|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Bekobod shahrining 50 yilligiga tayyorgarlik koʻrish va uni oʻtkazish toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi eng muhim industrial-metallurgiya markazlaridan biri Bekobod shahrining 50 yilligi munosabati bilan Vazirlar Mahkamasi qaror qiladi:
1. 1995-yil avgust oyining uchinchi oʻn kunligida Bekobod shahrining 50 yilligi bayram qilishga tantanali tadbirlar oʻtkazilsin.
2. Toshkent viloyati hokimligi:
Bekobod shahrini 1995-1996-yillarda ijtimoiy-iqtisodiy rivojlantirish va obodonlashtirishga oid tadbirlar majmuini oʻn kun muddatda ishlab chiqsin hamda amalga oshirsin.
Obyektlar qurilishi va obodonlashtirish ishlari Toshkent viloyati, Bekobod shahrining mahalliy budjeti va korxonalar, tashkilotlar hamda xomiylarning ulushlari hisobiga amalga oshirilsin.
Bekobod shahrining alohida oʻrnak koʻrsatgan ilgʻorlari, ishlab chiqarish novatorlarini mukofotlash toʻgʻrisida belgilangan tartibda taklif kiritsin.
3. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining hududiy-tashkiliy boʻlimiga yuklansin.
Vazirlar Mahkamasining Raisi I. KARIMOV
Toshkent sh.,
1995-yil 20-iyul,
280-son
