toggle_night_mode
Hujjat kuchini yo‘qotgan 24.01.2022
Hujjat 10.10.2018 sanasi holatiga
Amaldagi versiyaga o‘tish
Oʻzbekiston Respublikasi Oliy va oʻrta maxsus taʼlim vazirining
buyrugʻi
Oliy taʼlim muassasalarida taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlarini tasdiqlash toʻgʻrisida
[Oʻzbekiston Respublikasi Adliya vazirligi tomonidan 2017-yil 7-noyabrda roʻyxatdan oʻtkazildi, roʻyxat raqami 2945]
 LexUZ sharhi
Mazkur buyruq Oʻzbekiston Respublikasi oliy va oʻrta maxsus taʼlim vazirining 2021-yil 30-dekabrdagi 53-2021-sonli “Oliy taʼlim muassasalarida taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlarini tasdiqlash toʻgʻrisida”gi buyrugʻiga (roʻyxat raqami 3345, 24.01.2022-y.) asosan oʻz kuchini yoʻqotgan.
Oʻzbekiston Respublikasi Vazirlar Mahkamasining 2017-yil 11-avgustdagi 617-son “Oʻzbekiston Respublikasi Vazirlar Mahkamasining “Respublika oliy taʼlim muassasalari xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2008-yil 1-avgustdagi 164-son qaroriga oʻzgartirishlar va qoʻshimcha kiritish haqida”gi qaroriga muvofiq buyuraman:
1. Oliy taʼlim muassasalarida taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari ilovaga muvofiq tasdiqlansin.
2. Oʻzbekiston Respublikasi oliy va oʻrta maxsus taʼlim vazirining 2014-yil 27-avgustdagi 7-son “Oliy taʼlim muassasalarida taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlarini tasdiqlash toʻgʻrisida”gi buyrugʻi (roʻyxat raqami 2613, 2014-yil 29-avgust) (Oʻzbekiston Respublikasi qonun hujjatlari toʻplami, 2014-y., 35-son, 451-modda) oʻz kuchini yoʻqotgan deb topilsin.
3. Mazkur buyruq rasmiy eʼlon qilingan kundan eʼtiboran kuchga kiradi.
Vazir I. MADJIDOV
Toshkent sh.,
2017-yil 16-oktabr,
18-2017-son
Oʻzbekiston Respublikasi oliy va oʻrta maxsus taʼlim vazirining 2017-yil 16-oktabrdagi 18-2017-son buyrugʻiga
ILOVA
Oliy taʼlim muassasalarida taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining
NORMATIVLARI
Oldingi tahrirga qarang.

T/r

Taʼlim sohalari bloklari

Taʼlim sohalari va yoʻnalishlari nomi

Normativlar

2019/2020 oʻquv yiligacha

2019/2020 oʻquv yilidan boshlab

2020/2021 oʻquv yilidan boshlab

2021/2022 oʻquv yilidan boshlab

1.

Texnik

Muhandislik ishi taʼlim sohasi;

Ishlab chiqarish texnologiyalari taʼlim sohasi;

Matematika taʼlim sohasi;

Kompyuter texnologiyalari va informatika taʼlim sohasi;

Arxitektura va qurilish taʼlim sohasi (Arxitektura (turlari boʻyicha) taʼlim yoʻnalishi bundan mustasno);

Aloqa va axborotlashtirish, telekommunikatsiya texnologiyalari taʼlim sohasi;

Qishloq xoʻjalik texnikasi taʼlim sohasi;

Transport taʼlim sohasi;

Hayot faoliyat xavfsizligi taʼlim sohasi;

Xizmatlar sohasi (faoliyat turlari va yoʻnalishlari boʻyicha) taʼlim yoʻnalishi

10,3

9,8

9,3

9,0

2.

Gumanitar va tabiiy

Gumanitar fanlar taʼlim sohasi (Filologiya va tillarni oʻqitish (tillar boʻyicha) taʼlim yoʻnalishi (xorijiy tillarga oid qismi), shuningdek Tarjima nazariyasi va amaliyoti (tillar boʻyicha) taʼlim yoʻnalishi bundan mustasno);

Tabiiy fanlar taʼlim sohasi;

Sotsiologiya va psixologiya taʼlim sohasi;

Jurnalistika va axborot taʼlim sohasi;

Huquq taʼlim sohasi;

Ijtimoiy taʼminot taʼlim sohasi;

Atrof-muhit muhofazasi taʼlim sohasi;

Ijtimoiy-madaniy faoliyat taʼlim yoʻnalish;

Xizmat koʻrsatish texnikasi
va texnologiyasi (xizmat koʻrsatish tarmoqlari boʻyicha) taʼlim yoʻnalishi

10,5

10,0

9,5

9,0

3.

Tillar

Filologiya va tillarni oʻqitish (tillar boʻyicha) taʼlim yoʻnalishi (xorijiy tillarga oid qismi);

Tarjima nazariyasi va amaliyoti (tillar boʻyicha) taʼlim yoʻnalishi

7,9

7,5

7,1

6,9

4.

Sanʼat

Sanʼat taʼlim sohasi

3,5

3,3

3,1

3,0

5.

Sport

Sport faoliyati (faoliyat turlari boʻyicha) taʼlim yoʻnalishi

7,1

6,8

6,5

6,2

6.

Pedagogika

Pedagogika taʼlim sohasi

10,5

10,0

9,5

9,0

7.

Iqtisodiyot

Iqtisod taʼlim sohasi;

Mehmonxona xoʻjaligini tashkil etish va boshqarish taʼlim yoʻnalish;

Turizm (faoliyat yoʻnalishlari boʻyicha) taʼlim yoʻnalishi

10,5

10,0

9,5

9,0

8.

Qishloq xoʻjaligi

Qishloq, oʻrmon va baliq xoʻjaligi taʼlim sohasi;

Qishloq xoʻjaligida menejment taʼlim sohasi;

Veterinariya taʼlim sohasi;

Irrigatsiya va melioratsiya taʼlim sohasi

10,3

10,3

9,5

8,0

9.

Arxitektura

Arxitektura (turlar boʻyicha) taʼlim yoʻnalishi

6,8

6,5

6,2

6,0

Izoh: mazkur Normativlar oliy taʼlim muassasalarida taʼlimning ishlab chiqarishdan ajralgan (kunduzgi) shakli hamda ishlab chiqarishdan ajralmagan (kechki) shakli boʻyicha taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar sonining nisbatini belgilaydi.
Ushbu Normativlar professor-oʻqituvchilar tarkibi alohida qonun hujjatlari bilan belgilab qoʻyilgan oliy taʼlim muassasalari va oliy harbiy taʼlim muassasalariga nisbatan tatbiq etilmaydi.
Qonun hujjatlari bilan joriy etilgan oliy taʼlim muassasalarining maxsus sirtqi va sirtqi boʻlinmalarida bir nafar oʻqituvchi hisobiga toʻgʻri keladigan talabalar soni nisbatining cheklangan normativlari — 20,0 nisbatda belgilanadi.
Taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari ayrim oliy taʼlim muassasalarida quyidagicha belgilanadi:
Tibbiyot oliy taʼlim muassasalarining Sogʻliqni saqlash taʼlim sohasi uchun 2017/2018 oʻquv yilining ikkinchi semestrigacha — 6,8 nisbatda va 2017/2018 oʻquv yilining ikkinchi semestridan boshlab 6,0 nisbatda;
Oʻzbekiston Respublikasi Bank-moliya akademiyasi uchun 2017/2018 oʻquv yilidan boshlab — 9,0 nisbatda;
Jahon iqtisodiyoti va diplomatiya universiteti uchun 2017/2018 oʻquv yilidan boshlab — 7,0 nisbatda;
Oʻzbekiston xalqaro islom akademiyasi uchun 2017/2018 oʻquv yilidan boshlab — 5,1 nisbatda va 2018/2019 oʻquv yilidan boshlab — 5,5 nisbatda.
(ilova Oʻzbekiston Respublikasi oliy va oʻrta maxsus taʼlim vazirining 2018-yil 14-sentabrdagi 22-2018-sonli buyrugʻi (roʻyxat raqami 2945-1, 10.10.2018-y.) tahririda — Qonun hujjatlari maʼlumotlari milliy bazasi, 10.10.2018-y., 10/18/2945-1/2030-son)
Keyingi tahrirga qarang.
Mazkur Normativlar Oʻzbekiston Respublikasi Moliya vazirligi bilan kelishilgan.
Moliya vaziri B. XODJAYEV
2017-yil 16-oktabr
(Qonun hujjatlari maʼlumotlari milliy bazasi, 08.11.2017-y., 10/17/2945/0227-son, 10.10.2018-y., 10/18/2945-1/2030-son; Qonunchilik maʼlumotlari milliy bazasi, 28.07.2021-y., 10/21/3313/0724-son)