Oʻzbekiston Respublikasi Vazirlar Mahkamasining “Oʻzbekiston Respublikasi Prezidentining “Savdo va umumiy ovqatlanish sohasida soliqqa tortish tizimini yanada takomillashtirish toʻgʻrisida”gi Farmonini amalga oshirish chora-tadbirlari haqida” 2002-yil 13-iyundagi 208-son qarorining 6-bandiga muvofiq hamda savdo va umumiy ovqatlanish sohasida soliqqa tortishga oid oʻtkazilgan monitoring natijalariga koʻra Vazirlar Mahkamasi qaror qiladi:

1. 2002-yil 1-noyabrdan boshlab Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Oʻzbekiston Respublikasi Adliya vazirligi, Moliya vazirligi, Davlat soliq qoʻmitasi, boshqa manfaatdor vazirliklar va idoralar idoraviy normativ hujjatlarga tegishli oʻzgartirish va qoʻshimchalar kiritsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

1. Oʻzbekiston Respublikasi Vazirlar Mahkamasining “Oʻzbekiston Respublikasi Prezidentining “Savdo va umumiy ovqatlanish sohasida soliqqa tortish tizimini yanada takomillashtirish toʻgʻrisida”gi Farmonini amalga oshirish chora-tadbirlari haqida” 2002-yil 13-iyundagi 208-son qarori (Oʻzbekiston Respublikasi QT, 2002-y., 6-son, 31-modda)ga 3-ilovadagi jadval quyidagi tahrirda bayon qilinsin:

2. Vazirlar Mahkamasining “Savdo va umumiy ovqatlanish korxonalariga soliq solish tartibi toʻgʻrisida” 2002-yil 12-iyuldagi 249-son qarori (Oʻzbekiston Respublikasi QT, 2002-y., 7-son, 41-modda) bilan tasdiqlangan Savdo va umumiy ovqatlanish korxonalarining yalpi tushumidan (tovar aylanmasi hajmidan) olinadigan yagona soliqni hisoblab chiqish va toʻlash tartibi toʻgʻrisida Nizomda:

a) 10-band quyidagi tahrirda bayon qilinsin:

“10. Yalpi tushumdan olinadigan yagona soliq quyidagi formula boʻyicha aniqlanadi:

bunda:

N — yalpi tushumdan olinadigan yagona soliq summasi;

V — hisobot oyidagi yalpi tushum;

S — yalpi tushumdan olinadigan yagona soliq stavkasi.

Yalpi tushumdan olinadigan yagona soliqni hisoblashga misol ushbu Nizomga 2-ilovada keltirilgan”;

b) 11-band oʻz kuchini yoʻqotgan deb hisoblansin;

v) 1-ilovaga jadval quyidagi tahrirda bayon qilinsin:

g) 2-ilovada:

1, 2 va 4-satrlar chiqarib tashlansin;

6-satrdagi “1010” raqami “910” raqami bilan almashtirilsin;

3, 5 va 6-satrlar tegishli ravishda 1, 2 va 3-satrlar hisoblansin;

izoh chiqarib tashlansin;

d) 3-ilovada:

1 va 3-satrlar chiqarib tashlansin;

5-satrdagi “Soliq solinadigan tushum (3-satr — 4-satr)” soʻzlari “Soliq solinadigan tushum (1-satr — 2-satr)” soʻzlari bilan almashtirilsin;

2, 4—7-satrlar tegishli ravishda 1—5-satrlar hisoblansin;

“*” belgili izoh chiqarib tashlansin.