2309-сон 09.01.2012. Kassir-operatsiyachining nazorat-kassa daftari shakli va uni toʻldirish tartibini tasdiqlash toʻgʻrisida

Hujjat 26.02.2012 sanasi holatiga
Amaldagi versiyaga o‘tish

Oʻzbekiston Respublikasi Davlat soliq qoʻmitasining

Qarori

Oldingi tahrirga qarang.

Kassir-operatsiyachining nazorat-kassa daftari shakli va uni toʻldirish tartibini tasdiqlash toʻgʻrisida

(nomi Oʻzbekiston Respublikasi Davlat soliq qoʻmitasining 2012-yil 24-yanvardagi 2012-3-sonli qarori (roʻyxat raqami 2309-1, 16.02.2012-y.) tahririda — OʻR QHT, 2012-y., 7-son, 73-modda)

[Oʻzbekiston Respublikasi Adliya vazirligi tomonidan 2012-yil 9-yanvarda 2309-son bilan davlat roʻyxatidan oʻtkazilgan]

Oʻzbekiston Respublikasi “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisi Axborotnomasi, 1997-y., 9-son, 232-modda) 7-moddasiga hamda Oʻzbekiston Respublikasi Vazirlar Mahkamasining 2011-yil 17-noyabrdagi 306-son qarori (Oʻzbekiston Respublikasi qonun hujjatlari toʻplami, 2011-y., 47-son, 488-modda) bilan tasdiqlangan Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomning 17-bandiga muvofiq, Oʻzbekiston Respublikasi Davlat soliq qoʻmitasi qaror qiladi:

Oldingi tahrirga qarang.

1. Quyidagilar:

Kassir-operatsiyachining nazorat-kassa daftarining shakli 1-ilovaga muvofiq;

Kassir-operatsiyachining nazorat-kassa daftarini toʻldirish tartibi toʻgʻrisidagi nizom 2-ilovaga muvofiq tasdiqlansin.

(1-band Oʻzbekiston Respublikasi Davlat soliq qoʻmitasining 2012-yil 24-yanvardagi 2012-3-sonli qarori (roʻyxat raqami 2309-1, 16.02.2012-y.) tahririda — OʻR QHT, 2012-y., 7-son, 73-modda)

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgach kuchga kiradi.

Rais B. PARPIYEV

Toshkent sh.,

2011-yil 14-dekabr,

2011-40-son

Oldingi tahrirga qarang.

Oʻzbekiston Respublikasi Davlat soliq qoʻmitasining 2011-yil 14-dekabrdagi 2011-40-son qaroriga
1-ILOVA

‎KASSIR-OPERATSIYACHINING NAZORAT-KASSA DAFTARI ‎
Xoʻjalik yurituvchi subyektning nomi va STIR ______________________________________________________‎_‎
‎‎_________________________________________________________________________________________
‎‎Nazorat-kassa mashinasi oʻrnatilgan shoxobcha manzili _________________________________________________________
‎‎_________________________________________________________________________________________
‎‎‎Xoʻjalik yurituvchi subyektning faoliyat turi ________________________________________________________
‎‎‎Nazorat-kassa mashinasining rusumi ___________________________ zavod raqami _________________________
‎‎‎Nazorat-kassa mashinasi ishlab chiqarilgan sana ____________ dasturiy mahsuloti (versiyasi) ___________________
‎‎Nazorat-kassa mashinasini davlat soliq inspeksiyasida roʻyxatga olish raqami ______________ sanasi _____________
‎‎‎“Oʻzstandart” agentligi tomonidan nazorat-kassa mashinasiga berilgan muvofiqlik
sertifikati raqami ___________________________________ berilgan sana ____________________________‎‎
‎‎‎Nazorat-kassa mashinasiga texnik xizmat koʻrsatuvchi va taʼmirlovchi tashkilot
nomi_____________________________________________________________________________________
‎	^{(mexanikning F.I.O. va tel. raqami)‎}	‎‎

‎‎Nazorat-kassa mashinasi raqami					__________________________________________
‎	‎	‎	^{‎(zavod raqami koʻrsatiladi)}							‎	‎
Sana (smena)	‎‏Kassir-operatsiyachining familiyasi, ismi, otasining ismi	“Z” hisobotining tartib raqami	Naqd pul tushumi koʻrsatkichi (oʻsib boruvchi tartibda) ‎‎		Ish kuni (smena) yakuni boʻyicha nazorat-kassa mashinasi koʻrsatkichi‎‏	Ish kuni (smena) davomida bankka topshirilgan naqd pul tushumi‎‎			Ish kuni (smena) oxiriga qoldiq summa‎‏	Imzolar‎‎
Sana (smena)	‎‏Kassir-operatsiyachining familiyasi, ismi, otasining ismi	“Z” hisobotining tartib raqami	ish kuni (smena) boshiga‎	ish kuni (smena) oxiriga‎		jami‎	inkassatsiyagacha boʻlgan tushum‎	oldingi ish kunidan qoldiq summa ‎	Ish kuni (smena) oxiriga qoldiq summa‎‏	kassir-operatsiyachining	yozuvning toʻgʻriligini tasdiqlovchi masʼul shaxsning
1‎	2‎	3‎	4‎	5(4+6)‎	6‎	7+(8+9)‎	8‎	9‎	10(6-8)‎	11‎	12‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎	‎	‎

(1-ilova Oʻzbekiston Respublikasi Davlat soliq qoʻmitasining 2012-yil 24-yanvardagi 2012-3-sonli qarori (roʻyxat raqami 2309-1, 16.02.2012-y.) tahririda — OʻR QHT, 2012-y., 7-son, 73-modda)

Keyingi tahrirga qarang.

Oldingi tahrirga qarang.

Oʻzbekiston Respublikasi Davlat soliq qoʻmitasining 2011-yil 14-dekabrdagi 2011-40-son qaroriga
2-ILOVA

Kassir-operatsiyachining nazorat-kassa daftarini toʻldirish tartibi toʻgʻrisidagi

Nizom

Mazkur Nizom Oʻzbekiston Respublikasi Vazirlar Mahkamasining 2011-yil 17-noyabrdagi “Fiskal xotiraga ega boʻlgan nazorat-kassa mashinalarining qoʻllanishini yanada takomillashtirishga doir qoʻshimcha chora-tadbirlar toʻgʻrisida”gi 306-sonli qaroriga (Oʻzbekiston Respublikasi qonun hujjatlari toʻplami, 2011-y., 47-son, 488-modda) muvofiq, kassir-operatsiyachining nazorat-kassa daftarini toʻldirish tartibini belgilaydi.

I. Umumiy qoidalar

1. Kassir-operatsiyachining nazorat-kassa daftari (bundan keyingi oʻrinlarda daftar deb yuritiladi) — ish kuni (smena) davomida fiskal xotiraga ega boʻlgan nazorat-kassa mashinasi xotirasiga kiritilgan va bank kassalariga topshirilgan hamda ish kuni oxiriga naqd pul tushumining qoldigʻi toʻgʻrisidagi maʼlumotlar yozib qoʻyiladigan maxsus daftardir.

Keyingi tahrirga qarang.

2. Daftar fiskal xotiraga ega boʻlgan nazorat-kassa mashinalaridan foydalanib, aholi bilan naqd pulli hisob-kitob qiluvchi yuridik shaxslar va yakka tartibdagi tadbirkorlar (bundan keyingi oʻrinlarda xoʻjalik yurituvchi subyektlar deb yuritiladi) tomonidan majburiy tartibda toʻldiriladi.

Keyingi tahrirga qarang.

3. Daftar xoʻjalik yurituvchi subyektlarda soliq tekshiruvlarini oʻtkazish jarayonida tekshiruvni oʻtkazayotgan mansabdor shaxslarga taqdim etilishi lozim.

II. Daftarga naqd pul tushumlari haqidagi yozuvlarni kiritish

4. 1-ustunda ish kuni (smena) sanasi (kun, oy, yil) koʻrsatiladi.

5. 2-ustunda kassir-operatsiyachining familiyasi, ismi, otasining ismi koʻrsatiladi.

6. 3-ustunda fiskal xotiraga ega boʻlgan nazorat-kassa mashinasining ish kuni (smena) yakunida olinadigan “Z” hisobotining tartib raqami koʻrsatiladi.

Keyingi tahrirga qarang.

7. 4-ustunda joriy ish kuni (smena) boshiga (oldingi ish kuni (smena) oxiriga yaʼni 5-ustundagi) naqd pul tushumi koʻrsatkichi oʻsib boruvchi tartibida koʻrsatiladi.

8. 5-ustunda joriy ish kuni (smena) oxiriga naqd pul tushumi koʻrsatkichi oʻsib boruvchi tartibida (4 va 6-ustunlarning yigʻindisi) koʻrsatiladi.

9. 6-ustunda joriy ish kuni (smena) yakuni boʻyicha fiskal xotiraga ega boʻlgan nazorat-kassa mashinasi (xotirasiga kiritilgan naqd pul) koʻrsatkichi koʻrsatiladi.

Keyingi tahrirga qarang.

10. 7-ustunda joriy ish kuni (smena) davomida bankka topshirilgan naqd pul tushumining jami summasi (8 va 9-ustunlar yigʻindisi) koʻrsatiladi.

11. 8-ustunda joriy ish kuni (smena) davomida bankka topshirilgan — inkassatsiyagacha boʻlgan naqd pul tushumi summasi koʻrsatiladi.

12. 9-ustunda oldingi ish kunidan qoldiq boʻlib oʻtgan naqd pul tushumi summasi koʻrsatiladi.

13. 10-ustunda joriy ish kuni (smena) oxiriga naqd pul tushumining qoldiq summasi (6-ustundan 8-ustun ayirmasi) koʻrsatiladi.

14. Kassir-operatsiyachi daftarning 1—10-ustunlarini toʻldirib, 11-ustunga imzo qoʻyadi.

15. Xoʻjalik yurituvchi subyekt rahbari yoki rahbar tomonidan biriktirilgan masʼul shaxs daftarning 1—11-ustunlariga kiritilgan maʼlumotlarni tekshirib koʻrib, ularning toʻgʻriligini tasdiqlash uchun 12-ustunga imzo qoʻyadi.

16. Daftar toʻlgan (yoʻqolgan) holatlarda xoʻjalik yurituvchi subyekt nazorat-kassa mashinasi roʻyxatdan oʻtgan davlat soliq xizmati organiga yozma murojaat qiladi va daftarni toʻldirish ushbu Nizomning 6-bandiga muvofiq davom ettiriladi.

Keyingi tahrirga qarang.

III. Yakuniy qoida

17. Daftarning hisobi davlat soliq xizmati organlari tomonidan yuritiladi.

(2-ilova Oʻzbekiston Respublikasi Davlat soliq qoʻmitasining 2012-yil 24-yanvardagi 2012-3-sonli qaroriga (roʻyxat raqami 2309-1, 16.02.2012-y.) asosan kiritilgan — OʻR QHT, 2012-y., 7-son, 73-modda)

(Oʻzbekiston Respublikasi qonun hujjatlari toʻplami, 2012-y., 2-son, 19-modda; 7-son, 73-modda; Qonunchilik maʼlumotlari milliy bazasi, 30.08.2024-y., 10/24/2309-2/0675-son; 13.04.2026-y., 10/26/3812/0344-son)