Oʻzbekiston Respublikasi Tashqi iqtisodiy faoliyat milliy banki va uning shuʼba tuzilmalari faoliyatini yanada takomillashtirish, shuningdek qonunchilik normalarining bir xil qoʻllanilishini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Tashqi iqtisodiy faoliyat milliy banki ushbu qaror bilan Bank ustaviga kiritilayotgan oʻzgartirish va qoʻshimchalarning Oʻzbekiston Respublikasi Markaziy bankida qonun hujjatlarida belgilangan tartibda roʻyxatdan oʻtkazilishini taʼminlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining 1993-yil 21-yanvardagi 45-son qarori bilan tasdiqlangan Oʻzbekiston Respublikasi Tashqi iqtisodiy faoliyat milliy banki Ustavida:

a) 7-bandda:

quyidagi mazmundagi uchinchi xatboshi qoʻshilsin:

“Bankning elektron pochta manzili: info@central.nbu.uz va webmaster@central.nbu.uz.”;

uchinchi — oltinchi xatboshilar tegishli ravishda toʻrtinchi — yettinchi xatboshilar deb hisoblansin;

b) 23-bandning toʻrtinchi xatboshi quyidagi tahrirda bayon qilinsin:

“Bank Kengashi Bank boshqaruvining yuqori kollegial organi hisoblanadi va yetti nafar aʼzodan, jumladan Bank Kengashiga boshchilik qiladigan Raisdan iborat. Bank Kengashining tarkibi Oʻzbekiston Respublikasi Vazirlar Mahkamasining qarori bilan tasdiqlanadi”;

v) 26-bandning birinchi xatboshi quyidagi tahrirda bayon qilinsin:

“Bankning ijro etuvchi organi 15 nafar aʼzodan, jumladan Boshqaruvni boshqaradigan Raisdan iborat boʻlgan Boshqaruv hisoblanadi”.

2. Vazirlar Mahkamasining “Oʻzbekiston Respublikasi Tashqi iqtisodiy faoliyat milliy bankining Ustaviga oʻzgartirish va qoʻshimchalar kiritish toʻgʻrisida” 2013-yil 23-yanvardagi 15-son qarorida:

a) 2-bandga quyidagi mazmundagi beshinchi xatboshi qoʻshilsin:

“Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qarorining (Oʻzbekiston Respublikasi QT, 2014-y., 10-son, 104-modda) amal qilishi tatbiq etilmaydi”;

b) quyidagi mazmundagi 2¹-band qoʻshilsin:

“2¹. Belgilab qoʻyilsinki, Oʻzbekiston Respublikasi Tashqi iqtisodiy faoliyat milliy banki tomonidan kredit va boshqa majburiyatlarni qoplash hisobiga undirilgan mol-mulkni, bank qurgan va qurayotgan koʻchmas mulk obyektlarini, shuningdek boshqa obyekt va investitsiyalarni sotishdan olingan mablagʻlarga davlat mulkini xususiylashtirishdan olingan mablagʻlar sifatida qaralmaydi”.