|
Hujjat kuchini yo‘qotgan 08.01.2022
|
Hujjat 16.03.2018 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Fuqarolar yigʻinlari xodimlari mehnatiga Yagona tarif setkasi boʻyicha haq toʻlashning razryadlarini belgilash toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2022-yil 8-yanvardagi 10-sonli “Fuqarolarning oʻzini oʻzi boshqarish organlari xodimlarini ijtimoiy qoʻllab-quvvatlash tizimining takomillashtirilishi munosabati bilan Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Mahalla institutini yanada takomillashtirish chora-tadbirlari toʻgʻrisida” 2017-yil 3-fevraldagi PF-4944-son Farmoniga muvofiq Vazirlar Mahkamasi qaror qiladi:
1. Posyolkalar, qishloqlar va ovullarning, shuningdek shaharlar, posyolkalar, qishloqlar va ovullarning mahallalari fuqarolar yigʻinlari xodimlari mehnatiga haq toʻlashning Yagona tarif setkasi boʻyicha razryadlari ilovaga muvofiq tasdiqlansin.
2. Belgilansinki, ish haqini toʻlash bilan bogʻliq xarajatlar tumanlar va shaharlar budjetlari mablagʻlari hisobiga qoplanadi.
3. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga 26-ilova oʻz kuchini yoʻqotgan deb hisoblansin.
4. Oʻzbekiston Respublikasi Bandlik va mehnat munosabatlari vazirligi manfaatdor vazirliklar va idoralar bilan birgalikda ular tomonidan qabul qilingan normativ-huquqiy hujjatlarni ikki hafta muddatda ushbu qarorga muvofiqlashtirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 17-iyul,
500-son
Vazirlar Mahkamasining 2017-yil 17-iyuldagi 500-son qaroriga
ILOVA
ILOVA
Posyolkalar, qishloqlar va ovullarning, shuningdek shaharlar, posyolkalar, qishloqlar va ovullarning mahallalari fuqarolar yigʻinlari xodimlari mehnatiga haq toʻlashning Yagona tarif setkasi boʻyicha
RAZRYaDLARI
Oldingi tahrirga qarang.
|
Lavozimlar nomi |
Mehnatga haq toʻlash boʻyicha razryadlar | |
|
posyelkalar, qishloqlar, ovullar va shaharlar mahallalarining fuqarolar yigʻinlari |
shaharlar hududidan tashqarida joylashgan mahallalar fuqarolar yigʻinlari | |
|
Fuqarolar yigʻini raisi |
6 |
5 |
|
Fuqarolar yigʻini masʼul kotibi |
5 |
4 |
|
“Mahalla posboni” jamoat tuzilmasi rahbari |
6 |
5 |
|
Harbiy hisobga olish boʻyicha mutaxassis |
5 |
4 |
(ilova Oʻzbekiston Respublikasi Vazirlar Mahkamasining 2018-yil 14-martdagi 200-sonli qarori tahririda — Qonun hujjatlari maʼlumotlari milliy bazasi, 16.03.2018-y., 09/18/200/0906-son)
Keyingi tahrirga qarang.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2017-y., 29-son, 694-modda; Qonun hujjatlari maʼlumotlari milliy bazasi, 16.03.2018-y., 09/18/200/0906-son; 23.04.2019-y., 09/19/346/2994-son, 21.11.2019-y., 09/19/920/4042-son)
