Oʻzbekiston Respublikasi Prezidentining “Angren” maxsus industrial zonasini barpo etish toʻgʻrisida” 2012-yil 13-apreldagi PF–4436-son Farmoni 10-bandining ijrosini taʼminlash maqsadida:

1. Oʻzbekiston Respublikasi Prezidentining “Ijtimoiy va fuqaro obyektlarini loyihalash va qurishda tegishli tartib oʻrnatish chora-tadbirlari toʻgʻrisida” 2011-yil 27-dekabrdagi PQ–1666-son qarorining 5-bandi quyidagi mazmundagi sakkizinchi xatboshi bilan toʻldirilsin:

“Mazkur bandning kuchi “Angren” maxsus industrial zonasi hududida amalga oshirilayotgan faoliyatga daxldor emas”.

2. Oʻzbekiston Respublikasi Prezidentining “2011 — 2015-yillarda Angren sanoat zonasi ishlab chiqarish imkoniyatlarini rivojlantirishga yoʻnaltirilgan loyihalar amalga oshirilishini nazorat qilish boʻyicha Muvofiqlashtiruvchi guruhni tashkil etish toʻgʻrisida” 2011-yil 4-avgustdagi F–3689-son Farmoyishi oʻz kuchini yoʻqotgan deb hisoblansin.

3. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.