“Doʻrmon – Qaynarsoy” komplekslari faoliyatini yaxshilash maqsadida Vazirlar Mahkamasi qaror qiladi:

1. Vazirlar Mahkamasining 1995-yil 18-dekabrdagi 462-son qarorining 1-bandi qisman oʻzgartirilgan holda “Doʻrmon – Qaynarsoy” komplekslarining xoʻjalik hisobidagi birlashgan direksiyasi “Doʻrmon – Qaynarsoy” komplekslarining birlashgan direksiyasiga aylantirilsin.

2. Belgilansinki, 2000-yil 1-yanvardan eʼtiboran “Doʻrmon – Qaynarsoy” komplekslarining birlashgan direksiyasini moliyalashtirish davlat budjeti mablagʻlari hamda xoʻjalik faoliyatidan tushgan mablagʻlar hisobiga amalga oshiriladi.

Oʻzbekiston Respublikasi Moliya vazirligi ushbu maqsadlar uchun 2000-yil 1-yanvardan boshlab tegishli mablagʻlar ajratilishini taʼminlasin.

3. Oʻzbekiston Respublikasi Prezidenti Apparati Ishlar Boshqarmasi:

Moliya vazirligi bilan birgalikda Vazirlar Mahkamasining 1999-yil 3-sentabrdagi 414-son qarori bilan tasdiqlangan Budjet tashkilotlarini mablagʻ bilan taʼminlash tartibini “Doʻrmon – Qaynarsoy” komplekslarining birlashgan direksiyasiga qoʻllash xususiyatlarini belgilasin;

“Doʻrmon – Qaynarsoy” komplekslarining birlashgan direksiyasi toʻgʻrisidagi nizomni ushbu qarorga muvofiqlashtirsin.