|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Toshkent shahrida yongʻindan saqlashni kuchaytirish boʻyicha qoʻshimcha chora-tadbirlar toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Toshkent shahridagi xalq xoʻjaligi tarmoqlari obyektlarini, maʼmuriy, uy-joy va boshqa binolarni yongʻindan saqlashni kuchaytirish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligi organlari xodimlarining umumiy soni Toshkent shahrining harbiylashtirilgan yongʻindan saqlash xizmatiga qoʻshimcha ravishda 70 nafar xodim qoʻshgan holda koʻpaytirilsin.
Qoʻshimcha ravishda qoʻshilgan xodimlarning joriy yildagi taʼminoti Oʻzbekiston Respublikasi Ichki ishlar vazirligiga 1994-yil uchun nazarda tutilgan umumiy mablagʻlar hisobiga amalga oshirilsin.
2. Oʻzbekiston Respublikasi Ichki ishlar vazirligi, Toshkent shahar hokimligi harbiylashtirilgan yongʻindan saqlash xizmatini qoʻshimcha ravishda mablagʻ bilan taʼminlash maqsadida mulkchilik shaklidan qatʼi nazar, xoʻjalik organlari bilan birgalikda ularga qarashli obyektlar va hududlarni yongʻindan saqlash yuzasidan shartnomalar tuzish boʻyicha ishlarni kuchaytirsinlar.
Vazirlar Mahkamasining Raisi I. KARIMOV
Toshkent sh.,
1994-yil 22-iyul,
381-son
