1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
[TSZ:
1.Davlat va jamiyat qurilishi / Davlat hokimiyati organlari. Davlat va xoʻjalik boshqaruvi organlari]
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasining Birinchi Prezidenti Islom Abdugʻaniyevich Karimovning xotirasini abadiylashtirish toʻgʻrisida” 2017-yil 25-yanvardagi PQ-2744-son qarori)
Oʻzbekiston Respublikasi Prezidentining “Oʻzbekiston Respublikasining Birinchi Prezidenti Islom Abdugʻaniyevich Karimovning xotirasini abadiylashtirish toʻgʻrisida” 2017-yil 25-yanvardagi PQ-2744-son qarorida belgilangan vazifalar ijrosini taʼminlash maqsadida Vazirlar Mahkamasi qaror qiladi:
1. Abu Rayhon Beruniy nomidagi Toshkent davlat texnika universiteti Islom Karimov nomidagi Toshkent davlat texnika universiteti deb qayta nomlansin.
2. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.
3. Vazirlar Mahkamasining “Toshkent davlat texnika dorilfununiga Abu Rayhon Beruniy nomini berish toʻgʻrisida” 1991-yil 27-iyundagi 175-son qarori (Oʻzbekiston Respublikasi QT, 1991-y., 6-son, 22-modda) oʻz kuchini yoʻqotgan deb hisoblansin.
4. Vazirlik va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
5. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 23-iyun,
417-son
Vazirlar Mahkamasining 2017-yil 23-iyundagi 417-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1.Vazirlar Mahkamasining “Oʻzbekiston iqtidorli yoshlarini taqdirlash va moddiy ragʻbatlantirish toʻgʻrisida” 2008-yil 13-oktabrdagi 226-son qarorida (Oʻzbekiston Respublikasi QT, 2008-yil, 10-son, 55-modda):
a) 1-bandning toʻrtinchi xatboshisidagi “Nomli davlat” soʻzlari “Davlat” soʻzi bilan almashtirilsin;
“1. Beruniy, Ibn Sino, Navoiy, Ulugʻbek,Imom al-Buxoriy va Islom Karimov nomidagi davlat stipendiyalari (keyingi oʻrinlarda — davlat stipendiyalari deb yuritiladi) Oʻzbekiston Respublikasi davlat oliy taʼlim muassasalarining bakalavriat boʻyicha oʻqiyotgan oxirgi ikki kurs talabalariga tayinlanadi”;
2-bandning ikkinchi xatboshisidagi “nomli stipendiyalarni” soʻzlari “davlat stipendiyalarini” soʻzlari bilan almashtirilsin;
g) 4-ilovaning 11-bandi quyidagi tahrirda bayon etilsin:
“11. Olimpiada, tanlov va musobaqaning har bir fani uchun xalqaro va respublika musobaqalari gʻoliblari test sinovisiz hamda qoʻshimcha imtihonsiz qabul qilinadigan soha ixtisosliklari roʻyxati har yili Oʻzbekiston Respublikasi taʼlim muassasalariga oʻqishga qabul qilish Davlat komissiyasi tomonidan belgilanadi”.
2. Vazirlar Mahkamasining “Oliy oʻquv yurtlari talabalariga stipendiyalar toʻlash tartibi va miqdorlari toʻgʻrisida” 2001-yil 17-avgustdagi 344-son qarorida (Oʻzbekiston Respublikasi QT, 2001-yil, 8-son, 46-modda):
a) 2-bandning beshinchi xatboshisidagi “va Ulugʻbek” soʻzlari “Ulugʻbek, Imom al-Buxoriy va Islom Karimov” soʻzlari bilan almashtirilsin;
b) ilovaning matni quyidagi tahrirda bayon etilsin:
“Oliy oʻquv yurtlari talabalari stipendiyalarining bazaviy miqdorlari
T/r
Talabalar toifasi (xorijiy talabalardan tashqari)
Miqdori (bir oyda soʻm)
1.
Oʻzbekiston Respublikasi Prezidentining Davlat stipendiyasi stipendiatlari
oʻrtacha stipendiyaning uch barobari miqdorida*
2.
Beruniy, Ibn Sino, Navoiy, Ulugʻbek, Imom al-Buxoriy va Islom Karimov nomidagi Davlat stipendiyalari stipendiatlari
oʻrtacha stipendiyaning ikki baro�ari miqdorida*
3.
Oliy oʻquv yurtlari talabalari
505 278
4.
Yetim bolalar va ota-ona qaramogʻidan mahrum boʻlgan bolalar sirasiga kiruvchi talabalar
548 340
5.
Davlat taʼminotida boʻlgan yetim bolalar va ota-onalar vasiyligisiz qolgan bolalar sirasiga kiruvchi talabalar
482 155
6.
Baynalmilal burchini bajarishda yarador boʻlish, kontuziya, jarohatlanish yoki kasallanish oqibatida nogiron boʻlib qolgan sobiq harbiy xizmatchilar sirasiga kiruvchi talabalar
572 714
7.
Sobiq baynalmilalchi jangchilar sirasiga kiruvchi talabalar
548 340
8.
Oliy oʻquv yurtlarida matematika, amaliy matematika va informatika, axborot texnologiyalari va axborot xavfsizligi mutaxassisliklari boʻyicha taʼlim olayotgan talabalar
549 906
9.
Kar-soqov va koʻzi ojiz talabalarga stipendiya belgilanganga nisbatan 50 foiz yuqori miqdorda nazarda tutiladi
* Talabalarning reyting nazorati boʻyicha 71 — 85% oʻzlashtirish koʻrsatkichi boʻyicha belgilangan stipendiya miqdori — oʻrtacha stipendiya miqdori deb hisoblanadi.
Izoh:
Oʻzbekiston Respublikasi Prezidentining ish haqi, pensiyalar, stipendiyalar va nafaqalar miqdorini oshirish toʻgʻrisida farmonlari qabul qilinishi munosabati bilan oliy oʻquv yurtlari talabalari stipendiyalarining bazaviy miqdorlari oʻzgargan taqdirda, Oʻzbekiston Respublikasi Oliy va oʻrta maxsus taʼlim vazirligining oliy oʻquv yurtlari talabalari stipendiyalarining bazaviy miqdorlarini oʻzgartirish toʻgʻrisidagi buyrugʻi chiqariladi”.
(Oʻzbekiston Respublikasi qonun hujjatlari toʻplami, 2017-y., 26-son, 586-modda; Qonun hujjatlari maʼlumotlari milliy bazasi, 01.02.2020-y., 09/20/59/0126-son)
