PQ-2515-сон 07.04.2016. Yangi va qayta ishlangan meva-sabzavot mahsulotlarini eksport qiluvchi ixtisoslashtirilgan “Oʻzagroeksport” tashqi savdo kompaniyasini tashkil etish toʻgʻrisida

Hujjat 18.04.2016 sanasi holatiga
Amaldagi versiyaga o‘tish

Oʻzbekiston Respublikasi Prezidentining

Qarori

Yangi va qayta ishlangan meva-sabzavot mahsulotlarini eksport qiluvchi ixtisoslashtirilgan “Oʻzagroeksport” tashqi savdo kompaniyasini tashkil etish toʻgʻrisida

Mamlakatimizning eksport salohiyatidan yanada toʻliq va samarali foydalanish, jahon bozorlarini marketing jihatdan chuqur tadqiq qilish asosida tashqi bozorlarda xaridorgir boʻlgan raqobatdosh yangi va qayta ishlangan meva-sabzavot mahsulotlarini eksportga yetkazib berish hajmlari va turlarini koʻpaytirish, shuningdek mahsulotlarni eksportga chiqarishning zamonaviy talablarga mos savdo-logistika infratuzilmasini jadal rivojlantirish maqsadida:

1. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasi, “Oʻzbekoziqovqatxolding” xolding kompaniyasi, Oʻzbekiston Fermerlar kengashi va boshqa manfaatdor tuzilmalarning “Oʻzbekoziqovqatxolding” XK tarkibida yangi va qayta ishlangan meva- sabzavot mahsulotlarini eksport qiluvchi aksiyadorlik jamiyati shaklidagi ixtisoslashtirilgan “Oʻzagroeksport” tashqi savdo kompaniyasini tashkil etish toʻgʻrisidagi takliflari qabul qilinsin.

2. Quyidagilar ixtisoslashtirilgan “Oʻzagroeksport” tashqi savdo kompaniyasi faoliyatining asosiy vazifa va yoʻnalishlari etib belgilansin:

meva-sabzavot mahsulotlarining jahon va mintaqaviy bozorlari konyunkturasini marketing jihatdan chuqur tadqiq qilish, mamlakatimizning yangi va qayta ishlangan meva-sabzavot mahsulotlari eksportga chiqarilishini taʼminlash, ularni sotish uchun yangi bozorlarni izlash va oʻzlashtirish;

Oʻzbekistonda yetishtiriladigan oʻziga xos sabzavot, meva, uzum va poliz mahsulotlariga tashqi bozorlardagi talab va takliflarni tizimli asosda oʻrganish va shuning asosida ushbu ekinlarni joylashtirish hamda fermer va dehqon xoʻjaliklari tomonidan yetishtirish, tayyor raqobatdosh mahsulotlar ishlab chiqarishni kengaytirish boʻyicha takliflar ishlab chiqish;

ishonchli xorijiy xaridorlar bilan doimiy aloqa oʻrnatish, yangi va qayta ishlangan meva-sabzavot eksport qilish boʻyicha ular bilan uzoq muddatli va qisqa muddatli shartnomalar tuzish;

Oʻzbekiston Respublikasida har yili Xalqaro meva-sabzavot yarmarkasini eksport shartnomalari tuzilgan holda oʻtkazilishini tashkillashtirish hamda tomonlarning shartnomaviy majburiyatlari toʻliq va oʻz vaqtida bajarilishini taʼminlash;

xorijiy investorlarning keng koʻlamli ishtirokida kompaniyaga kiruvchi korxona va tashkilotlarning moddiy-texnika bazasini rivojlantirish va mustahkamlash, meva-sabzavot mahsulotlarini eksport qilish uchun maxsus sabzavot omborlari va sovutish qurilmalarini barpo etish, rekonstruksiya qilish va modernizatsiyalash, ilgʻor xorijiy texnologiyalar va dizayndan foydalangan holda zamonaviy tara-qadoqlash mahsulotlari ishlab chiqarishni tashkil qilish;

yetishtirilgan yangi va qayta ishlangan meva-sabzavot mahsulotlarini eksportga chiqarish boʻyicha zamonaviy logistika tizimini keng joriy etish, mahsulotni xalqaro talablar va standartlarga mos keladigan holda saralash, kalibrlash va qadoqlash yoʻli bilan eksportga chiqarishdan oldin tayyorlashni tashkillashtirish;

meva-sabzavot mahsulotlarini eksportga chiqarishning zamonaviy usullarini egallagan hamda ushbu mahsulotga boʻlgan talabni va sotish bozorlarini oʻrganishga ixtisoslashgan menejer hamda mutaxassislarni tanlash va tarbiyalashni taʼminlash.

3. “Oʻzulgurjisavdoinvest” uyushmasi va “Oʻztadbirkoreksport” AJ muassislarining:

1-ilovaga* muvofiq savdo-xarid bazalari, sovutish omborlari va savdo uylarini “Oʻzulgurjisavdoinvest” uyushmasi tarkibidan;

2-ilovaga* muvofiq savdo-xarid bazalari va sovutish omborlarini “Oʻztadbirkoreksport” AJ tarkibidan “Oʻzagroeksport” kompaniyasi tarkibiga oʻtkazish toʻgʻrisidagi takliflariga rozilik berilsin.

Meva-sabzavot mahsulotlari eksporti bilan shugʻullanish “Oʻztadbirkoreksport” AJ faoliyati yoʻnalishlaridan chiqarilsin.

Keyingi tahrirga qarang.

4. Quyidagilar:

“Oʻzagroeksport” kompaniyasining tashkiliy tuzilmasi hamda boshqaruv xodimlarining cheklangan soni 50 nafardan iborat uning ijro etuvchi apparati tuzilmasi 3 va 4-ilovalarga* muvofiq;

“Oʻzagroeksport” kompaniyasi tarkibiga kiruvchi korxona va tashkilotlar roʻyxati 5-ilovaga* muvofiq;

“Oʻzbekoziqovqatxolding” XKning yangilangan tashkiliy tuzilmasi va ijro etuvchi apparatining yangilangan tuzilmasi 6 va 7-ilovalarga* muvofiq maʼqullansin.

* 1 — 7-ilovalar rus tilidagi matnda berilgan.

Belgilab qoʻyilsinki, “Oʻzagroeksport” kompaniyasining bosh direktori lavozimi boʻyicha “Oʻzbekoziqovqatxolding” xolding kompaniyasi boshqaruvi raisining oʻrinbosari hisoblanadi, kompaniyaning kuzatuv kengashi tomonidan saylanadi, Oʻzbekiston Respublikasi Vazirlar Mahkamasi tomonidan lavozimga tasdiqlanadi va maqomi boʻyicha vazir oʻrinbosariga tenglashtiriladi.

Keyingi tahrirga qarang.

5. Oʻzbekiston Respublikasi Vazirlar Mahkamasi (Sh.M. Mirziyoyev) “Oʻzbekoziqovqatxolding” xolding kompaniyasi bilan birgalikda bir oy muddatda puxta tanlov asosida “Oʻzagroeksport” kompaniyasining ijro etuvchi apparatini tasdiqlangan tuzilma va shtat jadvaliga muvofiq zamonaviy menejment va marketing usullarini egallagan yuqori malakali mutaxassislar bilan butlasin.

6. 2016-yilning 1-mayidan boshlab shunday tartib oʻrnatilsinki, unga muvofiq tashkiliy-huquqiy shakli va idoraviy mansubligidan qatʼi nazar, eksport qiluvchi korxona va tashkilotlar, shu jumladan mikrofirmalar, kichik korxonalar, fermer va dehqon xoʻjaliklari yangi meva-sabzavot mahsulotlari, uzum va poliz ekinlarini eksport qilishdan tushadigan valyutaning 50 foizini belgilangan tartibda majburiy sotadilar.

Keyingi tahrirga qarang.

7. Oʻzi ishlab chiqargan mahsulotni eksport qiluvchi korxonalar uchun qonun hujjatlarida nazarda tutilgan soliq imtiyozlari va yengilliklari “Oʻzagroeksport” kompaniyasiga hamda uning tarkibiga kirgan yangi va qayta ishlangan meva-sabzavot mahsulotlarini eksport qiluvchi korxona va tashkilotlarga tatbiq qilinsin.

8. “Oʻzbekoziqovqatxolding” xolding kompaniyasi, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi va Adliya vazirligi bir oy muddatda:

kompaniya aksiyalarining 51 foizidan kam boʻlmagan qismi davlatda saqlanib qolishini nazarda tutgan holda “Oʻzagroeksport” kompaniyasining ustav jamgʻarmasini uning tarkibiga kiruvchi korxona va tashkilotlar, shuningdek davlatning ishtirokida yangidan tashkil etilayotgan korxona va tashkilotlarning ustav jamgʻarmalaridagi davlat aktivlari va aksiyalari paketlari (ulushlari)ning balans (nominal) qiymati hisobidan shakllantirish chora-tadbirlari amalga oshirilishini taʼminlasinlar;

Keyingi tahrirga qarang.

“Oʻzagroeksport” kompaniyasi muassislarining umumiy yigʻilishini oʻtkazsinlar, uning Ustavi va boshqa taʼsis hujjatlarini belgilangan tartibda tasdiqlasinlar, ularni davlat roʻyxatidan oʻtkazishni taʼminlasinlar, kuzatuv kengashi va taftish komissiyasini tashkil etsinlar.

“Oʻzagroeksport” kompaniyasiga Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi bilan kelishilgan holda olingan mablagʻlarni kompaniyaning moddiy-texnika bazasini rivojlantirish boʻyicha investitsiya loyihalarini amalga oshirishga yoʻnaltirish sharti bilan qoʻshimcha aksiyalar chiqarishga ruxsat berilsin.

Keyingi tahrirga qarang.

“Oʻzagroeksport” kompaniyasi emission qimmatli qogʻozlar chiqarilishini davlat roʻyxatiga olish uchun hamda qimmatli qogʻozlar chiqarilishi toʻgʻrisidagi hujjatlarni koʻrib chiqish uchun yigʻimlar toʻlashdan ozod qilinsin.

9. “Oʻzagroeksport” kompaniyasining ijro etuvchi apparati Toshkent shahri, Beruniy koʻchasi, 41-uyga joylashtirilsin.

10. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzagroeksport” kompaniyasini zarur aloqa, shu jumladan hukumat aloqa vositalari bilan taʼminlashga koʻmaklashsin.

11. Oʻzbekiston Respublikasi Prezidentining “Respublika oziq-ovqat sanoatini boshqarishni tashkil etishni yanada takomillashtirish chora- tadbirlari toʻgʻrisida” 2016-yil 18-fevraldagi PQ-2492-sonli qarori 4-bandining ikkinchi xatboshi va uning 1 va 2-ilovalari oʻz kuchini yoʻqotgan deb hisoblansin.

“Oʻzbekoziqovqatxolding” xolding kompaniyasi Oʻzbekiston Respublikasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga kiritsin.

Keyingi tahrirga qarang.

12. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2016-yil 7-aprel,

PQ-2515-son

Oʻzbekiston Respublikasi Prezidentining 2016-yil 7-apreldagi PQ-2515-son qaroriga
1-ILOVA

“Oʻzulgurjisavdoinvest” uyushmasi tarkibidan “Oʻzagroeksport” AJ ixtisoslashtirilgan tashqi savdo kompaniyasi tarkibiga oʻtkaziladigan korxonalar

Roʻyxati

I. Yangi meva-sabzavot mahsulotlarini tayyorlash, saqlash, kalibrlash va navlarga ajratish boʻyicha savdo-xarid bazalari va muzlatish saqlov joylari
	Qoraqalpogʻiston Respublikasi
1.	“Karakalpakgoshtsut-savdo” AJ
2.	“Toʻrtkoʻl-universal” MCHJ
	Andijon viloyati
3.	“Andijon USICH” MCHJ
4.	“Andijon xoʻjalik va madaniy mollari” MCHJ
	Buxoro viloyati
5.	“Bakaleya” MCHJ
6.	“Buxoro oziq-ovqat” MCHJ
	Jizzax viloyati
7.	“Mannon ota” MCHJ
8.	“Forishulgurjisavdoinvest” MCHJ
9.	“Sohibqiron saltanati” MCHJ
	Qashqadaryo viloyati
10.	“Qashqadaryo oziq-ovqat mollari” MCHJ
11.	“Koson savdo” MCHJ
12.	“Kitob savdo” MCHJ
	Navoiy viloyati
13.	“Navoiy Fud Invest” MCHJ
	Namangan viloyati
14.	“Oziq-ovqat isteʼmol mollari” MCHJ
15.	“Safo savdo invest” MCHJ
	Toshkent viloyati
16.	“Olmaliq goʻsht sut savdo” MCHJ
17.	“Yangiyoʻlulgurjisavdobaza” MCHJ
	Fargʻona viloyati
18.	“Kirgulisavdo” MCHJ
19.	“Rishtonsavdoinvest” MCHJ
	Xorazm viloyati
20.	“Xorazmulgurjisavdoinvest” MCHJ
II. Savdo-logistika markazlari
	Andijon viloyati
21.	Asaka tumani “Ulgurji baza” MCHJ
	Qashqadaryo viloyati
22.	“Kiyim” MCHJ
	Surxondaryo viloyati
23.	“Surxonmevasabzavotlari” MCHJ
III. Xorijdagi savdo uyi
24.	“Torgoviy dom “Marka Fud Tashkent” MCHJ (Rossiya)
IV. Boshqa tashkilotlar
25.	“Xalq oziqa mollari koʻrgazma yarmarka savdosi respublika markazi” AJ

LexUZ sharhi

1-ilova norasmiy tarjima

Oʻzbekiston Respublikasi Prezidentining 2016-yil 7-apreldagi PQ-2515-son qaroriga
2-ILOVA

“Oʻztadbirkoreksport” AJ tarkibidan “Oʻzagroeksport” AJ ixtisoslashtirilgan tashqi savdo kompaniyasi tarkibiga oʻtkaziladigan korxonalar

ROʻYXATI

I. Yangi meva-sabzavot mahsulotlarini tayyorlash, saqlash, kalibrlash va navlarga ajratish boʻyicha savdo-xarid bazalari va muzlatish saqlov joylari
	Andijon viloyati
1.	“Inter Agro Fresh Andijan” MCHJ
	Jizzax viloyati
2.	“Markaz Baraka” MCHJ
	Qashqadaryo viloyati
3.	“Sevaz Androniks” MCHJ
	Navoiy viloyati
4.	“Agrofresh” MCHJ QK
	Surxondaryo viloyati
5.	“Surxon meva invest” MCHJ
	Toshkent viloyati
6.	“Inter Agro Fresh Parkent” MCHJ
	Fargʻona viloyati
7.	“Inter Agro Fresh Kokand” MCHJ

LexUZ sharhi

2-ilova norasmiy tarjima

Oʻzbekiston Respublikasi Prezidentining 2016-yil 7-apreldagi PQ-2515-son qaroriga
5-ILOVA

Oʻzagroeksport AJ ixtisoslashtirilgan tashqi savdo kompaniyasi tarkibiga kiruvchi korxonalar va tashkilotlar

ROʻYXAT

I. Yangi meva-sabzavot mahsulotlarini tayyorlash, saqlash, kalibrlash va navlarga ajratish boʻyicha savdo-xarid bazalari va muzlatish saqlov joylari
	Qoraqalpogʻiston Respublikasi
1.	“Alfarbek invest” MCHJ
2.	“Karakalpakgoshtsut-savdo” AJ*
3.	“Toʻrtkoʻl-universal” MCHJ
	Andijon viloyati
4.	“Anor Agrofirmasi” MCHJ
5.	“Andijon USICH” MCHJ*
6.	“Andijon xoʻjalik va madaniy mollari” MCHJ*
7.	“Inter Agro Fresh Andijan” MCHJ
	Buxoro viloyati
8.	“Fayzullo Ruxsat bogʻlari” XK
9.	“Bakaleya”MCHJ
10.	“Buxoro oziq-ovqat” MCHJ
	Jizzax viloyati
11.	“Erkin” MCHJ
12.	“Mannon ota” MCHJ
13.	“Forishulgurjisavdoinvest” MCHJ
14.	“Sohibqiron saltanati” MCHJ
15.	“Markaz Baraka” MCHJ
	Qashqadaryo viloyati
16.	“Qashqadaryo oziq-ovqat mollari” MCHJ*
17.	“Koson savdo” MCHJ*
18.	“Kitob savdo” MCHJ*
19.	“Sevaz Androniks” MCHJ
	Navoiy viloyati
20.	“Navoiymevasabzavot” MCHJ
21.	“Navoiy Fud Invest” MCHJ
22.	“Agrofresh” MCHJ QK
	Namangan viloyati
23.	“Gold Fresh Fruits” MCHJ
24.	“Turon agro fresh” MCHJ
25.	“Nanay Tiklanish Bogʻboni” agrofirmasi
26.	“Oziq-ovqat isteʼmol mollari” MCHJ
27.	“Safo savdo invest” MCHJ
	Samarqand viloyati
28.	“Marokand meva sabzavot” XF
29.	“Siyob Shavkat Orzu” XK
	Surxondaryo viloyati
30.	“UNIGREEN” MCHJ
31.	“Gold agro fresh” MCHJ
32.	“Surxon meva invest” MCHJ
	Sirdaryo viloyati
33.	“Azamat Nuriddin hamkor” XK
	Toshkent viloyati
34.	“Green Oriental Products” MCHJ
35.	“Saltanat mevalari” MCHJ
36.	“Gold Fresh Nerbs” MCHJ
37.	“Olmaliq goʻsht sut savdo” MCHJ*
38.	“Yangiyoʻlulgurjisavdobaza” MCHJ
39.	“Inter Agro Fresh Parkent” MCHJ
	Fargʻona viloyati
40.	“BOYAZID OLTIARIQ XOLDING” XK
41.	“Inter Agro Frozen Kokand” MCHJ
42.	“Kirgulisavdo” MCHJ
43.	“Rishtonsavdoinvest” MCHJ
44.	“Inter Agro Fresh Kokand” MCHJ
	Xorazm viloyati
45.	“Baxt harakat mevasi” MCHJ
46.	“Xorazmulgurjisavdoinvest” MCHJ
	Toshkent shahri
47.	“SUNNY FRUIT PRODUCTION” MCHJ
II. Savdo-logistika markazlari
	Qoraqalpogʻiston Respublikasi
1.	Savdo-logistika markazlari**
	Andijon viloyati
2.	Asaka tumani”Ulgurji baza” MCHJ
	Buxoro viloyati
3.	Savdo-logistika markazlari**
	Jizzax viloyati
4.	Savdo-logistika markazlari**
	Qashqadaryo viloyati
5.	“Kiyim”MCHJ
	Navoiy viloyati
6.	Savdo-logistika markazlari**
	Namangan viloyati
7.	Savdo-logistika markazlari**
	Samarqand viloyati
8.	Savdo-logistika markazlari**
	Surxondaryo viloyati
9.	“Surxonmevasabzavotlari” MCHJ
	Sirdaryo viloyati
10.	Savdo-logistika markazlari**
	Toshkent viloyati
11.	Savdo-logistika markazlari**
	Fargʻona viloyati
12.	Savdo-logistika markazlari**
	Xorazm viloyati
13.	Savdo-logistika markazlari**
	Toshkent shahri
14.	“GOLD DRIED FRUITS” MCHJ
III. Qadoqlash mahsulotlarini ishlab chiqarish korxonalari
	Qashqadaryo viloyati
1.	“Kitob agro plast” MCHJ
	Namangan viloyati
2.	“Namangan rezana plast” SHK
	Samarqand viloyati
3.	“Oxalik Oltin Bogʻi” MCHJ
4.	“Agrofrut standart” MCHJ
	Toshkent viloyati
5.	“BRIKET PLUS” MCHJ
6.	“Gofra tara biznes” MCHJ
	Fargʻona viloyati
7.	“Evroprint” MCHJ
	Toshkent shahri
8.	“Ravshan Yodik Production” MCHJ
IV. Xorijdagi savdo uylari
1.	“Dari Vostoka” SU MCHJ (Rossiya)
2.	“Agro Treyd Irkutsk” SU MCHJ (Rossiya)
3.	“Ist Fruts” SU MCHJ (Rossiya)
4.	“Torgoviy dom “Marka Fud Tashkent” MCHJ (Rossiya)
V. Boshqa korxonalar
1.	“Xalq oziqa mollari koʻrgazma yarmarka savdosi respublika markazi”* AJ
2.	“Oziq-ovqat laboratoriyasi” sifat menejmenti va standartlashtirish tizimi markazi**
3.	Ixtisoslashtirilgan transport-logistika korxonasi**

Izoh:

* korxonaning ustav fondidagi davlat ulushi “Oʻzagroeksport” AJ ustav fondiga davlat ulushi sifatida topshiriladi;

** yangidan tuzilgan korxonalar.

LexUZ sharhi

5-ilova norasmiy tarjima

(Oʻzbekiston Respublikasi qonun hujjatlari toʻplami, 2016-y., 15-son, 143-modda, 38-son, 447-modda, 38-son, 448-modda; 2017-y., 22-son, 422-modda; Qonunchilik maʼlumotlari milliy bazasi, 19.03.2020-y., 06/20/5968/0331-son; 01.05.2021-y., 06/21/6217/0409-son)