|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
TOShKENT OʻRMON MELIORATSIYASI TEXNIKUMINI TAShKIL ETISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston SSJ Prezidenti huzuridagi Vazirlar Mahkamasining “Oʻrmon xoʻjaligini boshqarishni takomillashtirish toʻgʻrisida” 1991-yil 30-apreldagi 115-son qarorining 5-bandini bajarish yuzasidan Vazirlar Mahkamasi qaror qiladi:
1. Oʻzbekiston Respublikasi Davlat oʻrmon qoʻmitasining Oʻzbekiston Respublikasi Qishloq xoʻjaligi vazirligi hamda Oliy va oʻrta maxsus taʼlim vazirligi bilan kelishilgan Toshkent paxtachilik texnikumini Toshkent oʻrmon melioratsiyasi texnikumi deb qayta nomlab, uni oʻzining ixtiyoriga oʻtkazish toʻgʻrisidagi taklifi qabul qilinsin.
2. Oʻzbekiston Respublikasi Qishloq xoʻjaligi vazirligi hozirgi vaqtda Toshkent paxtachilik texnikumida oʻqiyotganlar kontingentini barcha ixtisosliklar boʻyicha Oʻzbekiston Respublikasi Davlat oʻrmon qoʻmitasining yangidan tashkil etilayotgan Toshkent oʻrmon melioratsiyasi texnikumiga belgilangan tartibda oʻtkazsin.
3. Oʻzbekiston Respublikasi Iqtisodiyot qoʻmitasi va Moliya vazirligi Oʻzbekiston Respublikasi Qishloq xoʻjaligi vazirligi hamda Oʻzbekiston Respublikasi Davlat oʻrmon qoʻmitasining reja va budjetlariga tegishli oʻzgartishlar kiritsinlar.
Vazirlar Mahkamasi Raisining birinchi oʻrinbosari I. JOʻRABEKOV
Toshkent sh.,
1992-yil 14-yanvar,
14-son
