Oʻzbekiston standartlashtirish, metrologiya va sertifikatlashtirish agentligi korxonalarining moddiy-texnika bazasini yanada mustahkamlash uchun shart-sharoitlar yaratish, ularning samarali faoliyati uchun zarur boʻlgan yangi qurilishlarni amalga oshirish, mavjud binolar va inshootlarni rekonstruksiya qilish maqsadida Vazirlar Mahkamasi qaror qiladi:

1. Vazirlar Mahkamasining “Standartlashtirish, metrologiya va mahsulotlar hamda xizmatlarni sertifikatlashtirish tizimini takomillashtirish chora-tadbirlari toʻgʻrisida” 2002-yil 3-oktabrdagi 342-son qarori (Oʻzbekiston Respublikasi QT, 2002-y., 10-son, 56-modda) 13-bandining oʻn uchinchi xatboshidagi “mukammal taʼmirlash” soʻzlari “qurish, rekonstruksiya qilish, mukammal taʼmirlash” soʻzlari bilan almashtirilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.