Oʻzbekiston Respublikasi Oliy Majlisi qaror qiladi:

Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 1995-yil, № 12, 266-modda; 1996-yil, № 5-6, 63-modda) quyidagi oʻzgartish va qoʻshimchalar kiritilsin:

11-modda “Amir Temur” ordeni” degan soʻzlardan keyin “Buyuk xizmatlari uchun” ordeni” degan soʻzlar bilan toʻldirilsin;

15 va 16-moddalari quyidagi tahrirda bayon etilsin:

Davlat mukofotlari bilan fuqarolar bilan bir qatorda ayrim hollarda korxonalar, muassasalar, tashkilotlar, jamoat birlashmalari, ijodiy jamoalar va harbiy boʻlinmalar, shuningdek Oʻzbekiston Respublikasining maʼmuriy-hududiy birliklari ham mukofotlanishi mumkin.

Davlat mukofotlari bilan taqdirlangan shaxslar qonun hujjatlariga muvofiq imtiyozlardan foydalanadilar hamda bir marta beriladigan pul mukofoti yoki shu qiymatdagi esdalik sovgʻasini oladilar”.