|
Hujjat kuchini yo‘qotgan 16.12.2017
|
Hujjat 15.01.2003 sanasi holatiga
Amaldagi versiyaga o‘tish |
Oʻzbekiston Respublikasi Prezidentining
Farmoni
Eksport-import operatsiyalarini tartibga keltirish borasidagi qoʻshimcha chora-tadbirlar toʻgʻrisida
LexUZ sharhiMazkur Farmon Oʻzbekiston Respublikasi Prezidentining 2017-yil 15-dekabrdagi PF-5286-sonli “Tashqi bozorlarda mahalliy mahsulotlar raqobatdoshligini taʼminlash va eksportini ragʻbatlantirishga doir qoʻshimcha chora-tadbirlari toʻgʻrisida”gi Farmoniga asosan oʻz kuchini yoʻqotgan.
Shu narsa qayd etib oʻtilsinki, qabul qilingan qarorlarga qaramay, tashqi iqtisodiy faoliyatda turli bahonalar barter (mavoza) operatsiyalari hamon amalga oshirilayapti, ular boʻyicha nomutanosib tarzdagi ayirboshlash hollari mavjud boʻlib, soliqlarning oʻz vaqtida va toʻla hajmda kelib hamda valyuta daromadining bir qismini majburiy ravishda sotish taʼminlanmayapti. Shu munosabat bilan:
1. Oʻzbekiston Respublikasining Davlat soliq qoʻmitasi (Gataulin), Prokuratura (Mustafoyev) 1994-yil hamda 1995-yilning birinchi choragi yakunlariga koʻra ushbu masala boʻyicha ishlarning ahvolini tahlil etsinlar va “Barter (mavoza) asosida amalga oshiriladigan eksport-import operatsiyalaridagi buzgʻunchiliklar va suiisteʼmollarni bartaraf etish toʻgʻrisida” Oʻzbekiston Respublikasi Prezidentining 1993-yil 9-iyuldagi Farmonini buzganlik uchun aybdorlarni javobgarlikka tortish haqida Vazirlar Mahkamasiga takliflar kiritsinlar.
2. Yuqorida aytilgan Farmonning 2-bandiga qoʻshimcha qilib shu narsa belgilab qoʻyilsinki, Oʻzbekiston Respublikasi Vazirlar Mahkamasining, Qoraqalpogʻiston Respublikasi Vazirlar Kengashining, viloyatlar va Toshkent shahar hokimliklarining ruxsati bilan istisno tarzidagi barter (mavoza) boʻyicha eksport-import operatsiyalariga yoʻl qoʻyiladi.
Keyingi tahrirga qarang.
3. Barter operatsiyalarini amalga oshirish chogʻida soliq solish maqsadlarida mahsulot joʻnatilgan kunni mahsulot (ishlar xizmatlar) realizatsiya qilingan payt deb hisoblansin.
Oldingi tahrirga qarang.
4. Belgilab qoʻyilsinki, barcha eksport va barter shartlari, shu jumladan Oʻzbekiston Respublikasi Tashqi iqtisodiy aloqalar agentligida va vakil qilingan banklarda qayd etilgan shartnomalar Oʻzbekiston Respublikasi Davlat bojxona qoʻmitasi tomonidan belgilanadigan tartibda hisobga olinishi lozim.
(4-band Oʻzbekiston Respublikasi Prezidentining 2003-yil 15-yanvardagi PF-3194-son Farmoni tahririda — OʻR QHT, 2003-y., 1-2-son, 3-modda)
Keyingi tahrirga qarang.
5. Valyuta daromadining bir qismini majburiy sotish va belgilangan tartib buzilgan hollarda soliq organlari aybdorlarga nisbatan Oʻzbekiston Respublikasining qonunlarida belgilangan tartib va miqdorlarda moliyaviy jazo choralari hamda maʼmuriy jarimalarni qoʻllasinlar.
Oldingi tahrirga qarang.
6. Eksport-import operatsiyalarini amalga oshirishda belgilangan tartibga rioya etilishi uchun shaxsan javobgar ekanliklari toʻgʻrisida Davlat bojxona qoʻmitasining, Tashqi iqtisodiy aloqalar agentligining, vakil qilingan banklarning rahbarlari ogohlantirilsin.
(6-band Oʻzbekiston Respublikasi Prezidentining 2003-yil 15-yanvardagi PF-3194-son Farmoni tahririda — OʻR QHT, 2003-y., 1-2-son, 3-modda)
Keyingi tahrirga qarang.
7. Ushbu Farmonning bajarilishini nazorat qilish Oʻzbekiston Respublikasining Vazirlar Mahkamasi zimmasiga yuklansin
8. Farmon eʼlon qilingan kundan boshlab kuchga kiradi.
LexUZ sharhiMazkur Farmon “Xalq soʻzi” gazetasining 1995-yil 12-apreldagi 70 (1072)-sonida eʼlon qilingan.
Oʻzbekiston Respublikasining Prezidenti I. KARIMOV
Toshkent sh.,
1995-yil 11-aprel,
PF-1096-son
(Oʻzbekiston Respublikasi Oliy Majlisining Axborotnomasi, 1995-y., 5-son, 81-modda; Oʻzbekiston Respublikasi qonun hujjatlari toʻplami, 2003-y., 1-2-son, 3-modda; 2005-y., 37-38-son, 282-modda; 2011-y., 43-44-son, 461-modda; 2014-y., 28-son, 336-modda; 2017-y., 1-son, 4-modda)
