|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
Harbiy va muqobil xizmatning belgilangan muddatlarini oʻtab boʻlgan shaxslarni Qurolli Kuchlar saflaridan zaxiraga boʻshatish hamda fuqarolarni muddatli harbiy va muqobil xizmatga navbatdagi chaqirish toʻgʻrisida
[Koʻchirma]
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
“Umumiy harbiy majburiyat va harbiy xizmat toʻgʻrisida” va “Muqobil xizmat toʻgʻrisida”gi Oʻzbekiston Respublikasi qonunlariga muvofiq Vazirlar Mahkamasi qaror qiladi:
1. Harbiy va muqobil xizmatning belgilangan muddatlarini oʻtab boʻlgan shaxslar Oʻzbekiston Respublikasining Qurolli Kuchlari saflaridan zaxiraga boʻshatilsin.
2. 1974 — 1983-yillarda tugʻilgan, chaqiriq muddatini uzaytirish huquqiga ega boʻlmagan Oʻzbekiston Respublikasi fuqarolari 2001-yilning oktyabr-noyabr oylarida muddatli harbiy va muqobil xizmatga chaqirilsin.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Qurolli Kuchlarni chaqiriluvchilar bilan sifatli butlash maqsadida joylardagi chaqirish komissiyalarining har tomonlama taʼminlanishini va samarali ishlashini tashkil etsinlar.
4. Oʻzbekiston Respublikasi Sogʻliqni saqlash vazirligi (F.Gʻ. Nazirov) Mudofaa vazirligi (Q.Gʻ. Gʻulomov) bilan birgalikda chaqirish uchastkalarini zarur tibbiyot asbob-anjomlari va buyumlari bilan taʼminlasin, chaqiriluvchilarning laboratoriya tekshiruvlari sifatli oʻtkazilishini, ularning turli ixtisoslikdagi yuqori malakali vrachlar tomonidan har tomonlama tibbiy tekshirib koʻrilishini tashkil etsin.
Vazirlar Mahkamasini Raisi I. KARIMOV
Toshkent sh.,
2001-yil 2-oktabr,
398-son
