻzbekiston Respublikasi QT, 2005-y., 2-son, 12-modda) bilan tasdiqlangan Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi toʻgʻrisidagi nizomda:
a) 6-bandning toʻrtinchi xatboshi quyidagi tahrirda bayon qilinsin:
“geodeziya va kartografiya ishlarini roʻyxatga olish toʻgʻrisidagi qarorni bergan holda geodeziya va kartografiya ishlarini roʻyxatga olish”;
b) 7-bandning toʻrtinchi xatboshidagi “nazorat qilish” soʻzlari “ekspertiza qilish” soʻzlari bilan almashtirilsin.
Keyingi tahrirga qarang.
2. Vazirlar Mahkamasining 2013-yil 15-avgustdagi 225-son qaroriga (Oʻzbekiston Respublikasi QT, 2013-y., 8-son, 55-modda) 1-ilova (Tadbirkorlik faoliyati sohasidagi ruxsat etish xususiyatiga ega hujjatlar roʻyxati)ning “Ruxsat etish xususiyatiga ega hujjatlarni berishga vakolatli organ” ustuni 143-pozitsiyasidagi “Yergeodezkadastr” soʻzi “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi Davlat geodeziya nazorati inspeksiyasi” soʻzlari bilan almashtirilsin (Vazirlar Mahkamasining 2013-yil 15-avgustdagi 225-son qaroriga 1-ilova rus tilidagi matnda berilgan).
(Qonun hujjatlari maʼlumotlari milliy bazasi, 04.12.2018-y., 09/18/977/2260-son; 29.12.2019-y., 09/19/1046/4242-son; Qonunchilik maʼlumotlari milliy bazasi, 22.02.2022-y., 09/22/86/0160-son, 15.04.2022-y., 09/22/183/0308-son)
