|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Toshkent viloyatidan Fargʻona viloyatiga ajratib berilgan yerlarni qaytarish toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Ministrlar Sovetining 1985-yil 11-dekabrdagi 614-son qarori bilan Toshkent viloyatidagi Burchmulla oʻrmon xoʻjaligidan chorva mollari boqish uchun 10 yil muddatga ajratib berilgan yerdan Fargʻona viloyati foydalanmayotganligi munosabati bilan Vazirlar Mahkamasi qaror qiladi:
1. Toshkent viloyatining Burchmulla oʻrmon xoʻjaligidan Fargʻona viloyatiga ajratib berilgan 29010 gektar yaylov yer foydalanilmayotganligi sababli viloyatlarning roziligiga va Qishloq xoʻjaligi vazirligining taklifiga binoan Toshkent viloyatiga qaytarilsin.
2. Fargʻona va Toshkent viloyatlari hokimliklariga yer hujjatlariga tegishli oʻzgartirishlar kiritish topshirilsin.
3. Oʻzbekiston SSR Ministrlar kengashining 1985-yil 11-dekabrdagi 614-son qarori oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. MUTALOV
Toshkent sh.,
1995-yil 27-aprel,
151-son
