|
Hujjat kuchini yo‘qotgan 22.02.2021
|
Oʻzbekiston SSJ Prezidenti huzuridagi Vazirlar Mahkamasining
qarori
SSJI Vazirlar Kengashining “Chet elga xizmat safariga yuboriladigan xodimlar uchun joʻnab ketish hujjatlarini rasmiylashtirish boʻyicha xizmatlar haqini toʻlash tartibi” haqida 1991-yil 2-yanvardagi 7-son qarori
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Vazirlar Mahkamasi qaror qiladi:
1. OʻzSSJ Tashqi ishlar vazirligi va OʻzSSJ Moliya vazirligining chet elga xizmat safariga yuborilayotgan xodimlar uchun joʻnab ketish hujjatlarini rasmiylashtirish xizmatlari va xizmatlarning boshqa shakllari haqini toʻlashning yagona tarifini joriy etish toʻgʻrisidagi taklifiga rozilik bildirilsin.
OʻzSSJ Moliya vazirligi bir oy muddat ichida mavjud xalqaro amaliyotni va pasport-ruxsatnoma berish ishlarining oʻziga xosligini hisobga olib, xizmatlar haqini toʻlashning yagona tarifini tasdiqlasin.
OʻzSSJ Tashqi ishlar vazirligining konsullik xizmati mazkur tarif boʻyicha ishlashga oʻtkazilsin.
2. Belgilab qoʻyilsinki, OʻzSSJ Tashqi ishlar vazirligi tomonidan koʻrsatiladigan xizmatlarning barcha turlari uchun kelib tushadigan mablagʻlardan (davlat bojidan tashqari), ularga OʻzSSJ Moliya vazirligi tomonidan tasdiqlangan tariflarga muvofiq, OʻzSSJ Tashqi ishlar vazirligi moddiy-texnik bazani rivojlantirishga, asbob-uskunalar, jihozlar va idora ashyolari sotib olish, joriy va kapital remont qilish, shuningdek, konsullik xizmatini mustahkamlash uchun foydalanadi.
3. Budjet tashkilotlari ushbu tashkilotlarning chet elga xizmat safariga yuborilayotgan xodimlari uchun joʻnash hujjatlarini rasmiylashtirish boʻyicha xizmatlarning haqini toʻlashdan ozod qilinsin.
OʻzSSJ Tashqi ishlar vazirligiga, uzrli sabablar mavjud boʻlgan taqdirda, xodimlarini chet elga xizmat safariga yuborayotgan boshqa tashkilotlarni bunday xizmatlarning haqini toʻlashdan ozod qilish huquqi berilsin.
Oʻzbekiston SSJ Vitse-Prezidenti Sh. MIRSAIDOV
Toshkent sh.,
1991-yil 15-aprel,
98-son
