|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Namangan viloyati Pop tumanining “Oqtau” massividagi yaylovlardan Fargʻona viloyatiga uzoq muddat bilan yer ajratish toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Fargʻona viloyati tomonidan koʻp yillardan beri Namangan viloyatining Pop tumanidagi “Oqtau” massivida 48 ming gektar yaylovdan foydalanib kelinganligi hamda Fargʻona va Namangan viloyatlarida yaylov yerlar tanqisligini hisobga olgan holda Vazirlar Mahkamasi qaror qiladi:
1. Namangan viloyati Pop tumanining “Oqtau” massividagi yaylov yerlardan 25.0 ming gektari Fargʻona viloyatiga 25 yil muddatga foydalanish uchun qoldirilsin.
2. Oʻzbekiston Respublikasi Qishloq va suv xoʻjaligi vazirligiga Fargʻona viloyatining chorva mollarini olib oʻtish joylarini belgilash yuklansin.
Oʻzbekiston Respublikasining Bosh vaziri Oʻ. SULTONOV
Toshkent sh.,
1997-yil 9-iyun,
289-son
