Oʻzbekiston Respublikasining “Sugʻurta faoliyati toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2009-yil 7-apreldagi 42-son buyrugʻi (roʻyxat raqami 1975, 2009-yil 26-iyun) (Oʻzbekiston Respublikasi qonun hujjatlari toʻplami, 2009-y., 26-son, 309-modda) bilan tasdiqlangan Aktuar xizmatlarini koʻrsatish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 14-band quyidagi tahrirda bayon etilsin:

“14. Aktuar hisoboti ikki nusxada tuziladi (buyurtmachi va aktuar tashkilot uchun bittadan), aktuar xizmatlarini bevosita koʻrsatgan aktuariy tomonidan imzolanadi, aktuar tashkilotning rahbari tomonidan imzolanadi va ushbu tashkilotning muhri bilan (muhr mavjud boʻlgan taqdirda) tasdiqlanadi. Aktuar hisobotining varaqlari raqamlangan, tikilgan va aktuar tashkilotning muhri bilan (muhr mavjud boʻlgan taqdirda) tasdiqlangan boʻlishi lozim.”.

2. 25-band quyidagi tahrirda bayon etilsin:

“25. Aktuar xulosasi ikki nusxada tuziladi (buyurtmachi va aktuar tashkilot uchun bittadan), aktuar xizmatlarini bevosita koʻrsatgan aktuariy tomonidan imzolanadi, aktuar tashkilot rahbari tomonidan imzolanadi va ushbu tashkilotning muhri bilan (muhr mavjud boʻlgan taqdirda) tasdiqlanadi. Aktuar xulosasining varaqlari raqamlangan, tikilgan va aktuar tashkilotning muhri bilan (muhr mavjud boʻlgan taqdirda) tasdiqlangan boʻlishi lozim.”.