|
Hujjat kuchini yo‘qotgan 22.07.2022
|
Hujjat 09.03.2016 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Pasport-viza rejimiga rioya qilish tartibi mustahkamlanganligi va uy-joy fondidan foydalanish tartibga solinishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi fuqarolarini Toshkent shahrida va Toshkent viloyatida turgan joyi boʻyicha hisobga olishni takomillashtirish va uy-joy fondidan foydalanishni tartibga solish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirliklar va idoralar bir oy muddatda oʻz idoraviy normativ-huquqiy hujjatlarini ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Ichki ishlar vaziri A. Axmedbayev hamda Toshkent shahri va Toshkent viloyati hokimlari zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 26-fevral,
54-son
Vazirlar Mahkamasining 2016-yil 26-fevraldagi 54-son qaroriga
ILOVA
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Chet el fuqarolari va fuqaroligi boʻlmagan shaxslar tomonidan Oʻzbekiston Respublikasida uy-joy sotib olinishini tartibga solish toʻgʻrisida” 1999-yil 27-fevraldagi 92-son qarori 4-bandining uchinchi xatboshiga “vakolatxonalari xodimlariga” soʻzlaridan keyin “tatbiq etilmaydi” soʻzlari qoʻshilsin.
Keyingi tahrirga qarang.
2. Vazirlar Mahkamasining 2001-yil 18-maydagi 223-son qarori (Oʻzbekiston Respublikasi QT, 2001-y., 5-son, 28-modda) bilan tasdiqlangan Vaqtinchalik bir martalik ish bilan taʼminlash markazi toʻgʻrisidagi namunaviy nizomda:
a) 11-band quyidagi tahrirda bayon qilinsin:
“11. Vaqtinchalik bir martalik ish izlovchi fuqarolarga ushbu Nizomga 1-ilovaga muvofiq shakl boʻyicha vaqtinchalik bir martalik ish bilan shugʻullanish huquqini beruvchi guvohnoma beriladi.
Vaqtinchalik bir martalik ish bilan shugʻullanish huquqini beruvchi guvohnoma olishga ariza berishda fuqarolar vaqtinchalik yoki doimiy roʻyxatdan oʻtgan yoxud turgan joyi boʻyicha hisobga olingan boʻlishlari, qonun hujjatlarida belgilangan pasport rejimiga va jamoat tartibiga rioya etishlari shart”;
b) quyidagi mazmundagi 111 — 113-bandlar qoʻshilsin:
“111. Boshqa mintaqalardan kelgan fuqarolar uchun vaqtinchalik bir martalik ish bilan shugʻullanish huquqini beruvchi guvohnoma Qoraqalpogʻiston Respublikasi va viloyatlarda vaqtinchalik roʻyxatdan oʻtish muddatiga, shuningdek Toshkent shahri va Toshkent viloyatida vaqtincha hisobga olish muddatiga beriladi. Bunda vaqtinchalik bir martalik ish bilan shugʻullanish huquqini beruvchi guvohnoma muddati olti oydan ortiq boʻlishi mumkin emas.
112. Vaqtinchalik bir martalik ish bilan shugʻullanish huquqini beruvchi guvohnoma olish uchun fuqaro tomonidan Vaqtinchalik bir martalik ish bilan taʼminlash markaziga:
a) ariza;
b) asl nusxa koʻrsatilgan holda pasportning nusxasi;
v) 3 x 4 sm oʻlchamli toʻrtta fotosurat;
g) ushbu Nizomga 2-ilovaga muvofiq shakl boʻyicha toʻldirilgan soʻrovnoma taqdim etilishi kerak.
Toshkent shahri va Toshkent viloyatiga respublikaning boshqa mintaqalaridan keladigan va vaqtinchalik bir martalik ishlarga yollanadigan fuqarolar turgan joyi boʻyicha hisobga olish toʻgʻrisidagi qayd varagʻini ham taqdim qilishlari kerak.
113. Vaqtinchalik bir martalik ish bilan shugʻullanish huquqini beruvchi guvohnoma ushbu Nizomning 112-bandida nazarda tutilgan barcha hujjatlar taqdim etilgandan keyin ikki ish kuni mobaynida beriladi”;
v) quyidagi mazmundagi 1 va 2-ilovalar qoʻshilsin:
“Vaqtinchalik bir martalik ish bilan taʼminlash markazi toʻgʻrisidagi namunaviy nizomga
1-ILOVA
1-ILOVA
| (old tomoni) | |||
|
_____________________________________________________da | |||
| Familiyasi | |
Muhr bilan tasdiqlangan | |
| Ismi | | ||
| Otasining ismi | | ||
| Tugʻilgan yili | | ||
| Tugʻilgan joyi | | ||
| Doimiy yashash joyi manzili | | ||
| Vaqtinchalik yashash joyi yoki turgan joyi boʻyicha hisobga olish manzili | | ||
| Pasportning seriyasi va raqami, kim tomonidan va qachon berilgan | | ||
| | |||
| Guvohnomaning amal qilish muddati | | ||
| Vaqtinchalik bir martalik ish bilan taʼminlash markazi rahbarining F.I.O. | | ||
|
imzo va muhr | |||
| (Orqa tomoni) | |||
|
| |||
|
Guvohnoma egasi guvohnomani pasport bilan birgalikda olib yurishi, zarur tarzda saqlashi va uni uchinchi shaxslarga bermasligi shart. | |||
Vaqtinchalik bir martalik ish bilan taʼminlash markazi toʻgʻrisidagi namunaviy nizomga
2-ILOVA
2-ILOVA
|
SOʻROVNOMA | |
| Soʻrovnomaning tartib raqami _________ |
Soʻrovnoma toʻldirilgan sana |
| Ismi | |
| Familiyasi | vavavaiaivaiaivaivaivaaiva |
| Otasining ismi | |
| Tugʻilgan sanasi | |
| Tugʻilgan joyi | |
| Jinsi | |
| Doimiy yashash joyi manzili | |
|
Vaqtinchalik yashash joyi yoki turgan joyi boʻyicha hisobga olish manzili |
|
| Pasportning seriyasi va raqami | |
| Kim tomonidan va qachon berilgan | |
| Maʼlumoti | |
| Mutaxassisligi | |
| Mutaxassislik boʻyicha ish staji | |
| Vaqtinchalik bir martalik ish izlash sababi | |
| Qachon va qaysi xorijiy mamlakatlarga chiqqan | |
| Xorijiy mamlakatlarga chiqishning maqsadi | |
| Jinoiy javobgarlikka tortilganmi | |
|
Agar jinoiy javobgarlikka tortilgan boʻlsa, qachon va Jinoyat kodeksining qaysi moddasi boʻyicha javobgarlikka tortilgan |
� |
| Soʻrovnomani qabul qilgan shaxsning F.I.O. | |
|
Soʻrovnomaga kiritilgan maʼlumotlarning haqiqiyligini kafolatlayman |
|
|
”. | |
Keyingi tahrirga qarang.
3. Vazirlar Mahkamasining 2012-yil 16-fevraldagi 41-son qarori (Oʻzbekiston Respublikasi QT, 2012-y., 5-son, 32-modda) bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizomda:
a) 14-bandda:
birinchi xatboshidagi “militsiya tayanch punktiga” soʻzlari “xorijga chiqish-kelish va fuqarolikni rasmiylashtirish boʻlimiga” soʻzlari bilan almashtirilsin;
quyidagi mazmundagi xatboshilar qoʻshilsin:
“turar joyning yoxud uning bir qismining ijara shartnomasining yoki turar joydan yoxud uning bir qismidan tekin foydalanish shartnomasining notarial tasdiqlangan nusxasi.
Agar vaqtincha turgan joyi boʻyicha hisobda turish uchun murojaat qilgan fuqaro turar joy mulkdorining (mulkdorlarning) yaqin qarindoshi boʻlsa, turar joy yoxud uning bir qismidan tekin foydalanish shartnomasining notarial tasdiqlangan nusxasini taqdim etish talab etilmaydi. Ushbu holatda vaqtincha turgan joyi boʻyicha hisobda turish uchun murojaat qilgan fuqaroning va turar joy yoxud uning bir qismi mulkdorining (mulkdorlarning) qarindoshligi darajasini tasdiqlaydigan hujjatlar taqdim etilishi kerak”;
b) 16-bandda:
birinchi xatboshidagi “Militsiya tayanch punktining profilaktika” soʻzlari “Xorijga chiqish-kelish va fuqarolikni rasmiylashtirish boʻlimi” soʻzlari bilan almashtirilsin;
quyidagi mazmundagi uchinchi xatboshi qoʻshilsin:
“Hisobga olish toʻgʻrisidagi qayd varagʻi Oʻzbekiston Respublikasi Davlat budjeti mablagʻlari hisobidan “Davlat belgisi” davlat ishlab chiqarish birlashmasida yagona namuna boʻyicha tayyorlanadi”;
uchinchi xatboshi toʻrtinchi xatboshi deb hisoblansin;
v) 18-bandning birinchi, ikkinchi va uchinchi xatboshilaridagi “militsiya tayanch punktining profilaktika” va “militsiya tayanch punkti” soʻzlari “xorijga chiqish-kelish va fuqarolikni rasmiylashtirish boʻlimi” soʻzlari bilan almashtirilsin;
g) 19-band quyidagi tahrirda bayon qilinsin:
“19. Oxirgi hisobga olish rasmiylashtirilgan paytdan boshlab bir yil mobaynida hisobga olishni qayta rasmiylashtirish masalalarini koʻrib chiqish fuqaro vaqtincha turgan joyi boʻyicha xorijga chiqish-kelish va fuqarolikni rasmiylashtirish boʻlimida amalga oshiriladi. Buning uchun fuqaro hisobga olish muddati tamom boʻlishidan oʻn besh kun oldin xorijga chiqish-kelish va fuqarolikni rasmiylashtirish boʻlimiga ushbu Nizomning 14-bandida nazarda tutilgan hujjatlarni taqdim etadi.
Ariza roʻyxatdan oʻtkazilgandan, shuningdek taqdim etilgan hujjatlar oʻrganib chiqilgan va rasmiylashtirilgandan keyin xorijga chiqish-kelish va fuqarolikni rasmiylashtirish boʻlimi oʻn besh kun mobaynida hisobga olishni qayta rasmiylashtirishga ruxsat berish yoki rad etish toʻgʻrisida qaror qabul qiladi. Ijobiy qaror qabul qilinganda xorijga chiqish-kelish va fuqarolikni rasmiylashtirish boʻlimi fuqaroga hisobga olish toʻgʻrisidagi qayd varagʻini takroran beradi, salbiy qaror qabul qilinganda esa — ushbu qarorni ariza beruvchiga yetkazadi hamda uni ichki ishlar boʻlimi tomonidan belgilangan muddatda Toshkent shahri va Toshkent viloyatidan chiqib ketish majburiyati toʻgʻrisida ogohlantiradi.
Quyidagilar:
Toshkent shahrida yoki Toshkent viloyatida hisobga olish joyi boʻyicha turgan vaqtida muntazam ravishda huquqni buzishlar sodir etilishi;
shaxsning Toshkent shahrida yoki Toshkent viloyatida bundan buyon boʻlishi jamoat tartibi buzilishi uchun shart-sharoitlar yaratishi toʻgʻrisidagi maʼlumotlarning mavjudligi;
ushbu Nizomning 14-bandida nazarda tutilgan hujjatlarda notoʻgʻri maʼlumotlarning mavjudligi oxirgi hisobga olish rasmiylashtirilgan paytdan boshlab bir yil mobaynida hisobga olishni qayta rasmiylashtirish rad etilishi uchun asos hisoblanadi.
Fuqarolarning Toshkent shahrida yoki Toshkent viloyatida qayta hisobda turishi rad etilgan taqdirda xorijga chiqish-kelish va fuqarolikni rasmiylashtirish boʻlimi inspektori tomonidan xulosa tuziladi, ushbu xulosa xorijga chiqish-kelish va fuqarolikni rasmiylashtirish boʻlimi boshligʻi tomonidan tasdiqlanadi, unda rad etishning aniq asoslari koʻrsatilgan boʻlishi kerak.
Hisobda turishni qayta rasmiylashtirish rad etilishi ustidan sud tartibida shikoyat qilish mumkin.
Xorijga chiqish-kelish va fuqarolikni rasmiylashtirish boʻlimi hisobga olish toʻgʻrisida berilgan qayd varaqlari soni toʻgʻrisidagi maʼlumotlarni har oyda tegishli tuman (shahar) ichki ishlar boshqarmalari (boʻlimlari)ning huquqbuzarlikning oldini olish boʻlimiga taqdim etishi shart.”;
d) 20-bandning birinchi va ikkinchi xatboshilaridagi “militsiya tayanch punktiga” va “Militsiya tayanch punktining profilaktika” soʻzlari tegishli ravishda “xorijga chiqish-kelish va fuqarolikni rasmiylashtirish boʻlimiga” va “Xorijga chiqish-kelish va fuqarolikni rasmiylashtirish boʻlimi” soʻzlari bilan almashtirilsin;
e) 21-band quyidagi tahrirda bayon qilinsin:
“21. Xorijga chiqish-kelish va fuqarolikni rasmiylashtirish boʻlimi inspektori ariza beruvchiga hisobga olish toʻgʻrisidagi qayd varagʻi berilgandan keyin hisobga qoʻyilgan fuqarolar toʻgʻrisidagi maʼlumotlarni xorijga chiqish- kelish va fuqarolikni rasmiylashtirish boʻlimining kompyuter maʼlumotlar bazasiga kiritadi.
Xorijga chiqish-kelish va fuqarolikni rasmiylashtirish boʻlimi inspektori fuqaroning Toshkent shahri va Toshkent viloyatida hisobga olinganligi toʻgʻrisidagi kelish varaqasini toʻldiradi va bir sutka mobaynida ularni Toshkent shahar Ichki ishlar bosh boshqarmasining manzil-maʼlumotnoma byurosiga yuboradi.
Toshkent shahri va Toshkent viloyatidagi mehmonxonalar, davolash muassasalari, sanatoriylar, dam olish uylari va shunga oʻxshash boshqa tashkilotlarning masʼul shaxslari bir sutka mobaynida ushbu tashkilotlarga kelgan fuqarolarning kelish varaqalarini Ichki ishlar bosh boshqarmasining manzil- maʼlumotnoma byurosiga yuboradi.
Xorijga chiqish-kelish va fuqarolikni rasmiylashtirish boʻlimi fuqarolarni hisobga olish toʻgʻrisidagi maʼlumotlar kompyuter maʼlumotlar bazasiga kiritilgandan keyin ularni real vaqt rejimida maʼlumotlarni uzatishning idoraviy tarmogʻi boʻyicha Ichki ishlar vazirligining Xorijga chiqish-kelish va fuqarolikni rasmiylashtirish boshqarmasining markaziy maʼlumotlar bazasiga yuboradi.
Ichki ishlar vazirligining Xorijga chiqish-kelish va fuqarolikni rasmiylashtirish boshqarmasi har oyda maʼlumotlarni uzatish idoraviy tarmogʻi boʻyicha Toshkent shahri va Toshkent viloyatida hisobga qoʻyilgan fuqarolarning roʻyxatlarini (elektron shaklda) keyinchalik huquqbuzarlikning oldini olish hududiy boʻlinmalariga berish uchun doimiy yashash joyidagi Qoraqalpogʻiston Respublikasi Ichki ishlar vazirligi va viloyatlar ichki ishlar boshqarmalarining tegishli xorijga chiqish-kelish va fuqarolikni rasmiylashtirish boʻlimiga yuboradi.”.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2016-y., 9-son, 88-modda; Qonun hujjatlari maʼlumotlari milliy bazasi, 30.12.2019-y., 09/10/1049/4245-son; 29.09.2020-y., 09/20/593/1340-son; Qonunchilik maʼlumotlari milliy bazasi, 01.07.2021-y., 09/21/410/0626-son)
