|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Dehqonchilik sanoati kompleksi korxonalariga va tashkilotlariga moliyaviy yordam koʻrsatish toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
“Oʻzdonmahsulot”, “Oʻzdavpaxtasanoatsotish”, “Oʻzmevasabzavotuzumsanoat” tizimlari korxonalari va tashkilotlarining normal ishlashlari, ular moddiy-texnika va xom ashyo resurslarini yetkazib beruvchilar bilan oʻz vaqtida hisob-kitoblarni amalga oshirishlari uchun zarur shart-sharoitlar yaratish maqsadida Vazirlar Mahkamasi qarar qiladi:
1. Oʻzbekiston Respublikasi Markaziy bankiga 2 yil muddatga yiliga 5 foiz ushlab qolish sharti bilan Moliya vazirligiga aylanma mablagʻlarni koʻpaytirish uchun 95,8 mlrd soʻm miqdorida maqsadli kredit resurslarini berish tavsiya qilinsin.
Moliya vazirligi yuqorida koʻrsatib oʻtilgan shartlarda aylanma mablagʻlarni toʻldirish uchun “Oʻzdonmahsulot” davlat konserniga –– 37,4 mlrd soʻm, “Oʻzdavpaxtasanoatsotish” davlat uyushmasiga –– 48,0 mlrd soʻm va “Oʻzmevasabzavotuzumsanoat” konserniga –– 10,4 mlrd, soʻm kredit resurslarini bersin.
2. “Oʻzdonmahsulot” davlat konserni, “Oʻzdavpaxtasanoatsotish” davlat uyushmasi va “Oʻzmevasabzavotuzumsanoat” konserni moddiy boyliklar uchun yetkazib beruvchilar bilan oʻz vaqtida hisob-kitoblarni amalga oshirishni taminlasinlar, tasarruflaridagi korxonalarning moliyaviy ahvolini yaxshilashga qaratilgan chora-tadbirlarni koʻrsinlar.
Vazirlar Mahkamasining Raisi I. KARIMOV
Toshkent sh.,
1993-yil 1-oktabr,
479-son
