|
Hujjat kuchini yo‘qotgan 26.11.2025
|
O‘zbekiston Respublikasi Prezidentining
Farmoni
O‘ZBEKISTON RESPUBLIKASINING HAVO FLOTI KUNINI BELGILASH TO‘G‘RISIDA
LexUZ sharhiMazkur qaror O‘zbekiston Respublikasi Prezidentining 2025-yil 25-noyabrdagi PF-231-sonli “Qonunchilikdagi huquqiy bo‘shliqlarni bartaraf etish va tartibga solish yukini kamaytirish to‘g‘risida”gi Farmoniga asosan o‘z kuchini yo‘qotgan.
Mamlakat qudratini va iqtisodiyotini mustahkamlashda, xalqaro va ichki qatnovni ta’minlashda Havo Flotining muhim ahamiyatini e’tiborga olib, Toshkent aviatsiya ishlab chiqarish birlashmasi, “O‘zbekiston havo yo‘llari” Milliy aviakompaniyasi ko‘p ming kishilik jamoalarining, Harbiy Havo Kuchlari harbiy xizmatchilarining va o‘quv yurtlari professor-o‘qituvchilar tarkibining aviatsiyani, aviatsiya sanoatini rivojlantirishga hamda kadrlar tayyorlashga qo‘shgan hissasini nazarda tutib:
1. Avgust oyining uchinchi yakshanbasi “O‘zbekiston Respublikasining Havo Floti Kuni” etib belgilansin.
2. O‘zbekiston Respublikasi Konstitutsiyasining 82-moddasiga muvofiq ushbu masala O‘zbekiston Respublikasi Oliy Majlisiga kiritilsin.
LexUZ sharhiQarang: O‘zbekiston Respublikasining “O‘zbekiston Respublikasi Havo Floti kunini belgilash to‘g‘risida”gi Qonuni.
O‘zbekiston Respublikasining Prezidenti I. KARIMOV
Toshkent sh.,
1995-yil 21-iyul,
PF-1206-son
(O‘zbekiston Respublikasi Oliy Majlisining Axborotnomasi, 1995-y., 7-8-son, 161-modda)
