|
Hujjat kuchini yo‘qotgan 30.07.2020
|
Hujjat 15.02.2018 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
Qarori
Korporativ boshqaruv ilmiy-taʼlim markazining samarali faoliyatini taʼminlashga doir tashkiliy chora-tadbirlar toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2020-yil 30-iyuldagi 460-sonli “Biznes va tadbirkorlik oliy maktabi faoliyatini tashkil etish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Aksiyadorlik jamiyatlarida zamonaviy korporativ boshqaruv uslublarini joriy etish chora-tadbirlari toʻgʻrisida” 2015-yil 24-apreldagi PF-4720-son Farmonini va Oʻzbekiston Respublikasi Prezidentining “Korporativ boshqaruv ilmiy-taʼlim markazi faoliyatini tashkil etish chora-tadbirlari toʻgʻrisida” 2015-yil 30-sentabrdagi PQ-2414-son qarorini bajarish yuzasidan, shuningdek xalqaro standartlarga muvofiq korporativ boshqaruv va menejment sohasida mutaxassislar tayyorlash tizimini tubdan takomillashtirish va ularning professional saviyasini oshirish, korporativ boshqaruvning zamonaviy usullarini joriy etishni ilmiy-metodik qoʻllab-quvvatlash maqsadida Vazirlar Mahkamasi qaror qiladi:
1. Quyidagilar:
Korporativ boshqaruv ilmiy-taʼlim markazining Ustavi 1-ilovaga muvofiq;
Korporativ boshqaruv ilmiy-taʼlim markaziga oʻqishga qabul qilish va oʻqitishni tashkil etish tartibi toʻgʻrisidagi Nizom 2-ilovaga muvofiq;
Korporativ boshqaruv ilmiy-taʼlim markazining professor-oʻqituvchilari tarkibini tanlab olish tartibi toʻgʻrisidagi Nizom 3-ilovaga muvofiq;
Keyingi tahrirga qarang.
Korporativ boshqaruv ilmiy-taʼlim markazining magistraturasini tamomlaganlik toʻgʻrisidagi davlat diplomining namunasi 4-ilovaga muvofiq;
Korporativ boshqaruv ilmiy-taʼlim markazining oʻquv kurslarini tamomlaganlik toʻgʻrisidagi davlat sertifikatining namunasi 5-ilovaga muvofiq tasdiqlansin.
2. Belgilansinki:
Keyingi tahrirga qarang.
Korporativ boshqaruv ilmiy-taʼlim markazining (keyingi oʻrinlarda Markaz deb ataladi) faoliyatini moliyalashtirish muassisning mablagʻlari, magistratura talabalarini va oʻquv kurslari tinglovchilarini oʻqitganlik uchun toʻlov, respublika tashkilotlari va xalqaro tashkilotlarning grantlari, shuningdek qonun hujjatlarida taqiqlanmagan boshqa manbalar mablagʻlari hisobiga amalga oshiriladi;
Keyingi tahrirga qarang.
Markazning magistraturasiga xoʻjalik boshqaruvi organlari, aksiyadorlik jamiyatlari va boshqa tadbirkorlik subyektlarining Oʻzbekiston Respublikasi fuqarolari boʻlgan 40 yoshgacha yoshdagi, oliy maʼlumotga (diplomli mutaxassis, bakalavr) va oliy taʼlim muassasasini tamomlagandan keyin kamida uch yil ish stajiga ega boʻlgan rahbar xodimlari va mutaxassislari test sinovlari yoʻli bilan ochiq tanlov asosida qabul qilinadilar;
Markazda xoʻjalik boshqaruvi organlari, aksiyadorlik jamiyatlari va boshqa tadbirkorlik subyektlarining magistr darajasiga ega yoki diplomli mutaxassis boʻlgan rahbar xodimlarini qayta tayyorlash va ularning malakasini oshirish maxsus taʼlim dasturlari boʻyicha amalga oshiriladi;
Markazda oʻqish davrida magistratura tinglovchilarining ular egallab turgan ish oʻrinlari (lavozimlari) va ish haqi saqlab qolinadi;
oʻquv-metodik rahbarlik va taʼlim jarayonini yuritish tuziladigan shartnomalar asosida Markazning xorijiy hamkorlari bilan birgalikda amalga oshirilishi mumkin.
Markazga Oʻzbekiston Respublikasi Vazirlar Mahkamasining qarori bilan lavozimga tayinlanadigan va lavozimdan ozod qilinadigan direktor boshchilik qiladi.
Keyingi tahrirga qarang.
3. Markaz:
Vasiylik kengashi bilan kelishgan holda Magistrlar tayyorlash boʻyicha davlat taʼlim standartlari talablariga muvofiq Markazda oʻqitiladigan fanlarning oʻquv rejalari, dasturlari va roʻyxatini bir oy muddatda tasdiqlasin;
2016-yildan boshlab bitiruvchilarning doimiy ravishda yangilanadigan maʼlumotlar bazasi faoliyat koʻrsatishini taʼminlasin, ularning kasbiy oʻsishi va tadbirkorlik sohasidagi yutuqlarining tizimli monitoringini olib borsin.
4. Markazga pulli asosda konsalting xizmatlari koʻrsatishga, shu jumladan ilgʻor xorijiy va milliy tajribani umumlashtirish asosida tegishli tavsiyalar bergan holda tashkilotlarda seminarlar, treninglar va forumlar, korporativ boshqaruv va menejment tizimlari diagnostikasini tashkil etishga, korporativ boshqaruv tizimini takomillashtirish maqsadida qoʻllanmalarni va ichki korporativ hujjatlarni ishlab chiqishga ruxsat berilsin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Oliy va oʻrta maxsus taʼlim vazirligi, Oʻzbekiston Milliy kutubxonasi:
Markazning respublika mintaqalaridan ishtirokchilar va xorijiy ilmiy-taʼlim muassasalari bilan videokonferensiyalar va masofaviy treninglar oʻtkazish uchun “Elektron taʼlim” milliy tarmogʻiga ulanishini;
Markazning Oʻzbekiston Milliy kutubxonasining axborot-kutubxona fondiga va yetakchi xorijiy litsenzion axborot-kutubxona resurslari fondlariga doimiy ravishda elektron ulanishini taʼminlasinlar.
6. Oʻzbekiston Respublikasi Ichki ishlar vazirligi, “Yergeodezkadastr” davlat qoʻmitasi, Davlat raqobat qoʻmitasi, Toshkent shahri hokimligi yigʻimlar va boshqa toʻlovlar undirmasdan bir hafta muddatda:
Oʻzbekiston Respublikasi Vazirlar Mahkamasi huzuridagi tugatilgan Oliy biznes maktabining va Oʻzbekiston Respublikasi Davlat raqobat qoʻmitasi huzuridagi Respublika biznes maktabining Markazga oʻtayotgan avtotransport vositalarini Oʻzbekiston Respublikasi Ichki ishlar vazirligi organlarida qayta roʻyxatdan oʻtkazsinlar;
Oʻzbekiston Respublikasi Vazirlar Mahkamasi huzuridagi tugatilgan Oliy biznes maktabining koʻchmas mol-mulkiga kadastr hujjatlarini Markazga qayta roʻyxatdan oʻtkazsinlar.
7. Oʻzbekiston Respublikasi Iqtisodiyot vazirligi, Davlat raqobat qoʻmitasi bir hafta muddatda Markazning belgilangan tartibda davlat roʻyxatidan oʻtkazilishini taʼminlasinlar.
8. Oʻzbekiston Respublikasi Hukumatining 6-ilovaga muvofiq ayrim qarorlariga oʻzgartirishlar kiritilsin.
9. Oʻzbekiston Respublikasi Hukumatining 7-ilovaga muvofiq ayrim qarorlari oʻz kuchini yoʻqotgan deb hisoblansin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2015-yil 27-oktabr,
305-son
Vazirlar Mahkamasining 2015-yil 27-oktabrdagi 305-son qaroriga
1-ILOVA
1-ILOVA
Korporativ boshqaruv ilmiy-taʼlim markazining
USTAVI
I. Umumiy qoidalar
1. Ushbu Ustav Korporativ boshqaruv ilmiy-taʼlim markazining (keyingi oʻrinlarda Markaz deb ataladi) maqsadlari, vazifalari, uni va faoliyatini tashkil etish tartibini belgilaydi.
2. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa normativ-huquqiy hujjatlarga, shuningdek ushbu Ustavga amal qiladi.
Markaz oʻz faoliyatida Oʻzbekiston Respublikasi Iqtisodiyot vazirligiga hisobot beradi.
Keyingi tahrirga qarang.
3. Markaz Oʻzbekiston Respublikasi Vazirlar Mahkamasi huzuridagi tugatilgan Oliy biznes maktabi hamda Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi huzuridagi Respublika biznes maktabining barcha huquqlari va majburiyatlari, ular tomonidan tuzilgan shartnomalar va bitimlar boʻyicha ularning huquqiy vorisi hisoblanadi.
4. Markaz davlat muassasasi shaklidagi yuridik shaxs hisoblanadi, mustaqil balansga, banklarda hisob raqamlariga, Oʻzbekiston Respublikasining Davlat gerbi tasviri tushirilgan, oʻz nomi davlat tilida yozilgan muhrga, shtampga, ramzga va qonun hujjatlariga muvofiq oʻzining faoliyati uchun zarur boʻlgan boshqa xizmat belgilari va rekvizitlarga ega.
5. Markazning rasmiy nomi:
davlat tilida — Korporativ boshqaruv ilmiy-taʼlim markazi;
ingliz tilida — Scientific and educational center for corporate governance;
rus tilida — Nauchno-obrazovatelniy tsentr korporativnogo upravleniya.
6. Markazning qisqartirilgan rasmiy nomi:
davlat tilida — “KorBIT” markazi;
ingliz tilida — S&ECG center;
rus tilida — Sentr “NOTSKU”.
7. Markazning joylashgan joyi — Toshkent shahri, Mirobod tumani, Mirobod koʻchasi, 25.
8. Markaz oʻz nomidan shartnomalar tuzishi, mulkiy va nomulkiy huquqlar olishi, javobgar boʻlishi, sudda daʼvogar va javobgar boʻlishi mumkin.
9. Markaz oʻzining moliyaviy-iqtisodiy majburiyatlari boʻyicha oʻzining butun mulki bilan javob beradi.
10. Markazning magistraturasiga hamda kadrlarni qayta tayyorlash va ularning malakasini oshirish kurslariga qabul qilish Korporativ boshqaruv ilmiy-taʼlim markaziga oʻqishga qabul qilish va oʻqitishni tashkil etish tartibi toʻgʻrisidagi Nizomga muvofiq belgilangan tartibda toʻlov-kontrakt asosida amalga oshiriladi.
II. Markazning maqsadi, asosiy vazifalari va faoliyati yoʻnalishlari
11. Xoʻjalik boshqaruvi organlari, aksiyadorlik jamiyatlari va boshqa xususiy tadbirkorlik subyektlari uchun boshqaruv kadrlarini tayyorlash, qayta tayyorlash va ularning malakasini oshirishning samarali tizimini tashkil etish, shuningdek biznesni boshqarish va korporativ boshqaruv sohasida fundamental va amaliy ilmiy tadqiqotlar olib borish Markazning asosiy maqsadi hisoblanadi.
Keyingi tahrirga qarang.
12. Quyidagilar Markazning asosiy vazifalari va faoliyatining yoʻnalishlari hisoblanadi:
korporativ boshqaruv sohasida, Germaniya va boshqa iqtisodiy rivojlangan mamlakatlarning yetakchi taʼlim muassasalari professor-oʻqituvchi kadrlarining keng ishtirokida boshqaruv kadrlarining malakasini oshirish, ularning menejment, marketing va maʼmuriyatchilik biznesining zamonaviy usullarini egallashi boʻyicha maxsus qisqa muddatli dasturlarni amalga oshirish;
xoʻjalik boshqaruvi organlari, aksiyadorlik jamiyatlari va xususiy korxonalar uchun “Master of Business Administration” (MBU) mutaxassisligi boʻyicha iqtisodiy rivojlangan mamlakatlarda foydalaniladigan magistratura taʼlim dasturlari asosida biznesni boshqarish va korporativ boshqaruv sohasida yuqori malakali mutaxassislar tayyorlash;
ilgʻor pedagogika va axborot-kommunikatsiya texnologiyalaridan keng foydalangan holda oʻquv jarayoniga boshqaruv kadrlari tayyorlashning zamonaviy xalqaro standartlari va usullarini joriy etish;
biznesni boshqarish va korporativ boshqaruv sohasida ilgʻor xorijiy tajribani tizimli asosda chuqur oʻrganish, korporativ boshqaruvning zamonaviy usullarini sinovdan oʻtkazish va respublikada joriy etish boʻyicha tadqiqotlar oʻtkazish, aksiyadorlik jamiyatlarini boshqarish tuzilmasini tubdan qayta tashkil etishni ilmiy-metodik taʼminlash, ularning tashkiliy shakllarini zamonaviy xalqaro standartlar va talablarga muvofiq boʻlgan namunaviy tuzilmaga muvofiqlashtirish;
yetakchi xorijiy taʼlim muassasalari va kompaniyalar bilan mustahkam aloqalar oʻrnatish va hamkorlikni rivojlantirish, ular bilan korporativ boshqaruv sohasida boshqaruv kadrlari tayyorlash va ularning professional saviyasini oshirish boʻyicha oʻquv-metodik ishlarni yanada takomillashtirish yuzasidan qoʻshma hamkorlik dasturlarini amalga oshirish.
Keyingi tahrirga qarang.
13. Markaz oʻziga yuklangan vazifalarni bajarish uchun:
Vazirlar Mahkamasining tarkibiy boʻlinmalari, Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasi, Markaziy bank bilan doimiy asosda oʻzaro hamkorlik qiladi;
Keyingi tahrirga qarang.
nazariy tayyorgarlikning boshqaruv faoliyati amaliyoti bilan mustahkam aloqasini, tinglovchilarning xoʻjalik boshqaruvi organlarida, aksiyadorlik jamiyatlarida va boshqa tadbirkorlik subyektlarida, mashhur xorijiy kompaniyalarda va xorijiy taʼlim muassasalarida majburiy stajirovkalari (olti oygacha) tashkil etilishini taʼminlaydi;
zamonaviy xalqaro taʼlim standartlari va talablari hisobga olingan holda tayyorlangan taʼlim dasturlari boʻyicha oʻquv jarayonini, shuningdek ilgʻor pedagogika, axborot-kommunikatsiya va innovatsion texnologiyalardan, oʻqitishning zamonaviy shakl va uslublaridan foydalanishni (amaliyotni tahlil qilish, guruhli biznes-loyihalar, keys-bosqichlar va shu kabilarni) tashkil etadi;
Markazning xodimlari, respublikaning va xorijiy mamlakatlarning olimlari va mutaxassislari ishtirokida muammoli-maqsadli munozaralar, davra suhbatlari, konferensiyalar, simpoziumlar tashkil etadi;
biznesni boshqarish va korporativ boshqaruvning dolzarb muammolari boʻyicha fundamental va amaliy ilmiy tadqiqotlar olib boradi, ushbu sohadagi xalqaro tajribani oʻrganadi, biznesni boshqarish va korporativ boshqaruv sohasida zamonaviy innovatsion texnologiyalar, shakllar va usullarni joriy etish, biznesni boshqarish va korporativ boshqaruv sohasida boshqaruv kadrlarini tanlash, tarbiyalash va joy-joyiga qoʻyish tizimining samaradorligini oshirish yuzasidan takliflar ishlab chiqadi;
oʻquv va ilmiy-metodik ishlarni olib borish, maslahatlar berish uchun yuqori malakali xorijiy mutaxassislarni shartnomalar asosida jalb etadi, shuningdek boshqaruv kadrlarini tayyorlash va qayta tayyorlash, biznesni boshqarish va korporativ boshqaruv sohasida ilmiy tadqiqotlarni tashkil etish borasida yetakchi xorijiy kompaniyalar, taʼlim, ilmiy-tadqiqot tashkilotlari bilan shartnomalar tuzadi va hamkorlikni amalga oshiradi;
Keyingi tahrirga qarang.
xoʻjalik jamiyatlarining rahbar va boshqaruv xodimlarini, davlatning ishonchli vakillarini, investitsiya aktivlarini ishonchli boshqaruvchilarini, kuzatuvchi kengashi va taftish komissiyasi aʼzolarini va boshqa iqtisodiy tuzilmalarning xususiylashtirish, qimmatli qogʻozlar bozori, monopoliyaga qarshi tartibga solish, brokerlik, baholash va rieltorlik faoliyati sohasida band boʻlgan mutaxassislarini belgilangan tartibda tegishli sertifikat bergan holda qayta tayyorlash va ularning malakasini oshirish oʻquv kurslarini tashkil etadi.
Keyingi tahrirga qarang.
tinglovchilarning maʼnaviy-axloqiy tarbiyasining, ularning huquqiy, siyosiy madaniyati va huquqiy ongini oshirishning samarali tizimini, bitiruvchilarning mehnat faoliyati va kasbiy oʻsishining doimiy monitoringi olib borilishini tashkil etadi;
oʻquv, metodik, axborot-tahlil va innovatsion faoliyatning barcha turlarini amalga oshiradi.
III. Markazning huquqlari
14. Markaz oʻziga yuklangan vazifalar va funksiyalarni bajarish uchun quyidagi huquqlarga ega:
oʻz vakolatiga tegishli boʻlgan va qonunchilikka hamda ushbu Ustavga zid boʻlmagan zarur qarorlarni qabul qilish va harakatlarni amalga oshirish, oʻz faoliyatining iqtisodiy, ijtimoiy va tashkiliy masalalarini mustaqil hal etish;
oʻziga tegishli boʻlgan mol-mulkka, intellektual va boshqa mulkka, xoʻjalik faoliyati yoki boshqa faoliyat natijasida olingan mahsulotlarga, daromadlarga, shuningdek qonun hujjatlarida nazarda tutilgan boshqa asoslarda sotib olingan mol-mulkka belgilangan tartibda egalik qilish, ulardan foydalanish va ularni tasarruf etish;
shartnoma asosida ilmiy-tadqiqot ishlari olib borish, olingan daromadni Markaz xodimlarini moddiy ragʻbatlantirishga, uning moddiy-texnika bazasini mustahkamlash va rivojlantirishga yoʻnaltirish;
davlat va xoʻjalik boshqaruvi organlari, banklarning mutaxassislarini, tadqiqot tashkilotlarining xodimlarini, oliy taʼlim muassasalarining, shu jumladan xorijiy oliy taʼlim muassasalarining olimlari va oʻqituvchilarini shartnoma asosida tarmoq ekspertlari sifatida tadqiqotlarga jalb etish;
davlat va xoʻjalik boshqaruvi organlariga, tashkilotlarga qonun hujjatlariga muvofiq axborot, konsalting va noshirlik xizmatlari koʻrsatish;
xalqaro va ishbilarmonlik hamkorligini amalga oshirish, xodimlar va mutaxassislarni xorijiy mamlakatlarga xizmat safariga yuborish, xorijiy mutaxassislarni, xalqaro ijtimoiy, moliyaviy va iqtisodiy tashkilotlar, xorijiy kompaniyalar va banklar vakillarini taklif etish va qabul qilish;
noshirlik va matbaa faoliyatini amalga oshirish;
bosma asarlar va kitob mahsulotlarining bepul nazorat nusxalari tushishini hisobga olgan holda kutubxonani butlash;
davlat va xoʻjalik va boshqaruvi organlaridan, mahalliy ijro etuvchi hokimiyat organlaridan hamda davlat boshqa tashkilotlaridan zarur yoʻriqnomaviy, statistik, axborot materiallari va tahliliy materiallarni bepul olish;
Markazning Vasiylik kengashining (keyingi oʻrinlarda Vasiylik kengashi deb ataladi) protokoli boʻyicha Markazning xarajatlar smetasini tasdiqlash;
mablagʻlar, shu jumladan xorijiy valyutadagi mablagʻlarni olish va sarflash, moddiy ragʻbatlantirish fondlari tashkil etish;
oʻzining moddiy-texnika bazasini rivojlantirish, asosiy fondlarni kapital qurish va rekonstruksiya qilish, taʼmirlash-tiklash ishlarini bajarish;
banklarda va boshqa moliya tashkilotlarida hisob raqamlari ochish va ular boʻyicha tegishli operatsiyalarni amalga oshirish;
Markaz tomonidan ishlab chiqariladigan mahsulotlarga (ishlarga, xizmatlarga) narxlar va tariflarni belgilash;
rasmiy xalqaro yoʻldosh, telekommunikatsiya va kompyuter aloqa vositalarini sotib olish va ulardan foydalanish.
IV. Markazni boshqarish
15. Markazga Oʻzbekiston Respublikasi Vazirlar Mahkamasining qarori bilan lavozimga tayinlanadigan va lavozimdan ozod etiladigan direktor boshchilik qiladi.
Keyingi tahrirga qarang.
Direktor barcha davlat va xoʻjalik organlarida, mahalliy ijro etuvchi hokimiyat organlarida, jamoat birlashmalarida va boshqa tashkilotlarda, shuningdek chet elda Markaz nomidan vakillik qiladi.
Direktorning uch nafar oʻrinbosari boʻladi.
16. Direktor:
Markaz faoliyatiga umumiy rahbarlik qiladi va Markazga yuklangan vazifalar va funksiyalarning bajarilishi, ushbu Ustavga rioya qilinishi uchun shaxsan javob beradi, Markaz xodimlari oʻrtasida vazifalarni taqsimlaydi, ularning vakolatlarini belgilaydi;
Vasiylik kengashi bilan kelishgan holda Markazda oʻqitiladigan oʻquv fanlarining oʻquv rejalari, dasturlari va roʻyxatini magistrlar tayyorlash davlat taʼlim standartlari talablariga muvofiq tasdiqlaydi;
Markazning mablagʻlarini ishonchnomasiz, oʻz vakolatlari doirasida, belgilangan tartibda tasarruf etadi;
Markaz nomidan shartnomalar tuzadi, bunday shartnomalar tuzishga ishonchnomalar beradi;
xodimlarning shtat jadvalini tasdiqlaydi, Markaz uchun belgilangan lavozim maoshlariga va Yagona tarif setkasiga muvofiq xodimlarga mehnat haqi toʻlash miqdorlarini tayinlaydi;
zaruriyat boʻlganda, Markaz tuzilmasiga tasdiqlangan shtatdagi xodimlar soni doirasida oʻzgartirishlar kiritadi, vaqtinchalik ilmiy-tadqiqot jamoalarini tashkil etish uchun ekspertlarni shartnoma asosida jalb etadi;
xodimlarni moddiy ragʻbatlantirish va taqdirlash tizimi va shakllarini belgilaydi, lavozim maoshlariga ustamalar va qoʻshimcha haqlar belgilaydi, xodimlarga moddiy yordam koʻrsatish boʻyicha qarorlar qabul qiladi;
Oʻzbekiston Respublikasining Mehnat kodeksi asosida Markaz xodimlari bilan bir yilga mehnat shartnomasi (kontrakt) tuzadi, unda Markaz xodimining funksiyalari va vazifalari aniq koʻrsatiladi hamda u bajarilgan ish natijalariga bogʻliq ravishda uzaytirilishi mumkin;
oʻzining ayrim funksiyalarini direktor oʻrinbosarlariga berish huquqiga ega;
Markaz faoliyati bilan bogʻliq boshqa masalalarni qonun hujjatlariga muvofiq koʻrib chiqadi va hal etadi.
17. Direktorning oʻrinbosarlari Markazning oʻquv-metodik ishlariga, oʻquv jarayonini tashkil etishga, ilmiy ishlariga va xalqaro aloqalariga, Markazning oʻzlariga biriktirilgan asosiy tarkibiy boʻlinmalari ishiga rahbarlik qiladilar.
Direktor oʻrinbosarlari Vasiylik kengashi bilan kelishgan holda Markaz direktori tomonidan lavozimga tayinlanadi va lavozimdan ozod qilinadi.
18. Vasiylik kengashi Markazni boshqarishning yuqori organi hisoblanadi.
19. Vasiylik kengashi:
Keyingi tahrirga qarang.
Markaz faoliyati yuzasidan umumiy nazoratni amalga oshiradi;
Markazning Ilmiy kengashi tarkibini tasdiqlaydi;
kadrlarni tayyorlash, qayta tayyorlash va ularning malakasini oshirish boʻyicha oʻquv rejalari va dasturlarning, ilmiy-tadqiqot ishlarining bajarilishi, professor-oʻqituvchilar tarkibi va taʼlim jarayonining sifati, bitiruvchilarning mehnat faoliyati va kasbiy oʻsishi monitoringi natijalari, shuningdek Markazning xarajatlari smetasi toʻgʻrisida Ilmiy kengash rahbariyatining hisobotini eshitadi va muhokama qiladi;
iqtisodiy va moliya-buxgalteriya hisobotlarining toʻgʻri yuritilishini tekshirish va nazorat qilish uchun taftish komissiyasini tashkil etadi;
oʻqish uchun toʻlov miqdorini, professor-oʻqituvchilik faoliyatini boshqarish va yuritish uchun jalb etiladigan xorijiy mutaxassislarga ish haqi toʻlash tizimini belgilaydi, shuningdek Markazning faoliyatini takomillashtirish, Markazda kadrlarni tayyorlash, qayta tayyorlash va ularning malakasini oshirish sifatini yanada oshirish boʻyicha boshqa masalalarni koʻrib chiqadi.
20. Vasiylik kengashining qarorlari uning aʼzolarining koʻpchilik ovozi bilan qabul qilinadi va kengash majlislari protokoli bilan rasmiylashtiriladi. Ovozlar teng boʻlganda raisning ovozi hal qiluvchi hisoblanadi.
21. Vasiylik kengashining majlislari bir yilda bir marta yoxud zaruriyat boʻlganda Vasiylik kengashi raisining (u boʻlmaganda — rais vazifasini bajaruvchi oʻrinbosarning) qarori boʻyicha, shu jumladan Vasiylik kengashi aʼzolarining takliflari, Ilmiy kengash va taftish komissiyasining iltimosnomasi asosida oʻtkaziladi.
22. Markaz faoliyatining joriy masalalarini koʻrib chiqish uchun Markaz direktori boshchilik qiladigan Ilmiy kengash tashkil etiladi. Ilmiy kengash tarkibiga direktorning oʻrinbosarlari, ilmiy kotib, kafedralar mudirlari, boshqa tarkibiy boʻlinmalar rahbarlari, yetakchi oʻqituvchilar, shuningdek boshqa taʼlim muassasalari va ilmiy muassasalarning yetakchi olimlari va mutaxassislari kiradi.
23. Quyidagilar Ilmiy kengashning vakolatlariga kiradi:
kadrlarni tayyorlash, qayta tayyorlash va ularning malakasini oshirishning oʻquv rejalari va dasturlarini, kadrlarni qayta tayyorlash va ularning malakasini oshirish boʻyicha kurslarni oʻtkazish jadvallarini tasdiqlash;
Markazda amalga oshiriladigan oʻquv, metodik, ilmiy-tadqiqot, axborot-tahlil va noshirlik ishlari, kadrlarni tayyorlash, qayta tayyorlash va ularning malakasini oshirish sifati yuzasidan nazoratni amalga oshirish;
Markaz va uning tarkibiy boʻlinmalari rahbarlari hisobotlarini eshitish;
Markazning faxriy professori darajasini berish toʻgʻrisida qaror qabul qilish.
24. Ilmiy kengashning qarori Ilmiy kengash raisi (Markaz direktori) tomonidan tasdiqlanadi.
V. Markazning taʼlim jarayonini, oʻquv-metodik va ilmiy faoliyatini tashkil etish
25. Taʼlim jarayoni davlat taʼlim standartlariga, zamonaviy xalqaro taʼlim standartlari va talablariga muvofiq ishlab chiqilgan oʻquv rejalari va dasturlar asosida, shuningdek oʻqitishning zamonaviy shakllari va usullaridan, ilgʻor pedagogika, axborot-kommunikatsiya va innovatsiya texnologiyalaridan foydalangan holda amalga oshiriladi.
26. Kadrlar tayyorlash magistratura mutaxassisliklari va mazmuni oʻqitishning maqsadlari va vazifalari bilan belgilanadigan qayta tayyorlash va malaka oshirishning maxsus ishlab chiqilgan taʼlim-professional dasturlari boʻyicha oʻtkaziladi.
27. Oʻquv rejalari va dasturlar tegishli mutaxassislik boʻyicha tayyorgarlik darajasiga qoʻyiladigan talablar hisobga olingan holda, Markaz tomonidan mustaqil ravishda amalga oshiriladi.
28. Markazda oʻqituvchilik ishiga ilmiy-tadqiqot, oliy taʼlim muassasalari, davlat va xoʻjalik boshqaruvi organlari hamda tashkilotlarning yetakchi mutaxassislari oʻrindoshlik tartibida yoki mehnatga soatbay haq toʻlash shartlarida jalb etilishi mumkin.
29. Xorijiy mamlakatlarning olimlari va mutaxassislari oʻquv va ilmiy ishni olib borish uchun, Markaz mablagʻlari, jalb etiladigan grantlar va xayriya ehsonlari mablagʻlari hisobiga haq toʻlagan holda, shartnoma asosida jalb etilishi mumkin.
30. Ilmiy-tadqiqot ishlari grantlar yoki shartnomalar asosida oʻtkaziladi. Ilmiy-tadqiqot ishlari bajarilishidan olingan mablagʻlar, tegishli xarajatlar qoplangandan keyin, Markazning moddiy bazasini rivojlantirishga, xodimlarini ragʻbatlantirishga va uning oldiga qoʻyilgan boshqa vazifalarni hal etishga yoʻnaltiriladi.
31. Markaz magistraturasining taʼlim dasturlarini oʻzlashtirish majburiy davlat yakuniy attestatsiyasi va magistrlik dissertatsiyalarini himoya qilish bilan tugallanadi.
VI. Moddiy ragʻbatlantirish shakllari va tizimi
32. Xodimlarning huquq va majburiyatlari, shuningdek ularning Markaz maʼmuriyati bilan oʻzaro munosabatlari mehnat toʻgʻrisidagi qonun hujjatlari, yakka tartibdagi mehnat shartnomalari va ushbu Ustav bilan tartibga solinadi.
33. Markaz xodimlarni moddiy ragʻbatlantirish tizimi va shakllarini normativ-huquqiy hujjatlarga muvofiq mustaqil ravishda belgilaydi. Xodimlarga yuqori kasbiy saviya, ishda xorijiy tilni bilishdan va axborot-kommunikatsiya texnologiyalaridan foydalanganlik, uzoq muddat xizmat qilganlik uchun lavozim maoshlariga oylik ustamalar va qoʻshimcha haqlar belgilanishi mumkin.
34. Markazning rahbarlari va professor-oʻqituvchilari tarkibiga lavozim maoshlari oliy taʼlim muassasalari tegishli xodimlarining bazaviy lavozim maoshlari miqdorlarida belgilanadi.
35. Markazning qolgan xodimlariga lavozim maoshlari davlat boshqaruvi organlari xodimlari uchun qonun hujjatlarida nazarda tutilgan haq toʻlash razryadlariga va mehnatni moddiy ragʻbatlantirish shartlariga muvofiq belgilanadi.
VII. Markazning mol-mulki va moliyaviy mablagʻlari
36. Asosiy fondlar (binolar, inshootlar, asbob-uskunalar, transport vositalari va shu kabilar), aylanma mablagʻlar, shuningdek moliyaviy resurslar va moliyalashtirishning boshqa manbalari hisobiga sotib olinadigan boshqa moddiy boyliklar Markazning mol-mulkini tashkil etadi. Markaz mol-mulkining qiymati uning mustaqil balansida aks ettiriladi.
37. Markaz oʻziga biriktirilgan mol-mulkka egalik qilish, undan foydalanish va uni tasarruf etish huquqini belgilangan tartibda amalga oshiradi. Markazga oʻziga biriktirilgan erdan doimiy foydalanish huquqi berilgan.
38. Markazning mablagʻlari:
toʻlov-kontrakt asosida kadrlar tayyorlash, ularni qayta tayyorlash va ularning malakasini oshirishdan tushadigan mablagʻlar;
shartnoma asosida bajariladigan tadqiqot, axborot-tahlil ishlarini amalga oshirishdan, taʼlim xizmatlari va boshqa xizmatlar koʻrsatishdan tushumlar;
qonun hujjatlari doirasida Markazning oʻz faoliyatidan olinadigan daromadlar, shu jumladan mablagʻlarni tijorat banklarida depozitlarga joylashtirishdan olinadigan daromadlar;
Oldingi tahrirga qarang.
Oʻzbekiston Respublikasi Innovatsion rivojlanish vazirligi tomonidan oʻtkaziladigan grantlar olish tanlovlari natijalari boʻyicha ajratiladigan mablagʻlar;
(38-bandning beshinchi xatboshisi Oʻzbekiston Respublikasi Vazirlar Mahkamasining 2018-yil 14-fevraldagi 109-sonli qarori tahririda — Qonun hujjatlari maʼlumotlari milliy bazasi, 15.02.2018-y., 09/18/109/0699-son)
xalqaro moliya institutlari va donor tashkilotlarning grantlari;
bankning va boshqa kreditorlarning kreditlari;
qonun hujjatlarida taqiqlanmagan boshqa manbalar hisobiga shakllantiriladi.
39. Markazning mablagʻlarini shakllantirish va sarflash qonun hujjatlariga muvofiq amalga oshiriladi.
40. Markaz belgilangan tartibda oʻz faoliyati natijalarining buxgalteriya hisobini amalga oshiradi, statistika hisobotini yuritadi.
VIII. Markazning xalqaro faoliyati
41. Markaz boshqaruv kadrlarini qayta tayyorlash, ularning malakasini oshirish sohasida xorijiy taʼlim va ilmiy-tadqiqot tashkilotlari, shuningdek xalqaro moliyaviy-iqtisodiy, taʼlim, xayriya tashkilotlari, yetakchi xorijiy kompaniyalar bilan xalqaro hamkorlikni amalga oshiradi.
42. Xalqaro hamkorlik, shu jumladan Markazning oʻqituvchilari, xodimlari va tinglovchilarining chet eldagi stajirovkasi Oʻzbekiston Respublikasining xalqaro shartnomalari, Markazning shartnomalari va yakka tartibdagi shartnomalar (kontraktlar) asosida, belgilangan tartibda amalga oshiriladi.
IX. Taftish komissiyasi
43. Vasiylik kengashi tomonidan taftish komissiyasi tashkil etiladi, u Markazda iqtisodiy va moliya-buxgalteriya faoliyati va hisobotlarning toʻgʻri yuritilishi yuzasidan nazoratni amalga oshiradi.
44. Taftish komissiyasining raisi va aʼzolari, ularning vakolatlari muddatlari va tekshirishlarni oʻtkazish davriyligi Vasiylik kengashining qarori bilan belgilanadi.
45. Taftish komissiyasi:
tekshirishni bir yilda bir marta, shuningdek Vasiylik kengashi raisining qarorlariga binoan oʻtkazadi;
zaruriyat boʻlganda Vasiylik kengashining navbatdan tashqari majlisini chaqirishni talab etish huquqiga ega;
hisob-kitoblarning toʻgʻriligini kamida bir yilda bir marta tekshiradi, Markaz mablagʻlari hisobiga sarflangan chiqimlarni tekshiradi, yillik hisobot va balans boʻyicha xulosa tayyorlaydi;
kelgusi yilga Markazning mablagʻlari tushumi va sarflanishining moliyaviy rejasini uni tuzishning toʻgʻriligi va asoslanganligi yuzasidan koʻrib chiqadi;
Markaz mablagʻlaridan maqsadli va samarali foydalanilishi boʻyicha Vasiylik kengashiga hisobot beradi.
X. Markazni qayta tashkil etish va uning faoliyatini tugatish
46. Markazni qayta tashkil etish (qoʻshib yuborish, qoʻshib olish, boʻlish, ajratib chiqarish, oʻzgartirish) yoki tugatish Oʻzbekiston Respublikasi Prezidentining qaroriga binoan amalga oshiriladi.
47. Markazni qayta tashkil etish yoki tugatishda xodimlarga qonun hujjatlariga muvofiq ularning huquqlari va manfaatlariga rioya etish kafolatlanadi.
Keyingi tahrirga qarang.
Vazirlar Mahkamasining 2015-yil 27-oktabrdagi 305-son qaroriga
2-ILOVA
2-ILOVA
Korporativ boshqaruv ilmiy-taʼlim markaziga oʻqishga qabul qilish va oʻqitishni tashkil etish tartibi toʻgʻrisida
NIZOM
I. Umumiy qoidalar
1. Mazkur Nizom “Taʼlim toʻgʻrisida” va “Kadrlar tayyorlash milliy dasturi toʻgʻrisida”gi Oʻzbekiston Respublikasi qonunlariga, Korporativ boshqaruv ilmiy-taʼlim markazi (keyingi oʻrinlarda Markaz deb ataladi) Ustaviga muvofiq Markaz magistraturasiga, oʻquv kurslariga tinglovchilarni qabul qilish va unda oʻqitish tartibini belgilaydi.
2. Markazga “biznesni boshqarish” mutaxassisligi boʻyicha (“Master of Business Administration — MBA”) magistrlar qabul qilishning har yilgi kvotasi toʻlov-kontrakt asosida 40 kishi etib belgilanadi.
Keyingi tahrirga qarang.
II. Markaz magistraturasiga qabul qilish va unda oʻqitishni tashkil etish
3. Markaz “Biznesni boshqarish” mutaxassisligi boʻyicha (“Master of Business Administration — MBA”) magistraturaning ikki yillik taʼlim dasturi boʻyicha toʻlov-kontrakt asosida, oʻqishni tugatgandan keyin davlat namunasidagi tegishli hujjatlar bergan holda oʻqitadi.
Keyingi tahrirga qarang.
4. Markaz magistraturasiga 40 yoshgacha boʻlgan Oʻzbekiston Respublikasi fuqarolari, oliy maʼlumotli (diplomli mutaxassis, bakalavr) va oliy taʼlim muassasasini tugatgandan keyin kamida uch yil ish stajiga ega boʻlgan xoʻjalik boshqaruvi organlari va tadbirkorlik boshqa subyektlarining rahbar xodimlari hamda mutaxassislari test sinovlari orqali ochiq tanlov asosida qabul qilinadi.
Keyingi tahrirga qarang.
5. Markazda oʻqish davrida magistratura tinglovchilarining egallab turgan ish joyi (lavozimi) va ish haqi saqlanadi.
6. Magistraturaga ochiq tanlovdan muvaffaqiyatli oʻtgan shaxslar qabul qilinadi. Tinglovchilarni qabul qilish Markaz direktorining buyrugʻi bilan amalga oshiriladi.
7. Magistraturaga qabul qilishni tashkil etish uchun Qabul komissiyasi (keyingi oʻrinlarda Komissiya deb ataladi) tuziladi. Komissiya aʼzolarining soni va shaxsiy tarkibi Vasiylik kengashi bilan kelishgan holda Markaz direktori tomonidan tasdiqlanadi.
8. Komissiya test sinovlari oʻtkazish yoʻli bilan magistraturaga tinglovchilarni qabul qilishni tashkil etadi.
9. Tegishli talablarga muvofiq boʻlgan nomzodlar magistraturaga kirish uchun tanlovda ishtirok etishga qoʻyiladi.
10. Nomzodlar Komissiyaga quyidagi hujjatlarni taqdim etadilar:
davlat va xoʻjalik boshqaruvi organlari, mahalliy ijro etuvchi hokimiyat organlari, davlatning boshqa tashkilotlari va tadbirkorlik subyektlarining birinchi rahbarlari imzosi bilan tavsiyanoma;
Keyingi tahrirga qarang.
direktor nomiga yozilgan, shartnomaning barcha shartlariga roziligi koʻrsatilgan ariza;
anketa, maʼlumotnoma-obyektivka (yaqin qarindoshlari toʻgʻrisidagi maʼlumotlar koʻrsatilgan holda);
oliy maʼlumoti toʻgʻrisidagi hujjatning asl nusxasi;
belgilangan tartibda tasdiqlangan mehnat daftarchasining nusxasi;
086-U shakl boʻyicha tibbiy maʼlumotnoma;
4x6 oʻlchamli 6 ta rangli fotosurat;
pasport va harbiy majburiyatga munosabati toʻgʻrisidagi hujjatning nusxasi, topshirishda hujjatning asl nusxasi koʻrsatiladi.
Shartnoma shartlari hamda tomonlarning huquqlari va majburiyatlari, toʻlovlarni amalga oshirish tartibi qonun hujjatlari talablariga muvofiq belgilanadi va Markazning elektron veb-saytida eʼlon qilinadi.
11. Markaz magistraturasiga kirish shartlari va magistraturaga hujjatlar qabul qilishni tugallash muddatlari kirish test sinovlarining moʻljallanayotgan muddatidan kamida bir oy oldin Markazning elektron veb-saytida oshkora eʼlon qilinadi.
12. Markaz magistraturasiga kirish sinovlariga ruxsat berilganlar roʻyxati Markazning elektron veb-saytida eʼlon qilinadi.
13. Markaz magistraturasiga kirish imtihonlari test sinovlari shaklida oʻtkaziladi. Nomzodlar va tinglovchilar uchun test sinovlari amalga oshiriladigan fanlar roʻyxati Komissiya tomonidan belgilanadi. Test sinovlari Oʻzbekiston Respublikasi Vazirlar Mahkamasi huzuridagi Davlat test markazi tomonidan, qonun hujjatlarida belgilangan tartibda oʻtkaziladi.
14. Test sinovlari natijalari boʻyicha eng yuqori ball olgan nomzodlar Markaz magistraturasiga belgilangan kvotalar doirasida qabul qilish uchun Komissiya tomonidan tavsiya etiladi.
15. Komissiyaning Markaz magistraturasiga nomzodlarni qabul qilish toʻgʻrisidagi qaroriga asosan Markaz va nomzod (tashkilot) oʻrtasida toʻlov-kontrakt asosida oʻqish yuzasidan tegishli shartnoma tuziladi.
16. Belgilangan namunadagi shartnomalar blankalari tanlov natijalari eʼlon qilingandan keyin Komissiya tomonidan rasmiylashtiriladi va beriladi.
17. Markaz magistraturasiga tinglovchilarni toʻlov-kontrakt asosida oʻqishga qabul qilish oʻqish uchun shartnomada nazarda tutilgan muddatlarda tegishli toʻlov toʻlangandan keyin Komissiyaning qaroriga muvofiq direktor buyrugʻi bilan amalga oshiriladi.
18. Nomzodning oʻqishi uchun shartnomada belgilangan muddatda toʻlov toʻlanmagan taqdirda talabgorlar tomonidan toʻplangan ballarga asosan uning oʻrniga keyingi talabgor qabul qilinadi.
19. Markazning ichki tartib-qoidalarini buzganligi yoki akademik oʻzlashtirmaganligi uchun tinglovchilar safidan chiqarilganda ushbu tinglovchining oʻqishi uchun toʻlangan mablagʻlar qaytarilmaydi.
20. Test sinovlarini tashkil etish va oʻtkazish bilan bogʻliq xarajatlar Markaz mablagʻlari hisobiga qoplanadi.
III. Markazning oʻquv kurslariga qabul qilish va oʻqitish
21. Markaz maxsus taʼlim dasturlari asosida quyidagi oʻquv kurslarini tashkil etadi:
biznesni boshqarish va korporativ boshqaruv, xoʻjalik boshqaruvi organlari, aksiyadorlik jamiyatlari va tadbirkorlik boshqa subyektlarining oliy maʼlumotga ega boʻlgan (diplomli mutaxassis, bakalavr) yuqori va oʻrta boʻgʻin rahbar kadrlarini qayta tayyorlash va ularning malakasini oshirish sohasida;
Keyingi tahrirga qarang.
belgilangan tartibda tegishli sertifikat bergan holda davlatning ishonchli vakillari, investitsiya aktivlarining ishonchli boshqaruvchilari, xoʻjalik jamiyatlarining kuzatuv kengashi va taftish komissiyalari aʼzolari, xususiylashtirish, qimmatli qogʻozlar bozori, monopoliyaga qarshi tartibga solish, brokerlik, baholash va rieltorlik faoliyati sohasida shugʻullanadigan, xoʻjalik jamiyatlari va boshqa iqtisodiy va yuridik tuzilmalar mutaxassislarini qayta tayyorlash va ularning malakasini oshirish.
22. Markazning oʻquv kurslariga qabul qilish toʻlov-kontrakt asosida amalga oshiriladi. Nomzodlar Markazga quyidagi hujjatlarni taqdim etadilar:
ish joyidan tavsiyanoma;
Markaz direktori nomiga yozilgan, shartnomaning barcha shartlariga roziligi koʻrsatilgan ariza;
anketa, maʼlumotnoma-obyektivka (yaqin qarindoshlari toʻgʻrisidagi maʼlumotlar koʻrsatilgan holda);
maʼlumoti toʻgʻrisidagi hujjatning nusxasi, hujjatlarni topshirishda hujjatning asl nusxasi koʻrsatiladi.
pasport nusxasi.
Hujjatlarni topshirishda nomzodlar pasportning va maʼlumoti toʻgʻrisidagi hujjatlarning asl nusxalarini koʻrsatadilar.
23. Shartnoma shartlari, tomonlarning huquqlari va majburiyatlari, toʻlovlarni amalga oshirish tartibi qonun hujjatlari talablariga muvofiq belgilanadi va Markazning elektron veb-saytida eʼlon qilinadi.
24. Hujjatlarni qabul qilish Markaz tomonidan belgilangan muddat mobaynida amalga oshiriladi.
25. Markazning oʻquv kurslariga nomzodlarni qabul qilish toʻgʻrisidagi qarori asosida Markaz va nomzod (tashkilot) oʻrtasida toʻlov-kontrakt asosida oʻqish yuzasidan tegishli shartnoma tuziladi.
26. Markazning oʻquv kurslariga tinglovchilarni qabul qilish tegishli toʻlov shartnomada nazarda tutilgan muddatlarda toʻlangandan keyin direktorning buyrugʻi bilan amalga oshiriladi.
Keyingi tahrirga qarang.
Vazirlar Mahkamasining 2015-yil 27-oktabrdagi 305-son qaroriga
3-ILOVA
3-ILOVA
Korporativ boshqaruv ilmiy-taʼlim markazining professor-oʻqituvchilar tarkibini tanlab olish tartibi toʻgʻrisida
NIZOM
I. Umumiy qoidalar
1. Korporativ boshqaruv ilmiy-taʼlim markazining (keyingi oʻrinlarda Markaz deb ataladi) professor-oʻqituvchilar tarkibini tanlab olish Oʻzbekiston Respublikasi Vazirlar Mahkamasining 2006-yil 10-fevraldagi 20-son qarori bilan tasdiqlangan Oliy taʼlim muassasalariga pedagog xodimlarni tanlov asosida ishga qabul qilish tartibi toʻgʻrisidagi Nizomga muvofiq, ushbu Nizom talablarini hisobga olgan holda amalga oshiriladi.
2. Markazning professor-oʻqituvchilar tarkibini tanlab olish tanlov asosida, 1 yil muddatga shartnoma tuzgan holda, uning muddatini har yili uzaytirish huquqi bilan amalga oshiriladi.
II. Nomzodlarning zarur koʻnikmalariga qoʻyiladigan talablar
3. Markazga professor-oʻqituvchilar tarkibini tanlab olish quyidagi asosiy mezonlar boʻyicha amalga oshiriladi:
tinglovchilarda biznesni boshqarish va korporativ boshqaruv, menejment va marketing, moliya-bank va tashqi iqtisodiy faoliyat sohasida puxta bilimlarni shakllantirish, ularga boshqaruv koʻnikmalarini, boshqaruv qarorlarini qabul qilish nazariyasi va amaliyoti asoslarini, strategik rejalashtirish, investitsiya va innovatsiya loyihalarini kiritish tashabbusi bilan chiqish va ularni muvaffaqiyatli amalga oshirish, xususiylashtirish, qimmatli qogʻozlar bozori, monopoliyaga qarshi tartibga solish, brokerlik, baholash va rieltorlik faoliyati sohasida kurslar tashkil etish koʻnikmalarini singdirish boʻyicha qobiliyatlarning mavjudligi;
Keyingi tahrirga qarang.
ularda davlat taʼlim standartlariga, zamonaviy xalqaro taʼlim standartlari va talablariga muvofiq oʻzlarining oʻquv rejalarini va predmet boʻyicha dasturlarini tuzish, shuningdek oʻqitishning zamonaviy shakllari va metodlaridan, ilgʻor pedagogika, axborot-kommunikatsiya va innovatsiya texnologiyalaridan oqilona foydalanish qobiliyatlarining mavjudligi;
taʼlim dasturlari boʻyicha oʻquv jarayonini tashkil etish (amaliy vazifalarni, guruhli biznes-loyihalarni, keys-bosqichlarni va shu kabilarni tahlil qilish) mahorati;
oliy taʼlim muassasalarida kamida 5 yil oʻqituvchilik ish stajining va/yoki davlat va xoʻjalik boshqaruvi organlarida amaliy ish tajribasining, axborot-kommunikatsiya texnologiyalari tizimlarida erkin ishlash mahorati koʻnikmalarining mavjudligi;
taʼlim jarayonining yuqori samaradorligini taʼminlash, tinglovchilarda tashabbuskorlikni, ijodiy qobiliyatni, ilmiy izlanishga boʻlgan intilishni rivojlantirish;
biznesni boshqarish va korporativ boshqaruvning dolzarb muammolari boʻyicha ilmiy tadqiqotlar oʻtkazish, zamonaviy innovatsiya texnologiyalarini joriy etish boʻyicha takliflar ishlab chiqish koʻnikmalarining mavjudligi.
4. Oliy taʼlimning belgilangan talablariga muvofiq professor-oʻqituvchilar tarkibi tomonidan ishlab chiqilgan oʻquv rejalari va dasturlari Markaz tomonidan mustaqil ravishda, tegishli mutaxassislik boʻyicha tayyorgarlik darajasiga qoʻyiladigan talablarni hisobga olgan holda amalga oshiriladi.
5. Professor-oʻqituvchilar tarkibining egallab turgan lavozimiga muvofiqligini baholash, shuningdek uni moddiy ragʻbatlantirish shu jumladan Markaz tinglovchilaridan soʻrov natijalari boʻyicha amalga oshiriladi.
III. Professor-oʻqituvchilar tarkibini tanlab olish jarayonini tashkil etish
6. Professor-oʻqituvchilar tarkibini tanlab olish jarayonida nomzodlar bilan dastlabki suhbat oʻtkaziladi.
7. Markazning professor-oʻqituvchilar tarkibini tanlab olish yetakchi xorijiy hamda mamlakatimiz ilmiy-tadqiqot va oliy taʼlim muassasalari, xalqaro moliya-iqtisodiyot tashkilotlari va boshqa tashkilotlar mutaxassislari orasidan amalga oshirilishi mumkin.
8. Markaz oʻquv va ilmiy ishlar, konsultatsiyalar oʻtkazish uchun shartnoma asosida yuqori malakali xorijiy mutaxassislarni jalb etish, shuningdek xorijiy kompaniyalar, taʼlim, ilmiy-tadqiqot tashkilotlari bilan boshqaruv kadrlarini tayyorlash va qayta tayyorlash, biznesni boshqarish va korporativ boshqaruv sohasidagi ilmiy-tadqiqotlarni tashkil etishga doir shartnomalar tuzish va oʻzaro foydali hamkorlikni amalga oshirish huquqiga ega.
9. Ilmiy-tadqiqot va oliy taʼlim muassasalarining, davlat va xoʻjalik boshqaruvi organlarining hamda boshqa tashkilotlarning yetakchi mutaxassislarini jalb etgan holda oʻrindoshlik tartibida yoki mehnatiga soatbay haq toʻlash shartlarida, anketa maʼlumotlari va tavsiyanomalarni hisobga olgan holda suhbat oʻtkazish yoʻli bilan amalga oshiriladi.
Keyingi tahrirga qarang.
Vazirlar Mahkamasining 2015-yil 27-oktabrdagi 305-son qaroriga
4-ILOVA
4-ILOVA
Korporativ boshqaruv ilmiy-taʼlim markazi magistraturasini tamomlaganlik toʻgʻrisidagi davlat diplomi namunasi
|
(titul varagʻi) |
|
OʻZBEKISTON RESPUBLIKASI DAVLAT GERBINING TASVIRI | |
|
KORPORATIV BOSNQARUV ILMIY-TA`LIM MARKAZI | |
|
_____________________________________________________________________ | |
|
CORPORATE GOVERNANCE SCIENCE & EDUCATION CENTER |
|
(1-bet) |
|
KORPORATIV BOSNQARUV ILMIY-TA`LIM MARKAZI | |
|
MAGISTR DIPLOMI | |
|
MBA № 000000 | |
|
Davlat attestatsiya komissiyasining | |
|
20___ yil “___” _________ dagi ______ sonli qaroriga binoan | |
|
___________________________________________________ga | |
|
(familiyasi, ismi, otasining ismi) | |
|
Biznes boshqaruvi magistri | |
|
darajasi berildi | |
| Davlat attestatsiya | |
| komissiyasi raisi | |
| Direktor | |
|
M.O` Qayd raqami № _________ | |
|
Toshkent sh., “____” _________ 20___ yil | |
|
(berilgan sana) |
|
(2-bet) |
|
CORPORATE GOVERNANCE SCIENCE & EDUCATION CENTER | |
|
MASTER`S DIPLOMA | |
|
MBA № 000000 | |
|
In accordance with the decision of the State Attestation Commission | |
|
№ ______ of “____” ______ 20 ____ | |
|
___________________________________________ | |
|
Is awarded degree of | |
|
Master of Business Administration | |
| Chairman of the State | |
| Attestation Commission | |
| Director | |
|
P.S. Registration № _______ | |
|
Tashkent “____” ______ 20 ____ |
| | | |
(3-bet) |
|
OʻZBEKISTON RESPUBLIKASI DAVLAT GERBINING TASVIRI | |||
|
Korporativ boshqaruv ilmiy-taʼlim markazi | |||
|
DIPLOMGA ILOVA ____________ | |||
|
(ushbu ilova diplomsiz kuchga ega emas) | |||
| ________________________________________________________________ | |||
|
(familiyasi, ismi, otasining ismi) | |||
| 20____-yil va 20____-yillarda Korporativ boshqaruv ilmiy-taʼlim markazida quyidagi mutaxassislik boʼyicha taʼlim oldi: | |||
| ________________________________________________________________ | |||
| Oʼqish davomida quyidagi fanlar oʼzlashtirildi: | |||
|
T.R. |
Oʼquv rejasiga muvofiq fanlar nomi |
Oʼquv rejada belgilangan soatlar miqdori |
Toʼplangan reyting ballari |
|
I. UMUMUIY FANLAR | |||
|
1. |
|
|
|
|
2. |
|
|
|
|
3. |
|
|
|
|
4. |
|
|
|
|
5. |
|
|
|
|
6. |
|
|
|
|
7. |
|
|
|
|
8. |
|
|
|
|
9. |
| | |
|
10. |
| | |
|
II. MUTAXASSISLIK FANLARI | |||
|
1. |
| | |
|
2. |
|
|
|
|
3. |
|
|
|
|
4. |
| | |
| | | |
(4-bet) |
|
T.R. |
Oʼquv rejasiga muvofiq fanlar nomi |
Oʼquv rejada belgilangan soatlar miqdori |
Toʼplangan reyting ballari |
|
5. |
|
|
|
|
6. |
|
|
|
|
7. |
|
|
|
|
8. |
|
|
|
|
9. |
|
|
|
|
10. |
| | |
|
III. YAKUNIY DAVLAT ATTESTATSIYASI | |||
|
1. |
|
|
|
|
2. |
|
|
|
|
3.� |
|
|
|
|
4. |
|
|
|
|
5. |
|
|
|
|
6. |
| | |
| Direktor | | | |
| Oʼquv jarayonini tashkillashtirish boʼyicha direktor oʼrinbosari | | ||
| | | |
(5-bet) |
|
OʻZBEKISTON RESPUBLIKASI DAVLAT GERBINING TASVIRI | |||
|
Scientific and educational centre for Corporte Governance | |||
|
ATTACNMENT TO DIPLOMA __________ | |||
|
(not valid without diploma) | |||
| ________________________________________________________________ | |||
|
(full name) | |||
| Stydied from 20_____ to 20____ in the scientific and educational centre for corporate governance on the speciality | |||
| ________________________________________________________________ | |||
| During the training process stydied the following subjects and received rating points: | |||
|
№ |
Subjects title |
Quantity of hours, set by training plan |
Received rating points |
|
I. GENERAL SUBJECTS | |||
|
1. |
|
|
|
|
2. |
|
|
|
|
3. |
|
|
|
|
4. |
|
|
|
|
5. |
|
|
|
|
6. |
|
|
|
|
7. |
|
|
|
|
8. |
|
|
|
|
9. |
|
|
|
|
10. |
| | |
|
II. SPECIAL SUBJECTS | |||
|
1. |
|
|
|
|
2. |
|
|
|
|
3. |
|
|
|
|
4. |
| | |
| | | |
(6-bet) |
|
№ |
Subjects title |
Quantity of hours, set by training plan |
Received rating points |
|
5. |
|
|
|
|
6. |
|
|
|
|
7. |
|
|
|
|
8. |
|
|
|
|
9. |
|
|
|
|
10. |
|
|
|
|
III. FINAL EXAMINATION | |||
|
1. |
|
|
|
|
2. |
|
|
|
|
3. |
|
|
|
|
4. |
|
|
|
|
5. |
|
|
|
|
6. |
| | |
| | |||
| Director | |||
| | |||
| Deputy Director responsible for educational process | |||
Vazirlar Mahkamasining 2015-yil 27-oktabrdagi 305-son qaroriga
5-ILOVA
5-ILOVA
Korporativ boshqaruv ilmiy-taʼlim markazining oʻquv kurslarini tamomlaganlik toʻgʻrisidagi davlat sertifikati namunasi
|
(titul varagʻi) |
|
OʻZBEKISTON RESPUBLIKASI DAVLAT GERBINING TASVIRI | |
|
KORPORATIV BOSNQARUV ILMIY-TA`LIM MARKAZI | |
|
_____________________________________________________________________ | |
|
CORPORATE GOVERNANCE SCIENCE & EDUCATION CENTER |
|
1-bet |
|
KORPORATIV BOSNQARUV ILMIY-TA`LIM MARKAZI | |
|
SERTIFIKATI | |
|
№ 000000 | |
|
____________________________________________________ | |
|
____________________________________________________ | |
|
(familiyasi, ismi, otasining ismi) | |
|
“_______________” yo`nalishi bo`yicha o`quv kurslarini muvaffaqiyatli tugatdi | |
| Direktor | |
|
M.O` Qayd raqami №_______ | |
|
Toshkent sh., “__” ______ 20__ yil | |
|
(berilgan sana) |
|
(2-bet) |
|
CORPORATE GOVERNANCE SCIENCE & EDUCATION CENTER | |
|
CERTIFICATE | |
|
№ 000000 | |
|
____________________________________________________ | |
|
____________________________________________________ | |
|
successfully completed the course “_______________” | |
| Director | |
|
P.S. Registration № _______ | |
|
Tashkent “__” ______ 20 __ |
Vazirlar Mahkamasining 2015-yil 27-oktabrdagi 305-son qaroriga
6-ILOVA
6-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining 2010-yil 18-iyundagi 118-son qarori bilan tasdiqlangan Oliy taʼlim muassasalarining magistraturasiga qabul qilish tartibi toʻgʻrisidagi Nizom 1-bandining ikkinchi xatboshidagi “Oʻzbekiston Respublikasi Vazirlar Mahkamasi huzuridagi Oliy biznes maktabining” soʻzlari “Korporativ boshqaruv ilmiy-taʼlim markazining” soʻzlari bilan almashtirilsin.
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2017-yil 16-avgustdagi 638-sonli qaroriga asosan oʻz kuchini yoʻqotgan— OʻR QHT, 2017-y., 33-son, 863-modda)
3. Vazirlar Mahkamasining 2014-yil 31-yanvardagi 21-son qarori bilan tasdiqlangan Davriy bosma nashrlarning majburiy nusxalari yuboriladigan muassasa va tashkilotlarning roʻyxatidagi “Korporativ boshqaruv markazi” soʻzlari “Korporativ boshqaruv ilmiy-taʼlim markazi” soʻzlari bilan almashtirilsin.
4. Vazirlar Mahkamasining 2015-yil 2-martdagi 36-son qarori (Oʻzbekiston Respublikasi QT, 2015-y., 3-son, 12-modda) bilan tasdiqlangan Magistratura toʻgʻrisidagi Nizomning 1-bandi uchinchi xatboshidagi “Oʻzbekiston Respublikasi Vazirlar Mahkamasi huzuridagi Oliy biznes maktabiga” soʻzlari “Korporativ boshqaruv ilmiy-taʼlim markaziga” soʻzlari bilan almashtirilsin.
Oldingi tahrirga qarang.
(5-band Oʻzbekiston Respublikasi Vazirlar Mahkamasining 2017-yil 19-iyundagi 391-sonli qaroriga asosan oʻz kuchini yoʻqotgan — OʻR QHT, 2017-y., 25-son, 543-modda)
Vazirlar Mahkamasining 2015-yil 27-oktabrdagi 305-son qaroriga
7-ILOVA
7-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari roʻyxati
1. Vazirlar Mahkamasining “Korporativ boshqaruv markazini tashkil etish toʻgʻrisida” 2003-yil 4-iyuldagi 304-son qarori.
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2004-yil 17-yanvardagi 28-son qaroriga (Oʻzbekiston Respublikasi QT, 2004-y., 1-son, 5-modda) ilovaning 35-bandi.
3. Vazirlar Mahkamasining “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash hamda baʼzilariga oʻzgartirishlar kiritish toʻgʻrisida” 2005-yil 22-fevraldagi 73-son qaroriga (Oʻzbekiston Respublikasi QT, 2005-y., 2-son, 13-modda) 2-ilovaning 18-bandi.
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Qimmatli qogʻozlar bozori toʻgʻrisida” 2008-yil 22-iyuldagi OʻRQ-163-son hamda “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida 2008-yil 26-sentabrdagi OʻRQ-183-son qonunlari)” 2009-yil 22-dekabrdagi 323-son qaroriga (Oʻzbekiston Respublikasi QT, 2009-y., 12-son, 79-modda) ilovaning 6-bandi.
5. Vazirlar Mahkamasining “Oliy biznes maktabining moddiy-texnika bazasini mustahkamlash chora-tadbirlari toʻgʻrisida” 2013-yil 19-fevraldagi 48-son qarori.
6. Vazirlar Mahkamasining “Oliy biznes maktabi faoliyatini tashkil etishga doir qoʻshimcha chora-tadbirlar toʻgʻrisida” 2014-yil 8-oktabrdagi 282-son qarori.
7. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oliy biznes maktabining ayrim masalalari toʻgʻrisida” 2014-yil 31-dekabrdagi 375-son qarori.
8. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oliy biznes maktabining moddiy-texnika bazasini mustahkamlash chora-tadbirlari toʻgʻrisida” 2015-yil 2-apreldagi 79-son qaroriga 2-ilovaning 1-bandi.
(Oʻzbekiston Respublikasi qonun hujjatlari toʻplami, 2015-y., 43-son, 549-modda; 2017-y., 25-son, 543-modda, 33-son, 863-modda; Qonun hujjatlari maʼlumotlari milliy bazasi, 09.11.2017-y., 09/17/898/0234-son; 15.02.2018-y., 09/18/109/0699-son, 15.05.2018-y., 07/18/3720/1218-son, 07.09.2018-y., 07/18/3930/1850-son)
