toggle_night_mode
Hujjat kuchini yo‘qotgan 04.05.2018
Hujjat 08.01.2002 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
QOZOGʻISTON RESPUBLIKASI VA TOJIKISTON RESPUBLIKASI YuK AVTOTRANSPORT VOSITALARINING OʻZBEKISTON RESPUBLIKASINING BOJXONA HUDUDI ORQALI KIRIB KELIShI, ChIQIB KETIShI HAMDA TRANZITI UChUN YAGONA YIGʻIM BELGILASh TOʻGʻRISIDA
 LexUZ sharhi
Mazkur qaror Oʻzbekiston Respublikasi Prezidentining 2018-yil 3-maydagi PF-5428-sonli “Oʻzbekiston Respublikasi Prezidentining hamda Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi Farmoniga asosan oʻz kuchini yoʻqotgan.
Avtotransport vositalarining Oʻzbekiston Respublikasi hududi orqali oʻtishi uchun yigʻimlarni hisoblash tizimini tartibga solish maqsadida Vazirlar Mahkamasi qaror qiladi:
1. Quyidagilar:
Qozogʻiston Respublikasi Hukumati tomonidan 1999-yil 26-maydagi 643-son qarori bilan avtotransport vositalarining Qozogʻiston Respublikasi hududi orqali oʻtish uchun 300 AQSh dollariga teng miqdorda yigʻim joriy etilganligi;
Oʻzbekiston Respublikasi Davlat bojxona qoʻmitasi buyrugʻi bilan Qozogʻiston Respublikasining avtotransport vositalariga nisbatan toʻlovning 300 AQSh dollariga teng miqdordagi tegishli normalari joriy etilganligi eʼtiborga olinsin.
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2002-yil 8-yanvardagi 11-sonli qarori bilan oʻz kuchini yoʻqotgan — OʻR QHT, 2002-y., 1-son, 9-modda)
3. Vazirlar Mahkamasining “Tojikiston Respublikasi yuk avtotransport vositalarini Oʻzbekiston Respublikasining bojxona chegarasi orqali oʻtkazish tartibi toʻgʻrisida” 1998-yil 1-dekabrdagi 506-son qarori 2-bandining birinchi xatboshi oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari L.A. Axmetov zimmasiga yuklansin.
Oʻzbekiston Respublikasi Bosh vaziri Oʻ. SULTONOV
Toshkent sh.,
1999-yil 15-sentabr,
429-son
(Oʻzbekiston Respublikasi Hukumatining qarorlari toʻplami, 1999-y., 9-son, 54-modda; Oʻzbekiston Respublikasi Qonun hujjatlari toʻplami, 2002-y., 1-son, 9-modda)