|
Hujjat 11.08.2019 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning hududiy manzilli roʻyxatlarini shakllantirish va moliyalashtirish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Axborot texnologiyalari va kommunikatsiyalari sohasini yanada takomillashtirish chora-tadbirlari toʻgʻrisida” 2018-yil 19-fevraldagi PF-5349-son Farmoni va Oʻzbekiston Respublikasi Prezidentining “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi faoliyatini tashkil etish toʻgʻrisida” 2018-yil 19-fevraldagi PQ-3549-son qaroriga muvofiq, shuningdek, Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning hududiy manzilli roʻyxatlarini shakllantirish va moliyalashtirish tartibini takomillashtirish maqsadida Vazirlar Mahkamasi qaror qiladi:
1. Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning hududiy manzilli roʻyxatlarini shakllantirish va moliyalashtirish tartibi toʻgʻrisidagi nizom 1-ilovaga muvofiq tasdiqlansin.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari manfaatdor vazirlik va idoralar bilan birgalikda axborot-kommunikatsiya texnologiyalarini joriy etish va rivojlantirish boʻyicha ustuvor loyihalarning keyinchalik oʻrnatilgan tartibda tasdiqlanadigan hududiy manzilli roʻyxatlarining oʻz vaqtida hamda sifatli amalga oshirilishini taʼminlash boʻyicha hududiy kengashlarni bir hafta muddatda 2-ilovaga muvofiq tarkibda shakllantirsinlar.
3. Mazkur qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri Sh.M. Sadikov zimmasiga hamda Oʻzbekiston Respublikasi Vazirlar Mahkamasining Elektron hukumat, telekommunikatsiya infratuzilmasini rivojlantirish va axborot xavfsizligini taʼminlash masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 12-oktabr,
821-son
Vazirlar Mahkamasining 2018-yil 12-oktabrdagi 821-son qaroriga
1-ILOVA
1-ILOVA
Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning hududiy manzilli roʻyxatlarini shakllantirish va moliyalashtirish tartibi toʻgʻrisida
NIZOM
1-bob. Umumiy qoidalar
1. Ushbu Nizom belgilangan tartibda tasdiqlanadigan ustuvor loyihalarning manzilli roʻyxatlari doirasida Axborot-kommunikatsiya texnologiyalarini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlari, shuningdek, qonun hujjatlarida taqiqlanmagan boshqa manbalar hisobidan hududlarda axborot-kommunikatsiya texnologiyalarini joriy qilish va rivojlantirish boʻyicha amalga oshiriladigan loyihalarni shakllantirish va moliyalashtirish tartibini belgilaydi.
Keyingi tahrirga qarang.
2. Ushbu Nizomda quyidagi atamalar va taʼriflardan foydalaniladi:
ustuvor loyihalarning manzilli roʻyxati — hududlarda axborot-kommunikatsiya texnologiyalarini rivojlantirish boʻyicha loyihalarning har yili hududiy kengashlar tomonidan tasdiqlanadigan roʻyxati;
loyiha — vaqtincha hamda resurslar cheklangan sharoitlarda axborot-kommunikatsiya texnologiyalarini joriy qilish va rivojlantirish sohasida mahsulot (tovar, ishlar, xizmatlar) yaratishga yoʻnaltirilgan oʻzaro bogʻlangan tadbirlar kompleksi yoki alohida tadbirlar;
loyiha tashabbuskori — mahalliy davlat hokimiyat organlari, vazirliklar va idoralarning mansub tashkilotlari, shuningdek, hududlardagi loyihani amalga oshirishga innovatsion takliflar taqdim etgan tadbirkorlik subyektlari (yuridik shaxslar);
Keyingi tahrirga qarang.
loyihani bajaruvchi — loyiha tashabbuskori tomonidan, belgilangan tartibda konkurs va tender savdolarini oʻtkazish yoʻli bilan aniqlanadigan yuridik shaxs;
ishchi organ — ustuvor loyihalarning manzilli roʻyxatiga kiritish uchun loyihalar roʻyxatini shakllantiradigan Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining tegishli hududiy boshqarmasi.
3. Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning manzilli roʻyxati ushbu Nizomga 1-ilovaga muvofiq Sxema boʻyicha shakllantiriladi.
2-bob. Hududlarda axborot-kommunikatsiya texnologiyalarini rivojlantirish boʻyicha ustuvor loyihalarning manzilli roʻyxatlarini shakllantirish maqsadlari va tartibi
4. Quyidagilar hududlarda ustuvor loyihalarning manzilli roʻyxatlarini shakllantirish maqsadlari hisoblanadi:
axborotlashtirish sohasida yagona davlat siyosati amalga oshirilishini taʼminlash, shuningdek, ustuvor loyihalarning hududiy manzilli roʻyxatlarini shakllantirishni moliyalashtirish yoki loyihalarni amalga oshirish uchun jalb etiladigan mablagʻlarni samarali taqsimlash hamda ulardan foydalanishni taʼminlaydigan amaliy mexanizmni joriy qilish;
davlat organlarining manfaatlari yoʻlida axborot-kommunikatsiya texnologiyalari sohasidagi eng muhim va ustuvor idoralararo loyihalarni qoʻllab-quvvatlash;
“Elektron hukumat” tizimini shakllantirish sohasida davlat boshqaruvi samaradorligini va yuridik hamda jismoniy shaxslarga koʻrsatiladigan interaktiv davlat xizmatlari sifatini oshirishni taʼminlaydigan loyihalarni birinchi navbatda moliyalashtirish;
loyihalarni shakllantirishda va moliyalashtirishda shaffoflikni taʼminlash.
5. Ustuvor loyihalarning manzilli roʻyxatiga quyidagi yoʻnalishlardagi loyihalar kiritiladi:
telekommunikatsiya infratuzilmasini yanada rivojlantirish, aholini sifatli mobil aloqa hamda Internet tarmogʻidan keng polosali foydalanishni taʼminlash;
sogʻliqni saqlash, aholini ijtimoiy himoya qilish, taʼlim, kommunal xizmat koʻrsatish, turizm sohalarida zamonaviy axborot tizimlarini, dasturiy mahsulotlar va maʼlumotlar bazalarini joriy qilish, shuningdek, “aqlli” va “xavfsiz” shaharlar va hududlarni tashkil qilish;
davlat-xususiy sheriklik asosida innovatsion loyihalarni amalga oshirish, shuningdek, eksportga yoʻnaltirilgan dasturiy mahsulotlar ishlab chiqarilishini qoʻllab-quvvatlash;
joylarda, ayniqsa, olis joylarda elektron davlat xizmatlarini taqdim etish tizimini yanada kengaytirish, shuningdek, zamonaviy axborot-kommunikatsiyalarini qoʻllash sohasida aholi savodxonligini oshirish;
pochta aloqasi sohasini va pochta aloqasi milliy operatori boʻlgan “Oʻzbekiston pochtasi” AJ faoliyatini takomillashtirish.
Oldingi tahrirga qarang.
6. Loyihani ustuvor loyihalarning manzilli roʻyxatiga kiritish uchun yuridik shaxs-tashabbuskorning rahbari tomonidan imzolangan loyiha pasporti Ishchi organga taqdim etiladi. Loyiha pasporti:
(6-bandning birinchi xatboshisi Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)
loyihaning maqsadi va vazifalari;
texnik xususiyatini;
erishiladigan natijalar;
tashkiliy tadbirlar koʻlami va samaradorligini baholashni;
loyihani amalga oshirish uchun zarur mablagʻlarga boʻlgan ehtiyoj va mablagʻ hajmini oʻz ichiga oladi.
7. Ishchi organ loyihalar tashabbuskorlarining taqdim etilgan takliflari asosida hududiy kengash majlislarida koʻrib chiqish uchun dastlabki roʻyxatni tuzadi.
8. Quyidagilar loyihaning ustuvorligini belgilashning asosiy mezonlari hisoblanadi:
loyihaning axborotlashtirish sohasidagi davlat siyosatiga muvofiqligi;
dasturiy mahsulotlar va axborot tizimlari sohasidagi mahalliy ishlanmalardan foydalanish darajasi;
kutiladigan natijalarning ahamiyatliligi va samaradorligi;
loyihaning ijtimoiy ahamiyatliligi;
loyihaning amalga oshirishga tayyorlik darajasi (zarur infratuzilma, texnik hujjatlar, texnik hujjatlar boʻyicha vakolatli organlar ekspert xulosasining mavjudligi).
9. Aniq bir loyiha, uni amalga oshirishning maqsadga muvofiqligi, iqtisodiy va moliyaviy samaradorligi, amalga oshirib boʻlishligi va davlat organlarining manfaatlari yoʻlidagi vazifalarga mosligi asosida tanlab olinadi.
10. Ustuvor loyihalarning hududiy manzilli roʻyxatini shakllantirishda yirik va oʻta muhim loyihalar alohida kiritiladi, uncha katta boʻlmagan bir turdagi loyihalar bir butun sifatida kiritilishi mumkin (masalan, axborot tizimlari kompleksini yaratish, interaktiv davlat xizmatlarini joriy qilish).
11. Ustuvor loyihalarning hududiy manzilli roʻyxatlari har yili hududiy kengashlar qarorlari bilan tasdiqlanadi va tegishli hududda mobil aloqa xizmatlarini koʻrsatadigan yuridik shaxslar tomonidan abonent raqamidan foydalanganlik uchun toʻlovdan tushadigan summaning 5 foizigacha boʻlgan miqdorda Jamgʻarma mablagʻlari, shuningdek, qonun hujjatlarida taqiqlanmagan boshqa mablagʻlar hisobidan amalga oshiriladi.
Keyingi tahrirga qarang.
12. Hududiy kengashlarning qarorlari loyihalarni Jamgʻarma tomonidan belgilangan tartibda moliyalashtirish uchun asos hisoblanadi.
13. Markazlashtirilgan holda ishlab chiqiladigan va Oʻzbekiston Respublikasi Prezidenti hamda Hukumatining tegishli qarorlari doirasida masʼul vazirlik va idoralar hisobidan amalga oshirish nazarda tutiladigan loyihalar ustuvor loyihalarning hududiy manzilli roʻyxatlari doirasida qayta moliyalashtirilmaydi.
14. Oʻzbekiston Respublikasi Prezidentining farmonlari, qarorlari va farmoyishlari, shuningdek, Oʻzbekiston Respublikasi Vazirlar Mahkamasining bayonlari topshiriqlari, qarorlarida belgilangan vazifalarga muvofiq ishchi organ yil davomida, istisno tariqasida, koʻrib chiqish va keyinchalik hududiy kengashga tasdiqlashga taqdim etish maqsadida loyihalarni ustuvor loyihalarning hududiy manzilli roʻyxatiga kiritish uchun taklif etishi mumkin.
15. Ustuvor loyihalarning manzilli roʻyxatiga kiritilgan loyihalarni amalga oshirish uchun tegishli loyiha-texnik hujjatlar ishlab chiqiladi va Oʻzbekiston Respublikasi qonunchiligiga muvofiq belgilangan tartibda ekspertizadan oʻtkaziladi.
LexUZ sharhiQarang: Oʻzbekiston Respublikasi Prezidentining 2022-yil 25-iyuldagi PQ-332-sonli qarori bilan tasdiqlangan Investitsiyaviy va infratuzilmaviy loyihalarning loyihaoldi hujjatlarini ishlab chiqish, kompleks ekspertizadan oʻtkazish va tasdiqlash tartibi toʻgʻrisidagi nizom.
16. Jamgʻarma mablagʻlarini tejash maqsadida ustuvor loyihalarning manzilli roʻyxatiga kiritish nazarda tutiladigan loyihalar markazlashtirilgan holda ishlab chiqilishi mumkin.
3-bob. Ustuvor loyihalarning manzilli roʻyxatini shakllantirish muddatlari
17. Ustuvor loyihalarning manzilli roʻyxatini shakllantirish jarayoni loyihalarning yangilangan roʻyxatini har yil oxirida tayyorlashni taʼminlaydigan yillik jarayon boʻlib, ushbu Nizomga 1-ilovaga muvofiq Sxema boʻyicha amalga oshiriladi.
18. Ishchi organ har yili 1-avgustgacha mahalliy davlat hokimiyati organlari, vazirlik va idoralarning mansub tashkilotlariga axborotlashtirishni rivojlantirish davlat siyosatidan, “Elektron hukumat” tizimini va integratsiyalashtirilgan axborot tizimlarini yanada joriy qilish doirasidagi vazifa va maqsadli yoʻnalishlardan kelib chiqqan holda ustuvor loyihalarning manzilli roʻyxatga kiritish uchun takliflar tayyorlash yuzasidan uslubiy koʻrsatmalar yuboradi.
Keyingi tahrirga qarang.
19. Ustuvor loyihalarning manzilli roʻyxatiga kiritish uchun takliflar quyidagi tartibda tayyorlanadi:
loyiha tashabbuskorlari axborotlashtirish sohasidagi davlat siyosatining ustuvor yoʻnalishlari asosida joriy yil 15-sentabrgacha koʻrib chiqish va keyinchalik tanlash uchun loyihalarni ishchi organga taqdim etadi;
ishchi organ joriy yil 30-sentabrgacha loyihalarni koʻrib chiqish uchun hududiy kengashga taqdim etadi;
hududiy kengash joriy yilning 20-oktabridan kechiktirmasdan taqdim etilgan loyihalarni ushbu Nizomda belgilangan mezonlar asosida samarali tanlash maqsadida koʻrib chiqadi va oʻrganadi.
20. Hududiy kengashlar loyihalarni jamlagandan soʻng ustuvor loyihalarning manzilli roʻyxatini joriy yilning 1-noyabridan kechiktirmasdan ushbu Nizomga 2-ilovada nazarda tutilgan namunaviy shaklga muvofiq tasdiqlaydi.
21. Ustuvor loyihalarning manzilli roʻyxatga bir yildan ortiq vaqtdan buyon amalga oshirilayotgan va yillar va choraklar boʻyicha moliyalashtirish davri aniq koʻrsatilgan loyihalar kiritilishi mumkin.
4-bob. Ustuvor loyihalarning manzilli roʻyxatlarini Jamgʻarma mablagʻlari hisobidan moliyalashtirish tartibi
22. Loyihalar tashabbuskorlari hududiy kengashlar tomonidan ishchi organ belgilangan tartibda jalb qilingan holda ustuvor loyihalarning manzilli roʻyxatlari tasdiqlangandan soʻng Jamgʻarma mablagʻlari hisobidan moliyalashtiriladigan ustuvor loyihalarning manzilli roʻyxatlari doirasidagi yangi loyihalar boʻyicha “Davlat xaridlari toʻgʻrisida”gi Oʻzbekiston Respublikasining Qonuni talablariga rioya etilgan holda xarid qilish tartib-taomillarini amalga oshiradi.
Belgilangan tartibda amalga oshirilgan xarid qilish tartib-taomillari natijalari boʻyicha axborot-kommunikatsiya texnologiyalari sohasidagi loyihalar tashabbuskorlari, tizim integratorlari va/yoki tovarlar (ishlar, xizmatlar) yetkazib beruvchilari hamda Jamgʻarma oʻrtasida ustuvor loyihalarning manzilli roʻyxatiga kiritilgan loyihalarni amalga oshirish uchun uch tomonlama shartnomalar tuziladi.
23. Jamgʻarma tomonidan ustuvor loyihalarning manzilli roʻyxatini amalga oshirishni moliyalashtirish uchun loyiha tashabbuskorining buyurtmanomalari boʻyicha loyiha tashabbuskori, loyiha ijrochisi va Jamgʻarma oʻrtasida imzolangan uch tomonlama shartnoma asosida mablagʻlar ajratiladi.
24. Loyihalar Jamgʻarma mablagʻlari va qonun hujjatlarida taqiqlanmagan boshqa manbalar hisobidan amalga oshirish yuzasidan belgilangan tartibda tasdiqlangan jadvallar hamda bajarilgan ishlar dalolatnomalari asosida bosqichma-bosqich moliyalashtiriladi.
Keyingi tahrirga qarang.
25. Loyiha amalga oshirilgandan soʻng bajarilgan ishlarning yakuniy dalolatnomasini imzolash uchun loyiha tashabbuskori va ishchi organ mutaxassislardan tarkib topadigan qabul qilish komissiyasi tashkil etiladi.
26. Qabul qilish komissiyasi bajarilgan loyihaning texnik topshiriq, loyiha-texnik hujjatlar va belgilangan vazifalarga muvofiqligi boʻyicha xulosani, shuningdek, loyihani amalga oshirish doirasida ishlab chiqilgan, xarid qilingan va joriy etilgan apparat-dasturiy komplekslar hamda dasturiy mahsulotlarni qabul qilish-topshirish dalolatnomasini tuzadi.
Ustuvor loyihalarning manzilli roʻyxatiga kiritilgan va Jamgʻarma mablagʻlari hisobidan loyihalar doirasida ishlab chiqilgan, xarid qilingan va joriy etilgan apparat-dasturiy komplekslar va dasturiy mahsulotlar agar qonunchilik hujjatlarida boshqacha belgilangan boʻlmasa, loyihalar tashabbuskorlariga beriladi.
Loyihalar tashabbuskorlari agar qonun hujjatlarida boshqacha belgilanmagan boʻlsa, ustuvor loyihalarning manzilli roʻyxatlari doirasida realizatsiya qilingan axborot tizimlari, resurslari va maʼlumotlar bazalarini keyinchalik kuzatib borish va yanada qoʻllab-quvvatlashni taʼminlaydi.
Keyingi tahrirga qarang.
5-bob. Yakunlovchi qoidalar
27. Ishchi organ bajarilgan loyihalar doirasida joriy etilgan axborot tizimlari, resurslari va maʼlumotlar bazalarini keyinchalik kuzatib borish hamda qoʻllab-quvvatlash holati monitoringini yuritadi.
28. Monitoring natijalaridan hududiy kengashga loyihalarning amalga oshirilishi va loyihadan keyingi monitoring toʻgʻrisida har chorakda hisobotlar tayyorlashda foydalaniladi.
29. Loyihalarning oʻz vaqtida va sifatli shakllantirilishi hamda hududiy kengashga kiritilishi uchun ishchi organ javob beradi.
30. Loyihalarning oʻz vaqtida va sifatli amalga oshirilishi, loyihalarni amalga oshirish uchun ajratiladigan mablagʻlardan maqsadli foydalanish, shuningdek, loyihalarni amalga oshirish doirasida yaratilgan axborot tizimlari, resurslari va maʼlumotlar bazalarini keyinchalik kuzatib borish va qoʻllab-quvvatlash, tayyorlanadigan loyihalar (loyihalar guruhi) boʻyicha axborotning ishonchliligi uchun loyiha tashabbuskorlari masʼuldir.
Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning hududiy manzilli roʻyxatlarni shakllantirish va moliyalashtirish tartibi toʻgʻrisidagi nizomga
1-ILOVA
1-ILOVA
Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning manzilli roʻyxatlarini shakllantirish
SXEMASI
Axborot-kommunikatsiya texnologiyalarini joriy qilish va rivojlantirish boʻyicha ustuvor loyihalarning hududiy manzilli roʻyxatlarni shakllantirish va moliyalashtirish tartibi toʻgʻrisidagi nizomga
2-ILOVA
2-ILOVA
|
Axborot texnologiyalari va kommunikatsiyalarini rivojlantirish boʻyicha ustuvor loyihalarning | ||||||
|
| ||||||
|
T/r |
Loyiha nomi |
Amalga oshirish shakli |
Amalga oshirish muddatlari |
Loyiha summasi (mln.soʻm) |
Moliyalashtirish manbai |
Bajaruvchilar* |
|
I. Telekommunikatsiya infratuzilmasini yanada rivojlantirish | ||||||
|
… |
||||||
|
… |
||||||
|
II. “Elektron hukumat” tizimini yanada joriy etish va zamonaviy axborot tizimlari, dasturiy mahsulotlar va maʼlumotlar bazalarini yaratish | ||||||
|
… |
||||||
|
… |
||||||
|
III. “Xavfsiz shahar” kompleksini joriy qilish va axborot xavfsizligini taʼminlash tadbirlari | ||||||
|
… |
||||||
|
… |
||||||
|
IV. Axborot-kommunikatsiya texnologiyalari sohasida kadrlarni tayyorlash va qayta tayyorlash, malakasini oshirish tizimini takomillashtirish | ||||||
|
… |
||||||
|
… |
||||||
Izoh: * ular belgilab berilgan hollarda.
Vazirlar Mahkamasining 2018-yil 12-oktabrdagi 821-son qaroriga
2-ILOVA
2-ILOVA
Axborot-kommunikatsiya texnologiyalarini joriy etish va rivojlantirish yuzasidan tasdiqlanadigan ustuvor loyihalarning hududiy manzilli roʻyxatlarini oʻz vaqtida, sifatli bajarilishini taʼminlash boʻyicha hududiy kengashlarning
NAMUNAVIY TARKIBI
|
1. |
Lavozim boʻyicha |
— |
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, hududiy kengash raisi |
|
2. |
Lavozim boʻyicha |
— |
Oʻzbekiston Respublikasi Axborot texnologiyalari va kommunikatsiyalarini rivojlantirish vaziri oʻrinbosari, hududiy kengash raisi oʻrinbosari |
|
3. |
Lavozim boʻyicha |
— |
Qoraqalpogʻiston Respublikasi Vazirlar Kengashining raisi oʻrinbosari, viloyatlar va Toshkent shahar hokimlari oʻrinbosarlari |
|
4. |
Lavozim boʻyicha |
— |
Oʻzbekiston Respublikasi Iqtisodiyot vazirligining hududiy boshqarmasi boshligʻi |
|
5. |
Lavozim boʻyicha |
— |
Oʻzbekiston Respublikasi Savdo-sanoat palatasining hududiy boʻlinmasi rahbari |
|
6. |
Lavozim boʻyicha |
— |
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha hududiy inspeksiyasi boshligʻi |
|
7. |
Lavozim boʻyicha |
— |
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining hududiy boshqarmasi boshligʻi, hududiy kengash kotibi. |
(Qonun hujjatlari maʼlumotlari milliy bazasi, 15.10.2018-y., 09/18/821/2045-son; 11.08.2019-y., 09/19/661/3571-son; Qonunchilik maʼlumotlari milliy bazasi, 05.04.2022-y., 09/22/153/0266-son; 29.12.2023-y., 09/23/688/0996-son; 16.12.2025-y., 09/25/791/1167-son)
