|
Hujjat 25.10.2018 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Adliya vazirligining yuridik kollejlarida oʻqishni tashkil qilish choralari toʻgʻrisida
Keyingi tahrirga qarang.
Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qarori ijrosini taʼminlash hamda davlat va xoʻjalik boshqaruvi organlarida talab yuqori boʻlgan tor doiradagi va ixtisosli mutaxassisliklar boʻyicha yuridik kadrlar tayyorlash tizimini yaratish, shuningdek, kasbiy yuridik taʼlim sifatini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qarori bilan:
Adliya vazirligi tuzilmasida har bir hududda bittadan — 14 ta yuridik kollej (keyingi oʻrinlarda yuridik kollejlar deb ataladi) tashkil etilganligi;
Keyingi tahrirga qarang.
yuridik kollejlarning oʻquv-metodik jarayonini muvofiqlashtirish, ularga amaliy va axborot-resurs jihatidan koʻmaklashish Toshkent davlat yuridik universiteti (keyingi oʻrinlarda TDYU deb ataladi) tomonidan, ularning faoliyatiga rahbarlik qilish va nazoratni tashkil etish hamda tashkiliy-kadrlar bazasini mustahkamlash esa — hududiy adliya organlari tomonidan amalga oshirilishi maʼlumot uchun qabul qilinsin.
Keyingi tahrirga qarang.
2. Quyidagilar:
Oʻzbekiston Respublikasi Adliya vazirligining yuridik kollejlariga oʻqishga qabul qilish tartibi toʻgʻrisidagi nizom 1-ilovaga muvofiq tasdiqlansin va 2019-yil 1-apreldan boshlab amalga kiritilsin;
Oʻzbekiston Respublikasi Adliya vazirligi yuridik kollejlarining namunaviy tuzilmasi 2-ilovaga muvofiq;
Oʻzbekiston Respublikasi Adliya vazirligining yuridik kollejlarida oʻquv yuklamasi hajmi 3-ilovaga muvofiq tasdiqlansin.
Oʻzbekiston Respublikasi adliya vaziriga Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi bilan kelishgan holda yuridik kollejlar namunaviy tuzilmasiga xodimlarning belgilangan umumiy soni doirasida oʻzgartirishlar kiritish huquqi berilsin.
Keyingi tahrirga qarang.
3. Quyidagilar yuridik kollejlarning asosiy vazifalari etib belgilansin:
Keyingi tahrirga qarang.
davlat va xoʻjalik boshqaruvi organlarining talab yuqori boʻlgan tor doiradagi va ixtisosli mutaxassisliklar boʻyicha tizimli fikrlash qobiliyati, ish yuritish, zamonaviy axborot-kommunikatsiya texnologiyalarini qoʻllashning amaliy koʻnikmalariga ega boʻlgan va xorijiy tillarni biladigan kasb-hunar taʼlimi boʻyicha yuridik kadrlarni tayyorlash;
taʼlim jarayonini oʻquv jarayoniga ilgʻor taʼlim standartlarini joriy etishga yoʻnaltirilgan zamonaviy shakllar va usullar, innovatsion pedagogik texnologiyalar asosida tashkil etish;
oʻquv jarayoniga tegishli mutaxassislik va kasblar boʻyicha boy ish tajribasiga ega boʻlgan amaliyotchi mutaxassislarni keng jalb etgan holda yuridik taʼlim va huquqni qoʻllash amaliyotining oʻzaro yaqin hamkorligini taʼminlash;
zamonaviy innovatsion oʻquv loyihalarini birgalikda amalga oshirish, shuningdek, oʻquvchilar amaliyotini tashkil etish uchun tegishli hududlardagi davlat va xoʻjalik boshqaruvi organlari, sudlar va huquqni muhofaza qiluvchi organlar, boshqa tashkilotlar, taʼlim va ilmiy muassasalar bilan hamkorlikni har tomonlama rivojlantirish;
oʻquvchilar uchun moʻljallangan yangi avlod darsliklari, maxsus oʻquv-metodik adabiyotlar yaratishda ishtirok etish;
oʻquvchilarni maʼnaviy-axloqiy tarbiyalash samaradorligini, ularning huquqiy madaniyati va huquqiy ongini oshirish, ularda vatanparvarlik, Vatan taqdiri va kelajagiga masʼullik hamda daxldorlik tuygʻusini shakllantirish va rivojlantirish choralarini amalga oshirish.
4. TDYUga quyidagi vazifalar yuklansin:
a) yuridik kollejlarda oʻquv-metodik jarayonni muvofiqlashtirishning samarali mexanizmini yaratish boʻyicha:
Keyingi tahrirga qarang.
“yurisprudensiya” yoʻnalishi boʻyicha zamonaviy standartlarni hisobga olgan holda kasb-hunar taʼlimi mutaxassisliklari va kasblari boʻyicha malaka talablari, oʻquv rejalari va fan dasturlarini ishlab chiqish va tasdiqlash;
Keyingi tahrirga qarang.
yuridik kollejlarni oʻquv-metodik jarayonni tashkil etish sohasidagi yangiliklar haqida, shu jumladan, sayyor maslahatlarni oʻtkazish orqali doimiy xabardor qilishni yoʻlga qoʻyish;
Keyingi tahrirga qarang.
taʼlim jarayonida oʻquvchilarning mantiqiy va tizimli fikrlash, huquqiy hujjatlarni tuzish amaliy koʻnikmalarini rivojlantirishga yoʻnaltirilgan yuridik fanlarni oʻqitishning zamonaviy shakl va usullarini, pedagogik, axborot-kommunikatsiya, innovatsion texnologiyalarni qoʻllash;
oʻquvchilar bilimini noxolis baholash ehtimolini istisno qiladigan zamonaviy baholash tizimini joriy etish;
taʼlim mutaxassisliklari va kasblari doirasida oʻquvchilar amaliyotini tashkil etish va oʻtash mexanizmini takomillashtirish;
yuridik kollejlar uchun moʻljallangan yangi avlod darsliklari, maxsus oʻquv-metodik adabiyotlarni yaratish boʻyicha ishlarni tashkil etish;
Keyingi tahrirga qarang.
b) yuridik kollejlar oʻquvchilari bilim olishi va madaniyati darajasini oshirishning doimiy monitoringi olib borilishini nazarda tutadigan tizimni joriy etish boʻyicha:
Keyingi tahrirga qarang.
oʻquvchilarning klublar, toʻgaraklar va sport seksiyalari shaklidagi ijtimoiy tadbirlarda ishtirok etishini tashkil etish va hisobga olish;
oʻquvchilarning yuridik kollejlar axborot-resurs markazlaridan foydalanishini ragʻbatlantirish;
Keyingi tahrirga qarang.
yuridik kollejlar faoliyatiga rahbarlik qilish va nazoratni tashkil etish boʻyicha hududiy adliya organlariga doimiy asosda amaliy koʻmaklashish;
Keyingi tahrirga qarang.
yuridik kollejlarda oʻquv jarayonini tashkil etish, ularning faoliyati samaradorligini oshirish boʻyicha normativ-huquqiy bazani takomillashtirish boʻyicha Oʻzbekiston Respublikasi Adliya vazirligiga takliflar kiritish.
Keyingi tahrirga qarang.
5. TDYUga oʻquvchilarda ishga qabul qilishda talab qilinadigan bilim va koʻnikmalarni shakllantirish uchun yuridik kollejlarda umumiy oʻquv-metodik siyosatni ishlab chiqish boʻyicha vakolatli organlar, ish beruvchilar va fuqarolik jamiyati institutlari vakillaridan iborat maslahat kengashini tuzish huquqi berilsin.
Keyingi tahrirga qarang.
6. Oʻzbekiston Respublikasi Adliya vazirligi ikki oy muddatda:
yuridik kollejlar ustavlari ishlab chiqilishi va tasdiqlanishini, shuningdek, ular davlat roʻyxatidan oʻtkazilishini;
yuridik kollejlar shtat jadvali va xarajatlari smetasi belgilangan tartibda tasdiqlanishini;
yuridik kollejlar malakali boshqaruv va pedagog kadrlar bilan butlanishini;
Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi bilan kelishgan holda yuridik kollejlar oʻquvchilari bilimini baholash, yakuniy davlat attestatsiyasi, shuningdek, ular tomonidan amaliyot oʻtalishi toʻgʻrisidagi nizomlar ishlab chiqilishi va tasdiqlanishini;
Yuridik kollejlarning moddiy-texnik bazasini mustahkamlash, shu jumladan, zarur oʻquv va sport asbob-uskunalari, kompyuter texnikasi, axborot-resurs fondi bilan jihozlash chora-tadbirlari dasturi ishlab chiqilishini va tasdiqlash uchun Oʻzbekiston Respublikasi Vazirlar Mahkamasiga kiritilishini taʼminlasin.
Keyingi tahrirga qarang.
7. Davlat va xoʻjalik boshqaruvi organlari, mahalliy davlat hokimiyati organlari yuridik kollejlarga oʻquvchilarning amaliyot oʻtashini tashkil etishda har tomonlama koʻmaklashsinlar.
Keyingi tahrirga qarang.
8. Belgilansinki, yuridik kollejlarga xodimlarni ishga qabul qilish adliya organlari va muassasalari uchun belgilangan tartibda amalga oshiriladi.
Keyingi tahrirga qarang.
9. Yuridik kollejlarga 2 tadan navbatchi yengil avtotransport vositasini saqlash uchun limit ajratilsin.
Keyingi tahrirga qarang.
10. Toshkent davlat yuridik universitetining Litsey va kollejlar bilan ishlash boʻlimi xodimlarining shtatdagi cheklangan soni 8 nafargacha koʻpaytirilsin.
Belgilansinki:
avtotransport vositalarini sotib olish va saqlash bilan bogʻliq xarajatlar yuridik kollejlarning budjetdan tashqari mablagʻlari, budjetdan tashqari Adliya organlari va muassasalarini rivojlantirish jamgʻarmasi mablagʻlari hamda adliya organlari va muassasalarining budjetdan tashqari boshqa mablagʻlari hisobiga amalga oshiriladi;
Toshkent davlat yuridik universitetining Litsey va kollejlar bilan ishlash boʻlimi shtat birliklarining soni koʻpaytirilishi bilan bogʻliq xarajatlar TDYU budjetdan tashqari mablagʻlari hisobiga amalga oshiriladi.
Keyingi tahrirga qarang.
11. Oʻzbekiston Respublikasi Moliya vazirligi Oʻzbekiston Respublikasi Davlat budjeti parametrlarida yuridik kollejlarda kam taʼminlangan oilalardan oʻquvchilar, Mehribonlik uyi tarbiyalanuvchilari, shuningdek, koʻzi ojiz oʻquvchilar taʼlim olishi bilan bogʻliq xarajatlar uchun zarur mablagʻlarni nazarda tutsin.
Keyingi tahrirga qarang.
12. Oʻzbekiston Respublikasi Adliya vazirligiga:
yuridik kollejlarga ularning xodimlari uchun belgilangan tarif stavkasining 100 foizigacha miqdorda ustamalar belgilash uchun budjetdan tashqari Adliya organlari va muassasalarini rivojlantirish jamgʻarmasi mablagʻlari hamda adliya organlari va muassasalarining budjetdan tashqari boshqa mablagʻlari hisobiga moddiy qoʻllab-quvvatlash huquqi berilsin;
yuridik kollejlar xodimlariga har oylik ustamalarni belgilash uchun adliya organlari va muassasalarining budjetdan tashqari mablagʻlari hisobiga yuridik kollejlarga koʻmaklashish toʻgʻrisidagi nizomni bir oy muddatda ishlab chiqish va tasdiqlash vazifasi yuklansin.
Keyingi tahrirga qarang.
13. Belgilansinki, 2019/2020 oʻquv yilidan boshlab Oʻzbekiston Respublikasi Adliya vazirligi tuzilmasiga kirmagan kollejlarda “Yurisprudensiya”, “Huquqshunoslik”, “Ijtimoiy muhofaza qilish huquqshunosi” yoʻnalishlari va mutaxassisliklari boʻyicha oʻquvchilarni tayyorlash toʻxtatiladi.
Keyingi tahrirga qarang.
Belgilab qoʻyilsinki, ushbu yoʻnalishlar va mutaxassisliklar boʻyicha 2-3-bosqich oʻquvchilari oʻqishni yuqorida koʻrsatilgan taʼlim muassasalarida tamomlaydi va diplom oladi.
14. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
15. Oʻzbekiston Respublikasi Hukumatining 4-ilovaga muvofiq ayrim qarorlariga qoʻshimchalar kiritilsin.
16. Mazkur qarorning bajarilishini nazorat qilish Oʻzbekiston Respublikasi adliya vaziri R. Davletov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 23-oktabr,
858-son
Vazirlar Mahkamasining 2018-yil 23-oktabrdagi 858-son qaroriga
1-ILOVA
1-ILOVA
Oʻzbekiston Respublikasi Adliya vazirligining yuridik kollejlariga oʻqishga qabul qilish tartibi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qaroriga muvofiq abituriyentlarni Oʻzbekiston Respublikasi Adliya vazirligining yuridik kollejlariga (keyingi oʻrinlarda yuridik kollejlar deb ataladi) oʻqishga qabul qilish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
abituriyent — yuridik kollejga oʻqishga qabul uchun hujjatlar topshirgan jismoniy shaxs;
apellyatsiya komissiyasi — yozma imtihon (koʻzi ojiz abituriyentlar uchun tanlov) natijalari boʻyicha abituriyentlarning shikoyatlarini koʻrib chiqish uchun yuridik kollej professor-oʻqituvchilari hamda tegishli fanlar boʻyicha ekspertlardan yuridik kollejda tashkil etiladigan komissiya;
guruh kuzatuvchisi — yozma imtihon oʻtkazish vaqtida ushbu Nizom talablari bajarilishini taʼminlash maqsadida abituriyentlar ustidan nazoratni amalga oshirish, shuningdek, yozma imtihon oʻtkazish tartibini tushuntirish boʻyicha abituriyentlarga amaliy yordam koʻrsatish uchun masʼul boʻlgan shaxs;
qabul komissiyasi — har yili tashkil etiladigan yuridik kollejga oʻqishga qabul qilishni tashkil etadigan, shuningdek, abituriyentlardan hujjatlarni qabul qilish va ularga maslahat xizmatlari koʻrsatadigan komissiya;
bino rahbari — yozma imtihon ushbu Nizom talablariga qatʼiy muvofiq ravishda oʻtkazilishini tashkil etish, shuningdek, kuzatuvchilar va abituriyentlarning faoliyatiga umumiy rahbarlik qilish va nazoratni amalga oshirish uchun masʼul boʻlgan shaxs;
imtihon komissiyasi — yozma imtihon javoblarini xolis tekshiradigan va baholaydigan komissiya;
hududiy adliya organlari — Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari;
ekspert guruhi — yozma imtihon (koʻzi ojiz abituriyentlar uchun tanlov) savollarini tuzish maqsadida tashkil etiladigan guruh.
3. Yuridik kollejlarga oʻqishga qabul qilish Oʻzbekiston Respublikasi Adliya vazirligi (keyingi oʻrinlarda Adliya vazirligi deb ataladi) tomonidan belgilangan qabul kvotalari doirasida toʻlov-kontrakt asosida amalga oshiriladi.
Kam taʼminlangan oilalardan abituriyentlar, Mehribonlik uylarining tarbiyalanuvchilari, shuningdek, koʻzi ojiz abituriyentlar qabul kvotalaridan tashqari Adliya vazirligi tomonidan maxsus ajratilgan oʻrinlarga qabul qilinadi. Ushbu oʻquvchilarning oʻqishi qonun hujjatlariga muvofiq davlat grantlari asosida amalga oshiriladi.
4. Yuridik kollejlarga oʻqishga qabul qilish Adliya vazirligi tomonidan tanlov natijalariga koʻra toʻplangan ballarning reyting tizimi boʻyicha amalga oshiriladi.
Bunda koʻzi ojiz abituriyentlarni qabul qilish tanlov natijalariga koʻra koʻp balli yoxud tegishli anʼanaviy besh balli tizim asosida amalga oshiriladi.
5. Yuridik kollejlarga oʻqishga qabul qilish boʻyicha tanlovlar yozma imtihon shaklida 1-iyuldan 10-iyulgacha boʻlgan muddatda “Huquqshunoslik” va “Ona tili va adabiyoti” (oʻzbek tili va adabiyoti, rus tili va adabiyoti, qoraqalpoq tili va adabiyoti) fanlari boʻyicha oʻtkaziladi.
6. Yuridik kollejlarga oʻqishga qabul qilish barcha uchun teng huquqlilik, yagona qabul asosida amalga oshiriladi.
7. Abituriyentlar yuridik kollejlarda boʻlajak oʻqitish tilida tanlovdan oʻtadilar. Bunda oʻzbek guruhlariga hujjat topshirgan abituriyentlar yuridik kollejlarga hujjatlarni qabul qilish haqidagi arizada aks ettirilgan oʻz tanloviga koʻra tanlovdan oʻzbek tilida lotin yoki kirill alifbosida oʻtish huquqiga ega.
Yuridik kollejlarda oʻqitish tili tasdiqlangan qabul kvotalari doirasida abituriyentlardan hujjatlar qabul qilinishiga qadar Adliya vazirligi tomonidan belgilanadi va tasdiqlanadi.
8. Fan dasturlari va tanlov natijalarini baholash mezonlari Adliya vazirligi tomonidan tasdiqlanadi va yuridik kollejlarga yetkaziladi.
9. Yuridik kollejlarga oʻqishga qabul qilishni tashkil etish ushbu Nizomga 1-ilovaga muvofiq sxema boʻyicha amalga oshiriladi.
2-bob. Hujjatlarni qabul qilish
10. Qabul komissiyasi har yili, qoida tariqasida, tegishli oʻquv yilining 5-mayidan kechikmay tuziladi. Qabul komissiyasi raisi va masʼul kotibi (keyingi oʻrinlarda masʼul kotib deb ataladi) adliya vazirining buyrugʻi bilan, qabul komissiyaning qolgan aʼzolari esa yuridik kollej direktorining buyrugʻi bilan tayinlanadi.
Yuridik kollej direktori lavozimi boʻyicha qabul komissiyasi raisi hisoblanadi. Qabul komissiyasining joriy ishlari masʼul kotib tomonidan amalga oshiriladi.
11. Qabul komissiyasi, qoida tariqasida, hujjatlarni qabul qilish boshlanishidan bir oy oldin yuridik kollejlarga qabul qilish muddatlari, mutaxassislik va kasblar nomlari hamda qabul kvotalari haqidagi axborotni yuridik kollej veb-saytida eʼlon qiladi.
12. Abituriyentlarning yuridik kollejlarga oʻqishga qabul qilish haqidagi arizalari qabul komissiyasi tomonidan 1-iyundan 20-iyungacha (shu kuni ham) qabul qilinadi.
13. Yuridik kollejlarga qabul qilishda abituriyent qabul komissiyasiga quyidagi hujjatlarni shaxsan taqdim etadi:
mutaxassisligi va kasbi, oʻqitish tili, taʼlim muassasasini tugatganligi toʻgʻrisidagi maʼlumotni, tanlovni oʻtkazish qoidalari bilan tanishganligi xususida belgini koʻrsatgan holda ushbu Nizomga 2-ilovaga muvofiq shakldagi ariza;
pasport nusxasi;
umumiy oʻrta taʼlim (11-sinf negizida) yoki oʻrta maxsus, kasb-hunar taʼlimi muassasasini tugatganligi haqidagi hujjatning asli va nusxasi (agar abituriyent hujjatlarni topshirish muddatida taʼlim muassasasini tugatganligi haqidagi hujjatni olmagan boʻlsa, u tanlov oʻtkazish kuniga qadar hujjat aslini taqdim etish sharti bilan, tegishli taʼlim muassasasi tomonidan berilgan uning gerbli muhri bilan tasdiqlangan rasmiy maʼlumotnomani taqdim etadi);
3,5 x 4,5 sm oʻlchamli 6 ta rangli fotosurat.
Abituriyentning yuridik kollejga qabul qilish toʻgʻrisidagi arizasining “Oʻzim haqimda qoʻshimcha quyidagilarni maʼlum qilaman” ustunida hujjatlar bilan tasdiqlovchi holatlar (I va II guruh nogironi, “Mehribonlik uylari” tarbiyalanuvchisi, kam taʼminlangan oiladan) qayd etiladi.
Qabul komissiyasi umumiy oʻrta taʼlim (11-sinf negizida) yoki oʻrta maxsus, kasb-hunar taʼlimi muassasasini tugatganligi haqidagi hujjat nusxasini uning asli bilan taqqoslab, hujjatning aslini ariza beruvchiga qaytaradi.
Ushbu bandda koʻrsatib oʻtilgan hujjatlar taqdim etilsa qabul komissiyasi abituriyentning hujjatlarini qabul qilishni rad etishga haqli emas.
Hujjatlar qabul qilishning belgilangan muddatlari tugagandan soʻng hujjatlarga qoʻshimchalar va oʻzgartirishlar kiritish qatʼiyan taqiqlanadi.
Abituriyent tomonidan topshirilgan hujjatlarning qalbakiligi yoki soxtaligi aniqlansa, u holda abituriyent tanlovdan (yuridik kollejdan) chetlashtiriladi hamda hujjatlari belgilangan tartibda huquqni muhofaza qiluvchi organlarga yuboriladi.
14. Hujjatlarni qabul qilish davrida qabul komissiyasi har kuni yuridik kollej veb-saytida yuridik kollejda oʻqishga qabul qilish toʻgʻrisida tushgan arizalar soni haqida maʼlumot joylashtirib boradi, shuningdek, abituriyentlar va ularning ota-onalari savollariga javob berish uchun telefon aloqasini tashkil etadi.
3-bob. Yozma imtihonni oʻtkazishga tayyorgarlik koʻrish
15. Yozma imtihon olinadigan fanlar dasturi, qoida tariqasida, imtihon boshlanishidan bir oy oldin qabul komissiyasining axborot stendlari va yuridik kollejlar veb-saytiga joylashtiriladi.
16. Yozma imtihon oʻtkazilishiga qadar qabul komissiyasi raisi tomonidan tasdiqlangan jadvalga muvofiq qabul komissiyasi tomonidan maslahatlar tashkil etiladi.
17. Yozma imtihon savollari qabul komissiyasi tomonidan yozma imtihonning tegishli fanlari boʻyicha malakali mutaxassislar tarkibidan shakllantiriladigan ekspert guruhi tomonidan tuziladi. Ekspert guruhi faoliyatini qabul komissiyasi raisi boshqaradi.
18. Yozma imtihonni ushbu Nizom talablariga qatʼiy muvofiq ravishda tashkil etish va oʻtkazish boʻyicha masʼuliyat qabul komissiyasi raisi, masʼul kotib, yozma imtihon oʻtkaziladigan bino rahbari va guruh kuzatuvchilari, shuningdek, imtihon komissiyasi aʼzolari zimmasiga yuklanadi.
19. Yozma imtihonni oʻtkazish jadvali masʼul kotibning taqdimnomasi boʻyicha yuridik kollej direktori tomonidan tasdiqlanadi. Buyruqqa yozma imtihonda ishtirok etish huquqiga ega abituriyentlar roʻyxati ilova qilinadi.
20. Yozma imtihonni oʻtkazish jarayoni videotasvirga tushiriladi. Videotasvirdan nusxa koʻchirish taqiqlanadi.
21. Yozma imtihon katta sigʻimdagi, imtihonlarning yuqori darajada ochiqlik va shaffofligini hamda imtihon jarayoni videokuzatuvlar orqali jamoatchilik, shu jumladan, abituriyentlarning ota-onalari tomonidan real vaqt rejimi (onlayn) kuzatib borilishini taʼminlaydigan binolarda (keyingi oʻrinlarda bino deb ataladi) oʻtkaziladi.
Binoni tayyorlash uchun javobgarlik masʼul kotib zimmasiga yuklanadi.
22. Binoda imtihon materiallarini tarqatish va toʻplash uchun seyflar (materiallarni saqlash uchun) va aloqa vositalari bilan taʼminlangan maxsus xona (shtab) tayyorlanadi.
23. Binolarda yozma imtihonni oʻtkazish uchun zarur boʻlgan texnik, tibbiy va maishiy sharoitlar yaratilishi kerak. Binolar sanitariya va yongʻin xavfsizligi qoidalariga toʻliq javob berishi shart.
24. Binoda yozma imtihon jarayonini toʻliq nazorat qilish maqsadida, qoida tariqasida, 30 nafar abituriyentdan iborat guruhlar tashkil etiladi.
Bino va guruhlarning alohida tartib raqami takrorlanmaydigan ketma-ketlikda raqamlangan boʻlishi lozim.
25. Har bir guruh alohida oʻtirish oʻrniga ega boʻlgan 30 tadan stol va stul bilan taʼminlanib, stollar birdan oʻttizgacha raqamlanishi lozim. Har bir guruhga ikki nafar kuzatuvchi biriktiriladi.
26. Binoda yozma imtihonlarni oʻtkazish talablariga rioya etilishini taʼminlash boʻyicha shaxsiy javobgarlik bino rahbari va guruh kuzatuvchilari zimmasiga yuklanadi.
Bino rahbari adliya vaziri tomonidan, guruh kuzatuvchilari esa yuridik kollej direktorining buyrugʻi bilan adliya organlari hamda boshqa tashkilotlarning vakillaridan ularning rahbarlari bilan kelishgan holda tayinlanadi.
4-bob. Yozma imtihonlarni oʻtkazish
27. Yozma imtihon soat 9.00 da boshlanadi va 2 soat davom etadi.
28. Abituriyentlar binoga pasport bilan tegishli navbat boʻyicha kiritiladi. Kirishda videokuzatuv olib boriladi.
29. Abituriyentlar binoga soat 8.30 gacha kiritiladi. Soat 8.30 dan keyin abituriyentlar binoga kiritilmaydi.
30. Guruh kuzatuvchilari soat 8.30 gacha bino rahbaridan guruh roʻyxatini, imtihon biletlari joylashtirilgan konvertlarni, savollarga javob yozish uchun moʻljallangan qatʼiy hisobda turuvchi raqamlanib muhrlangan daftarlarni oladi, shuningdek, pasportlarni guruh roʻyxati bilan tekshirgan holda abituriyentlarni binoga kiritadi. Abituriyentlar roʻyxatda koʻrsatilgan oʻringa oʻtiradi.
Yozma imtihon oʻtkazish vaqtida imtihonga yetib kelmagan abituriyentlar oʻrinlari boʻsh qoladi.
31. Guruh kuzatuvchilari ikki nafar abituriyent guvohligida imtihon biletlari joylashtirilgan konvertlarning muhrlanganligiga ishonch hosil qilib, konvertni ochadi.
Kuzatuvchilar imtihon biletlari hamda savollarga javob yozish uchun moʻljallangan qatʼiy hisobda turuvchi raqamlanib muhrlangan daftarlarni abituriyentlarga tartib bilan tarqatadi.
Bino rahbari abituriyentlarga daftarning muqovasiga oʻzining familiyasi, ismi va otasining ismini yozish, shuningdek, daftar varaqlarini bukmaslik, unga har xil belgilar qoʻymaslik, yozuvlarning tagiga chizmaslik, koʻk havorang sharikli ruchkadan boshqa rangdagi ruchkada yozmaslik kerakligini tushuntiradi hamda ushbu talablarga rioya qilmaslik yozma imtihon oʻtkazish tartibini buzish deb hisoblanishi haqida ogohlantiradi.
32. Guruh kuzatuvchilari soat 9.00 gacha abituriyentlarga daftar olganligini tasdiqlovchi imzo qoʻydiradi va uning yoniga abituriyent olgan daftarning tartib raqamini yozib qoʻyadi.
Yozma imtihonga kelmagan taqdirda guruh roʻyxatiga “qatnashmadi” degan yozuv kiritiladi.
33. Bino rahbari soat 9.00 da yozma imtihon boshlanganligini eʼlon qiladi hamda yozma imtihonning boshlanish va tugash vaqtini doskaga yozib qoʻyadi.
34. Imtihon biletlariga javoblar daftarga havo rang pastali sharikli ruchkada tushunarli husnixat bilan yozilishi lozim.
35. Abituriyentlarga yozishda qisqartma soʻzlardan foydalanish, soʻzlarning osti yoki ustiga chizish, daftarning turli nuqtalariga, xususan, hoshiya qismiga tushunarsiz belgilar qoʻyish, shuningdek, berilgan savollarning javobi bilan bogʻliq boʻlmagan soʻzlarni yozish, yozma imtihon materiallarini boshqa abituriyentga uzatish, boshqa abituriyentlarga yordam berish taqiqlanadi.
Abituriyent tomonidan uyali telefon yoki boshqa aloqa va telekommunikatsiya vositalarini olib kirish va foydalanish qatʼiyan taqiqlanadi.
36. Yozma imtihonga uyali telefon, kompyuter yoki boshqa aloqa va telekommunikatsiya vositalarini, lugʻat, kitoblar, shpargalkalar olib kirishga harakat qilgan yoki olib kirgan, imtihon jarayonida imtihon materiallarini boshqaga uzatgan yoki yordam bergan, yozma imtihon uchun ajratilgan vaqt tugaganidan keyin imtihon materiallarini topshirmagan, imtihon materiallarini bino tashqarisiga olib chiqqan abituriyent yozma imtihon oʻtkazish tartibini buzgan hisoblanadi.
37. Yozma imtihon davomida abituriyentlarga binodan chiqish taqiqlanadi. Oʻzboshimchalik bilan binoni tark etgan abituriyentlar yozma imtihon oʻtkazish tartibini buzgan hisoblanadi. Sogʻligʻining yomonlashishi va boshqa zarur holatlarda imtihon materiallarini binoda qoldirib, kuzatuv ostida binodan chiqishga ruxsat beriladi.
38. Yozma imtihon oʻtkazishning belgilangan tartibini buzgan abituriyentlar yozma imtihondan chetlashtiriladi, yozma imtihondan chetlashtirish boʻyicha ushbu Nizomga 3-ilovada berilgan shaklga muvofiq bino rahbari va guruh kuzatuvchisi tomonidan dalolatnoma rasmiylashtiriladi.
39. Yozma imtihondan chetlashtirilgan abituriyentlarning yozma ishlari baholanmaydi va ular imtihonda ishtirok etmagan hisoblanadi.
40. Bino rahbari soat 11.00 da yozma imtihon vaqti tugaganligini eʼlon qiladi va guruh kuzatuvchilariga javoblar yozilgan daftarlarni yigʻishga koʻrsatma beradi.
41. Yozma imtihon uchun ajratilgan vaqt tugagandan soʻng abituriyentlar imtihon materiallarini topshiradi. Belgilangan muddatdan oldin javob yozishni tugatgan abituriyentlar imtihon materiallarini muddatidan oldin topshirishlari mumkin.
42. Barcha daftarlar, shu jumladan, imtihon vaqtida ishlatilmagan daftarlar hamda yozma imtihondan chetlashtirilganligi haqidagi dalolatnoma yelimlangan daftarlar alohida tegishli qutilarga joylashtiriladi.
43. Guruh kuzatuvchisi soat 11.15 dan kechikmasdan barcha qutilarni bino rahbariga topshiradi, bino rahbari esa topshirish vaqtini qayd etib, tegishli reyestrga imzo qoʻyadi.
44. Bino rahbari yozma imtihon savollariga javoblar yozilgan daftarlar solingan qutilarni guruh kuzatuvchilaridan qabul qilib olgach, daftarlarning muqovasi va birinchi varagʻiga maxsus shifrlar qoʻyib, daftar muqovasini uning boshqa varaqlariga shikast yetkazmagan holda yirtib oladi.
Qoʻyilgan shifrlarning sir saqlanishi uchun bino rahbari shaxsan javobgar hisoblanadi.
45. Imtihon komissiyasi yozma imtihonlar oʻtkazilishidan bir kun oldin tuziladi. Imtihon komissiyasi adliya vaziri tomonidan, imtihon komissiyasining boshqa aʼzolari yuridik kollej direktorining buyrugʻi bilan tayinlanadi. Imtihon komissiyasi aʼzolarining soni yozma imtihonda ishtirok etayotgan abituriyentlarning umumiy sonidan kelib chiqqan holda yuridik kollej direktori tomonidan belgilanadi.
46. Imtihon komissiyasi aʼzolari yozma imtihon oʻtkaziladigan kuni soat 11.00 dan kechikmay yozma imtihon natijalarini tekshirish va baholash uchun ajratilgan va video kuzatish tizimi bilan jihozlangan xonaga oʻz pasportlari bilan yetib kelishlari shart.
47. Imtihon komissiyasi raisi imtihon javoblari yozilgan daftarlar solingan qutilarni bino rahbaridan qabul qilib oladi. Imtihon komissiyasiga shifr qoʻyilmagan daftarlarni topshirishga yoʻl qoʻyilmaydi.
48. Imtihon komissiyasi raisi abituriyentlarning javoblari yozilgan daftarlar solingan qutilarni imtihon komissiyasi aʼzolari ishtirokida ochib, barcha daftarlarning muqovalari ajratilganligi va shifrlanganligini tekshiradi.
Muqovasi ajratilmagan, shifrlanmagan yoki abituriyentning shaxsini aniqlash imkonini beruvchi boshqa belgilari mavjud boʻlgan daftarlar aniqlangan taqdirda, dalolatnoma tuziladi va bunday ishlar tekshirilmaydi. Bunda shifrlanmagan, muqovali ishlar bino rahbariga shifr qoʻyish uchun qaytariladi, shundan soʻng ular yana tekshirish uchun imtihon komissiyasiga topshiriladi.
49. Imtihon komissiyasi raisi imtihon natijalari yozilgan daftarlarni komissiya aʼzolariga taqsimlab beradi.
50. Yozma imtihon javoblari tasdiqlangan baholash mezonlariga muvofiq imtihon komissiyasi aʼzolari tomonidan tekshirilib, baholanadi va xulosa yoziladi.
51. Abituriyentlarning yozma imtihon boʻyicha olgan ballari imtihon komissiyasi tomonidan tegishli shifr raqamlaridan iborat boʻlgan qaydnomaga kiritiladi.
Yozma imtihonning har bir fani boʻyicha qaydnoma alohida tuziladi.
52. Yozma imtihon javoblari yozilgan daftarlar va qaydnoma qutilarga solinadi hamda imtihon komissiyasi raisi tomonidan bino rahbariga topshiriladi. Bino rahbari ushbu qutilarni shifrlangan daftarlarning muqovalari bilan birga qabul komissiyasi raisiga yigʻma qaydnomaga kiritish uchun topshiradi.
53. Yozma imtihon ballari “Huquqshunoslik” va “Ona tili va adabiyoti” fanlari boʻyicha alohida qaydnomalarga abituriyentning ismi, otasining ismi va familiyasi hamda daftarlar muqovasidagi shifr raqamlari koʻrsatilgan holda kiritiladi.
Yozma imtihon natijalari har bir fan boʻyicha qabul komissiyasi tomonidan yigʻma qaydnomaga kiritiladi va shu asosida yozma imtihonning umumiy ballari chiqariladi.
54. Abituriyentning yozma imtihondagi eng yuqori balli 150 ballni tashkil qiladi. Ushbu ballar quyidagicha shakllanadi:
“Huquqshunoslik” fani boʻyicha — 0 dan 100 ballgacha;
“Ona tili va adabiyoti” fani boʻyicha — 0 dan 50 ballgacha.
55. Har bir fan boʻyicha yozma imtihon uchun belgilangan eng yuqori balldan 55 foizini yoki undan kamni toʻplagan, shuningdek, belgilangan vaqtda yozma imtihonga kelmagan abituriyentlar yuridik kollejlarga qabul qilinmaydi.
56. Yigʻma qaydnomada abituriyentlar roʻyxati har bir mutaxassislik va kasb boʻyicha toʻplangan eng yuqori balldan boshlab kamayib borish tartibida joylashtiriladi.
Kam taʼminlangan oilalardan abituriyentlar, Mehribonlik uylarining tarbiyalanuvchilari, shuningdek, koʻzi ojiz abituriyentlar natijalari alohida yigʻma qaydnomalarda koʻrsatiladi.
57. Yozma imtihon natijalari imtihon oʻtkazilgan kundan keyingi ish kunida qabul komissiyasi axborot stendlari va yuridik kollejlar veb-saytida eʼlon qilinadi.
58. Abituriyentning yozma imtihon natijalariga jiddiy taʼsir koʻrsatishi mumkin boʻlgan yozma imtihonni tashkil etish va oʻtkazish tartibi buzilishi aniqlanganda, tanlov natijalari bekor qilinadi, abituriyent oʻqishga qabul qilingan boʻlsa, u yuridik kollej oʻquvchilari safidan chetlashtiriladi.
59. Yuridik kollejlarga qabul qilish uchun yozma imtihonni qayta oʻtkazish taqiqlanadi.
Yozma imtihonga belgilangan vaqtda yetib kelmagan abituriyentlar uchun qoʻshimcha yozma imtihon oʻtkazilmaydi.
5-bob. Koʻzi ojiz abituriyentlar uchun tanlovni tashkil etish
60. Koʻzi ojiz abituriyentlarni qabul qilish uchun tanlov yozma imtihon uchun belgilangan fanlar boʻyicha koʻp balli yoxud anʼanaviy besh balli tizim asosida oʻtkaziladi.
61. Koʻzi ojizlar toifasiga quyidagi abituriyentlar kiradi:
maxsus maktab-internatlar tomonidan koʻzi ojizlar uchun berilgan oʻrta taʼlim (11-sinf negizida) yetuklik attestatiga ega shaxslar;
imkoniyati cheklangan shaxslar uchun ixtisoslashgan oʻrta maxsus kasb-hunar kollejlari tomonidan koʻzi ojizlar uchun berilgan diplomga ega shaxslar;
9 yillik koʻzi ojizlar maxsus maktab internatida oʻqigan va 3 yillik oʻrta maxsus kasb-hunar taʼlim muassasasi diplomiga ega boʻlgan shaxslar;
umumiy oʻrta taʼlim (11-sinf negizida) hujjati yoki akademik litsey (kasb-hunar kolleji) diplomiga ega boʻlgan koʻzi boʻyicha 1-guruh nogironligi toʻgʻrisida belgilangan tartibda berilgan maʼlumotnomaga ega boʻlgan shaxslar.
62. Fanlar boʻyicha kirish imtihonlarini oʻtkazish shakli (yozma yoki ogʻzaki) Adliya vazirligi bilan kelishgan holda qabul komissiyasi tomonidan belgilanadi.
63. Koʻzi ojiz abituriyentlarga doimiy yordam berish uchun qabul komissiyasi tomonidan masʼul xodim ajratiladi.
64. Tanlovni oʻtkazish jadvali masʼul kotibning taqdimnomasi asosida yuridik kollej direktorining buyrugʻi bilan tasdiqlanadi. Buyruqqa tanlovda ishtirok etish huquqiga ega abituriyentlar roʻyxati ilova qilinadi.
65. Qabul komissiyasi tomonidan tanlovni oʻtkazish uchun fanlar boʻyicha komissiyalar tashkil etiladi.
66. Fanlar boʻyicha tanlov dasturlari umumiy oʻrta, oʻrta maxsus va kasb-hunar fanlari dasturlariga toʻla muvofiq holda tuziladi va Adliya vazirligi tomonidan tasdiqlanadi.
67. Tanlovni oʻtkazuvchi komissiya tarkibiga Oʻzbekiston koʻzi ojizlar jamiyatining vakili kiradi.
68. Tanlov oʻtkazilishiga qadar qabul komissiyasi tomonidan tanlov fanlari boʻyicha koʻzi ojiz abituriyentlar uchun maslahatlar tashkil etiladi. Uning jadvali qabul komissiyasi raisi tomonidan tasdiqlanadi.
69. Har bir fan boʻyicha tanlov uchun belgilangan eng yuqori balldan 55 foizini yoki undan kamni (besh balli baholash tizimida baholanganda — “3” bahodan pastni) toʻplagan, shuningdek, belgilangan vaqtda yozma imtihonga kelmagan koʻzi ojiz abituriyentlar yuridik kollejlarga qabul qilinmaydi.
70. Yuridik kollejlarga qabul qilish uchun koʻzi ojizlar uchun tanlovni qayta oʻtkazish taqiqlanadi.
Tanlovga belgilangan vaqtda yetib kelmagan koʻzi ojiz abituriyentlar uchun qoʻshimcha tanlov oʻtkazilmaydi.
71. Tanlov natijalari har bir fan boʻyicha komissiya tomonidan yigʻma qaydnomaga kiritiladi va shu asosida tanlovning umumiy ballari chiqariladi.
72. Yigʻma qaydnomada koʻzi ojiz abituriyentlar roʻyxati har bir mutaxassislik va kasb boʻyicha koʻp balli yoxud tegishli anʼanaviy besh balli tizim asosida toʻplangan eng yuqori balldan boshlab kamayib borish tartibida joylashtiriladi.
73. Tanlov natijalari koʻzi ojiz abituriyentlarga tanlov oʻtkazilgan kuni eʼlon qilinadi.
6-bob. Apellyatsiya shikoyatlarini koʻrib chiqish
74. Yozma imtihonlar (koʻzi ojiz abituriyentlar uchun tanlov) natijalari yuzasidan abituriyentlarning shikoyatlarini koʻrib chiqish uchun yuridik kollej direktorining buyrugʻi bilan apellyatsiya komissiyasi tashkil etiladi.
Shikoyat yozma imtihon (koʻzi ojiz abituriyentlar uchun tanlov) natijasi eʼlon qilingan kundan boshlab ikki ish kuni mobaynida apellyatsiya komissiyasiga berilishi mumkin. Apellyatsiya qabul qilinganligi toʻgʻrisida abituriyentga xabarnoma yuboriladi.
75. Apellyatsiya komissiyasi tarkibiga yuridik kollejning pedagog xodimlari, tegishli fanlar boʻyicha ekspertlar hamda Oʻzbekiston koʻzi ojizlar jamiyati vakili (shikoyat koʻzi ojiz abituriyent tomonidan berilganda) kiritiladi.
Zarur hollarda, apellyatsiyani koʻrib chiqish jarayoniga imtihon komissiyasi aʼzolari, shuningdek, tegishli masalalar boʻyicha bino rahbari va guruh kuzatuvchilari jalb qilinishi mumkin.
76. Shikoyat tushgan kuni shikoyat qilgan abituriyentning yozma imtihon materiallari masʼul kotib tomonidan apellyatsiya komissiyasiga topshiriladi.
77. Shikoyat bergan shaxs xabarnomada nazarda tutilgan vaqtda apellyatsiya komissiyasiga pasporti bilan kelishi shart.
78. Shikoyatni koʻrib chiqish vaqtida ariza beruvchiga yozma imtihon savollariga javoblar yozgan daftari uning iltimosiga koʻra beriladi. Ariza beruvchi oʻz eʼtirozlarini yozib, unga berilgan materiallar bilan birga apellyatsiya komissiyasiga topshiradi.
79. Apellyatsiya komissiyasi tomonidan shikoyatlarni koʻrib chiqish ikki ish kunidan oshmasligi va natijasi boʻyicha qaror qabul qilinishi shart.
80. Shikoyatda koʻrsatilgan vajlar oʻz tasdigʻini topmasa, apellyatsiya komissiyasi yozma imtihon natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisida qaror qabul qiladi.
81. Shikoyatda koʻrsatilgan vajlar oʻz tasdigʻini topgan taqdirda abituriyentning yozma imtihon ishiga (koʻzi ojiz abituriyentlar uchun tanlov boʻyicha koʻp balli yoxud tegishli anʼanaviy besh balli tizim asosida uzil-kesil ball) apellyatsiya komissiyasi tomonidan uzil-kesil ball qoʻyiladi.
82. Apellyatsiya komissiyasi tomonidan qabul qilingan qaror toʻgʻrisida ariza beruvchiga maʼlumot taqdim etiladi.
83. Yigʻma qaydnomalar, apellyatsiya komissiyasining qarorlari asosida yuridik kollejlarga qabulning uzil-kesil natijasi aniqlanadi va tanlov qaydnomasiga kiritiladi.
Kvota doirasida toʻlov-kontrakt asosida qabul qilinayotgan abituriyentlar, kam taʼminlangan oilalardan abituriyentlar, Mehribonlik uylarining tarbiyalanuvchilari, shuningdek, koʻzi ojiz abituriyentlar uchun tanlov qaydnomalari alohida tuziladi.
Tanlov qaydnomalari yuridik kollej direktori tomonidan tasdiqlanadi va 25-iyulga qadar yuridik kollejga oʻqishga qabul qilish toʻgʻrisida qaror qabul qilish uchun Adliya vazirligiga yuboriladi.
7-bob. Abituriyentlarni oʻqishga qabul qilish
84. Adliya vazirligining abituriyentlarni yuridik kollejlarga oʻqishga qabul qilish toʻgʻrisidagi qarori, qoida tariqasida, 10-avgustdan kechikmay qabul qilinadi. Adliya vazirligining qarori adliya vazirining buyrugʻi shaklida rasmiylashtiriladi.
85. Qabul Adliya vazirligi tomonidan:
qabul kvotalari doirasida toʻlov-kontrakt asosida;
qabul kvotalaridan tashqari davlat grantlari asosida — kam taʼminlangan oilalardan abituriyentlar, Mehribonlik uylarining tarbiyalanuvchilari, shuningdek, koʻzi ojiz abituriyentlarga nisbatan amalga oshiriladi.
Adliya vazirligining qarori 20-avgustgacha kam taʼminlangan oilalardan abituriyentlar, Mehribonlik uylarining tarbiyalanuvchilari, shuningdek, koʻzi ojiz abituriyentlarni oʻqishga qabul qilish toʻgʻrisida yuridik kollej direktorining buyrugʻini rasmiylashtirish uchun asos hisoblanadi.
86. Adliya vazirligi tomonidan abituriyentlarni toʻlov-kontrakt asosida oʻqishga tavsiya etish toʻgʻrisida qaror qabul qilingandan keyin yuridik kollejlar bilan yuridik yoki jismoniy shaxslar oʻrtasida belgilangan tartibda kontraktlar rasmiylashtiriladi. Toʻlov-kontrakt asosida oʻqishning toʻlov miqdori qonun hujjatlariga muvofiq belgilanadi.
Belgilangan namunadagi kontrakt blankalari Adliya vazirligi qarori qabul qilingan kundan boshlab beriladi hamda yuridik kollej direktori va bosh buxgalteri imzosi bilan rasmiylashtiriladi (yuridik shaxslar uchun 3 nusxada, jismoniy shaxslar uchun 2 nusxada).
Adliya vazirligi tomonidan yuridik kollejda oʻqishga tavsiya etilgan abituriyentlar uchun toʻlov har yili kontrakt shartlarida koʻrsatilgan muddatlarda amalga oshiriladi. Abituriyentlarni oʻqishga qabul qilish yuridik hamda jismoniy shaxslar tomonidan kontrakt toʻlovi miqdori 15-sentabrdan kechiktirmay toʻlangandan soʻng yuridik kollej direktorining buyrugʻi bilan rasmiylashtiriladi.
Ushbu abituriyentlarga 2-sentabrdan boshlab darslarga qatnashishiga ruxsat etish toʻgʻrisida buyruq rasmiylashtiriladi.
8-bob. Xorijiy fuqarolarni qabul qilish
87. Xorijiy fuqarolarni (xorijiy davlat fuqarosi boʻlgan jismoniy shaxsni, shuningdek, xorijiy davlat hududida doimiy ravishda istiqomat qiladigan fuqaroligi boʻlmagan shaxslarni) yuridik kollejga oʻqishga qabul qilish yuridik kollejlar tomonidan belgilangan tartibda oʻtkaziladigan suhbat natijasi boʻyicha amalga oshiriladi.
88. Xorijiy fuqarolarni yuridik kollejlarga oʻqishga qabul qilish qabul kvotasidan tashqari, Adliya vazirligi tomonidan belgilangan oʻrinlar soniga muvofiq, toʻlov-kontrakt asosida amalga oshiriladi.
89. Adliya vazirligining xorijiy fuqarolarni yuridik kollejlarga oʻqishga qabul qilish toʻgʻrisidagi qarori, qoida tariqasida, 25-avgustdan kechikmay qabul qilinadi.
90. Adliya vazirligi tomonidan xorijiy fuqarolarni oʻqishga qabul qilish toʻgʻrisida qaror qabul qilingandan keyin yuridik kollej bilan jismoniy va yuridik shaxslar oʻrtasida belgilangan tartibda kontraktlar tuziladi.
Belgilangan namunadagi kontrakt blankalari Adliya vazirligining qarori eʼlon qilingan kundan boshlab beriladi va TDYU rektori va bosh buxgalteri tomonidan imzolangan holda (yuridik shaxslar uchun 3 nusxada, jismoniy shaxslar uchun 2 nusxada) rasmiylashtiriladi.
91. Xorijiy fuqarolar oʻqish uchun toʻlovni har yili kontrakt shartlarida koʻrsatilgan muddatlarda amalga oshiradi. Toʻlov-kontrakt asosida oʻqishning toʻlov miqdori qonun hujjatlariga muvofiq belgilanadi.
92. Xorijiy fuqarolarni oʻqishga qabul qilish jismoniy yoki yuridik shaxslar tomonidan oʻqish uchun kontraktda belgilangan pul mablagʻlari summasi 15-sentabrdan kechiktirilmay toʻlangandan soʻng yuridik kollej direktorining buyrugʻi bilan rasmiylashtiriladi. Xorijiy fuqarolarga 2-sentabrdan boshlab oʻquv mashgʻulotlariga qatnashishga ruxsat etish toʻgʻrisida buyruq rasmiylashtiriladi.
9-bob. Yakunlovchi qoidalar
93. Yuridik kollejlarga oʻqishga qabul qilingan abituriyentlarning yozma imtihon (koʻzi ojiz abituriyentlar uchun tanlov) natijalaridan tegishli koʻchirmalar ularning shaxsiy hujjatlar yigʻmajildlariga tikib qoʻyiladi.
Oʻqishga qabul qilinmagan abituriyentlarning yozma imtihon (koʻzi ojiz abituriyentlar uchun tanlov) natijalari 6 oy davomida saqlanadi, soʻng belgilangan tartibda yoʻq qilinadi.
94. Tanlovlarni tashkil etish va oʻtkazish bilan bogʻliq xarajatlar yuridik kollejlarning budjetdan tashqari mablagʻlari, shuningdek, budjetdan tashqari Adliya organlari va muassasalarini rivojlantirish jamgʻarmasi mablagʻlari hamda adliya organlari va muassasalarining budjetdan tashqari boshqa mablagʻlari hisobiga amalga oshiriladi.
95. Ushbu Nizom talablari buzilishida aybdor boʻlgan shaxslar qonun hujjatlariga muvofiq javob beradilar.
Oʻzbekiston Respublikasi Adliya vazirligining yuridik kollejlariga oʻqishga qabul qilish tartibi toʻgʻrisidagi nizomga
1-ILOVA
1-ILOVA
Oʻzbekiston Respublikasi Adliya vazirligining yuridik kollejlariga oʻqishga qabul qilishni tashkil etish
SXEMASI
Oʻzbekiston Respublikasi Adliya vazirligining yuridik kollejlariga oʻqishga qabul qilish tartibi toʻgʻrisidagi nizomga
2-ILOVA
2-ILOVA
| | | | | | | ________________________________________ | |||
| | | | | | |
(yuridik kollej nomi) | |||
| | | | | | | direktori _______________________________ | |||
| | | | | | | | |
(F.I.O.) |
|
| | | | | | | _____________________________________ dan | |||
| | | | | | |
(abituriyent F.I.Sh. (toʻliq yoziladi)) | |||
| | | | | | | | | | |
| | |
___________________________________________ yuridik kollejiga |
| | |||||
| | | |
oʻqishga qabul qilish toʻgʻrisida |
| | | |||
| | | | |
A R I Z A |
| | | | |
|
_____Menga _____________________________ mutaxassisligi boʻyicha __________________________ tilida oʻqish uchun | |||||||||
| |
(mutaxassislik, kasb nomi) |
|
(oʻzbek, rus, qoraqalpoq) |
| |||||
| tanlovdan oʻtishga ruxsat berishingizni soʻrayman. | | | | | | ||||
| _____ Maʼlumotim ____________________________________. _____ yilda _____________________________________ | |||||||||
| |
(umumiy oʻrta, oʻrta maxsus, kasb-hunar) |
|
(taʼlim muassasasi nomi) |
| |||||
| ______________________________________________________________________________________ ni tamomlaganman. | |||||||||
| | |||||||||
| _____ Maʼlumot haqidagi hujjat (diplom, attestat): seriya ____________ № _____________________________________ | |||||||||
| _____ Tugʻilgan sanam va joyim: ___________ yil “______” ___________ da _____________________________________ | |||||||||
| | |
_________ (yil) _________(kun) ________ (oy) |
|
(tugʻilgan joy) |
| ||||
| _____________________________________________________________________________________________________ | |||||||||
| _____ Fuqaroligim: ____________________________________________________________________________________ | |||||||||
| | |
(fuqarolik pasport yoki uning oʻrnini bosadigan hujjat boʻyicha koʻrsatiladi) | |||||||
| _____ Doimiy yashash joyim ______________________________________________________________________________ | |||||||||
| | |
(mamlakat, viloyat, shahar, tuman, qishloq, koʻcha, uy va kvartira raqami (toʻliq)) | |||||||
| _____ Pasportga oid maʼlumotlar: ____________ __________________ _________________________________________ | |||||||||
| | | |
(seriya) |
(raqami) |
(kim tomondan va qachon berilgan) | ||||
|
_____ Oʻzim haqimda qoʻshimcha quyidagilarni maʼlum qilaman: | |||||||||
| _____________________________________________________________________________________________________ | |||||||||
|
(I va II guruh nogironi, Mehribonlik uyi tarbiyalanuvchisi, kam taʼminlagan oiladan) | |||||||||
| | | | | | | | | | |
|
_______________________ |
|
__________________ |
| _____________________________ | |||||
| |
(F.I.O.) |
| |
(imzo) |
|
(ariza berilgan sana) | |||
Oʻzbekiston Respublikasi Adliya vazirligining yuridik kollejlariga oʻqishga qabul qilish tartibi toʻgʻrisidagi nizomga
3-ILOVA
3-ILOVA
| | | | |
Yozma imtihondan chetlashtirish haqidagi DALOLATNOMA |
| | | | ||||||
| _____________________ shahri | | | | | | | 20____ yil “_____” ________________ | |||||||
| Biz, quyida imzo chekuvchilar shuni tasdiqlaymizki, abituriyent | ||||||||||||||
|
_____________________________________________________________________________________________________ | ||||||||||||||
| | | | | |
(F.I.Sh.) |
| | | | | | | ||
| quyidagi sabablarga koʻra yozma imtihondan soat _____:_____ da chetlatildi: | ||||||||||||||
|
taqiqlangan vositalardan foydalangan (uyali telefon, kompyuter hamda boshqa aloqa va telekommunikatsiya vositalari, lugʻat, kitob, shpargalka); | |||||||||||||
| | | | | | | | | | | | | | | |
|
boshqa abituriyentga yozma imtihon materiallarini bergan; | |||||||||||||
| | | | | | | | | | | | | | | |
|
abituriyentga yordam bergan; | |||||||||||||
| | | | | | | | | | | | | | | |
|
_____________________________________________________________________________________________________ | ||||||||||||||
| | | | |
(Nizomda nazarda tutilgan boshqa holatlar) |
| | | | ||||||
| Abituriyent tomonidan Oʻzbekiston Respublikasi Adliya vazirligining yuridik kollejlariga oʻqishga qabul qilish tartibi toʻgʻrisida nizomning _____ bandlari talablari buzilgan. | ||||||||||||||
| | | | | | | | | | | | | | | |
| 1. Bino rahbari | | _______________________________________________ | | ___________________ | ||||||||||
| | | | | | |
(F.I.O.) |
| | |
(imzo) | ||||
| 2. Guruh kuzatuvchisi | | _______________________________________________ | | ___________________ | ||||||||||
| | | | | | |
(F.I.O.) |
| | |
(imzo) | ||||
| 3. Guruh kuzatuvchisi | | _______________________________________________ | | ___________________ | ||||||||||
| | | | | | |
(F.I.O.) |
| | |
(imzo) | ||||
| | | | | | | | | | | | | | | |
Izoh: ushbu dalolatnoma abituriyentga berilgan daftarga tikib qoʻyiladi.
Keyingi tahrirga qarang.
Vazirlar Mahkamasining 2018-yil 23-oktabrdagi 858-son qaroriga
2-ILOVA
2-ILOVA
Oʻzbekiston Respublikasi Adliya vazirligining yuridik kollejlari
NAMUNAVIY TUZILMASI
Xodimlarning belgilangan umumiy soni 30 — 46 shtat birligidan iborat (kafedralar professor-oʻqituvchilari va oʻquv-yordamchi xodimlari, foydalanish-xoʻjalik boʻlimining texnik va xizmat koʻrsatuvchi xodimlari, oʻquvchilar yashash uylari xodimlari, shuningdek, direktor va uning oʻrinbosarlari kotib-ish yurituvchilaridan tashqari), yuridik kollejlar boʻyicha xodimlarning aniq soni Oʻzbekiston Respublikasi Adliya vazirligi tomonidan belgilanadi.
* Direktor bir vaqtning oʻzida tegishli ravishda Qoraqalpogʻiston Respublikasi Adliya vaziri, viloyatlar yoki Toshkent shahri adliya boshqarmalari boshligʻi hisoblanadi.
** Kafedralarning professor-oʻqituvchilari tarkibi va oʻquv-yordamchi xodimlari, foydalanish-xoʻjalik boʻlimining texnik va xizmat koʻrsatuvchi xodimlari, oʻquvchilar yashash uylari xodimlari, shuningdek, direktor va uning oʻrinbosarlarining kotib-ish yurituvchilari soni qonun hujjatlarida belgilangan normativlar boʻyicha aniqlanadi.
Keyingi tahrirga qarang.
Vazirlar Mahkamasining 2018-yil 23-oktabrdagi 858-son qaroriga
3-ILOVA
3-ILOVA
Oʻzbekiston Respublikasi Adliya vazirligining yuridik kollejlarida oʻquv yuklamasi
Hajmi
Kunduzgi taʼlim shaklida auditoriya mashgʻulotlarining maksimal hajmi haftasiga 30 soat hajmida belgilanadi.
Taʼlim muddati 2 yil etib belgilanganda oʻquv jarayonining davomiyligi 100 haftani tashkil etadi.
Oʻquv vaqtining umumiy hajmi quyidagicha taqsimlanadi:
nazariy taʼlim — 56 — 70 %;
attestatsiya — 10 — 20 %;
taʼtillar — 12 — 20 %;
amaliyot — 4 — 18 %.
Nazariy taʼlim vaqtining hajmi fanlar bloklari boʻyicha quyidagicha taqsimlanadi:
nomutaxassislik fanlari — 30 — 50 %;
mutaxassislik fanlari — 50 — 70 %.
Oʻquv yilida taʼtil vaqtining umumiy hajmi 6 — 10 hafta etib belgilanadi.
Keyingi tahrirga qarang.
Vazirlar Mahkamasining 2018-yil 23-oktabrdagi 858-son qaroriga
4-ILOVA
4-ILOVA
Oʻzbekiston Respublikasi Hukumatining ayrim qarorlari kiritilayotgan
QOʻSHIMCHALAR
1. Vazirlar Mahkamasining “Umumiy oʻrta va oʻrta maxsus, kasb-hunar taʼlimining davlat taʼlim standartlarini tasdiqlash toʻgʻrisida” 2017-yil 6-apreldagi 187-son qarorida (Oʻzbekiston Respublikasi QHT, 2017-y., 14-son, 230-modda):
a) 2-ilovada:
4-bobning 1-paragrafiga quyidagi mazmundagi 161-band qoʻshilsin:
“161. Ushbu paragraf qoidalari Oʻzbekiston Respublikasi Adliya vazirligining yuridik kollejlariga nisbatan tatbiq etilmaydi”;
18-bandga quyidagi mazmundagi xatboshi qoʻshilsin:
“Oʻzbekiston Respublikasi Adliya vazirligi yuridik kollejlarining malaka talablari Toshkent davlat yuridik universiteti tomonidan ishlab chiqiladi va tasdiqlanadi”;
b) 3-ilovaning 3-bandiga quyidagi mazmundagi xatboshi qoʻshilsin:
“Oʻzbekiston Respublikasi Adliya vazirligi yuridik kollejlarining oʻquv dasturlari, davlat attestatsiyasi uchun umumtaʼlim fanlari boʻyicha nazorat-baholash koʻrsatkichlari Toshkent davlat yuridik universiteti tomonidan ishlab chiqiladi va tasdiqlanadi”.
2. Vazirlar Mahkamasining 2009-yil 11-fevraldagi 40-son qarori (Oʻzbekiston Respublikasi QT, 2009-y., 2-son, 11-modda) bilan tasdiqlangan Kasb-hunar kollejlari oʻquvchilari tomonidan korxonalar, muassasalar va tashkilotlarda ishlab chiqarish amaliyotini oʻtash tartibi toʻgʻrisidagi nizomning 1-bandiga quyidagi mazmundagi xatboshi qoʻshilsin:
“Ushbu Nizom Oʻzbekiston Respublikasi Adliya vazirligining yuridik kollejlari oʻquvchilariga tatbiq etilmaydi”.
