1.07.00.00.00 Moliya va kredit toʻgʻrisidagi qonunchilik. Bank faoliyati / 07.10.09.00 (Кучини йукотган) Boshqa umumdavlat soliqlar / 07.90.00.00 (Кучини йукотган)Umumdavlat soliqlari;
2.09.00.00.00 Tadbirkorlik va xoʻjalik faoliyati / 09.16.00.00 Aloqa / 09.16.05.00 Telefon aloqasi]
Oʻzbekiston aloqa va axborotlashtirish agentligi Oʻzbekiston Respublikasi Moliya vazirligining
Qarori
Mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisidagi Nizomni tasdiqlash haqida
[Oʻzbekiston Respublikasi Adliya vazirligi tomonidan 2012-yil 21-fevralda roʻyxatdan oʻtkazildi, roʻyxat raqami 2329]
Oʻzbekiston Respublikasi Prezidentining 2011-yil 30-dekabrdagi PQ-1675-son “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2011-yil, 52-son, 561-modda) muvofiq, Oʻzbekiston aloqa va axborotlashtirish agentligi va Oʻzbekiston Respublikasi Moliya vazirligi qaror qiladilar:
1. Mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisidagi Nizom ilovaga muvofiq tasdiqlansin.
2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.
Oʻzbekiston aloqa va axborotlashtirish agentligi Bosh direktori X. MUXITDINOV
Toshkent sh.,
2012-yil 1-fevral,
2-yu-son
Moliya vaziri R. AZIMOV
Toshkent sh.,
2012-yil 1-fevral,
7-son
Oʻzbekiston aloqa va axborotlashtirish agentligi va Oʻzbekiston Respublikasi Moliya vazirligining 2012-yil 1-fevral 2-yu-son, 7-son qaroriga ILOVA
Mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisida
nizom
Mazkur Nizom Oʻzbekiston Respublikasi Prezidentining 2011-yil 30-dekabrdagi PQ-1675-son “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2011-yil, 52-son, 561-modda) muvofiq mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibini belgilaydi.
1. Oʻzbekiston Respublikasi Prezidentining 2011-yil 30-dekabrdagi PQ-1675-son “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq 2012-yil 1-yanvardan mobil aloqa xizmatlarini koʻrsatuvchi yuridik shaxslar (uyali aloqa kompaniyalari) abonent raqamidan foydalanganlik uchun toʻlovni (bundan buyon matnda toʻlov deb yuritiladi) mazkur Nizomda belgilangan tartibda toʻlaydilar.
2. Mazkur Nizomda quyidagi asosiy tushunchalar qoʻllaniladi:
abonent raqami — abonentga mobil aloqa xizmatlarini koʻrsatish toʻgʻrisidagi shartnomaning amal qilish davrida uyali aloqa kompaniyasi tomonidan ajratiladigan raqam;
mobil aloqa abonenti — uyali aloqa kompaniyasi bilan mobil aloqa xizmatlarini koʻrsatish toʻgʻrisidagi shartnomani tuzgan jismoniy yoki yuridik shaxs;
mobil aloqa xizmatlari — mobil aloqa tarmoqlari orqali signallarni va axborotning boshqa turlarini qabul qilish, uzatish, ularga ishlov berish boʻyicha mobil aloqa operatori faoliyatining mahsuloti.
5. Toʻlov miqdori Oʻzbekiston Respublikasi Prezidentining qarori bilan belgilanadi.
6. Toʻlov har bir abonent raqami uchun amalga oshiriladi. Abonent raqamlarining soni toʻlov amalga oshiriladigan oyning oxirgi sanasi holatiga koʻra aniqlanadi.
Litsenziyaning amal qilishi bekor qilingan, toʻxtatib turilgan yoki tugatilgan holatda toʻlov hisobot davrida mobil aloqa xizmatlari taqdim etilgan oxirgi kunga abonentlar sonidan kelib chiqqan holda ushbu hisobot davridagi haqiqiy ish vaqtiga mutanosib ravishda hisoblanadi.
(6-band Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2013-yil 12-dekabrdagi 63-mh, 113-sonli qaroriga (roʻyxat raqami 2329-1, 19.12.2013-y.) asosan xatboshi bilan toʻldirilgan — OʻR QHT, 2013-y., 51-son, 676-modda)
7. Abonent raqamidan foydalanganlik uchun toʻlov summasi yuridik shaxslarning foyda soligʻi boʻyicha soliq solinadigan foydani aniqlashda Oʻzbekiston Respublikasi Soliq kodeksining (Oʻzbekiston Respublikasi qonun hujjatlari toʻplami, 2007-y., 52 (I)-son 145-moddasiga muvofiq chegirib tashlanadi.
9. Toʻlovning hisob-kitobi (bundan keyin matnda Hisob-kitob deb yuritiladi) Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasiga har oyda (oʻsib bormaydigan yakun boʻyicha) mazkur Nizomning 1-ilovasiga muvofiq shakl boʻyicha hisobot oyidan keyingi oyning 10-sanasidan kechiktirmay toʻlovchi (kompaniyaning bosh tashkiloti) tomonidan taqdim etiladi.
(9-band Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2013-yil 12-dekabrdagi 63-mh, 113-sonli qarori (roʻyxat raqami 2329-1, 19.12.2013-y.) tahririda — OʻR QHT, 2013-y., 51-son, 676-modda)
11. Toʻlov summasi Davlat budjeti va Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi qoshidagi Axborot-kommunikatsiya texnologiyalarini rivojlantirish jamgʻarmasi oʻrtasida Oʻzbekiston Respublikasi Prezidentining qarori bilan belgilangan normativlar boʻyicha taqsimlanadi.
(11-band Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2014-yil 29-dekabrdagi 93-mh, 89-sonli qarori (roʻyxat raqami 2329-2, 05.01.2015-y.) tahririda — OʻR QHT, 2015-y., 1-son, 11-modda)
111. Hisobot oyi uchun toʻlov summasi 23411 yagona hisob raqamiga kelib tushadi va toʻplanadi hamda Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi tomonidan hisobot oyidan keyingi oyning 15-sanasidan kechiktirmay vakolatli bankka toʻlov hujjatlarini taqdim etish yoʻli bilan taqsimlanadi.
Toʻlov summasining Oʻzbekiston Respublikasi Davlat budjetiga yoʻnaltiriladigan qismi abonentning roʻyxatga olingan joyiga qarab tegishli Qoraqalpogʻiston Respublikasi budjetlari va viloyatlarning mahalliy budjetlariga oʻtkaziladi.
Toʻlov summasining Oʻzbekiston Respublikasi Davlat budjetiga yoʻnaltiriladigan qismi tegishli davlat soliq inspeksiyalariga xizmat koʻrsatuvchi bank muassasalarida ochilgan balans hisob raqami 23402 boʻlgan tegishli tranzit daromad hisob raqamlariga oʻtkaziladi.
(111-band Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2014-yil 29-dekabrdagi 93-mh, 89-sonli qaroriga (roʻyxat raqami 2329-2, 05.01.2015-y.) asosan kiritilgan — OʻR QHT, 2015-y., 1-son, 11-modda)
12. Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi qoshidagi Axborot-kommunikatsiya texnologiyalarini rivojlantirish jamgʻarmasiga toʻlovdan kelib tushgan mablagʻlardan qonun hujjatlarida belgilangan tartibda investitsiya dasturlarini moliyalashtirish uchun qatʼiy foydalaniladi.
(12-band Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2013-yil 12-dekabrdagi 63-mh, 113-sonli qarori (roʻyxat raqami 2329-1, 19.12.2013-y.) tahririda — OʻR QHT, 2013-y., 51-son, 676-modda)
13. Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi abonent raqamidan foydalanganlik uchun toʻlovning hisoblangan va toʻlangan summalari toʻgʻrisidagi yigʻma axborotni har oyda hisobot oyidan keyingi oyning 15-sanasidan kechiktirmay mazkur Nizomning 2-ilovasida keltirilgan shakl boʻyicha Oʻzbekiston Respublikasi Moliya vazirligiga taqdim etadi.
(13-band Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2013-yil 12-dekabrdagi 63-mh, 113-sonli qarori (roʻyxat raqami 2329-1, 19.12.2013-y.) tahririda — OʻR QHT, 2013-y., 51-son, 676-modda)
15. Toʻlovni oʻz vaqtida amalga oshirmaganlik uchun qonun hujjatlarida belgilangan miqdorda Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi tomonidan penya hisoblanadi hamda toʻliq miqdorda Davlat budjetiga undiriladi.
(15-band Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2013-yil 12-dekabrdagi 63-mh, 113-sonli qarori (roʻyxat raqami 2329-1, 19.12.2013-y.) tahririda — OʻR QHT, 2013-y., 51-son, 676-modda)
16. Davlat soliq xizmati organlari soliq tekshiruvlarini oʻtkazish davomida abonent raqamlarining miqdorini kamaytirish holatlari aniqlanganda ularning haqiqiy miqdoridan kelib chiqqan holda qoʻshimcha toʻlov va penya hisoblashga haqli.
VI. Yakuniy qoida
17. Mazkur Nizom Oʻzbekiston Respublikasi Davlat soliq qoʻmitasi bilan kelishilgan.
Davlat soliq qoʻmitasi raisi B. Parpiyev
2012-yil 25-yanvar
Mobil aloqa xizmatlarini koʻrsatadigan yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovni hisoblash va toʻlash tartibi toʻgʻrisidagi nizomga 1-ILOVA
20___ yil ____________ oyi uchun abonent raqamidan foydalanganlik uchun TOʻLOV HISOB-KITOBI
Roʻyxatdan oʻtkazilgan joy (manzil) boʻyicha abonent raqamlarining soni (birl.)*
Belgilangan toʻlov miqdori (soʻm)
Toʻlov summasi (ming soʻm)
Jami
shu jumladan:
Qoraqalpogʻiston Respublikasi
Andijon viloyati
Buxoro viloyati
Jizzax viloyati
Qashqadaryo viloyati
Navoiy viloyati
Namangan viloyati
Samarqand viloyati
Surxondaryo viloyati
Sirdaryo viloyati
Toshkent viloyati
Fargʻona viloyati
Xorazm viloyati
Toshkent shahar
* Abonent raqamlarining soni toʻlov amalga oshiriladigan oyning oxirgi sanasi holatiga koʻra aniqlanadi.
Rahbar
____________________________
(imzo)
Bosh buxgalter
____________________________
(imzo)
M.Oʻ.
(1-ilova Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2014-yil 29-dekabrdagi 93-mh, 89-sonli qarori (roʻyxat raqami 2329-2, 05.01.2015-y.) tahririda — OʻR QHT, 2015-y., 1-son, 11-modda)
Mobil aloqa xizmatlarini koʻrsatadigan yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovni hisoblash va toʻlash tartibi toʻgʻrisidagi nizomga 2-ILOVA
20___ yil _______________ oyi uchun abonent raqamidan foydalanganlik uchun toʻlovning hisoblangan va toʻlangan summalari toʻgʻrisida YIGʻMA AXBOROT
T/r
Regionlar nomi
Yuridik shaxsning nomi
Yuridik shaxsning nomi
Abonent raqamlarining soni (birl.)
Toʻlov summasi (ming soʻm.)
Abonent raqamlarining soni (birl.)
Toʻlov summasi (ming soʻm.)
hisoblangan
Haqiqatan toʻlangan
hisoblangan
Haqiqatan toʻlangan
Jami
shu jumladan:
Qoraqalpogʻiston Respublikasi
Andijon viloyati
Buxoro viloyati
Jizzax viloyati
Qashqadaryo viloyati
Navoiy viloyati
Namangan viloyati
Samarqand viloyati
Surxondaryo viloyati
Sirdaryo viloyati
Toshkent viloyati
Fargʻona viloyati
Xorazm viloyati
Toshkent shahar
Rahbar
_________________________________
(imzo)
M.Oʻ.
(2-ilova Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi va Moliya vazirligining 2014-yil 29-dekabrdagi 93-mh, 89-sonli qarori (roʻyxat raqami 2329-2, 05.01.2015-y.) tahririda — OʻR QHT, 2015-y., 1-son, 11-modda)
(Oʻzbekiston Respublikasi qonun hujjatlari toʻplami, 2012-y., 8-9-son, 89-modda; 2013-y., 51-son, 676-modda; 2015-y., 1-son, 11-modda; 19-son 246-modda; 2017-y., 30-son, 762-modda; Qonunchilik maʼlumotlari milliy bazasi, 08.11.2017-y., 10/17/2329-5/0223-son; 10.01.2020-y., 10/20/2329-6/0044-son; 10.05.2021-y., 10/21/2329-7/0448-son; Qonunchilik maʼlumotlari milliy bazasi, 30.11.2021-y., 10/21/3338/1117-son; 24.07.2023-y., 10/23/2329-8/0515-son; 16.02.2026-y., 10/26/2329-9/0141-son)
