|
Hujjat 16.01.2017 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Qarori
Aholiga transport xizmati koʻrsatish hamda shaharlar va qishloqlarda avtobuslarda yoʻlovchilar tashish tizimini yanada takomillashtirish chora-tadbirlari toʻgʻrisida
[Koʻchirma]
Avtotransport xizmatlari bilan taʼminlash sohasini yanada rivojlantirish, hududlarni kompleks ijtimoiy-iqtisodiy rivojlantirishga erishish hamda mamlakat shahar va qishloqlarida aholi bandligi muammolarini hal etishda avtotransport xizmatlari koʻrsatishning rolini kuchaytirish, yoʻlovchilar tashish xavfsizligini oshirish va atmosferaga zararli tashlamalarni qisqartirish maqsadida:
1. Quyidagilar respublikada avtomobil transportida yoʻlovchilar tashishni yanada rivojlantirishning asosiy yoʻnalishlari etib belgilansin:
harakatdagi tarkibni zamonaviy, qulay avtobuslar va mikroavtobuslar bilan yangilash, yoʻnalishlarni oqilona tashkil etish va kengaytirish, yoʻl qoplamalarini birinchi navbatda qishloq joylarda yaxshilash hisobiga aholining avtomobillarda tashuvlarga boʻlgan talab-ehtiyojini yanada toʻliq qondirishni taʼminlash;
yoʻlovchilar tashish xavfsizligi chora-tadbirlarini kuchaytirish, yoʻnalishlar boʻyicha harakatlanish jadvallariga qatʼiy rioya etilishini taʼminlash, koʻrsatilayotgan xizmatlarning sifat darajasini oshirish, yoʻlovchilar tashish sohasida isteʼmolchilar huquqlarini himoya qilish tizimini shakllantirish, yoʻlkira haqi uchun naqd pulsiz toʻlov tizimini joriy etish;
avtobuslar va mikroavtobuslardan oqilona va samarali foydalanishni taʼminlash, avtomobil transporti korxonalarining moliyaviy-iqtisodiy holatini mustahkamlash;
yoʻlovchilar tashishni boshqarish tizimiga zamonaviy axborot-kommunikatsiya texnologiyalarini keng joriy etish.
2. Oʻzbekiston avtomobil va daryo transporti agentligi zimmasiga yoʻlovchilarga xizmat koʻrsatish madaniyati va sifatini oshirishga yoʻnaltirilgan kompleks amaliy chora-tadbirlarning ishlab chiqilishi va tizimli asosda amalga oshirilishini muvofiqlashtirish va nazorat qilish
Keyingi tahrirga qarang.
vazifasi yuklansin, quyidagilar agentlikning qoʻshimcha funksiyalari etib belgilansin:
yoʻnalishlarda yoʻlovchilar tashish transportida xizmatlar koʻrsatish yuzasidan namunaviy kontraktlarni ishlab chiqish va tasdiqlash, ularda aholiga sifatli va xavfsiz avtotransport xizmatlarini kafolatli taʼminlash uchun optimal shart-sharoitlarni nazarda tutish;
yoʻlovchilar tashishni amalga oshirish yuzasidan doimiy ravishda markazlashtirilgan monitoring olib borilishini taʼminlash, “onlayn” (GPS) rejimida masofadan kuzatish tizimini hamda rasmiy veb-sayt va “ishonch telefonlari” orqali aholi bilan muloqot mexanizmlarini bosqichma-bosqich joriy etish;
tashuvchilar tomonidan yoʻnalishlarda xizmat koʻrsatish yuzasidan litsenziya talablari va shartlarining, kontraktlarning bajarilishi, yoʻlovchilar huquqlariga, belgilangan harakatlanish jadvallariga, transportda yurish tariflariga rioya etilishi, qonunchilikning, shu jumladan sanitariya qoidalarining buzilishlari va xizmat koʻrsatish madaniyatining past boʻlishi holatlariga yoʻl qoʻymaslik yuzasidan tizimli nazoratni tashkil etish.
Keyingi tahrirga qarang.
3. 2017 — 2021-yillarda shaharlar va qishloqlarda avtotransport xizmatlarini yanada rivojlantirish dasturi (keyingi oʻrinlarda Dastur deb ataladi) tasdiqlansin. Dastur quyidagilarni oʻz ichiga oladi:
1-ilovaga* muvofiq 2017 — 2021-yillarda yoʻlovchilar tashiydigan yangi avtobus yoʻnalishlarini tashkil etishning maqsadli parametrlari;
2 va 3-ilovalarga muvofiq 2017 — 2021-yillarda yangi avtobuslar va mikroavtobuslar sotib olish parametrlari;
Keyingi tahrirga qarang.
4-ilovaga* muvofiq 2017 — 2021-yillarda yoʻlovchilar avtovokzallari va avtostansiyalarini qurish hamda rekonstruksiya qilish tadbirlari.
4. Dasturda nazarda tutilgan tadbirlarning oʻz vaqtida va toʻliq hajmda amalga oshirilishi yuzasidan masʼuliyat Qoraqalpogʻiston Respublikasi Vazirlar Kengashi Raisi, viloyatlar hokimlari zimmasiga yuklansin.
5. Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston avtomobil va daryo transporti agentligi bilan birgalikda:
Dasturda nazarda tutilgan tadbirlar va parametrlarni amalga oshirishning tarmoq jadvallarini ikki hafta muddatda ishlab chiqilishini;
2018-yil 1-iyulgacha boʻlgan muddatda Nukus shahrida va viloyatlar markazlarida shahar yoʻlovchilar tashish transportida yoʻlkira uchun naqd pulsiz haq toʻlash tizimi bosqichma-bosqich joriy etilishini;
har chorakda Vazirlar Mahkamasiga Dasturning amalga oshirilishi toʻgʻrisida axborot kiritilishini taʼminlasinlar.
6. Oʻzbekiston avtomobil va daryo transporti agentligi Oʻzbekiston Respublikasi Davlat arxitektura va qurilish qoʻmitasi hamda loyihalash tashkilotlari bilan birgalikda ikki oy muddatda, yengil konstruksiyalardan hamda narxlari va sifat koʻrsatkichlari boʻyicha qulay boʻlgan, asosan mamlakatimizda ishlab chiqarilgan materiallardan (metall konstruksiyalar, sendvich-panellar va shu kabilardan) foydalangan holda avtovokzallar, avtostansiyalar va yoʻnalishlardagi toʻxtash punktlarining namunaviy loyihalari ishlab chiqilishini taʼminlasin.
7. Mahalliy budjetlar, “Oʻzavtosanoat-lizing” MCHJ, boshqa lizing tashkilotlari mablagʻlari, tijorat banklarining kreditlari va qonun hujjatlarida taqiqlanmagan boshqa mablagʻlar Dasturni amalga oshirishni moliyalashtirish manbalari etib belgilansin.
8. Aksiyadorlik-tijorat “Xalq banki”ga, zarurat boʻlganda, jamgʻarib boriladigan pensiya tizimi mablagʻlari hisobidan tijorat banklariga Oʻzbekiston Respublikasi Markaziy bankining qayta moliyalashtirish stavkasiga teng boʻlgan foiz stavkasi bilan, kelgusida “Oʻzavtosanoat-lizing” masʼuliyati cheklangan jamiyat va boshqa lizing tashkilotlarini moliyalashtirish uchun yillik 0,5 foizdan koʻp boʻlmagan tijorat banklari marjasi bilan umumiy miqdori 100 mlrd. soʻmgacha resurslar ajratish tavsiya etilsin.
10. 2022-yilning 1-yanvarigacha boʻlgan muddatga:
chetdan keltiriladigan va Oʻzbekiston Respublikasida ishlab chiqarilmaydigan, muntazam yoʻlovchilar tashish yoʻnalishlarida band boʻlgan avtobuslar va mikroavtobuslarning ishi ustidan “onlayn” rejimida (GPS), shuningdek Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha shahar yoʻlovchilar tashish transportida yurganlik uchun elektron toʻlov tizimlarini masofadan kuzatib borishni joriy etish uchun moʻljallangan uskunalar, mexanizmlar, materiallar, butlovchi buyumlar bojxona toʻlovlaridan (bojxonada rasmiylashtirish yigʻimlari bundan mustasno);
lizing tashkilotlari va avtomobil transporti tashkilotlari — Dastur doirasida sotib olinadigan mikroavtobuslarni Oʻzbekiston Respublikasi Ichki ishlar vazirligi organlarida roʻyxatdan oʻtkazishda Oʻzbekiston Respublikasi Moliya vazirligi huzuridagi Respublika yoʻl jamgʻarmasiga yigʻim toʻlovidan;
Keyingi tahrirga qarang.
avtomobil transporti tashkilotlari — yoʻlovchilarni shahar atrofida va viloyatlar ichidagi shaharlararo yoʻnalishlarda (qishloq joylarda) avtobuslar va mikroavtobuslarda tashish hajmi boʻyicha yagona soliq toʻlovidan ozod qilinsin.
11. Dastur bajarilishining doimiy monitoringi olib borilishini taʼminlash boʻyicha 5-ilovaga muvofiq tarkibda ishchi guruh tashkil etilsin. Quyidagilar ishchi guruhning asosiy vazifalari etib belgilansin:
tarmoq jadvallariga muvofiq Dastur tadbirlari amalga oshirilishini tizimli tahlil qilish va tahlil asosida Dastur amalga oshirilishi uchun masʼul boʻlgan davlat organlari faoliyatini takomillashtirish yuzasidan takliflar ishlab chiqish;
shaharlar va qishloqlarda aholiga transport xizmati koʻrsatish va avtobuslarda yoʻlovchilar tashish tizimiga, yoʻlovchilar avtovokzallari, avtostansiyalar, oxirgi toʻxtash punktlarini qurishga investitsiyalarni amalga oshirish uchun xususiy investorlarni jalb etish chora-tadbirlarini koʻrish;
yangi avtobuslar va mikroavtobuslarni sotib olish yuzasidan shartnomalarni kelishish va amalga oshirishda, ularga texnik xizmat koʻrsatishning zamonaviy, modernizatsiyalashtirilgan punktlarida aynan bir xil texnik xizmat koʻrsatishni taʼminlashda avtomobilda tashuvchilarga koʻmaklashish;
yoqilgʻi qiymati va boshqa iqtisodiy shart-sharoitlar oʻzgargan taqdirda yoʻlkira tariflari oʻz vaqtida qayta koʻrib chiqilishini nazorat qilish;
Dasturda nazarda tutilgan tadbirlar bajarilishi masalalari boʻyicha Qoraqalpogʻiston Respublikasi Vazirlar Kengashi, viloyatlar hokimliklari, vazirliklar, idoralar, tashuvchilarning rahbarlari hisobotlarini muntazam eshitish.
Keyingi tahrirga qarang.
12. Oʻzbekiston Respublikasi Vazirlar Mahkamasi respublika shaharlari va qishloqlarida aholiga. transport xizmati koʻrsatish va avtobuslarda yoʻlovchilar tashish tizimini yanada takomillashtirishga yoʻnaltirilgan chora-tadbirlarni tashkil etish boʻyicha bir oy muddatda qaror qabul qilsin.
13. Mazkur qarorning bajarilishini nazorat qilish Oʻzbekiston Respublikasi Bosh. vazirining birinchi oʻrinbosari —“Oʻzbekiston temir yoʻllari” AJ boshqaruvi raisi A. Ramatov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 10-yanvar,
PQ-2724-son
Oʻzbekiston Respublikasi Prezidentining 2017-yil 10-yanvardagi PQ-2724-son qaroriga
2-ILOVA
2017 — 2021-yillarda yangi avtobuslar sotib olish
PARAMETRLARI
|
T/r |
Hududlar |
Sotib olinadigan avtobuslar soni |
Shu jumladan: | ||||
|
2017-yil |
2018-yil |
2019-yil |
2020-yil |
2021-yil | |||
|
1. |
Qoraqalpogʻiston Respublikasi |
112 |
30 |
40 |
10 |
13 |
19 |
|
2. |
Andijon viloyati |
319 |
22 |
77 |
78 |
76 |
66 |
|
3. |
Buxoro viloyati |
350 |
50 |
81 |
64 |
77 |
78 |
|
4. |
Jizzax viloyati |
106 |
45 |
23 |
10 |
6 |
22 |
|
5. |
Qashqadaryo viloyati |
287 |
59 |
51 |
60 |
70 |
47 |
|
6. |
Navoiy viloyati |
83 |
26 |
16 |
15 |
14 |
12 |
|
7. |
Namangan viloyati |
415 |
45 |
83 |
106 |
114 |
67 |
|
8. |
Samarqand viloyati |
460 |
73 |
81 |
81 |
88 |
137 |
|
9. |
Surxondaryo viloyati |
85 |
35 |
6 |
10 |
16 |
18 |
|
10. |
Sirdaryo viloyati |
103 |
34 |
27 |
26 |
9 |
7 |
|
11. |
Toshkent viloyati |
178 |
40 |
25 |
37 |
37 |
39 |
|
12. |
Fargʻona viloyati |
281 |
43 |
40 |
52 |
67 |
79 |
|
13. |
Xorazm viloyati |
133 |
35 |
21 |
41 |
13 |
23 |
|
JAMI: |
2 912 |
537 |
571 |
590 |
600 |
614 | |
|
shundan: shaharlararo yoʻnalishlar uchun |
226 |
26 |
50 |
50 |
50 |
50 | |
|
shahar va shahar atrofidagi yoʻnalishlar uchun |
2 686 |
511 |
521 |
540 |
550 |
564 | |
LexUZ sharhi2-ilova norasmiy tarjima.
Oʻzbekiston Respublikasi Prezidentining 2017-yil 10-yanvardagi PQ-2724-son qaroriga
3-ILOVA
3-ILOVA
2019 — 2021-yillarda yangi mikroavtobuslar sotib olish
PARAMETRLARI
| (dona) | |||||
| T/r | Hududlar | Sotib olinadigan mikroavtobuslar soni | Shu jumladan: | ||
| 2019 yil | 2020 yil | 2021 yil | |||
| 1. | Qoraqalpogʻiston Respublikasi | 350 | 60 | 135 | 155 |
| 2. | Andijon viloyati | 490 | 90 | 185 | 215 |
| 3. | Buxoro viloyati | 485 | 90 | 185 | 210 |
| 4. | Jizzax viloyati | 345 | 60 | 130 | 155 |
| 5. | Qashqadaryo viloyati | 490 | 90 | 190 | 210 |
| 6. | Navoiy viloyati | 415 | 70 | 160 | 185 |
| 7. | Namangan viloyati | 490 | 85 | 190 | 215 |
| 8. | Samarqand viloyati | 510 | 90 | 190 | 230 |
| 9. | Surxondaryo viloyati | 450 | 80 | 175 | 195 |
| 10. | Sirdaryo viloyati | 345 | 60 | 135 | 150 |
| 11. | Toshkent viloyati | 495 | 90 | 190 | 215 |
| 12. | Fargʻona viloyati | 490 | 85 | 190 | 215 |
| 13. | Xorazm viloyati | 345 | 50 | 145 | 150 |
| JAMI: | 5 700 | 1 000 | 2 200 | 2 500 | |
Keyingi tahrirga qarang.
Oʻzbekiston Respublikasi Prezidentining 2017-yil 10-yanvardagi PQ-2724-son qaroriga
5-ILOVA
5-ILOVA
2017 — 2021-yillarda shaharlar va qishloqlarda avtotransport xizmatlarini yanada rivojlantirish dasturi bajarilishining doimiy monitoringi olib borilishini taʼminlash boʻyicha ishchi guruh
TARKIBI
|
A.J. Ramatov |
— |
Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi, ishchi guruh rahbari | |
|
2. |
D.T. Dehqonov |
— |
Oʻzbekiston avtomobil transporti agentligi boshligʻi, ishchi guruh rahbarining oʻrinbosari |
|
3. |
I.R. Mahkamov |
— |
Vazirlar Mahkamasining Kommunal soha, ekologiya, atrof muhitni muhofaza qilish, transport, kapital qurilish va qurilish industriyasi ATD mudiri |
|
4. |
Sh.X. Shermatov |
— |
axborot texnologiyalari va kommunikatsiyalarini rivojlantirish vazirining birinchi oʻrinbosari |
|
5. |
Yo.E. Tursunov |
— |
moliya vaziri oʻrinbosari |
|
6. |
A.A. Yuldashev |
— |
Davlat soliq qoʻmitasi raisining birinchi oʻrinbosari |
|
7. |
S.A. Nishonboyev |
— |
ichki ishlar vaziri oʻrinbosari |
|
8. |
Sh.A. Toʻlaganov |
— |
tashqi iqtisodiy aloqalar, investitsiyalar va savdo vaziri oʻrinbosari |
|
9. |
S.S. Xodjayev |
— |
Markaziy bank raisining birinchi oʻrinbosari |
|
10. |
K.O. Azimov |
— |
“Oʻzavtosanoat” AJ raisining oʻrinbosari |
|
11. |
F.M. Salixov |
— |
Vazirlar Mahkamasi bosh mutaxassisi, ishchi guruh kotibi |
Keyingi tahrirga qarang.
(Oʻzbekiston Respublikasi qonun hujjatlari toʻplami, 2017-y., 2-son, 33-modda, 28-son, 636-modda; Qonun hujjatlari maʼlumotlari milliy bazasi, 20.03.2020-y., 06/20/5971/0348-son; Qonunchilik maʼlumotlari milliy bazasi, 30.04.2021-y., 06/21/6218/0398-son; 01.04.2022-y., 06/22/95/0267-son)
