|
Hujjat 31.05.2002 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
TASHQI SAVDO FAOLIYATINI TARTIBGA SOLISHNI TAKOMILLASHTIRISH CHORA-TADBIRLARI TOʻGʻRISIDA
“Boj tarifi toʻgʻrisida” va “Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi qonunlariga, Oʻzbekiston Respublikasi qatnashchi hisoblangan xalqaro konvensiyalar va shartnomalarga muvofiq, shuningdek, tarif bilan boshqarish usullarini takomillashtirish va ulardan ustuvor foydalanish asosida tashqi savdo faoliyatini izchil erkinlashtirishni taʼminlash maqsadida Vazirlar Mahkamasi qaror qiladi:
Oldingi tahrirga qarang.
(1-2 bandlar Oʻzbekiston Respublikasi Vazirlar Mahkamasining 2002-yil 31-maydagi 189-sonli qaroriga asosan oʻz kuchini yoʻqotgan — OʻR QHT, 2002-y., 10-son, 84-modda)
3. Idoralararo boj-tarif Kengashi 2-ilovaga* muvofiq tarkibda tuzilsin.
*2-ilova berilmaydi.
Quyidagilar Kengashning asosiy vazifalari etib belgilansin:
tashqi iqtisodiy faoliyatni tariflar bilan tartibga solish chora-tadbirlarining chet el tajribasini oʻrganish va ularni yanada takomillashtirish, bojlar va yigʻimlar stavkalarini belgilash va oʻzgartirish yuzasidan takliflar tayyorlash;
Oʻzbekiston Respublikasining Tashqi iqtisodiy faoliyat tovar nomenklaturasiga (TIF TN) oʻzgartirish va qoʻshimchalar kiritish toʻgʻrisida takliflar tayyorlash;
respublikaning bojxona chegarasidan olib oʻtiladigan tovarlarga nisbatan tarifsiz tartibga solish chora-tadbirlarini qoʻllash yuzasidan tavsiyalarni ishlab chiqish;
boj-tarif imtiyozlari va preferensiyalarning amaldagi tizimini tahlil etish va unga oʻzgartirish va qoʻshimchalar kiritish yuzasidan takliflar kiritish.
Keyingi tahrirga qarang.
4. Belgilansinki, 2001-yil 1-martdan boshlab umumiy qiymati 10 ming AQSH dollaridan ortiq boʻlgan kontraktlar boʻyicha 3-ilovaga muvofiq tovarlar “Erkin muomala uchun chiqarish (import)” rejimida joʻnatishdan oldin majburiy ravishda nazoratdan oʻtkazilgan taqdirda bojxonada rasmiylashtiriladi.
Keyingi tahrirga qarang.
2001-yil 1-martgacha tuzilgan va Oʻzbekiston Respublikasining vakolatli organlarida hisobga qoʻyilgan hamda ular boʻyicha tovarlar keltirilayotgan va/yoki toʻlov amalga oshirilayotgan import kontraktlar ilgari belgilangan tartibga muvofiq bajariladi.
5. Vazirlar Mahkamasining 4-ilovaga muvofiq qarorlariga oʻzgartirishlar kiritilsin.
6. Quyidagilar 2001-yil 1-martdan boshlab oʻz kuchini yoʻqotgan deb hisoblansin:
Oʻzbekiston Respublikasi Vazirlar Mahkamasining “Importni tariflar bilan boshqarish chora-tadbirlari toʻgʻrisida” 1998-yil 24-fevraldagi 80-son qarori 1-bandining ikkinchi xatboshi;
Oʻzbekiston Respublikasi Vazirlar Mahkamasining “Avtomobil yonilgʻisi quyish shoxobchalari faoliyatini va avtobenzin bilan taʼminlashni yaxshilash masalalari toʻgʻrisida” 1999-yil 7-avgustdagi 380-son qarori 1-bandining ikkinchi xatboshi.
7. Vazirliklar va idoralar Oʻzbekiston Respublikasi Adliya vazirligi bilan birgalikda bir oy muddatda idoraviy normativ hujjatlarni mazkur qarorga muvofiqlashtirsinlar.
8. Mazkur qarorning bajarilishini nazorat qilish Oʻzbekiston Respublikasi Bosh vaziri Oʻ. T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.
2001-yil 2-fevral
66-son
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2002-yil 31-maydagi 189-sonli qaroriga asosan oʻz kuchini yoʻqotgan — OʻR QHT, 2002-y., 10-son, 84-modda)
Joʻnatishdan oldin majburiy tartibda nazoratdan oʻtkazilib import qilinadigan tovarlar
roʻyxati
LexUZ sharhiMazkur ilovaning uchinchi qatoriga Oʻzbekiston Respublikasi Vazirlar Mahkamasining 2012-yil 14-sentabrdagi 271-sonli qarori bilan oʻzgartirish kiritilgan. Ushbu ilovaning rus tilidagi matniga qarang.
LexUZ sharhiMazkur ilovaning beshinchi qatoriga Oʻzbekiston Respublikasi Vazirlar Mahkamasining 2008-yil 7-maydagi 90-sonli qarori bilan oʻzgartirish kiritilgan. Ushbu ilovaning rus tilidagi matniga qarang.
|
Tovar guruhi tartib raqami |
TIF TN DS boʻyicha tovar guruhining qisqacha nomi |
TIF TN boʻyicha tovar kodi |
|
02 |
Goʻsht va qoʻshimcha goʻsht mahsulotlari |
0201—0210 |
|
04 |
Sut mahsulotlari |
0401—0402, 0404—0406 |
|
12 |
Moyli urugʻlar va mevalar |
1201 00 |
|
22 |
Alkogolli va alkogolsiz ichimliklar |
2203 00, 2204, 2207, 2208 |
|
24 |
Tamaki mahsulotlari |
2402 20, 2402 90 000 |
|
84* |
Asbob-uskunalar va mexanik qurilmalar |
8402—8406, 8415, 8418—8419, 8422, 8438—8448, 8450—8453, 8457—8466, 8471—8472, 8477—8479 |
|
85* |
Elektr mashinalar va asbob-uskunalar |
8502, 8504, 8517, 8525—8527, 8535—8537 |
*Oʻzbekiston Respublikasining Investitsiya dasturiga kiritilgan loyihalarni amalga oshirish uchun import qilinadigan tovarlar.
Keyingi tahrirga qarang.
Keyingi tahrirga qarang.
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Oʻzbekiston Respublikasi Vazirlar Mahkamasining “Kontraktlarni mustaqil ekspertiza qilish va import qilinadigan tovarlarni joʻnatishdan oldin nazoratdan oʻtkazish chora-tadbirlari toʻgʻrisida” 1997-yil 3-dekabrdagi 534-son qarorida:
3-band “qonun hujjatlarida nazarda tutilgan hollar bundan istisno” soʻzlari qoʻshilsin;
4-bandning ikkinchi xatboshidagi “50 ming AQSH dollari” soʻzlari “10 ming AQSH dollari” soʻzlari bilan almashtirilsin;
1-ilovaning 3-bandiga “qonun hujjatlarida nazarda tutilgan hollar bundan istisno” soʻzlari qoʻshilsin;
1-ilovaning 4-bandi ikkinchi xatboshidagi “50 ming AQSH dollari” soʻzlari “10 ming AQSH dollari” soʻzlari bilan almashtirilsin.
Keyingi tahrirga qarang.
2. Oʻzbekiston Respublikasi Vazirlar Mahkamasining “Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida” 1998-yil 31-martdagi 137-son qarori 6-bandining birinchi xatboshidagi “va ulardan keltiriladigan” soʻzlari chiqarib tashlansin.
3. Oʻzbekiston Respublikasi Vazirlar Mahkamasining “Alkogolli va tamaki mahsulotlarini chetdan keltirish, ishlab chiqarish va sotish ustidan davlat nazoratini kuchaytirishga doir qoʻshimcha chora-tadbirlar toʻgʻrisida” 1998-yil 4-avgustdagi 331-sonli qarori 2-bandining ikkinchi xatboshiga “agar kontraktning umumiy qiymati 10,0 ming AQSH dollaridan ortiq boʻlsa” soʻzlari qoʻshilsin.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2001-y., 3-4-son, 12-modda; 2002-y., 10-son, 84-modda; 2004-y., 30-son, 344-modda; 2008-y., 19-son, 161-modda; 2012-y., 38-son, 436-modda; 2016-y., 25-son, 308-modda; Qonun hujjatlari maʼlumotlari milliy bazasi, 14.03.2018-y., 09/18/197/0892-son, 07.06.2018-y., 09/18/427/1321-son; Qonunchilik maʼlumotlari milliy bazasi, 25.06.2021-y., 09/21/393/0596-son)
