Hujjat kuchini yo‘qotgan 25.05.2006

Oʻzbekiston Respublikasi Vazirlar Mahkamasining

qarori

DON VA DONNI QAYTA IShLASh MAHSULOTLARI BILAN OPERATSIYALAR HISOBINI YuRITISh VA RASMIYLAShTIRISh BOʻYIChA YOʻRIQNOMANI TASDIQLASh TOʻFRISIDA

LexUZ sharhi

Mazkur qaror Oʻzbekiston Respublikasi Vazirlar Mahkamasining 2006-yil 25-maydagi 95-sonli “Don va donni qayta ishlash mahsulotlari hisobini yuritish tizimini takomillashtirishga, ularning saqlanishi ustidan nazoratni kuchaytirishga doir qoʻshimcha chora-tadbirlar toʻgʻrisida”gi qaroriga muvofiq oʻz kuchini yoʻqotgan.

Don mahsulotlari tarmogʻi korxonalarida don va donni qayta ishlash mahsulotlari nobudgarchiligini kamaytirish, ular bilan oʻtkaziladigan operatsiyalar hisobini yuritish, hisobot berish va operatsiyalar oʻtkazishda zarur tartib oʻrnatish maqsadida Vazirlar Mahkamasi qaror qiladi:

1. Don va donni qayta ishlash mahsulotlari bilan operatsiyalar hisobini yuritish va rasmiylashtirish boʻyicha yoʻriqnoma ilovaga* muvofiq tasdiqlansin.

* Ilova rus tilida berilmaydi.

2. Davlat statistika qoʻmitasi, “Oʻzdonmahsulot” davlat-aksiyadorlik korporatsiyasi, Oʻzbekiston Respublikasi Vazirlar Mahkamasi huzuridagi Davlat don inspeksiyasi:

(2-bandning birinchi xatboshi Oʻzbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — OʻR QHT, 2003-y., 4-son, 42-modda)

mazkur Yoʻriqnomaga qatʼiy rioya qilinishi ustidan qattiq nazoratni taʼminlasinlar;

har oyda Vazirlar Mahkamasiga ozuqabop bugʻdoydan foydalanish balanslari bajarilishi toʻgʻrisidagi hisobotlar bilan birgalikda don chiqindilarni va qoʻshimcha mahsulotlar ishlab chiqarish va ulardan foydalanish toʻgʻrisidagi maʼlumotlarni taqdim etsinlar.

Oldingi tahrirga qarang.

(3-band Oʻzbekiston Respublikasi Vazirlar Mahkamasining 2004-yil 8-iyundagi 269-sonli qaroriga muvofiq oʻz kuchini yoʻqotgan— OʻR QHT, 2004-y., 22-23-son, 266-modda)

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari T. Xoltoyev zimmasiga yuklansin.

Oʻzbekiston Respublikasining Bosh vaziri Oʻ. SULTONOV

Toshkent sh.,

2001-yil 20-mart,

137-son

(Oʻzbekiston Respublikasi Qonun hujjatlari toʻplami, 2001-y., 6-son, 32-modda; 2003-y., 4-son, 42-modda; 2004-y., 22-23-son, 266-modda)