1.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.09.00 Qishloq xoʻjaligi tarmoqlari / 09.14.09.02 Paxtachilik;
2.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.09.00 Qishloq xoʻjaligi tarmoqlari / 09.14.09.06 Urugʻchilik. Seleksiya. Tajriba xoʻjaliklari;
3.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.04.00.00 Idoraviy normativ-huquqiy hujjatlar]
[TSZ:
1.Davlat va jamiyat qurilishi / Qonunchilik tashabbusi. Norma ijodkorligi faoliyati;
2.Iqtisodiyot / Qishloq xoʻjaligi]
Oʻzbekiston Respublikasi Qishloq va suv xoʻjaligi vazirining
buyrugʻi
Super elita, elita va keyingi avlodlarga mansub urugʻlik paxta yetishtirish huquqiga ega boʻlish uchun xoʻjaliklar oʻrtasida tanlov oʻtkazish tartibi toʻgʻrisidagi nizomga oʻzgartirishlar kiritish haqida
[Oʻzbekiston Respublikasi Adliya vazirligi tomonidan 2016-yil 3-fevralda 1551-3-son bilan davlat roʻyxatidan oʻtkazilgan]
LexUZ sharhi
Mazkur buyruq Oʻzbekiston Respublikasi adliya vazirining 2021-yil 2-dekabrdagi 21-mh-sonli “Ayrim idoraviy normativ-huquqiy hujjatlarni idoraviy normativ-huquqiy hujjatlarning davlat reyestridan chiqarish toʻgʻrisida”gi buyrugʻiga (roʻyxat raqami 3340, 03.12.2021-y.) asosan davlat reyestridan chiqarilgan.
Oʻzbekiston Respublikasi Prezidentining 2015-yil 29-dekabrdagi PQ-2460-sonli “2016 — 2020-yillarda qishloq xoʻjaligini yanada rivojlantirish va isloh etish boʻyicha chora-tadbirlar toʻgʻrisida”gi qaroriga muvofiq buyuraman:
1. Oʻzbekiston Respublikasi qishloq va suv xoʻjaligi vazirining 2006-yil 21-fevraldagi 39-sonli buyrugʻi (roʻyxat raqami 1551, 2006-yil 13-mart) (Oʻzbekiston Respublikasi qonun hujjatlari toʻplami, 2006-y., 11-son, 88-modda) bilan tasdiqlangan Super elita, elita va keyingi avlodlarga mansub urugʻlik paxta yetishtirish huquqiga ega boʻlish uchun xoʻjaliklar oʻrtasida tanlov oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Vazir Sh. TEShAYEV
Toshkent sh.,
2016-yil 29-yanvar,
21-son
Oʻzbekiston Respublikasi qishloq va suv xoʻjaligi vazirining 2016-yil 29-yanvardagi 21-sonli buyrugʻiga ILOVA
Super elita, elita va keyingi avlodlarga mansub urugʻlik paxta yetishtirish huquqiga ega boʻlish uchun xoʻjaliklar oʻrtasida tanlov oʻtkazish tartibi toʻgʻrisidagi nizomga kiritilayotgan oʻzgartirishlar va qoʻshimcha
“2. Tuman hokimi super elita, elita va keyingi avlodlarga mansub urugʻlik paxta yetishtirish huquqiga ega boʻlish uchun tanlov oʻtkazish komissiyasi (bundan buyon matnda komissiya deb yuritiladi) tarkibini tasdiqlaydi va tanlovni eʼlon qilish boʻyicha qaror qabul qiladi.
Komissiya tarkibiga tuman qishloq va suv xoʻjaligi boʻlimi boshligʻi (komissiya raisi), tuman Fermerlar kengashi raisi, xizmat koʻrsatuvchi tegishli bank(lar) hamda irrigatsiya tizimi boshqarmasi rahbarlari, tegishli paxta tozalash korxonasi, tuman “Davurugʻnazoratmarkaz” inspeksiyasi, oʻsimliklarni himoya qilish tuman otryadi, tuman yer resurslari va davlat kadastri boʻlimi hamda tuman “Davtexnazorat” inspeksiyasi vakillari, tuman qishloq va suv xoʻjaligi boʻlimi hosiloti (agronomi) hamda boshqa tegishli korxona va tashkilotlar vakillari (rahbarlari) kelishuv asosida kiritilishi lozim.
Komissiya kotibi etib, qoida tariqasida, tuman qishloq va suv xoʻjaligi boʻlimi xodimi tayinlanadi.”.
“5. Tanlov uni oʻtkazish toʻgʻrisidagi qaror qabul qilingan kundan boshlab 30 kundan keyin oʻtkaziladi.
Tanlovda ishtirok etish huquqiga paxta yetishtiruvchi fermer, tajriba va boshqa xoʻjaliklar ega.
Gʻoʻzaning yangi, istiqbolli navlarini dastlabki koʻpaytiruvchi va rayonlashgan navlarining birlamchi urugʻchiligi bilan shugʻullanuvchi maxsus jihozlangan laboratoriya hamda malakali mutaxassislarga ega boʻlgan xoʻjaliklar (elita xoʻjaliklari) tanlovda ishtirok etmay super elita, elita va keyingi avlodlarga mansub urugʻlik paxta yetishtirish huquqiga ega boʻladi.”.
“15. Tanlovda ishtirok etuvchi qatnashuvchilarni tanlashning birinchi bosqichida daʼvogarlarning imkoniyatlari quyidagi koʻrsatkichlar asosida baholanadi:
a) xoʻjaliklar yer maydonining tuproq unumdorligi — tuman yer resurslari va davlat kadastri boʻlimi maʼlumotnomasiga asosan 1 balldan 10 ballgacha baholanadi. Bunda komissiyaga maʼlumotnomaning asli taqdim etiladi;
b) xoʻjaliklarning paxta ekiladigan maydoni — tuman qishloq va suv xoʻjaligi boʻlimi maʼlumotnomasiga asosan 2 balldan 10 ballgacha baholanadi (paxta ekiladigan maydon 10 gektardan kam boʻlgan holda 0 ball qoʻyiladi). Bunda komissiyaga maʼlumotnomaning asli taqdim etiladi;
v) xoʻjaliklarning oqar suv taʼminoti — irrigatsiya tizimi boshqarmasi maʼlumotnomasiga asosan 0 balldan 10 ballgacha baholanadi. Bunda komissiyaga maʼlumotnomaning asli taqdim etiladi;
g) soʻnggi 3 yil ichida gʻoʻza maydonlari kasalliklarga chalinmaganligi va zararkunandalar bilan zararlanmaganligi, shuningdek ularda begona oʻtlar tarqalmaganligi — tuman oʻsimliklarni himoya qilish otryadi maʼlumotnomasiga asosan 0 balldan 10 ballgacha baholanadi. Bunda komissiyaga maʼlumotnomaning asli taqdim etiladi;
d) xoʻjalik rahbarining mutaxassisligi va maʼlumoti — maʼlumoti toʻgʻrisidagi hujjatga asosan 4 balldan 10 ballgacha baholanadi. Bunda komissiyaga maʼlumot toʻgʻrisidagi hujjatning asli koʻrsatilgan holda uning belgilangan tartibda tasdiqlangan nusxasi taqdim etiladi;
e) xoʻjalik rahbarining qishloq xoʻjaligi sohasidagi ish staji — mehnat daftarchasiga asosan 2 balldan 10 ballgacha baholanadi. Bunda komissiyaga maʼlumot toʻgʻrisidagi hujjatning asli koʻrsatilgan holda uning belgilangan tartibda tasdiqlangan nusxasi taqdim etiladi;
j) xoʻjalikda ishlayotgan urugʻchi hosilotning (agronomning) maʼlumoti — maʼlumoti toʻgʻrisidagi hujjatga asosan 4 balldan 10 ballgacha baholanadi. Bunda komissiyaga maʼlumot toʻgʻrisidagi hujjatning asli koʻrsatilgan holda uning belgilangan tartibda tasdiqlangan nusxasi taqdim etiladi;
z) xoʻjalikning majburiyatlardan holi boʻlgan bank hisobvaragʻida pul mablagʻlari mavjudligi — bank tomonidan berilgan maʼlumotnoma (bank rahbari yoki uning vazifasini bajaruvchi shaxs tomonidan imzolangan va bank muhri bilan tasdiqlangan) asosida 0 balldan 10 ballgacha baholanadi. Bunda komissiyaga maʼlumotnomaning asli taqdim etiladi;
i) daʼvogarning texnika vositalari bilan taʼminlanganligi (ularning turi va texnik imkoniyatlaridan kelib chiqib) — texnika vositalari texnik pasportlari va “Davtexnazorat” inspeksiyasi maʼlumotnomasiga asosan 2 balldan 10 ballgacha baholanadi. Bunda komissiyaga texnika vositalari texnik pasportlarining asli koʻrsatilgan holda uning belgilangan tartibda tasdiqlangan nusxasi va “Davtexnazorat” inspeksiyasi maʼlumotnomasining asli taqdim etiladi.
Texnika vositalarini baholashda texnik pasportda texnika vositasining sozligini tasdiqlovchi belgi mavjud boʻlgan texnika vositalarigina baholanadi.
Texnika vositalarini baholashda ular uchun qoʻyilgan ballar yigʻindisi 10 balldan oshmasligi lozim;
k) daʼvogar tomonidan soʻnggi 3 yil ichida paxta xomashyosi yetkazib berish boʻyicha tuzilgan kontraktatsiya shartnomalarining bajarilganligi –shartnoma tuzgan paxta tozalash korxonasi tomonidan berilgan maʼlumotnoma asosida 1 balldan 10 ballgacha baholanadi. Bunda komissiyaga maʼlumotnomaning asli taqdim etiladi;
l) xoʻjalikning soʻnggi 3 yil ichidagi paxta hosildorligi — shartnoma tuzgan paxta tozalash korxonasi tomonidan berilgan maʼlumotnoma asosida 1 balldan 10 ballgacha baholanadi. Bunda komissiyaga maʼlumotnomaning asli taqdim etiladi.
Daʼvogarning har bir koʻrsatkichi boʻyicha tegishli ballni berish masalasi komissiya aʼzolari tomonidan mazkur Nizomning 2-ilovasida nazarda tutilgan koʻrsatkichlar asosida koʻpchilik ovoz bilan hal etiladi va har bir koʻrsatkich boʻyicha bitta ball beriladi.”.
“21. Tanlovda gʻolib boʻlgan xoʻjaliklar tomonidan taqdim etilgan hujjatlar (alohida-alohida) tanlov yakunlanganidan soʻng 7 kun ichida komissiya tomonidan tegishlicha Qoraqalpogʻiston Respublikasi va viloyatlar gʻoʻza urugʻchiligi birlashmalariga saqlash uchun topshiriladi.
22. Tanlov oʻtkazish va uning yakuni boʻyicha yigʻilgan barcha hujjatlar va maʼlumotlar komissiya tomonidan umumlashtirilib, mazkur Nizomning 23-bandida koʻrsatilgan hujjatlar va maʼlumotlardan iborat boʻlgan yigʻmajildda rasmiylashtiriladi.
Yigʻmajild tanlov yakunlanganidan soʻng 7 kun ichida komissiya tomonidan tegishlicha Qoraqalpogʻiston Respublikasi va viloyatlar gʻoʻza urugʻchiligi birlashmalariga topshiriladi.
Qoraqalpogʻiston Respublikasi va viloyatlar gʻoʻza urugʻchiligi birlashmalari 7 kun ichida yigʻmajildlarni hudud boʻyicha umumlashtirib, umumlashtirilgan yigʻmajildni Gʻoʻza urugʻchiligi respublika markaziga topshiradi.
23. Har bir yigʻmajild quyidagi hujjatlar va maʼlumotlardan iborat boʻlishi lozim:
a) tuman hokimining tanlov oʻtkazish komissiyasi tarkibini tasdiqlash va tanlovni eʼlon qilish toʻgʻrisidagi qarori nusxasi;
b) komissiyaning tanlov oʻtkazish toʻgʻrisidagi eʼlonlari nusxasi;
v) har bir komissiya aʼzosi tomonidan toʻldirilgan tanlov varaqalari nusxasi;
g) tanlov yakuni boʻyicha qoʻyilgan ballar hisob-kitobi;
d) tanlov oʻtkazish va uning yakuni boʻyicha komissiya tomonidan qabul qilingan bayonnomalar nusxasi;
e) tanlov oʻtkazish va uning yakuni boʻyicha boshqa tahliliy maʼlumotlar.
24. Tanlovda gʻolib boʻlgan xoʻjaliklarning hujjatlari (alohida-alohida) hamda yigʻmajildlarning toʻliq yuritilishi va ularning belgilangan muddatda Qoraqalpogʻiston Respublikasi va viloyatlar gʻoʻza urugʻchiligi birlashmalariga topshirilishi uchun komissiya raisi va kotibi masʼul hisoblanadi.
Komissiya tomonidan topshirilgan tanlovda gʻolib boʻlgan xoʻjaliklarning hujjatlari (alohida-alohida) hamda yigʻmajildlarning saqlanishi uchun Qoraqalpogʻiston Respublikasi va viloyatlar gʻoʻza urugʻchiligi birlashmalari rahbari masʼul hisoblanadi.”.
“yiliga kamida ikki marta nav tozaligi boʻyicha dala koʻrigini oʻtkazib, navga xos boʻlmagan gʻoʻza tuplaridan tozalash ishlarini tashkillashtiradi.”.
6. 2-ilova mazkur oʻzgartirishlarning ilovasiga muvofiq tahrirda bayon etilsin.
7. Mazkur oʻzgartirishlar “Oʻzpaxtasanoat” aksiyadorlik jamiyati va Oʻzbekiston Fermerlar kengashi bilan kelishilgan.
“Oʻzpaxtasanoat” aksiyadorlik jamiyati bosh direktori Y. XIDIROV
2016-yil 28-yanvar
Oʻzbekiston Fermerlar kengashi raisi S. TURDIYEV
2016-yil 28-yanvar
Super elita, elita va keyingi avlodlarga mansub urugʻlik paxta yetishtirish huquqiga ega boʻlish uchun xoʻjaliklar oʻrtasida tanlov oʻtkazish tartibi toʻgʻrisidagi nizomga kiritilayotgan oʻzgartirishlarga ILOVA
“Super elita, elita va keyingi avlodlarga mansub urugʻlik paxta yetishtirish huquqiga ega boʻlish uchun xoʻjaliklar oʻrtasida tanlov oʻtkazish tartibi toʻgʻrisidagi nizomga 2-ILOVA
Tanlovda ishtirok etish uchun qatnashuvchilarni tanlashda daʼvogarlarning imkoniyatlarini baholaydigan
REYTING BALLARI
T/r
Baholanadigan imkoniyatlar (holatlar)
Reyting koʻrsatkichlari
Reyting ballar
Asoslash uchun taqdim etilgan hujjat(lar)
1.
Tuproq unumdorligi
(bonitet ball)
60 ball
va undan yuqori
10 ball
Tuman yer resurslari va davlat kadastri boʻlimi maʼlumotnomasi
50 balldan
60 ballgacha
8 ball
40 balldan
50 ballgacha
1 ball
2.
Paxta ekiladigan maydon
40 gektar
va undan yuqori
10 ball
Tuman qishloq va suv xoʻjaligi boʻlimi maʼlumotnomasi
30 gektardan
40 gektargacha
6 ball
20 gektardan 30 gektargacha
4 ball
10 gektardan 20 gektargacha
2 ball
3.
Oqar suv taʼminoti
yaxshi
10 ball
Irrigatsiya tizimi boshqarmasi maʼlumotnomasi
oʻrtacha
5 ball
yomon
0 ball
4.
Soʻnggi 3 yil ichida gʻoʻza maydonlari kasalliklarga chalinmaganligi va zararkunandalar bilan zararlanmaganligi,
shuningdek ularda begona oʻtlar tarqalmaganligi
soʻnggi 3 yilda kuzatilmagan
10 ball
Tuman oʻsimliklarni himoya qilish otryadi maʼlumotnomasi
soʻnggi 2 yilda kuzatilmagan
5 ball
soʻnggi 1 yil davomida kuzatilgan
1 ball
soʻnggi 3 yil davomida kuzatilgan
0 ball
5.
Xoʻjalik rahbarining mutaxassisligi va maʼlumoti
urugʻchilik boʻyicha agronom
10 ball
Maʼlumoti toʻgʻrisidagi hujjat
agronom
9 ball
iqtisodchi
8 ball
huquqshunos
7 ball
injener, hisobchi
5 ball
mexanik, zootexnik, veterinar va boshqa mutaxassislar
4 ball
6.
Xoʻjalik rahbarining qishloq xoʻjaligi sohasidagi ish staji
LexUZ sharhi