|
Hujjat kuchini yo‘qotgan 09.04.2026
|
Hujjat 10.05.2017 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Fuqarolarning oʻzini oʻzi boshqarish organlari faoliyatini tashkil etish tartibini takomillashtirish toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2026-yil 9-apreldagi 154-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
“Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonuniga muvofiq hamda fuqarolarning oʻzini oʻzi boshqarish organlari tashkiliy-huquqiy asoslarini takomillashtirish maqsadida Vazirlar Mahkamasi qaror qiladi:
Oldingi tahrirga qarang.
1. Fuqarolarning oʻzini oʻzi boshqarish organlarini hisobga olish toʻgʻrisida Nizom ilovaga muvofiq tasdiqlansin.
(1-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Respublika “Mahalla” xayriya jamgʻarmasi:
Oʻzbekiston Respublikasi Adliya vazirligi hamda manfaatdor vazirliklar va idoralar bilan birgalikda bir oy muddatda ushbu qaror bilan tasdiqlangan Nizomni amalda qoʻllash uchun tuman (shahar)lar hokimliklari huzuridagi Tadbirkorlik subyektlarini roʻyxatdan oʻtkazish inspeksiyalari xodimlarini oʻqitish choralarini koʻrsinlar;
joriy yilning 1-sentabrigacha boʻlgan muddatda hududdagi mavjud fuqarolarning oʻzini oʻzi boshqarish organlarini yalpi xatlovdan oʻtkazib, ushbu qaror talablari asosida hisobga olish ishlarini yakunlasinlar va Oʻzbekiston Respublikasi Vazirlar Mahkamasiga axborot taqdim etsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2013-yil 10-iyul,
196-son
Vazirlar Mahkamasining 2013-yil 10-iyuldagi 196-son qaroriga
ILOVA
ILOVA
Oldingi tahrirga qarang.
Fuqarolarning oʻzini oʻzi boshqarish organlarini hisobga olish toʻgʻrisida
nizom
(ilova nomi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
I. Umumiy qoidalar
Oldingi tahrirga qarang.
1. Ushbu Nizom fuqarolarning oʻzini oʻzi boshqarish organlarini (keyingi oʻrinlarda fuqarolar yigʻini deb ataladi) tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazlarida (keyingi oʻrinlarda “yagona darcha” markazlari deb ataladi) hisobga olish tartibini belgilaydi.
(1-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
Oldingi tahrirga qarang.
2. Fuqarolar yigʻinini hisobga olish u joylashgan joydagi “yagona darcha” markazi tomonidan amalga oshiriladi.
(2-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
Oldingi tahrirga qarang.
3. Fuqarolar yigʻini tashkil etilayotganda uning raisi (oqsoqoli) saylangan kundan boshlab ikki hafta muddatda fuqarolar yigʻinini hisobga olish uchun “yagona darcha” markaziga murojaat qiladi.
(3-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
II. Fuqarolar yigʻinini hisobga olish uchun taqdim etiladigan hujjatlar, ularni koʻrib chiqish va hisobga olish
Oldingi tahrirga qarang.
4. Fuqarolar yigʻinini hisobga olish uchun “yagona darcha” markaziga quyidagi hujjatlar taqdim etiladi:
(4-bandning birinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
fuqarolar yigʻini raisi (oqsoqoli) tomonidan imzolangan fuqarolar yigʻinini hisobga olish toʻgʻrisidagi ariza;
Keyingi tahrirga qarang.
shaharchalar, qishloqlar, ovullar, shuningdek shaharlar, shaharchalar, qishloqlar hamda ovullardagi mahallalar tashkil etish toʻgʻrisidagi tegishli mahalliy davlat hokimiyati organining qarori;
fuqarolar yigʻini toʻgʻrisidagi nizomni tasdiqlash toʻgʻrisida fuqarolar yigʻini (fuqarolar vakillari yigʻilishi)ning bayoni;
fuqarolar yigʻinining (fuqarolar vakillari yigʻilishining) yigʻin raisini (oqsoqolini) saylash toʻgʻrisidagi qarori;
Keyingi tahrirga qarang.
fuqarolar yigʻini toʻgʻrisidagi nizom — ikki nusxada;
muhr va shtamp namunalari eskizi — ikki nusxada.
5. Qoʻshib yuborish, boʻlish, ajratib chiqarish yoʻli bilan tuziladigan fuqarolar yigʻini uchun ushbu Nizomning 4-bandida koʻrsatilgan hujjatlarga qoʻshimcha ravishda quyidagi hujjatlar taqdim etiladi:
tuzilayotgan fuqarolar yigʻiniga maʼlum boʻlgan barcha kreditorlar yozma ravishda xabardor etilganligini va ommaviy axborot vositalarida qayta tashkil etish haqida axborot eʼlon qilinganligini tasdiqlovchi hujjat;
tuzilayotgan fuqarolar yigʻinining barcha kreditorlari va qarzdorlariga, shu jumladan tomonlar daʼvolashayotgan majburiyatlarga nisbatan barcha majburiyatlari boʻyicha huquqiy vorislik toʻgʻrisidagi qoidalar koʻrsatilgan topshirish dalolatnomasi (qoʻshib yuborishda) yoki taqsimlash balansi (boʻlishda va ajratib chiqarishda);
tuzilayotgan fuqarolar yigʻinining hisobga olinganlik haqidagi guvohnomasi asl nusxasi, muhri va shtampi (qoʻshib yuborishda va boʻlishda).
6. Fuqarolar yigʻinini hisobga olish ariza tushgan kundan boshlab besh ish kuni mobaynida amalga oshiriladi.
Fuqarolar yigʻinini hisobga olish ushbu Nizomga 1-ilovaga muvofiq sxema boʻyicha amalga oshiriladi.
Oldingi tahrirga qarang.
7. Fuqarolar yigʻinini hisobga olish “yagona darcha” markazi tomonidan, bir vaqtning oʻzida uni davlat statistika va soliq xizmati organlarida hisobga qoʻygan holda amalga oshiriladi.
(7-bandning birinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Oldingi tahrirga qarang.
Buning uchun “yagona darcha” markazi davlat statistika organlariga davlat hisobiga qoʻyish uchun, fuqarolar yigʻinini hisobga olish amalga oshirilgan kundan keyin ikki kun ichida Oʻzbekiston Respublikasi Vazirlar Mahkamasining “Korxonalar va tashkilotlarning yagona davlat registri toʻgʻrisidagi nizomni tasdiqlash haqida” 2012-yil 25-sentabrdagi 274-son qarorida belgilangan shakl boʻyicha bildirishnoma yuboradi.
(7-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Oldingi tahrirga qarang.
Bir vaqtda “yagona darcha” markazi elektron pochta aloqasi orqali tuman (shahar) davlat soliq inspeksiyasiga soliq toʻlovchining identifikatsiya raqami (keyingi oʻrinlarda STIR deb ataladi) berish uchun soʻrovnoma yuboradi.
(7-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Tuman (shahar) davlat soliq inspeksiyasi tegishli soʻrovnomani olgandan keyin, real vaqt rejimida soliq toʻlovchilarning identifikatsiya raqamlari markazlashtirilgan bazasi orqali fuqarolar yigʻiniga STIR beradi va markazlashtirilgan bazaga tegishli yozuv kiritadi.
Oldingi tahrirga qarang.
Fuqarolar yigʻiniga STIR berilganligi haqida maʼlumotnoma rasmiylashtiriladi va u “yagona darcha” markaziga elektron pochta aloqasi orqali yuboriladi.
(7-bandning beshinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Oldingi tahrirga qarang.
STIR berish va bu toʻgʻridagi maʼlumotnomani “yagona darcha” markaziga yuborish muddati sakkiz ish soatidan oshmasligi zarur.
(7-bandning oltinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
Oldingi tahrirga qarang.
8. Fuqarolar yigʻinining muhr va shtamp eskizlari “yagona darcha” markazi tomonidan tasdiqlanadi hamda muhr va shtamplar kitobiga tegishli yozuv kiritiladi.
Muhr va shtamp eskizlari qonun hujjatlari talablariga muvofiq boʻlmaganda, “yagona darcha” markazi tomonidan fuqarolar yigʻini raisi bilan kelishgan holda, eskizning barcha taqdim qilingan nusxalariga zarur tuzatishlar kiritiladi va ular tasdiqlanadi.
(8-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
Oldingi tahrirga qarang.
9. STIR berish, muhr va shtamp eskizlarini tasdiqlash jarayonlari yakunlangandan soʻng oʻsha kunning oʻzida fuqarolar yigʻinini hisobga olish toʻgʻrisidagi maʼlumotlar “yagona darcha” markazi tomonidan ushbu Nizomga 2-ilovaga muvofiq shakl boʻyicha fuqarolar yigʻinlarining tegishli reyestriga kiritiladi.
(9-bandning birinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
Reyestr daftari ip bilan tikiladi, raqamlanadi va uning orqa tomonida betlar soni, daftar yuritish boshlangan sana (yil, kun, oy) koʻrsatiladi, muhr va hokimning imzosi qoʻyiladi.
Oldingi tahrirga qarang.
10. Fuqarolar yigʻini hisobga olingan kundan boshlab bir ish kuni mobaynida reyestrdan olingan maʼlumotlar “yagona darcha” markazi tomonidan tegishli davlat statistika va soliq xizmati organlariga rasmiy ravishda taqdim etiladi.
(10-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
11. Fuqarolar yigʻini hisobga olingandan soʻng bir kun muddatda unga quyidagilar beriladi:
ushbu Nizomga 3-ilovaga muvofiq shakl boʻyicha hisobga olinganlik toʻgʻrisidagi guvohnoma;
fuqarolar yigʻini toʻgʻrisidagi nizom — unga “hisobga qoʻyildi” belgisi bilan;
muhr va shtamp namunalarining eskizlari — “tasdiqlangan” belgisi bilan.
12. Fuqarolar yigʻinini hisobga olish toʻgʻrisidagi guvohnomalarning blankalari qatʼiy hisobda turadigan hujjat hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi.
Oldingi tahrirga qarang.
13. “Yagona darcha” markazi quyidagi hollarda fuqarolar yigʻinini hisobga olishni rad etadi:
(13-bandning birinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
ushbu Nizomning 4, 5-bandlarida koʻrsatilgan hujjatlar toʻliq taqdim etilmaganda;
taqdim etilgan hujjatlar qonun hujjatlari talabiga muvofiq kelmaganda;
Keyingi tahrirga qarang.
hisobga olish uchun taqdim etilgan hujjatlarda haqiqiy boʻlmagan maʼlumotlar aniqlanganda.
Fuqarolar yigʻinini hisobga olishning boshqa asoslar boʻyicha rad etilishiga yoʻl qoʻyilmaydi.
14. Fuqarolar yigʻinini hisobga olish rad etilgan taqdirda, uning sabablari koʻrsatilgan holda hamda ularni bartaraf etib, hujjatlarni qayta koʻrib chiqish uchun taqdim etish muddati koʻrsatilgan holda yozma xat ariza beruvchiga yuboriladi (topshiriladi).
Mazkur xatda koʻrsatilgan muddat tugagandan keyin berilgan ariza yangidan taqdim etilgan hisoblanadi.
Oldingi tahrirga qarang.
Agar ariza beruvchi fuqarolar yigʻinini hisobga olishni rad etishga asos boʻlgan sabablarni oʻz vaqtida bartaraf etsa, hisobga olish boʻyicha hujjatlar “yagona darcha” markazi tomonidan barcha zarur hujjatlar bilan birga ariza taqdim etilgan kundan boshlab uch kun muddatda koʻrib chiqiladi.
(14-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
15. Ariza beruvchi fuqarolar yigʻinini hisobga olishni rad etish toʻgʻrisidagi qaror yuzasidan sudga shikoyat qilishi mumkin.
III. Fuqarolar yigʻini toʻgʻrisidagi nizomga kiritilgan oʻzgartirish va qoʻshimchalarni hisobga olish
Oldingi tahrirga qarang.
16. Fuqarolar yigʻini toʻgʻrisidagi nizomga oʻzgartirish va qoʻshimchalar kiritilganda, shu jumladan fuqarolar yigʻini qayta tashkil etilganda hisobga olgan “yagona darcha” markaziga yetti kun muddatda quyidagi hujjatlar taqdim etiladi:
(16-bandning birinchi xatboshisi Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
hisobga olish toʻgʻrisidagi ariza;
nizomga oʻzgartirish va qoʻshimchalar kiritish toʻgʻrisida fuqarolar yigʻini (fuqarolar vakillari yigʻilishi)ning bayoni;
oʻzgartirish va qoʻshimchalar kiritilgan, rais (oqsoqol) imzosi bilan tasdiqlangan hamda fuqarolar yigʻini muhri qoʻyilgan yangi tahrirdagi nizom — ikki nusxada.
Keyingi tahrirga qarang.
17. Fuqarolar yigʻinining nomi oʻzgargan taqdirda ushbu Nizomning 16-bandida koʻrsatilgan hujjatlarga qoʻshimcha ravishda fuqarolar yigʻinining hisobga olinganlik haqidagi guvohnomasi asl nusxasi, almashtiriladigan muhr va shtamp, shuningdek ikki nusxada yangi muhr va shtamp namunalarining eskizlari taqdim etiladi.
18. Fuqarolar yigʻinini ajratib chiqarish va qoʻshib olish shaklida qayta tashkil qilinganda ushbu Nizomning 16-bandida koʻrsatilgan hujjatlarga qoʻshimcha ravishda quyidagi hujjatlar taqdim etiladi:
qayta tashkil qilinayotgan fuqarolar yigʻiniga maʼlum boʻlgan barcha kreditorlar yozma ravishda xabardor etilganligini va ommaviy axborot vositalarida qayta tashkil etish haqida axborot eʼlon qilinganligini tasdiqlovchi hujjat;
qayta tashkil qilinayotgan fuqarolar yigʻinining uning barcha kreditorlari va qarzdorlariga, shu jumladan tomonlar daʼvolashayotgan majburiyatlarga nisbatan barcha majburiyatlari boʻyicha huquqiy vorislik toʻgʻrisidagi qoidalar koʻrsatilgan topshirish dalolatnomasi (qoʻshib olishda) yoki taqsimlash balansi (ajratib chiqishda);
qayta tashkil qilinayotgan fuqarolar yigʻinini hisobga olinganligi haqidagi guvohnomaning asl nusxasi, muhr va shtampi (qoʻshib olishda).
19. Fuqarolar yigʻini toʻgʻrisidagi nizomga kiritilgan oʻzgartirish va qoʻshimchalarni hisobga olish ushbu Nizomda fuqarolar yigʻinini hisobga olish uchun belgilangan tartibda va muddatlarda amalga oshiriladi.
Oldingi tahrirga qarang.
20. Fuqarolar yigʻini toʻgʻrisidagi nizomga oʻzgartirish va qoʻshimchalar kiritish toʻgʻrisidagi maʼlumotlar “yagona darcha” markazi tomonidan fuqarolar yigʻinlarining reyestriga (“Qoʻshimcha maʼlumotlar” ustuniga) kiritiladi.
(20-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
Oldingi tahrirga qarang.
21. Joylashgan yeri oʻzgarganda fuqarolar yigʻini oʻn kun muddatda hisobga olgan “yagona darcha” markaziga bu haqda yozma ravishda xabar beradi. “Yagona darcha” markazi xabarnomani olgandan boshlab ikki kun muddatda ushbu oʻzgarish haqida davlat statistika va soliq xizmati organlarini xabardor qiladi.
(21-band Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
IV. Yakunlovchi qoida
22. Ushbu Nizomning buzilishida aybdor boʻlgan shaxslar qonun hujjatlariga muvofiq javob beradilar.
Keyingi tahrirga qarang.
Oldingi tahrirga qarang.
Fuqarolarning oʻzini oʻzi boshqarish organlarini hisobga olish toʻgʻrisida nizomga
1-ILOVA
1-ILOVA
Fuqarolar yigʻinini hisobga olish
SXEMASI
(1-ilova Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Oldingi tahrirga qarang.
Fuqarolarning oʻzini oʻzi boshqarish organlarini hisobga olish toʻgʻrisida nizomga
2-ILOVA
2-ILOVA
|
_____________RESPUBLIKASI (VILOYAT, SHAHAR) | ||||||
|
________TUMANI (SHAHRI)DAGI FUQAROLAR YIGʻINLARINING | ||||||
|
REYESTRI | ||||||
| | ||||||
| T/r | Hujjat taqdim etilgan sana | Ariza taqdim etgan shaxsning F.I.O. | Fuqarolar yigʻinining nomi | Fuqarolar yigʻini hududi (ga) | Hisobga olish reyestr raqami | Hisobga olingan sana |
| 1 | 2 | 3 | 4 | 5 | 6 | 7 |
| | ||||||
| | ||||||
| STIR | Hujjat olingan sana va imzo | Qayta tashkil etish va tugatish toʻgʻrisida maʼlumot |
Qoʻshimcha maʼlumot | |||
| 9 | 10 | 11 | 12 | |||
(2-ilova Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Oldingi tahrirga qarang.
Fuqarolarning oʻzini oʻzi boshqarish organlarini hisobga olish toʻgʻrisidagi nizomga
3-ILOVA
3-ILOVA
|
Davlat gerbi | |||||||||
|
Ushbu guvohnoma _____________________ Respublikasi ___________________ (viloyat, shahar) _______________________ tumani (shahri)dagi | |||||||||
|
_________________________________________________________________________________ | |||||||||
| | |
(tuman (shahar) tadbirkorlik subyektlariga “yagona darcha” tamoyili boʻyicha davlat xizmatlari koʻrsatish yagona markazi nomi) | |||||||
| hisobga olinganligi munosabati bilan berildi. |
| | | | |||||
| | | | | | | | | STIR | |
| Soliq toʻlovchining identifikatsiya raqami: | | |
| ||||||
| | | | | | | | | | |
| Hisobga qoʻyilgan sanasi: 20__ yil “____” ______________ Reyestr boʻyicha tartib raqami _____________ | |||||||||
| | | | | | | | | | |
| | M.Oʻ. ______________________ | |
___________________________ | ||||||
| |
(imzo) |
|
(direktorning F.I.O.) | ||||||
| | | | | | | | | | |
| | | | | | | | | | |
| AA № 000000 | | | | | | | | ||
(3-ilova Oʻzbekiston Respublikasi Vazirlar Mahkamasining 2017-yil 1-maydagi 252-sonli qarori tahririda — OʻR QHT, 2017-y., 18-son, 325-modda)
Keyingi tahrirga qarang.
(Oʻzbekiston Respublikasi qonun hujjatlari toʻplami, 2013-y., 28-son, 360-modda; 2017-y., 18-son, 325-modda; Qonun hujjatlari maʼlumotlari milliy bazasi, 23.01.2018-y., 09/18/40/0609-son; Qonunchilik maʼlumotlari milliy bazasi, 05.04.2022-y., 09/22/153/0266-son; 01.08.2023-y., 09/23/327/0549-son)
