470-сон 25.06.2018. Jismoniy va yuridik shaxslarga avtotransport vositalari uchun roʻyxatdan oʻtkazish davlat raqami belgilarini oshirilgan toʻlov stavkalari boʻyicha berishda “Oʻzbekiston respublika tovar-xom ashyo birjasi” AJ axborot tizimida auksion oʻtkazish tartibi toʻgʻrisidagi nizomga oʻzgartirishlar kiritish haqida

Hujjat 26.06.2018 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

qarori

Jismoniy va yuridik shaxslarga avtotransport vositalari uchun roʻyxatdan oʻtkazish davlat raqami belgilarini oshirilgan toʻlov stavkalari boʻyicha berishda “Oʻzbekiston respublika tovar-xom ashyo birjasi” AJ axborot tizimida auksion oʻtkazish tartibi toʻgʻrisidagi nizomga oʻzgartirishlar kiritish haqida

“Oʻzbekiston respublika tovar-xomashyo birjasi” AJ axborot tizimida auksion oʻtkazish yoʻli bilan avtotransport vositalari uchun roʻyxatdan oʻtkazish davlat raqami belgilarini berishda undiriladigan oshirilgan toʻlov stavkalari boʻyicha sotish samaradorligini oshirish maqsadida Vazirlar Mahkamasi qaror qiladi:

1. Vazirlar Mahkamasining 2017-yil 31-avgustdagi 683-son qarori (Oʻzbekiston Respublikasi QT, 2017-y., 8-son, 191-modda) bilan tasdiqlangan Jismoniy va yuridik shaxslarga avtotransport vositalari uchun roʻyxatdan oʻtkazish davlat raqami belgilarini oshirilgan toʻlov stavkalari boʻyicha berishda “Oʻzbekiston respublika tovar-xom ashyo birjasi” AJ axborot tizimida auksion oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 25-iyun,

470-son

Vazirlar Mahkamasining 2018-yil 25-iyundagi 470-son qaroriga
ILOVA

Jismoniy va yuridik shaxslarga avtotransport vositalari uchun roʻyxatdan oʻtkazish davlat raqami belgilarini oshirilgan toʻlov stavkasi boʻyicha berishda “Oʻzbekiston Respublika tovar-xom ashyo birjasi” AJ axborot tizimida auksion oʻtkazish tartibi toʻgʻrisidagi nizomga kiritilayotgan oʻzgartirishlar

1. 5-bandning oltinchi xatboshidagi “uch” soʻzi “besh” soʻzi bilan almashtirilsin.

2. 2-ilova matni quyidagi tahrirda bayon qilinsin:

“Oshirilgan toʻlov stavkalari boʻyicha beriladigan I, IA, III, IIIA tipidagi avtotransport vositalari uchun roʻyxatdan oʻtkazish davlat raqami belgilarining

ROʻYXATI

t/r	Toifa nomi	ROʻDRBning seriyadagi soni*	ROʻDRBning raqamlar kombinatsiyasi*	*ROʻDRBning boshlangʻich narxi (EKOIHda)
t/r	Toifa nomi	ROʻDRBning seriyadagi soni*	ROʻDRBning raqamlar kombinatsiyasi*	ROʻDRBga har xil kombinatsiyadagi harflar bilan	ROʻDRBga bir xil kombinatsiyadagi harflar bilan
Toshkent shahri
1.	1-toifa	13 juft	001, 007, 100, 111, 222, 333, 444, 555, 666, 700, 777, 888, 999.	100	130
2.	2-toifa	31 juft	002, 003, 004, 005, 006, 008, 009. 010, 020, 030, 040, 050, 070, 077, 080, 090. 101, 200, 202, 300, 303, 400, 404, 500, 505, 600, 707, 800, 808, 900, 909.	40	50
3.	3-toifa	21 juft	011, 022, 033, 044, 055, 060, 066, 088, 099. 110, 220, 330, 440, 550, 606, 660, 701, 702, 770, 880, 990.	10	15
Qoraqalpogʻiston Respublikasi va viloyatlar
4.	1-toifa	13 juft	001, 007, 100, 111, 222, 333, 444, 555, 666, 700, 777, 888, 999.	25	30
5.	2-toifa	31 juft	002, 003, 004, 005, 006, 008, 009. 010, 020, 030, 040, 050, 070, 077, 080, 090. 101, 200, 202, 300, 303, 400, 404, 500, 505, 600, 707, 800, 808, 900, 909.	10	15
6.	3-toifa	21 juft	011, 022, 033, 044, 055, 060, 066, 088, 099. 110, 220, 330, 440, 550, 606, 660, 701, 702, 770, 880, 990.	5	7

* ROʻDRB — roʻyxatdan oʻtkazish davlat raqami belgilari.

** EKOIH — eng kam oylik ish haqi”.