|
Hujjat kuchini yo‘qotgan 22.02.2021
|
OʻZBEKISTON RESPUBLIKASI PREZIDENTI HUZURIDAGI VAZIRLAR MAHKAMASINING
qarori
OʻZBEKISTON RESPUBLIKASI VAZIRLAR MAHKAMASI HUZURIDAGI OʻZBEKISTON ZOOLOGIYA KOMBINATINI XOʻJALIK HISOBIDAGI ZOOLOGIYA IShLAB ChIQARISh BIRLAShMASIGA AYLANTIRISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Vazirlar Mahkamasi qaror qiladi:
1. Vazirlar Mahkamasi huzuridagi Oʻzbekiston zoologiya kombinati mehnat jamoalarining kombinati ilgari unga yuklatilgan vazifalarini saqlab qolgan holda xoʻjalik hisobidagi zoologiya ishlab chiqarish birlashmasi (“Oʻzzoobirlashma”)ga aylantirish toʻgʻrisidagi taklifi qabul qilinsin.
“Oʻzzoobirlashma” 2 oy muddat ichida xoʻjalik hisobidagi zoologiya ishlab chiqarish birlashmasining Ustavini ishlab chiqsin hamda uni Oʻzbekiston Respublikasi Adliya vazirligi, Moliya vazirligi va Davlat tabiatini muhofaza qilish qoʻmitasi bilan kelishgan holda tasdiqlasin.
2. Oʻzbekiston SSR Ministrlar Sovetining “Oʻzbekiston SSR Ministrlar Soveti huzuridagi xoʻjalik hisobida ishlaydigan respublika “Oʻzbekiston zoologiya kombinati” (“Oʻzzookombinat”) tashkiloti toʻgʻrisidagi Nizomni tasdiqlash haqida” 1988-yil 22-avgustdagi 289-son qarori (OʻzSSR QT, 1988-y., 8-son, 30-modda) oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. MUTALOV
Toshkent sh.,
1992-yil 25-fevral,
79-son
