|
Hujjat 02.08.2018 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Tovarlarni bojxonada elektron shaklda deklaratsiyalash tartibini yanada takomillashtirish toʻgʻrisida
Keyingi tahrirga qarang.
Oʻzbekiston Respublikasi Prezidentining “Oʻzbekiston Respublikasi davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son Farmoniga muvofiq hamda elektron shaklda tovarlarni bojxonada deklaratsiyalash tartibini yanada takomillashtirish va tashqi iqtisodiy faoliyatni yuritish uchun qulay sharoit yaratish maqsadida Vazirlar Mahkamasi qaror qiladi:
Keyingi tahrirga qarang.
1. Maʼlumot uchun qabul qilinsinki, Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son Farmoniga muvofiq 2018-yil 1-iyuldan boshlab tashqi iqtisodiy faoliyat ishtirokchilari bojxona brokerlariga murojaat qilmasdan bojxona yuk deklaratsiyalarini Internet tarmogʻi orqali real vaqt rejimida toʻldirish va bojxona organlariga taqdim etish huquqiga ega.
2. Tovarlarni bojxonada elektron shaklda deklaratsiyalash tartibi toʻgʻrisidagi nizom 1-ilovaga muvofiq tasdiqlansin.
Keyingi tahrirga qarang.
3. Oʻzbekiston Respublikasi Davlat bojxona qoʻmitasi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda bir oy muddatda Oʻzbekiston Respublikasi Yagona interaktiv davlat xizmatlari portalida tashqi iqtisodiy faoliyat ishtirokchilari tomonidan elektron raqamli imzoni qoʻllagan holda deklaratsiyalovchi shaxslar roʻyxatini shakllantiruvchi “Deklaratsiyalovchi shaxslar roʻyxati” interaktiv xizmatini ishlab chiqsin va joriy etsin.
4. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
5. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari N.S. Otajonov va Davlat bojxona qoʻmitasi raisi M.B. Azimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 31-iyul,
605-son
Vazirlar Mahkamasining 2018-yil 31-iyuldagi 605-son qaroriga
1-ILOVA
1-ILOVA
Tovarlarni bojxonada elektron shaklda deklaratsiyalash tartibi toʻgʻrisida
NIZOM
1-bob. Umumiy qoidalar
1. Mazkur Nizom tovarlarni elektron shaklda deklaratsiyalash jarayonini (keyingi oʻrinlarda elektron deklaratsiyalash deb ataladi) amalga oshirish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
elektron deklaratsiyalash — bojxona yuk deklaratsiyasi (keyingi oʻrinlarda BYD deb ataladi) hamda bojxona rasmiylashtiruvi uchun lozim boʻlgan hujjatlar va maʼlumotlarni, BYDni qabul qilish huquqiga ega boʻlgan (keyingi oʻrinlarda bojxona organi deb ataladi) davlat bojxona xizmati organiga idoralararo elektron hamkorlik yoʻli bilan elektron shaklda taqdim etish jarayoni;
vakolatli organlar — Oʻzbekiston Respublikasi Davlat bojxona qoʻmitasining Yagona avtomatlashtirilgan axborot tizimiga (keyingi oʻrinlarda YAAAT deb ataladi) bojxona rasmiylashtiruvi uchun zarur boʻlgan ruxsat etuvchi va boshqa hujjatlar hamda maʼlumotlarni berish va kiritish yoxud uzatish vazifalari yuklangan organlar;
ruxsat etuvchi va boshqa hujjatlar — vakolatli organlar tomonidan beriladigan, YAAATga kiritiladigan yoki uzatiladigan, bojxona rasmiylashtiruvi uchun zarur boʻlgan, ruxsat berish xarakteriga ega boʻlgan hujjatlar hamda roʻyxati qonunchilikda belgilangan boshqa hujjat va maʼlumotlar;
taqdim etiladigan hujjatlar — Oʻzbekiston Respublikasi Davlat bojxona qoʻmitasi (keyingi oʻrinlarda DBQ deb ataladi) tomonidan belgilangan shaklda YAAATga deklaratsiyalovchi shaxs tomonidan kiritiladigan roʻyxati qonun hujjatlarida belgilangan hujjatlar va maʼlumotlar, shuningdek bojxona rasmiylashtiruvi uchun zarur boʻlgan boshqa hujjatlar;
elektron deklaratsiya — DBQ tomonidan belgilangan formatda elektron hujjat koʻrinishida tayyorlangan BYD.
deklaratsiyalovchi shaxs — bojxona organlariga BYDni oʻz nomidan taqdim etayotgan deklarant yoki BYDni toʻldirish, imzolash va bojxona organlariga deklarant nomidan taqdim etishga vakolatli bojxona rasmiylashtiruvi boʻyicha mutaxassis yoxud boshqa shaxs;
roʻyxat — deklarant tomonidan Yagona interaktiv davlat xizmatlari portalining (YIDXP) “Deklaratsiyalovchi shaxslar roʻyxati” interaktiv xizmatiga(dan) qoʻshish va chiqarish yoʻli bilan shakllantiriladigan deklaratsiyalovchi shaxslar roʻyxati;
tovarlarni elektron deklaratsiyalashning avtomatlashtirilgan axborot tizimi (keyingi oʻrinlarda TEDAAT deb ataladi) — vazirlik va idoralarning tegishli axborot tizimlarining aloqasini taʼminlovchi dasturiy-texnik vositalar kompleksi.
2-bob. Tovarlarni elektron deklaratsiyalash jarayoni
3. YAAATning vakolatli organlar axborot tizimlari bilan aloqasi maʼlumotlarni oʻtkazish telekommunikatsiya tarmogʻi orqali amalga oshiriladi.
DBQ va vakolatli organlar doimiy ravishda oʻz axborot tizimlarini uzluksiz ishlashi boʻyicha kerakli ishlarni amalga oshiradi.
4. Elektron deklaratsiyalash jarayoni toʻrt bosqichdan iborat boʻlib, ushbu Nizomning 1-ilovasidagi Sxemaga muvofiq amalga oshiriladi, jumladan:
birinchi bosqichda — vakolatli organlar tomonidan majburiy tartibda YAAATga idoralararo hamkorlik darajasida, mazkur Nizomning 2-ilovasiga muvofiq ruxsat etuvchi va boshqa hujjatlar, shuningdek, vakolatli organlar roʻyxatiga asosan ruxsat etuvchi va boshqa hujjatlar kiritiladi;
ikkinchi bosqichda — deklaratsiyalovchi shaxs elektron deklaratsiya hamda taqdim etiladigan hujjatlarni tayyorlaydi, oʻzining elektron raqamli imzosi (keyingi oʻrinlarda ERI deb ataladi) bilan tasdiqlaydi va TEDAAT orqali bojxona organiga yuboradi.
Deklarant roʻyxatga bojxona rasmiylashtiruvi boʻyicha mutaxassis yoxud boshqa shaxs toʻgʻrisidagi maʼlumotlarni kiritishi hamda uning tomonidan bojxona organlariga elektron deklaratsiyani taqdim etish vakolat muddatini koʻrsatishi kerak, bundan xorijiy davlatlarning diplomatik va konsullik muassasalari mustasno.
Agar elektron deklaratsiya xorijiy davlatlarning diplomatik va konsullik vakolatxonalari nomidan taqdim etilsa bojxona rasmiylashtiruvi boʻyicha mutaxassis yoki boshqa shaxs toʻgʻrisidagi maʼlumotlar roʻyxatga kiritilmaydi.
uchinchi bosqichda — elektron deklaratsiya va taqdim etiladigan hujjatlar kelib tushgandan soʻng YAAAT elektron deklaratsiya toʻldirilishi va taqdim etilgan hujjatlar toʻgʻri toʻldirilganligi boʻyicha dastlabki avtomatlashtirilgan mantiqiy nazoratni amalga oshiradi.
Dastlabki avtomatlashgan mantiqiy nazorat natijasida kamchiliklar aniqlansa, YAAAT real vaqt rejimida bu haqda deklaratsiyalovchi shaxsga aniqlangan kamchiliklar koʻrsatilgan xabarnoma yuboradi.
Tekshiruvlarning ijobiy natijasida elektron deklaratsiyaga avtomatlashgan tartibda roʻyxat raqami berilib YAAATda roʻyxatga olinadi va ushbu deklaratsiya yuridik kuchga ega boʻlgan hujjatga aylanadi.
Elektron deklaratsiya avtomatlashgan tartibda tovarlarning bojxona rasmiylashtiruvini amalga oshiruvchi bojxona organi xodimlari oʻrtasida taqsimlanadi.
Keyingi tahrirga qarang.
toʻrtinchi bosqichda — bojxona organi xodimi bojxona rasmiylashtiruvini qonunchilikda belgilangan tartibda amalga oshiradi.
5. Rasmiylashtiruv jarayonida nomuvofiqliklar (tafovutlar) yoxud bojxona qonunchiligi buzilishi holatlari aniqlansa, bojxona organi xodimi uch soat ichida deklaratsiyalovchi shaxsga bartaraf etilishi lozim boʻlgan kamchiliklar roʻyxatini oʻz ichiga olgan elektron xabarnoma joʻnatadi yoki taqdim etilayotgan hujjatlarning qogʻoz manbalarda talab qilish huquqiga ega.
Qogʻoz manbalardagi hujjatlarni oʻrganish natijasida bojxona organi xodimi:
bojxona qonunchiligi buzilishi mavjud boʻlmagan holatda — taqdim etilgan hujjatlarni toʻliq miqdorda taqdim etgan shaxsga qaytaradi;
huquqbuzarlik aniqlanganda — qonunchilikda belgilangan choralarni koʻradi.
Bojxona organlari boshqa vakolatli organlarda mavjud zarur hujjatlar va maʼlumotlarni elektron shaklda axborot almashinuvi yoʻli bilan mustaqil ravishda oladi.
Bojxona organlari bojxona rasmiylashtiruvini amalga oshirishda qonun hujjatlariga va Oʻzbekiston Respublikasi xalqaro shartnomalariga rioya etilishini taʼminlash maqsadida xavflarni boshqarish tizimini qoʻllashi mumkin.
Keyingi tahrirga qarang.
6. BYDni toʻldirish hamda elektron deklaratsiyalarni avtomatik holda roʻyxatga olish va taqsimlash tizimi ishlashi tartibi DBQ tomonidan belgilanadi.
Keyingi tahrirga qarang.
DBQ bojxona yuk deklaratsiyalari hamda taqdim etiladigan hujjatlarning elektron shaklini tasdiqlaydi va oʻzining rasmiy veb-saytiga joylashtiradi.
Taqdim etiladigan hujjatlarning elektron shakli belgilanmagan holatda ushbu hujjatlarning skaner orqali olingan nusxalari taqdim etiladi.
3-bob. Elektron deklaratsiyani hamda taqdim etiladigan ruxsat etuvchi va boshqa hujjatlarni taqdim etayotganda ERIdan foydalanish tartibi
7. ERIni tarqatish va uning hisobini yuritish Oʻzbekiston Respublikasi Davlat soliq qoʻmitasi huzuridagi Yangi texnologiyalar ilmiy-axborot markazi — elektron raqamli imzolar kalitlarini roʻyxatga olish markazi tomonidan tashkil etiladi.
8. Elektron hujjatlarni taqdim etganda, quyidagilar elektron hujjatlar almashinuvi ishtirokchilari hisoblanadi:
a) ruxsat etuvchi va boshqa hujjatlarni YAAATga kirituvchi va uzatuvchi vakolatli organlar xodimlari;
b) TEDAATga elektron deklaratsiya va elektron shaklda taqdim etiladigan hujjatlarni taqdim etuvchi deklaratsiyalovchi shaxslar;
v) elektron deklaratsiya va elektron shaklda taqdim etiladigan hujjatlarni rasmiylashtiruvchi bojxona organi xodimlari.
9. Elektron deklaratsiyani imzolash vakolatiga ega boʻlgan jismoniy shaxs (elektron raqamli imzo kalitining egasi) elektron deklaratsiyada koʻrsatilgan maʼlumotlarni oʻz elektron raqamli imzosi bilan tasdiqlovchi shaxsdir.
10. DBQning dasturiy-apparat vositalari delaratsiyalovchi shaxslarning ERIsining haqiqiyligi va ularning roʻyxatda mavjudligini tekshirish jarayonini, shuningdek, elektron shakldagi TEDAAT va YAAATga kelib tushish sana va vaqtini koʻrsatuvchi ruxsat beruvchi va boshqa hujjatlarni qabul qilishni taʼminlaydi.
4-bob. Elektron deklaratsiyalash tizimi foydalanuvchilarining huquq va majburiyatlari
11. Bojxona organlari, deklarantlar va bojxona brokerlari qonun hujjatlarida belgilangan tartibda va muddatlarda elektron deklaratsiyalar va elektron shaklda taqdim etiladigan hujjatlarning saqlanishini taʼminlaydi.
Elektron deklaratsiyani toʻldirishda asos boʻlgan qogʻoz shaklidagi hujjatlarning saqlanishi boʻyicha javobgarlik qonun hujjatlariga muvofiq deklarant zimmasiga yuklanadi.
Deklarant elektron deklaratsiyani toʻldirishda asos boʻlgan qogʻoz shaklidagi hujjatlarning xavfsiz saqlanishi sharoitlarini taʼminlashi va ularga oʻzgartirish kiritishdan himoyalashi shart.
Deklarant tomonidan bojxona organlariga elektron deklaratsiya oʻz nomidan taqdim etilganda, u qonun hujjatlarida belgilangan bojxona rasmiylashtiruvi boʻyicha mutaxassisning huquq va majburiyatlariga ega boʻladi.
12. Elektron deklaratsiyalarning qogʻoz shaklidagi nusxalarini bojxona organlari tomonidan tasdiqlash tartibi DBQ tomonidan belgilanadi.
Elektron deklaratsiyalardagi aniq kelishuvlar va ularning tashqi iqtisodiy faoliyat qatnashchilariga bogʻliqligi toʻgʻrisidagi maʼlumotlar konfidensial hisoblanadi.
Aniq tashqi iqtisodiy faoliyat ishtirokchilarining amalga oshirgan operatsiyalari toʻgʻrisidagi maʼlumotlarni taqdim etish taqiqlanadi, qonunchilikda nazarda tutilgan holatlar bundan mustasno.
DBQ deklaratsiyalovchi shaxslarga TEDAAT va DBQ tomonidan koʻrsatiladigan interaktiv xizmatlar orqali ular tomonidan taqdim etilgan elektron deklaratsiyalarning qogʻoz shaklini chop etish huquqi va imkoniyatini taʼminlaydi.
13. Deklaratsiyalovchi shaxslar, qonun hujjatlariga muvofiq, yuklarning bojxona rasmiylashtiruvi vaqtida taqdim etilgan elektron deklaratsiyalardagi maʼlumotlarning toʻliqligi va toʻgʻriligi uchun javob beradilar.
Yuklarning bojxona rasmiylashtiruvida elektron deklaratsiyalash jarayonidan foydalanayotgan deklarantlar qonun hujjatlariga muvofiq roʻyxatga kiritilayotgan maʼlumotlar uchun shaxsan javob beradilar.
14. Ruxsat etuvchi va boshqa hujjatlarning elektron shaklini shakllantirishda vakolatli organlar xodimlari tegishli maʼlumotlarning oʻz vaqtida kiritilishi hamda ularning toʻgʻriligi uchun shaxsan masʼuldirlar.
Bojxona organlari xodimlari elektron deklaratsiyalarning oʻz vaqtida rasmiylashtirilishi uchun shaxsan javob beradilar.
Keyingi tahrirga qarang.
15. YAAAT dasturiga ulangan bojxona va vakolatli organlar oʻz vakolatlari doirasida tashqi savdo operatsiyalarni amalga oshiruvchi xoʻjalik subyektlari va davlatga zarar yetkazuvchi tizimdagi mavjud maʼlumotlarga noqonuniy kirish, ularni oʻzgartirish yoki boshqa harakatlardan himoyalash boʻyicha zarur boʻlgan tashkiliy va texnik choralarni koʻrishi shart.
YAAAT dasturidagi maʼlumotlarga kirish huquqi boʻlgan bojxona va vakolatli organlar xodimlari mazkur maʼlumotlarni oshkor etish, oʻz maqsadlari yoki uchinchi shaxslar manfaatlarida foydalanish hamda uchinchi shaxslarga maʼlumotlarning belgilangan himoya qoidalarini buzgan holda, ularni olish imkoniyatini yaratish huquqiga ega emas.
16. Ushbu Nizomning buzilishida aybdor boʻlgan shaxslar qonun hujjatlarida belgilangan tartibda javob beradilar.
Tovarlarni bojxonada elektron shaklda deklaratsiyalash tartibi toʻgʻrisidagi nizomga
1-ILOVA
1-ILOVA
Elektron shaklda deklaratsiyalash tartibotini amalga oshirish
SXEMASI
Keyingi tahrirga qarang.
Tovarlarni elektron shaklda bojxonada deklaratsiyalash tartibi toʻgʻrisidagi nizomga
2-ILOVA
2-ILOVA
Ruxsat etuvchi va boshqa hujjatlar, shuningdek, ularni berish boʻyicha vakolatli organlar
ROʻYXATI
|
T/r |
Ruxsat etuvchi va boshqa hujjat nomi |
Vakolatli organ nomi |
|
1. |
Import kontraktlari boʻyicha xulosa (Oʻzbekiston Respublikasi qonunchiligida belgilangan taqdirda) |
Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi “Loyiha va import kontraktlarini kompleks ekspertizadan oʻtkazish markazi” DUK |
|
2. |
Eksport kontraktlarini roʻyxatdan oʻtkazish sertifikati (Oʻzbekiston Respublikasi qonunchiligida belgilangan taqdirda) |
Oʻzbekiston Respublikasi Tashqi savdo vazirligi |
|
3. |
Oʻziga xos tovarlarning eksporti va importi uchun litsenziya |
Oʻzbekiston Respublikasi Vazirlar Mahkamasining Tashqi savdo faoliyatini, iqtisodiyot tarmoqlari |
|
4. |
Eksport nazorati obyektlarini olib chiqish uchun ruxsatnoma |
Oʻzbekiston Respublikasi Tashqi savdo vazirligi |
|
5. |
Oʻz ishlab chiqarish ehtiyojlari uchun olib kiriladigan mulk uchun sertifikat |
“Oʻzbekekspertiza” AJ |
|
6. |
Portlovchi materiallarni olib kirish, sotib olish hamda saqlash, shuningdek avtomobil va temir yoʻl transportida tashish uchun ruxsatnoma |
Oʻzbekiston Respublikasi |
|
7. |
Ovchilik va sport qurolini va uning oʻq-dorilarini olib kirish yoki olib chiqish, sotib olish, saqlash, tashish va sotish uchun ruxsatnoma. | |
|
8. |
Oʻzbekiston Respublikasidan madaniy boyliklarni olib chiqish yoki vaqtinchalik olib chiqish huquqini beruvchi sertifikat |
Oʻzbekiston Respublikasi Madaniyat vazirligi |
|
9. |
Davlat veterinariya xizmati nazoratidagi tovarlar eksporti, importi va Oʻzbekiston Respublikasi hududi orqali tranziti uchun ruxsatnoma |
Oʻzbekiston Respublikasi Veterinariya qoʻmitasi |
|
10. |
Veterinariya sertifikati, veterinariya guvohnomasi | |
|
11. |
Fitosanitariya sertifikati, karantin ruxsatnomasi |
Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi |
|
12. |
Sanitariya-epidemiologik xulosa |
Oʻzbekiston Respublikasi Sogʻliqni saqlash vazirligining Davlat sanitariya-epidemiologiya nazorati markazi |
|
13. |
Import qilinayotganda qoʻshilgan qiymat soligʻidan ozod qilinadigan dori vositalari va tibbiyot buyumlarini ishlab chiqarish uchun moʻljallangan xom ashyolar roʻyxatida koʻrsatilgan “in bulk” mahsulotlar turlari uchun xulosa |
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining Dori vositalari, tibbiy buyumlar va tibbiy texnika ekspertizasi va standartlashtirish davlat markazi |
|
14. |
Narkotik vositalar, psixotrop moddalar va prekursorlarni Oʻzbekiston Respublikasiga olib kirish, chetga olib chiqish huquqini beruvchi sertifikat |
Oʻzbekiston Respublikasi Sogʻliqni saqlash vazirligi |
|
15. |
Muvofiqlik sertifikati |
“Oʻzstandart” agentligida akkreditatsiya qilingan sertifikatsiyalovchi organlar |
|
16. |
Yuklashdan oldin inspeksiyadan oʻtkazish sertifikati* |
Vakolatli organ tomonidan xalqaro standartlar talablariga muvofiq akkreditatsiya qilingan inspeksiya organlari |
|
17. |
Ozonni buzuvchi moddalar va tarkibida ozonni buzuvchi moddalar boʻlgan mahsulotlar eksportiga yoki importiga ruxsatnoma |
Oʻzbekiston Respublikasi Ekologiya va tabiatni muhofaza qilish davlat qoʻmitasi |
|
18. |
Yovvoyi oʻsimliklarni, ularning qismlarini, shu jumladan Oʻzbekiston Respublikasi Qizil kitobiga kiritilganlarini olib kirish va olib chiqishga ruxsatnoma | |
|
19. |
Yovvoyi hayvonlar, ularning qismlari, hayot faoliyati mahsulotlari, zoologiya kolleksiyalari, oʻljalar va tulumlarni olib kirish va olib chiqishga ruxsatnoma | |
|
20. |
Yoʻq boʻlib ketish xavfi ostidagi yovvoyi fauna va flora turlari bilan xalqaro savdo qilish toʻgʻrisidagi Konvensiya (CITES)ning I, II va III ilovalariga kiritilgan hayvonlar va oʻsimliklar namunalarini olib kirish va olib chiqishga ruxsatnoma | |
|
21. |
Radioelektron vositalar va yuqori chastotali qurilmalarni olib kirish uchun ruxsatnoma |
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Elektromagnit moslashuv markazi |
|
22. |
Yuklarning muruvvat yordamiga mansubligini tasdiqlash* |
Oʻzbekiston Respublikasi Vazirlar Mahkamasi |
|
23. |
Tijorat faoliyati uchun moʻljallangan tovarlarni olib keluvchi yuridik shaxs boʻlmagan yakka tartibdagi tadbirkorning davlat roʻyxatidan oʻtganligi toʻgʻrisidagi guvohnoma |
Davlat xizmatlari markazlari |
* Agar sertifikat yoki tasdiqlovchi hujjat mavjud boʻlsa, u deklaratsiyalovchi shaxs tomonidan elektron raqamli imzo bilan tasdiqlangan holda TEDAATga kiritiladi.
Izoh. Qonun hujjatlariga asosan eksport-import yuklarining bojxona rasmiylashtiruvi uchun zarur boʻlgan, lekin ushbu roʻyxatda koʻrsatilmagan hujjatlar elektron raqamli imzo bilan tasdiqlangan holda deklaratsiyalovchi shaxs tomonidan TEDAATga kiritiladi.
Keyingi tahrirga qarang.
Keyingi tahrirga qarang.
Keyingi tahrirga qarang.
Vazirlar Mahkamasining 2018-yil 31-iyuldagi 605-son qaroriga
2-ILOVA
2-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Vazirlar Mahkamasining “Tovarlarni bojxonada elektron shaklda deklaratsiyalash tartibi toʻgʻrisidagi nizomni tasdiqlash haqida” 2014-yil 31-dekabrdagi 376-son qarori (Oʻzbekiston Respublikasi QT, 2014-y., 12-son, 137-modda).
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2015-yil 27-iyundagi 171-son qaroriga (Oʻzbekiston Respublikasi QT, 2015-y., 6-son, 51-modda) ilovaning 75-bandi.
Keyingi tahrirga qarang.
3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2015-yil 20-iyuldagi 198-son qaroriga (Oʻzbekiston Respublikasi QT, 2015-y., 7-son, 62-modda) ilovaning 4-bandi.
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Oʻzbekiston Respublikasining Bojxona kodeksini tasdiqlash toʻgʻrisida” 2016-yil 20-yanvardagi OʻRQ-400-son hamda “Oʻzbekiston Respublikasining Bojxona kodeksi qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish, shuningdek baʼzilarini oʻz kuchini yoʻqotgan deb topish toʻgʻrisida” 2016-yil 20-yanvardagi OʻRQ-401-son qonunlari)” 2016-yil 20-iyundagi 211-son qaroriga (Oʻzbekiston Respublikasi QT, 2016-y., 6-son, 59-modda) 1-ilovaning 22-bandi.
5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tadbirkorlik subyektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida” 2017-yil 1-fevraldagi PQ-2750-son qarori)” 2017-yil 1-maydagi 252-son qaroriga (Oʻzbekiston Respublikasi QT, 2017-y., 18-son, 325-modda) 1-ilovaning 17-bandi.
6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Madaniyat vazirligi faoliyatini tashkil etish toʻgʻrisida” 2017-yil 15-fevraldagi PQ-2778-son qarori)” 2017-yil 11-maydagi 270-son qaroriga (Oʻzbekiston Respublikasi QHT, 2017-y., 19-son, 345-modda) 1-ilovaning 59-bandi.
7. Vazirlar Mahkamasining “Oʻzbekiston Respublikasi Davlat veterinariya qoʻmitasi faoliyatini tashkil etish chora-tadbirlari toʻgʻrisida” 2017-yil 14-avgustdagi 624-son qaroriga (Oʻzbekiston Respublikasi QHT, 2017-y., 33-son, 857-modda) 3-ilovaning 15-bandi.
8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Ekologiya va atrof-muhitni muhofaza qilish sohasida davlat boshqaruvi tizimini takomillashtirish toʻgʻrisida” 2017-yil 21-apreldagi PF-5024-son Farmoni va Oʻzbekiston Respublikasi Prezidentining “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi faoliyatini taʼminlash chora-tadbirlari toʻgʻrisida” 2017-yil 21-apreldagi PQ-2915-son qarori)” 2017-yil 14-noyabrdagi 915-son qaroriga (Oʻzbekiston Respublikasi QHT, 2017-y., 46-son, 1134-modda) 1-ilovaning 60-bandi.
9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida” 2017-yil 12-dekabrdagi PF-5278-son Farmoni va Oʻzbekiston Respublikasi Prezidentining “Oʻzbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish toʻgʻrisida” 2017-yil 12-dekabrdagi PQ-3430-son qarori)” 2018-yil 22-yanvardagi 40-son qaroriga (Oʻzbekiston Respublikasi QT, 2018-y., 1-son, 19-modda) ilovaning 12-bandi.
10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2017-yil 18-apreldagi OʻRQ-429-son Qonuni)” 2018-yil 28-maydagi 392-son qaroriga (Oʻzbekiston Respublikasi QT, 2018-y., 5-son, 124-modda) ilovaning 6-bandi.
11. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasining Davlat xavfsizligi tizimini takomillashtirish chora-tadbirlari toʻgʻrisida” 2018-yil 14-martdagi PF-5379-son Farmoni)” 2018-yil 29-maydagi 396-son qaroriga (Oʻzbekiston Respublikasi QT, 2018-y., 5-son, 126-modda) ilovaning 77-bandi.
12. Vazirlar Mahkamasining “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoni)” 2018-yil 25-iyundagi 467-son qaroriga ilovaning 6-bandi.
