Bolalar toʻgʻrisida davlat gʻamxoʻrligini koʻchaytirish maqsadida:

1. 1996-yilning 1-yanvaridan boshlab 16 yoshgacha bolalari boʻlgan barcha oilalarga beriladigan har oylik nafaqalar koʻpaytirilib, bu nafaqalar bolalarning soniga qarab quyidagi miqdorda belgilansin:

— bir bolali oilalarga — eng oz ish haqining 30 foizi;

— ikki bolali oilalarga — eng oz ish haqining 60 foizi;

— uch bolali oilalarga — eng oz ish haqining 80 foizi;

— toʻrt bolali oilalarga — eng oz ish haqining 100 foizi;

— besh va undan koʻproq bolali oilalarga — eng oz ish haqining 120 foizi.

2. Bolali oilalarga nafaqalar oshirilishi bilan bogʻliq xarajatlar respublikaning davlat budjeti hisobidan qoplansin.

3. Oʻzbekiston Respublikasi Prezidentining “Bolali oilalarga davlatning ijtimoiy yordamini kuchaytirish toʻgʻrisida” 1995-yil 27-martdagi Farmonining 1-bandi 1996-yil 1-yanvardan oʻz kuchini yoʻqotgan deb hisoblansin.

4. Mazkur Farmonning bajarilishini nazorat qilish Oʻzbekiston Respublikasi Vazirlar Mahkamasining zimmasiga yuklansin.