|
Hujjat kuchini yo‘qotgan 30.04.2021
|
Oʻzbekiston Respublikasi Prezidentining
Farmoni
GʻALABA KUNI BAYRAMI MUNOSABATI BILAN IKKINChI JAHON URUShI QATNAShChILARINI RAGʻBATLANTIRISh TOʻGʻRISIDA
LexUZ sharhiMazkur Farmon Oʻzbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari toʻgʻrisida”gi Farmoniga asosan oʻz kuchini yoʻqotgan.
Ikkinchi jahon urushi qatnashchilarining Oʻzbekiston Respublikasi davlat manfaatlarini himoya qilishdagi katta xizmatlari uchun va 9 May Gʻalaba Kuni bayrami munosabati bilan:
1. Ikkinchi jahon urushi nogironlari va qatnashchilari, shuningdek baynalminal jangchilardan boʻlgan nogironlar eng oz ish haqining 2,5 baravar miqdoridagi pul mukofoti bilan taqdirlansin.
2. Ushbu Farmonni amalga oshirish bilan bogʻliq xarajatlar respublika budjeti mablagʻlari hisobidan qoplansin.
3. Oʻzbekiston Respublikasi Moliya vazirligi, Markaziy banki, Ijtimoiy taʼminot vazirligi, Mudofaa vazirligi, Ichki ishlar vazirligi, Milliy xavfsizlik xizmati ushbu mukofotning toʻlanishini taʼminlasinlar.
4. Dam olish kuni 1996-yil 12-may yakshanbadan 1996-yil 10-mayga koʻchirilsin.
Oʻzbekiston Respublikasining Prezidenti I. KARIMOV
Toshkent sh.,
1996-yil 1-may,
№ PF-1459-son
(Oʻzbekiston Respublikasi Oliy Majlisining Axborotnomasi, 1996-y., 5-6-son, 79-modda)
