1.02.00.00.00 Davlat boshqaruvi asoslari / 02.01.00.00 Oʻzbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.06.00 Vazirlar Mahkamasining komissiyalari va boshqa organlari. Zaxira jamgʻarmasi;
2.07.00.00.00 Moliya va kredit toʻgʻrisidagi qonunchilik. Bank faoliyati / 07.07.00.00 Budjet tizimining boshqa masalalari / 07.07.02.00 Davlat jamgʻarmalari / 07.07.02.04 Vazirlik va idoralar jamgʻarmalari;
3.13.00.00.00 Taʼlim. Fan. Madaniyat / 13.03.00.00 Madaniyat / 13.03.02.00 Madaniyat sohasida boshqaruv. Madaniyat sohasida faoliyatni amalga oshirishni litsenziyalash]
[TSZ:
1.Davlat va jamiyat qurilishi / Davlat hokimiyati organlari. Davlat va xoʻjalik boshqaruvi organlari;
2.Ijtimoiy-madaniy masalalar / Madaniyat;
3.Moliya / Budjet. Budjetdan tashqari jamgʻarmalar]
Oʻzbekiston Respublikasi Prezidentining
Qarori
Oʻzbekiston Respublikasi Madaniyat vazirligi huzurida Madaniyat va sanʼatni rivojlantirish jamgʻarmasini tashkil etish toʻgʻrisida
Madaniyat va sanʼat sohasidagi boshqaruv tizimida davlat siyosatini amalga oshirish samaradorligini oshirish maqsadida:
1. Oʻzbekiston Respublikasi Madaniyat vazirligi huzuridagi yuridik shaxs tashkil etmasdan faoliyat koʻrsatayotgan budjetdan tashqari Madaniyat va sanʼatni rivojlantirish jamgʻarmasi negizida Oʻzbekiston Respublikasi Madaniyat vazirligi huzurida yuridik shaxs maqomiga ega boʻlgan Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma) tashkil etilsin.
2. Jamgʻarmaning asosiy vazifalari etib quyidagilar belgilansin:
“Oʻzbekkonsert” davlat muassasasi faoliyatini taʼminlash;
moliyaviy, tashkiliy va ijodiy yoʻnalishlarda kompleks chora-tadbirlarni amalga oshirish asosida madaniyat va sanʼat sohasini yanada rivojlantirishga koʻmaklashish, shuningdek, madaniyat arboblarini hamda tasviriy sanʼat, adabiyot, teatr, musiqa va xoreografiya sohalarida ularning tashabbusi bilan tashkil etiladigan tadbirlarni har tomonlama qoʻllab-quvvatlash;
xalqaro va davlatlararo madaniy aloqalarni kengaytirish, madaniyat va sanʼat sohasida xalqaro madaniy tashkilotlar va xayriya jamgʻarmalari bilan hamkorlikni rivojlantirish, xorijiy sarmoya va grantlarni jalb etish, mamlakatimizda madaniyat va sanʼatga doir homiylikni rivojlantirishga koʻmaklashish;
madaniyatlararo ijodiy muloqotni yoʻlga qoʻyish va oʻzbek sanʼatining jahon badiiy va madaniy makoniga integratsiyalashuviga koʻmaklashish, shuningdek, mamlakatimizning madaniy va ilmiy-texnik salohiyati hamda raqobatdoshligi bilan bogʻliq jihatlarni namoyish etish;
madaniyat va sanʼat sohasida kadrlarni tayyorlash, qayta tayyorlash va malakasini oshirish tizimini takomillashtirish, shu bilan birga, Oʻzbekiston Respublikasi Madaniyat vazirligi tizimidagi muassasalarni zarur adabiyotlar va davriy nashrlar bilan taʼminlash;
xorijiy tajribalarni hisobga olgan holda, mamlakatimiz muzeylari va boshqa madaniy muassasalari faoliyati samaradorligini oshirish tizimini takomillashtirishga koʻmaklashish;
xalqaro standartlarga muvofiq yangi madaniy muassasalar qurish uchun moliyaviy mablagʻ va koʻmak berish;
Oʻzbekiston Respublikasi Madaniyat vazirligi tizimidagi muassasalarning moddiy-texnik bazasini mustahkamlash va ularni kapital hamda joriy taʼmirlash;
xalqaro institutlar, xorijiy mamlakatlar hukumatlari, homiylar va donorlari bilan hamkorlikda loyihalarni birgalikda moliyalashtirishni tashkil etishni taʼminlash;
jahondagi ilgʻor tajribalarni mamlakatimizda joriy etish boʻyicha takliflar tayyorlash maqsadida madaniyat va sanʼat sohasini moliyalashtirish boʻyicha rivojlangan davlatlar tajribasini oʻrganish;
aholiga pullik xizmatlar koʻrsatish hajmini va Oʻzbekiston Respublikasi Madaniyat vazirligi tizimidagi budjet tashkilotlari fondiga tushumlarni koʻpaytirish boʻyicha kompleks chora-tadbirlarni ishlab chiqish va amalga oshirish;
qonunchilikda belgilangan manbalardan tushayotgan mablagʻlarni jamgʻarishni taʼminlash;
ajratilayotgan maqsadli mablagʻlardan toʻgʻri, samarali va maqsadli foydalanish ustidan tizimli nazorat oʻrnatish;
Oʻzbekiston Respublikasi Madaniyat vazirligi tizimida faoliyat koʻrsatayotgan xodimlarni moddiy ragʻbatlantirish va ijtimoiy himoya qilish boʻyicha tadbirlar uchun maqsadli mablagʻlar ajratish.
3. Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlarini shakllantirish manbalari roʻyxati 1-ilovaga muvofiq tasdiqlansin.
4. Jamgʻarma Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga toʻlanadigan majburiy ajratmalardan tashqari barcha turdagi soliqlar va davlat maqsadli fondlariga majburiy toʻlovlardan ozod qilinsin.
5. Oʻzbekiston Respublikasi Vazirlar Mahkamasi bir hafta muddatda Jamgʻarma faoliyatini tashkil etish toʻgʻrisida qaror qabul qilsin, unda, jumladan, Jamgʻarma ijrochi direksiyasi tuzilmasini tasdiqlashni koʻzda tutsin.
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.02.00.00 Oʻzbekiston Respublikasi Prezidentining farmon va qarorlari;
2.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
6. Oʻzbekiston Respublikasi Prezidenti va Oʻzbekiston hukumatining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
7. Oʻzbekiston Respublikasi Madaniyat vazirligi manfaatdor vazirlik va idoralar bilan birgalikda, bir oy muddatda ular tomonidan qabul qilingan meʼyoriy-huquqiy hujjatlarni ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 16-oktabr,
PQ-3325-son
Oʻzbekiston Respublikasi Prezidentining 2017-yil 16-oktabrdagi PQ-3325-son qaroriga 1-ILOVA
Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlarini shakllantirish manbalari
ROʻYXATI
1. Konsert-tomosha faoliyatini amalga oshirish huquqini beruvchi litsenziya berishdan undiriladigan davlat boji tushumi summasidan 70 foiz miqdoridagi ajratmalar.
2. Oʻzbekiston Respublikasi Vazirlar Mahkamasi tomonidan belgilanadigan miqdorlardagi davlat foydasiga oʻtkazilgan mulkni sotishdan Oʻzbekiston Respublikasi respublika budjetiga tushadigan mablagʻlarning bir qismi.
3. Oʻzbekiston Respublikasi Prezidentining 2017-yil 16-avgustdagi “Oʻzbekiston badiiy akademiyasi faoliyatini rivojlantirish va yanada takomillashtirishga doir qoʻshimcha chora-tadbirlar toʻgʻrisida”gi PQ-3219-son qaroriga muvofiq “Oʻzsharobsanoat” AJning oʻz tashabbusi bilan homiylik tartibida har yili ajratiladigan mablagʻlar.
4. Jamgʻarmaning vaqtincha boʻsh mablagʻlarini moliya tashkilotlarida joylashtirishdan olingan daromadlar.
5. Homiylar xayriyalari, yuridik va jismoniy shaxslarning, xalqaro tashkilotlarning grantlari.
6. Qonun hujjatlarida taqiqlanmagan boshqa manbalar.
Oʻzbekiston Respublikasi Prezidentining 2017-yil 16-oktabrdagi PQ-3325-son qaroriga 2-ILOVA
Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlariga kiritilayotgan
OʻZGARTIRISH VA QOʻSHIMCHALAR
1. Oʻzbekiston Respublikasi Prezidentining 2017-yil 16-avgustdagi “Oʻzbekiston Badiiy akademiyasi faoliyatini rivojlantirish va yanada takomillashtirishga doir qoʻshimcha chora-tadbirlar toʻgʻrisida”gi PQ-3219-son qarori:
a) 3-bandi Oʻzbekiston Respublikasi Prezidentining 2018-yil 1-avgustdagi PF-5496-son Farmoniga muvofiq tahrirda bayon etilgan.
2. Oʻzbekiston Respublikasi Prezidentining 2017-yil 15-fevraldagi “Oʻzbekiston Respublikasi Madaniyat vazirligi faoliyatini tashkil etish toʻgʻrisida”gi PQ-2778-son qarorining 2-ilovasi quyidagi tahrirda bayon etilsin:
““Oʻzbekiston Respublikasi Madaniyat vazirligi markaziy apparatining tuzilmasi
Vazirlik hayʼati
Vazir
Vazir yordamchisi
Tashkiliy-nazorat va tahlil boshqarmasi
5
Vazirning birinchi oʻrinbosari
Vazir oʻrinbosari
Vazir oʻrinbosari
Teatrlarni rivojlantirish boshqarmasi
4
Muzeylar va kutubxonalarni rivojlantirish boshqarmasi
3
Iqtisodiy tahlil va moliya boshqarmasi
3
Xalqaro aloqalar va investitsiyalarni jalb qilish boshqarmasi
3
Konsert-tomosha muassasalarini rivojlantirish boshqarmasi
3
Madaniy-maʼrifiy muassasalar va nomoddiy madaniy meros shoʻbasi
2
Buxgalteriya
3
Kadrlar boshqarmasi
3
Ishlar boshqarmasi
3
Jismoniy va yuridik shaxslarning murojaatlari bilan ishlash boʻyicha bosh mutaxassis
1
Ijodkor yoshlar bilan ishlash va madaniy-ommaviy tadbirlarni tashkil etish boshqarmasi
3
Badiiy ekspertiza boshqarmasi, Madaniyat muassasalari faoliyatini tashkil etish respublika ilmiy-metodika markazi, Respublika koʻzi ojizlar markaziy kutubxonasi, “Guliston”, “Moziydan sado” jurnallari tahririyati, qoʻriqxona-muzeylar, hayvonot bogʻlari, davlat muzeylari, uy-muzeylar, vazirlik tizimiga kiruvchi koʻrgazmalar va taʼlim muassasalari
Madaniy meros obyektlarini muhofaza qilish va foydalanish ilmiy-ishlab chiqarish bosh boshqarmasi, Axborot va kompyuter texnologiyalari markazi, Markazlashtirilgan investitsiyalar hisobidan moliyalashtiriladigan obyektlarni qurish, rekonstruksiya qilish, kapital va joriy taʼmirlash boʻyicha buyurtmachi xizmati, “Binolarni ekspluatatsiya qilish va foydalanish boʻyicha direksiya” davlat korxonasi
Repertuar-tahririyat shoʻbasi
2
Bosh yuriskonsult
1
Davlat teatrlari, “Oʻzbekkonsert” davlat muassasasi, Oʻzbek davlat sirki, Oʻzbekiston orkestrlari birlashmasi, Oʻzbekiston badiiy jamoalari ijodiy birlashmasi, “Yoshlar madaniyat va sanʼat markazi” davlat korxonasi, “Teatr” jurnali tahririyati, “Istiqlol” va “Turkiston” sanʼat saroyi, Fargʻona viloyati Islom Karimov nomidagi teatr va konsert saroyi, “Diydor” va “Tomosha”teatr-studiyalari
Matbuot kotibi
1
Taʼlim muassasalari va tarmoqni metodik taʼminlash boshqarmasi
4
Madaniyat va sanʼatni rivojlantirish jamgʻarmasi, “Sharq taronalari” xalqaro musiqa festivali direksiyasi, Qoraqalpogʻiston Respublikasi madaniyat vazirligi, viloyatlar madaniyat boshqarmalari va Toshkent shahar madaniyat bosh boshqarmasi
Boshqaruv xodimlarining cheklangan soni — 49 nafar.”
3. Vazirlar Mahkamasining 2009-yil 15-iyuldagi 200-son qarori bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomning 53-bandi 1 — 6-kichik bandlari ikkinchi xatboshilari (Oʻzbekiston Respublikasi QT, 2009-yil, 7-son, 56-modda) quyidagi mazmundagi jumla bilan toʻldirilsin:
“Bunda Oʻzbekiston Respublikasining respublika budjetiga tushishi kerak boʻlgan mablagʻlarning bir qismi Oʻzbekiston Respublikasi Vazirlar Mahkamasi tomonidan belgilanadigan miqdorda Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasiga yoʻnaltiriladi”.
LexUZ sharhi