|
Hujjat kuchini yo‘qotgan 02.07.2003
|
Hujjat 05.11.2002 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI PREZIDENTINING “SAVDO VA UMUMIY OVQATLANISh SOHASIDA SOLIQQA TORTISh TIZIMINI YANADA TAKOMILLAShTIRISh TOʻGʻRISIDA”GI FARMONINI AMALGA OShIRISh ChORA-TADBIRLARI HAQIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2003-yil 2-iyuldagi 300-son “Oʻzbekiston Respublikasi Prezidentining “Savdo va umumiy ovqatlanish sohasida soliqqa tortish tizimini tartibga solish chora-tadbirlari toʻgʻrisida” 2003-yil 30-iyundagi PF-3270-son Farmonini amalga oshirish chora-tadbirlari haqida”gi qaroriga muvofiq oʻz kuchini yoʻqotgan.
Oʻzbekiston Respublikasi Prezidentining “Savdo va umumiy ovqatlanish sohasida soliqqa tortish tizimini yanada takomillashtirish toʻgʻrisida” 2002-yil 20-maydagi PF 3076-son Farmonini bajarish yuzasidan Vazirlar Mahkamasi qaror qiladi:
1. 2002-yil 1-iyuldan boshlab:
ulgurji va chakana savdo korxonalari (chakana savdo sohasidagi mikrofirmalar va kichik korxonalardan tashqari), umumiy ovqatlanish korxonalari uchun yalpi tushumdan (tovar aylanishi hajmidan) yagona soliq stavkasi 3-ilovaga muvofiq;
savdo va umumiy ovqatlanish sohasida yuridik shaxs boʻlmasdan tadbirkorlik faoliyatini amalga oshiruvchi jismoniy shaxslar uchun tadbirkorning bazaviy daromadi darajasidan va foydalaniladigan maydon hajmidan kelib chiqib hisoblanadigan qatʼiy belgilangan soliqning bazaviy stavkalari 4-ilovaga muvofiq belgilansin.
Keyingi tahrirga qarang.
2. Belgilab qoʻyilsinki, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari savdo korxonalarining qayerda joylashganligiga qarab tasdiqlangan bazaviy stavkalar va oʻzgaruvchan koeffitsiyentlardan kelib chiqib:
chakana savdo sohasidagi mikrofirmalar va kichik korxonalar uchun belgilangan daromadidan olinadigan yagona soliq stavkalarining;
yuridik shaxs boʻlmasdan tadbirkorlik faoliyatini amalga oshiruvchi jismoniy shaxslar uchun qatʼiy belgilangan soliq stavkalarining aniq miqdorlarini belgilaydilar.
3. QoraqalpoGʻiston Respublikasi Vazirlar Kengashi, viloyatlar va Toshkent shahar hokimliklari mamlakatimizda ishlab chiqarilgan isteʼmol tovarlarining uyushgan savdosini taʼminlash uchun xalq isteʼmol tovarlari ishlab chiqaruvchi korxonalarga firma doʻkonlari tarmogʻini tashkil etish va kengaytirishda koʻmaklashsinlar.
4. Oʻzbekiston Respublikasi Moliya vazirligi, Davlat soliq qoʻmitasi bir oy muddatda:
Chakana savdo sohasidagi mikrofirmalar va kichik korxonalar tomonidan toʻlanadigan belgilangan daromadidan olinadigan yagona soliqni hisoblab chiqish va toʻlash tartibi toʻgʻrisidagi nizomni;
savdo va umumiy ovqatlanish korxonalari tomonidan yalpi tushum hajmlari (tovar aylanishi hajmi) sunʼiy ravishda pasaytirilishiga yoʻl qoʻymaslik chora-tadbirlarini nazarda tutgan holda Ulgurji va chakana savdo, umumiy ovqatlanish korxonalari tomonidan toʻlanadigan yalpi tushumdan (tovar aylanmasi hajmidan) yagona soliqni hisoblab chiqish va toʻlash tartibi toʻgʻrisidagi nizomni ishlab chiqsinlar va tasdiqlash uchun Vazirlar Mahkamasiga kiritsinlar.
5. Oʻzbekiston Respublikasi Davlat soliq qoʻmitasi:
savdo va umumiy ovqatlanish sohasida tadbirkorlik faoliyatini amalga oshiruvchi soliq toʻlovchilarning soliq solishning belgilangan tartibiga rioya etishi va toʻliq qamrab olinishi ustidan qatʼiy nazoratni taʼminlasin;
savdo va umumiy ovqatlanish sohasidagi xoʻjalik yurituvchi subyektlar tomonidan toʻlanadigan soliq toʻlovlarining budjetga toʻliq va oʻz vaqtida tushishi ustidan monitoring oʻrnatsin, bunda savdo va umumiy ovqatlanish korxonalarida yalpi tushum hajmining budjetga toʻlovlar toʻliq tushishiga muvofiqligini aniqlash yuzasidan muntazam ravishda tanlab tekshirishlar oʻtkazilishini nazarda tutsin. Aniqlangan tafovutlarga yalpi tushumni yashirish sifatida qaralsin va amaldagi qonun hujjatlarida nazarda tutilgan tegishli javobgarlik choralari qoʻllanilsin;
savdo faoliyatini yuridik shaxs boʻlmasdan yakka tartibdagi tadbirkorlar sifatida belgilangan tartibda roʻyxatdan oʻtkazmasdan amalga oshirayotgan jismoniy shaxslarning faoliyat koʻrsatishiga yoʻl qoʻymaslikka alohida eʼtiborni qaratsin;
har chorakda Moliya vazirligiga va Oʻzbekiston Respublikasi Vazirlar Mahkamasiga oʻtkazilgan monitoring natijalari toʻgʻrisida axborot taqdim etsin.
6. Oʻzbekiston Respublikasi Moliya vazirligi monitoring natijalari asosida har chorakda Vazirlar Mahkamasiga savdo va umumiy ovqatlanish sohasida soliq solishga doir belgilangan bazaviy stavkalar va oʻzgaruvchan koeffitsiyentlar miqdorlarini oʻzgartirish maqsadga muvofiqligi toʻgʻrisida taklif kiritsin.
7. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda amaldagi qonun hujjatlariga mazkur qarordan kelib chiquvchi oʻzgartirish va qoʻshimchalar yuzasidan bir oy muddatda Vazirlar Mahkamasiga taklif kiritsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va M.Z. Usmonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2002-yil 13-iyun,
208-son
Chakana savdo sohasidagi mikrofirmalar va kichik korxonalarning belgilangan daromadidan olinadigan yagona soliqni hisoblash uchun
BAZAVIY STAVKALAR VA OʻZGARUVChAN KOEFFITSIYENTLAR
BAZAVIY STAVKALAR VA OʻZGARUVChAN KOEFFITSIYENTLAR
| Faoliyat turi |
Soliq solinadigan baza |
Bir oydagi soliqning bazaviy stavkasi (eng kam oylik ish haqiga nisbatan karra miqdorda) |
Yagona soliqning bazaviy stavkasiga oʻzgaruvchan koeffitsiyentlar | ||
| Toshkent sh. | viloyatlardagi shaharlar | tumanlar, shu jumladan qishloq joylar | |||
| 10 kishigacha ishchisi boʻlgan turgʻun savdo shoxobchalari orqali amalga oshiriladigan chakana savdo | Umumiy foydalaniladigan maydon | har kv.metr uchun | 0,7—2,0 | 0,5—1,5 | 0,3—1,0 |
Keyingi tahrirga qarang.
Belgilangan daromadiga belgilangan yagona soliq stavkasiga sotilayotgan tovarlar turiga qarab oʻzgaruvchan
KOEFFITSIYENTLAR
KOEFFITSIYENTLAR
| T/r |
Tovarlarning nomi |
Koeffitsiyent* |
| 1 | Tamaki mahsulotlari va alkogolli mahsulotlar | 1,5 |
| 2 | Avtomobillar, avtomobillar uchun ehtiyot qismlar va aksessuarlar | 2,0 |
| 3 | Charm va moʻynadan tayyorlangan buyumlar, kiyim-bosh va poyafzal | 1,2 |
| 4 | Qurilish, pardozlash materiallari va qurilish asbob-uskunalari va jihozlari | 1,2 |
| 5 | Maishiy texnika, tashkiliy texnika, yoritish priborlari, aloqa vositalari, kino va fototexnika, shuningdek ular uchun tegishli anjomlar | 1,5 |
| 6 | Mebellar, gilamlar va gilam buyumlari | 1,5 |
| 7 | Zargarlik buyumlari, qimmatbaho metallardan tayyorlangan buyumlar | 1,5 |
| 8 | Chinni va billur idishlar | 1,2 |
| 9 | Boshqa tovarlar, shu jumladan oziq-ovqat tovarlari | 1,0 |
*) Aralash turdagi tovarlarni sotishda sotilayotgan tovarlarning ayrim turlari uchun belgilangandan bazaviy koeffitsiyentning eng yuqori miqdori qoʻllanadi.
Izoh:
Kichik korxona yoki mikrofirmaning bir nechta savdo shoxobchalari mavjud boʻlgan taqdirda belgilangan daromadiga yagona soliq summasini hisoblash tegishli bazaviy va oʻzgaruvchan koeffitsiyentlarni qoʻllagan holda har bir savdo shoxobchasi boʻyicha alohida amalga oshiriladi.
Keyingi tahrirga qarang.
Savdo va umumiy ovqatlanish korxonalari uchun yalpi tushum(tovar aylanmasi hajmi)dan olinadigan yagona soliq
STAVKALARI
STAVKALARI
Oldingi tahrirga qarang.
|
Toʻlovchilar |
Korxonalar boʻyicha soliq stavkalari (yalpi tushum hajmiga nisbatan foiz hisobida): | |
|
shahar va qishloq joylarda |
uzoq va togʻli tumanlarda | |
| Ulgurji, chakana savdo korxonasi | 5 | 3 |
| Umumiy ovqatlanish: a) umumtaʼlim maktablari, maktab-internatlar, oʻrta va oliy oʻquv yurtlari huzuridagi umumiy ovqatlanish korxonalari; b) boshqa umumiy ovqatlanish korxonalari |
5 10 |
5 7 |
(jadval Oʻzbekiston Respublikasi Vazirlar Mahkamasining 2002-yil 5-noyabrdagi 379-son qarori tahririda — Respublikasi Qonun hujjatlari toʻplami, 2002-y., 21-son, 167-modda)
Keyingi tahrirga qarang.
Savdo va umumiy ovqatlanish sohasida yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslardan olinadigan qatʼiy belgilangan soliqning
BAZAVIY STAVKALARI
BAZAVIY STAVKALARI
Oldingi tahrirga qarang.
| T/r |
Faoliyat turi* |
Soliq solinadigan baza |
Qatʼiy belgilangan oylik soliqning bazaviy stavkasi (eng kam oylik ish haqiga nisbatan karra miqdorida) |
Qatʼiy belgilangan bazaviy stavkaga oʻzgaruvchan koeffitsiyentlar | ||
|
Toshkent sh. |
viloyat shaharlari |
tumanlar, shu jumladan qishloq joylar | ||||
| I. Savdo faoliyati | ||||||
| 1.1. |
Turgʻun savdo shoxobchalari orqali chakana savdo: | | | | | |
| Oziq-ovqat tovarlari |
10m2 gacha 10m2 dan ortiq (har bir qoʻshimcha kv.m. uchun) | 10 | 0,7—2,0 |
0,5—1,5 |
0,3—1,0 | |
|
0,3 | ||||||
| Nooziq-ovqat tovarlari shu jumladan: | ||||||
| avtomobillar |
10m2gacha | 10 | 0,7—2,0 |
0,5—1,5 |
0,3—1,0 | |
|
10m2 dan ortiq (har bir qoʻshimcha kv.m. uchun) |
0,9 | |||||
|
mebel |
10m2gacha | 10 | 0,7—2,0 |
0,5—1,5 |
0,3—1,0 | |
| 10m2 dan ortiq (har bir qoʻshimcha kv.m. uchun) | 1,0 | |||||
qurilish materiallari |
10m2gacha 10m2 dan ortiq (har bir qoʻshimcha kv.m. uchun) | 10 0,6 |
0,7—2,0 |
0,5—1,5 |
0,3—1,0 | |
| Aralash savdo (oziq-ovqat va nooziq-ovqat tovarlari bilan) |
10m2gacha | 10 | 0,7—0,2 |
0,5—1,5 |
0,3—1,0 | |
| 10m2 dan ortiq (har bir qoʻshimcha kv.m. uchungacha | 0,4 | |||||
| 1.2. |
Turgʻun savdo shoxobchalari tashkil qilmasdan, shu jumladan bozorlarda:**) Oziq-ovqat tovarlari, shu jumladan: |
| 12 |
0,7—0,2 |
0,5—1,5 |
0,3—1,0 |
| qishloq xoʻjaligi mahsulotlari***) | | 10 | 0,7—1,5 | 0,4—1,2 | 0,3—1,0 | |
| Nooziq-ovqat tovarlari, shu jumladan: | |
0,7—2,0 |
0,5—1,5 |
0,3—1,0 | ||
| avtomobillar, mebel | | 30 | ||||
| Aralash savdo (oziq-ovqat va nooziq-ovqat tovarlar bilan) | | 15 | ||||
| 1.3. |
Ulgurji savdo, ulgurji-chakana savdo va savdo-vositachilik faoliyati****) | | | | | |
| Oziq-ovqat tovarlari, shu jumladan: | | 45 | 1,0—2,0 | 0,5—1,5 | 0,3—1,0 | |
| qishloq xoʻjaligi mahsulotlari | | 30 | 1,0—1,5 | 0,4—1,2 | 0,3—1,0 | |
| Nooziq-ovqat tovarlar, shu jumladan: | | 45 | | | | |
| mebel, qurilish materiallari | | 50 | 1,0—2,0 | 0,5—1,5 | 0,3—1,0 | |
| Aralash savdo (oziq-ovqat va nooziq-ovqat tovarlar bilan) | | 45 | | | | |
| | II. Umumiy ovqatlanish | ovqatlanish oʻrinlari soni | 4 | 1,0—2,0 | 0,6—1,2 | 0,4—1,0 |
(jadval Oʻzbekiston Respublikasi Vazirlar Mahkamasining 2002-yil 12-iyuldagi 249-son qarori tahririda — Oʻzbekiston Respublikasi Qonun hujjatlari toʻplami, 2002-y., 13-son, 108-modda)
*) Faoliyatning bir nechta turi bilan shugʻullanuvchi jismoniy shaxs soliqni faoliyatning har bir turi uchun alohida toʻlaydi.
**) Koʻrsatilgan stavkalar “Otchopar buyum bozori” ochiq turdagi aksiyadorlik jamiyatida savdo faoliyati bilan shugʻullanuvchi jismoniy shaxslarga tatbiq etilmaydi.
***) Shaxsiy yordamchi xoʻjalikda oʻstirilgan chorva mollari, nutriya, baliq, parranda (tirik holda yoki ularning soʻyilgan holdagi xom va qayta ishlangan mahsulotlari), shuningdek tabiiy va qayta ishlangan holdagi asalarichilik va dehqonchilik (gulchilikdan tashqari) mahsulotlari bilan savdo qilish bundan mustasno. Dehqon xoʻjaligi fuqarosidagi mavjud mahsulotlar mahalliy davlat hokimiyati organlari yoki fuqarolarning oʻzini oʻzi boshqarish organlari tomonidan berilgan belgilangan namunadagi maʼlumotnoma bilan tasdiqlanadi.
****) Soliq solish maqsadida ulgurji savdo deganda jismoniy shaxslarning bozorlarda, mahalliy davlat hokimiyati organlari tomonidan maxsus belgilangan joylarda va turgʻun savdo shoxobchalarida belgilangan tartibda amalga oshiriladigan muayyan shaxsga (aholiga) tovarlar sotish bilan bogʻliq savdo faoliyatidan boshqa barcha savdo turlari tushuniladi.
Izoh:
Savdo va umumiy ovqatlanish sohasida yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar uchun belgilab qoʻyilgan soliq stavkalarining aniq miqdorlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tadbirkorlik faoliyati turiga, faoliyat joyiga (shahar, tuman, shu jumladan qishloq joy) koʻra belgilanadi.
Oldingi tahrirga qarang.
Aralash savdo (oziq-ovqat va nooziq-ovqat tovarlari bilan) pozitsiyasi boʻyicha 1.1-bandda nazarda tutilgan bazaviy stavkalar va bazaviy stavkaga oʻzgartiruvchi koeffitsiyentlar ushbu bandda alohida koʻrsatilmagan nooziq-ovqat tovarlari bilan turgʻun savdo shoxobchalari orqali chakana savdoga ham tatbiq etiladi.
(xatboshi Oʻzbekiston Respublikasi Vazirlar Mahkamasining 2002-yil 12-iyuldagi 249-son qarori bilan kiritilgan — Oʻzbekiston Respublikasi Qonun hujjatlari toʻplami, 2002-y., 13-son, 108-modda)
Keyingi tahrirga qarang.
(Oʻzbekiston Respublikasi Qonun hujjatlari toʻplami, 2002-y., 11-12-son, 92-modda, 13-son, 108-modda, 21-son, 167-modda, 24-son, 200-modda)
