Qozogʻiston tomonidan quyidagi ikki tomonlama hukumatlararo bitimlarning kuchga kirishi uchun zarur boʻlgan davlat ichki tartib-taomillarning bajarilganligini hisobga olgan holda:

1. Tasdiqlansin:

Oʻzbekiston Respublikasi Hukumati bilan Qozogʻiston Respublikasi Hukumati oʻrtasida 1998-yil 30 oktabrda Toshkent shahrida imzolangan jinoyatchilikka qarshi kurashish boʻyicha hamkorlik toʻgʻrisida Bitim;

Oʻzbekiston Respublikasi Hukumati bilan Qozogʻiston Respublikasi Hukumati oʻrtasida 2001-yil 16-noyabrda Ostona shahrida imzolangan hukumat aloqalari sohasida hamkorlik toʻgʻrisida Bitim;

Oʻzbekiston Respublikasi Hukumati bilan Qozogʻiston Respublikasi Hukumati oʻrtasida 2001-yil 16-noyabrda Ostona shahrida imzolangan oʻzbek-qozoq davlat chegarasi orqali oʻtkazish punktlari toʻgʻrisida Bitim.

2. Tashqi ishlar vazirligi mazkur xalqaro shartnomalarning kuchga kirishi uchun zarur boʻlgan davlat ichki tartib-taomillari bajarilganligi tegishli bildirishnomani yuborsin.

3. Oʻzbekiston Respublikasi Bosh vazirining oʻrinbosarlari hamda tegishli vazirlik va idoralarning rahbarlari ushbu xalqaro shartnomalar kuchga kirgandan keyin belgilangan tartibda Oʻzbeksiton Respublikasining majburiyatlari amalga oshirilishi ustidan nazoratni taʼminlasin.

4. Mazkur qarorning ijrosini nazorat qilish Oʻzbekiston Respublikasining Bosh vazirining oʻrinbosari E.M. Gʻaniyev zimmasiga yuklansin.