Hujjat kuchini yo‘qotgan 26.06.2018

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Bojxona kodeksining tovarlarni qayta ishlash bilan bogʻliq qoidalarini amalga oshirish chora-tadbirlari toʻgʻrisida

LexUZ sharhi

Mazkur qaror Oʻzbekiston Respublikasi Vazirlar Mahkamasining 2018-yil 25-iyundagi 467-sonli “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoni)” qaroriga asosan oʻz kuchini yoʻqotgan.

“Oʻzbekiston Respublikasining tashqi iqtisodiy faoliyati toʻgʻrisida”gi Qonunga muvofiq va Oʻzbekiston Respublikasi Bojxona kodeksining tovarlarni qayta ishlash masalalariga oid qoidalari amalga oshirilishini taʼminlash maqsadida Vazirlar Mahkamasi qaror qiladi:

Oldingi tahrirga qarang.

1. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Oʻzbekiston Respublikasi Bojxona kodeksining 30-31-moddalari qoidalariga muvofiq:

LexUZ sharhi

1-bandning birinchi xatboshisiga Oʻzbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan oʻzgartirish kiritilgan. Rus tili matniga qarang.

(1-bandning birinchi xatboshi Oʻzbekiston Respublikasi Vazirlar Mahkamasining 2005-yil 8-avgustdagi 206-son qarori tahririda— Oʻzbekiston Respublikasi Qonun hujjatlari toʻplami, 2005-y., 34—36-son, 264-modda)

ustav jamgʻarmasida (ustav kapitalida) davlat ulushi mavjud korxonalar tomonidan amalga oshirilayotgan va qayta ishlashning bojxona rejimlariga joylashtiriladigan tovarlarni qayta ishlash jarayonining texnik-iqtisodiy asoslarini kelishishga;

(1-bandning ikkinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)

bojxona hududidan tashqarida, ustav jamgʻarmasida (ustav kapitalida) davlat ulushi mavjud korxonalarga tovarlarni qayta ishlashning Oʻzbekiston Respublikasi iqtisodiy manfaatlariga muvofiqligi toʻgʻrisida xulosalar berishga;

(1-bandning uchinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)

manfaatdor vazirliklar va idoralar bilan kelishgan holda Vazirlar Mahkamasiga ayrim tovarlarga nisbatan qayta ishlashning bojxona rejimidan foydalanishga cheklovlarga doir takliflar kiritishga vakil qilinsin.

2. Belgilansinki, agar tovarlar va ularni qayta ishlash mahsulotlari:

tovarlarni qayta ishlash tijorat xususiyatiga ega boʻlmagan;

tovarlarni taʼmirlash qayta ishlashning maqsadi hisoblangan;

Oldingi tahrirga qarang.

bir kontrakt boʻyicha qayta ishlanadigan tovarlarning bojxona qiymati eng kam oylik ish haqining 500 baravaridan oshmagan hollarda ayni bir bojxona organiga taqdim etilganda qayta ishlash jarayonining texnik-iqtisodiy asoslari Oʻzbekiston Respublikasi Tashqi iqtisodiy aloqalar, investitsiyalar va savdo vazirligi bilan kelishilishi talab etilmaydi.

(2-bandning uchinchi xatboshi Oʻzbekiston Respublikasi Vazirlar Mahkamasining 2005-yil 8-avgustdagi 206-son qarori tahririda — Oʻzbekiston Respublikasi Qonun hujjatlari toʻplami, 2005-y., 34—36-son, 264-modda)

3. Oʻzbekiston Respublikasi Tashqi iqtisodiy aloqalar agentligi Iqtisodiyot vazirligi, Moliya vazirligi va Davlat bojxona qoʻmitasi bilan birgalikda Tovarlarni qayta ishlash jarayonining texnik-iqtisodiy asoslarini kelishish va bojxona hududidan tashqarida tovarlarni qayta ishlashning Oʻzbekiston Respublikasi iqtisodiy manfaatlariga muvofiqligi toʻgʻrisida xulosalar berish tartibi haqidagi nizomni bir oy muddatda ishlab chiqsin va belgilangan tartibda tasdiqlasin.

4. Oʻzbekiston Respublikasi Adliya vazirligi, Davlat bojxona qoʻmitasi manfaatdor vazirliklar va idoralar bilan birgalikda bir oy muddatda:

amaldagi qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida Vazirlar Mahkamasiga takliflar kiritsinlar;

vazirliklar va idoralarning normativ hujjatlari mazkur qarorga muvofiqlashtirilishini taʼminlasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2004-yil 17-avgust,

398-son

(Oʻzbekiston Respublikasi qonun hujjatlari toʻplami, 2004-y., 33-son, 371-modda; 2005-y., 34 — 36-son, 264-modda; 2014-y., 31-son, 380-modda; 2016-y., 25-son, 308-modda)