Oʻzbekiston Respublikasi Prezidentining “Oʻzbekiston Xotin-qizlar qoʻmitasi faoliyatini qoʻllab-quvvatlash borasidagi qoʻshimcha chora-tadbirlar toʻgʻrisida” 2004-yil 25-maydagi PF-3434-son Farmonini bajarish yuzasidan Vazirlar Mahkamasi qaror qiladi:

1. Vazirlar Mahkamasining “Davlat boshqaruvi hududiy organlari tuzilmasini takomillashtirish toʻgʻrisida” 2004-yil 5-yanvardagi 2-son qarorida:

1, 1a, 1b va 2-ilovalarda “Hokimning oʻrinbosari — xotin-qizlar qoʻmitasi raisi” ustunidagi “referent” soʻzi “bosh mutaxassis” soʻzlari bilan almashtirilsin;

3a, 5a va 6-ilovalar yangi tahrirda bayon qilinsin (ilova qilinadi).

2. Quyidagilar:

Vazirlar Mahkamasining 1991-yil 1-martdagi 33-f-son farmoyishi;

Vazirlar Mahkamasining “Ijtimoiy koʻnikma markazlari faoliyatini takomillashtirish toʻgʻrisida” 2002-yil 16-maydagi 162-son qarorining 4-bandi oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.