|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Boshoqli donning 1994-yil hosilidan belgilangan davlat buyurtmasi hajmlaridan ortiqchasini xoʻjaliklar tomonidan sotish tartibi toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Boshoqli don ekinlari yetishtirishda jamoa xoʻjaliklari, davlat xoʻjaliklari, ijara, fermerlik va boshqa xoʻjaliklarni ragʻbatlantirish maqsadida Vazirlar Mahkamasi qaror qiladi:
1. “Oʻzdonmahsulot” davlat korporatsiyasiga respublika xoʻjaliklaridan boshoqli donning belgilangan davlat buyurtmasi hajmlaridan ortiqchasini (ularni xarid qilish hajmlaridan 75 foizidan ortigʻini) erkin shartnoma narxlarida xarid qilishga ruxsat etilsin.
“Oʻzdonmahsulot” davlat korporatsiyasi shartnomalar tuzishni 10 kun muddatda yakunlasin, keyinchalik esa xoʻjaliklardan donni shartnoma narxlariga muvofiq xarid qilishni taʼminlasin.
2. Mazkur qarorning bajarilishini nazorat qilish I.X. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1994-yil 29-iyun,
332-son
